35. 一莲花品
35. Ekapadumiyavaggo
譬喻经(上) · 160 段
1. 伊迦巴杜米亚长老譬喻
1. Ekapadumiyattheraapadānaṃ
1“名为莲华上的胜者，已至一切法的彼岸；
于诸有中开示，度脱了众多众生。
2昔我身为鹅中王，于诸鸟中称最胜；
入彼天然之湖池，嬉戏游于鹅之戏。
3“莲华上佛，世间解，诸供养之受纳者；
尔时胜者降临，临于天然湖沼之上。
4“我见到了天中天、自生者、世间导师；
我从莲茎折下那朵百瓣悦意的莲花。
5“以喙衔起，对世间导师满怀净信；
举向空中，我供养最胜佛。
6“莲华上佛，世间解，诸供养之受纳者；
导师立于虚空之中，对我随喜。
7“‘以此一朵莲花，与此思愿；
十万劫中，你不堕恶趣。’
8“作如是说已，正自觉者、名为水生最胜者；”
称扬我所行之业后，便往所愿之处而去。
9十万劫来所修诸业，未曾令我堕于恶趣；
我不曾经历恶趣，这是供养佛陀的果报。
10“四无碍解，及八解脱；
六神通已亲证，佛陀之教已奉行。”
‘‘Padumuttaro nāma jino, sabbadhammāna pāragū; Bhavābhave vibhāvento, tāresi janataṃ bahuṃ. ‘‘Haṃsarājā tadā homi, dijānaṃ pavaro ahaṃ; Jātassaraṃ samogayha, kīḷāmi haṃsakīḷitaṃ. ‘‘Padumuttaro lokavidū, āhutīnaṃ paṭiggaho; Jātassarassa upari, āgacchi tāvade jino. ‘‘Disvānahaṃ devadevaṃ, sayambhuṃ lokanāyakaṃ; Vaṇṭe chetvāna padumaṃ, satapattaṃ manoramaṃ. ‘‘Mukhatuṇḍena paggayha, pasanno lokanāyake ; Ukkhipitvāna gagaṇe , buddhaseṭṭhaṃ apūjayiṃ. ‘‘Padumuttaro lokavidū, āhutīnaṃ paṭiggaho; Antalikkhe ṭhito satthā, akā me anumodanaṃ. ‘‘‘Iminā ekapadumena, cetanāpaṇidhīhi ca; Kappānaṃ satasahassaṃ, vinipātaṃ na gacchasi’. ‘‘Idaṃ vatvāna sambuddho, jalajuttamanāmako; Mama kammaṃ pakittetvā, agamā yena patthitaṃ. ‘‘Satasahassito kappe, yaṃ kammamakariṃ tadā; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṃ buddhassa sāsanaṃ’’.
据说，具寿一莲华长老如是宣说了这些偈颂。
Itthaṃ sudaṃ āyasmā ekapadumiyo thero imā gāthāyo abhāsitthāti.
2. 三青莲花鬘长老譬喻
2. Tīṇuppalamāliyattheraapadānaṃ
11“那时，在强达巴嘎河岸边，我是一只猴子；
我见到了离尘的佛陀，安坐于山间。
12“他照耀一切方向，犹如盛开的娑罗王树；
见到具足相好庄严之人，我心生欢喜。
13心怀欢跃，意悦神怡，喜乐遍满胸臆；
三朵青莲，我高举奉置顶上。
16“以此善作之业，以及思与誓愿，
舍弃人身之后，我往生三十三天。
18“九十一劫前，我以花作供养，
我不曾经历恶趣，这是供养佛陀的果报。
19“四无碍解……（中略）……佛陀之教已奉行。”
‘‘Candabhāgānadītīre , ahosiṃ vānaro tadā; Addasaṃ virajaṃ buddhaṃ, nisinnaṃ pabbatantare. ‘‘Obhāsentaṃ disā sabbā, sālarājaṃva phullitaṃ; Lakkhaṇabyañjanūpetaṃ, disvā attamano ahuṃ. ‘‘Udaggacitto sumano, pītiyā haṭṭhamānaso; Tīṇi uppalapupphāni, matthake abhiropayiṃ. ‘‘Pupphāni abhiropetvā, vipassissa mahesino; Sagāravo bhavitvāna , pakkāmiṃ uttarāmukho. ‘‘Gacchanto paṭikuṭiko, vippasannena cetasā; Selantare patitvāna , pāpuṇiṃ jīvitakkhayaṃ. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ , tāvatiṃsamagacchahaṃ. ‘‘Satānaṃ tīṇikkhattuñca, devarajjaṃ akārayiṃ; Satānaṃ pañcakkhattuñca, cakkavattī ahosahaṃ. ‘‘Ekanavutito kappe, yaṃ pupphamabhipūjayiṃ; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说具寿提努巴喇马利亚长老宣说了这些偈颂。
Itthaṃ sudaṃ āyasmā tīṇuppalamāliyo thero imā gāthāyo abhāsitthāti.
3. 幢施长老譬喻
3. Dhajadāyakattheraapadānaṃ
20“有位名为提舍的导师，世间最胜，人中最上之雄；
见三有灭尽，我竖起幢旗。
21“以此善作之业，以及思与誓愿，
舍弃人身之后，我往生三十三天。
23“地方王权广大，其数不可计量；
我受用自己往昔所造的善业。
24“九十二劫以前，我那时所造下的业，
我不曾受生于恶趣，这是施旗的果报。
25“今日我若愿意，连同其林与群山，
便以亚麻布覆盖——那时，便是我所作业的果报。
26“四无碍解……（中略）……佛陀之教已奉行。”
‘‘Tisso nāma ahu satthā, lokajeṭṭho narāsabho; Tayopadhikkhaye disvā, dhajaṃ āropitaṃ mayā. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Satānaṃ tīṇikkhattuñca, devarajjaṃ akārayiṃ; Satānaṃ pañcakkhattuñca, cakkavattī ahosahaṃ. ‘‘Padesarajjaṃ vipulaṃ, gaṇanāto asaṅkhiyaṃ; Anubhomi sakaṃ kammaṃ, pubbe sukatamattano. ‘‘Dvenavute ito kappe, yaṃ kammamakariṃ tadā; Duggatiṃ nābhijānāmi, dhajadānassidaṃ phalaṃ. ‘‘Icchamāno cahaṃ ajja, sakānanaṃ sapabbataṃ; Khomadussena chādeyyaṃ, tadā mayhaṃ kate phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿幢施长老宣说这些偈颂。
Itthaṃ sudaṃ āyasmā dhajadāyako thero imā gāthāyo abhāsitthāti.
4. 提金咖尼普迦咖长老譬喻
4. Tikiṅkaṇipūjakattheraapadānaṃ
27“在雪山不远处，有一座名叫众生聚的山。
在那里，我看见一件尘堆衣，挂在树梢。
28“那时，我采下三朵金嘎尼花，
我满怀欢喜，以欢喜心供养了粪扫衣。
29“三十一劫前，我造作了那个业；
我不见有恶趣，这便是三朵花的果报。
30“四无碍解……（中略）……佛陀之教已奉行。”
‘‘Himavantassāvidūre, bhūtagaṇo nāma pabbato; Tatthaddasaṃ paṃsukūlaṃ, dumaggamhi vilaggitaṃ. ‘‘Tīṇi kiṅkaṇipupphāni, ocinitvānahaṃ tadā; Haṭṭho haṭṭhena cittena, paṃsukūlaṃ apūjayiṃ. ‘‘Ekattiṃse ito kappe, yaṃ kammamakariṃ tadā; Duggatiṃ nābhijānāmi, tiṇṇaṃ pupphānidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说尊者提金咖尼普迦咖长老宣说了这些偈颂。
Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.
5. 苇屋长老譬喻
5. Naḷāgārikattheraapadānaṃ
31“雪山不远处，有座名为哈利答的山；
自生者那罗陀，那时住在树下。
32“我用芦苇搭起屋舍，再以茅草覆盖其上；
将经行处清扫干净后，我把它供养给了自觉者。
33“在那十四劫之中，我于天界受乐享受；
我曾七十四次为天王。
34“我曾七十四次为转轮王；
地方王权广大，其数不可计量；
35“我的殿堂高耸，犹如因陀罗柱矗立；
千柱无比的天宫，自体光明照耀；
36“受用二种成就，为白净根所策励；
我在乔达摩世尊的教法中出家。
37“我精进策励，寂静而无依，
如龙象断除系缚，我安住于无漏。
38“四无碍解……（中略）……佛陀之教已奉行。”
‘‘Himavantassāvidūre , hārito nāma pabbato; Sayambhū nārado nāma, rukkhamūle vasī tadā. ‘‘Naḷāgāraṃ karitvāna, tiṇena chādayiṃ ahaṃ; Caṅkamaṃ sodhayitvāna, sayambhussa adāsahaṃ. ‘‘Catuddasasu kappesu, devaloke ramiṃ ahaṃ; Catusattatikkhattuñca, devarajjaṃ akārayiṃ. ‘‘Catusattati kkhattuñca , cakkavattī ahosahaṃ; Padesarajjaṃ vipulaṃ, gaṇanāto asaṅkhiyaṃ. ‘‘Ubbiddhaṃ bhavanaṃ mayhaṃ, indalaṭṭhīva uggataṃ; Sahassathambhaṃ atulaṃ, vimānaṃ sapabhassaraṃ. ‘‘Dve sampattī anubhotvā, sukkamūlena codito; Gotamassa bhagavato, sāsane pabbajiṃ ahaṃ. ‘‘Padhānapahitattomhi , upasanto nirūpadhi; Nāgova bandhanaṃ chetvā, viharāmi anāsavo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿苇屋长老宣说了这些偈颂。
Itthaṃ sudaṃ āyasmā naḷāgāriko thero imā gāthāyo abhāsitthāti.
6. 瞻波迦花长老譬喻
6. Campakapupphiyattheraapadānaṃ
39“于雪山不远处，有座名为阇巴罗的山；”
有位名为善见的佛陀，曾安住于山间。
40“我手持金色之花，自空中行去，
我见到了离尘无染的佛陀，他已渡越瀑流，无有诸漏。
41“那时，我以七朵瞻波迦花安放于头顶，
我将它供养给佛陀——那自生者、大仙人。
42“距今三十一劫前，我曾以花供养；
我不曾经历恶趣，这是供养佛陀的果报。
43“四无碍解……（中略）……佛陀之教已奉行。”
‘‘Himavantassāvidūre, jāpalo nāma pabbato; Buddho sudassano nāma, vihāsi pabbatantare. ‘‘Pupphaṃ hemavantaṃ gayha, gacchaṃ vehāyasenahaṃ; Addasaṃ virajaṃ buddhaṃ, oghatiṇṇamanāsavaṃ. ‘‘Satta campakapupphāni, sīse katvānahaṃ tadā; Buddhassa abhiropesiṃ, sayambhussa mahesino. ‘‘Ekattiṃse ito kappe, yaṃ pupphamabhiropayiṃ; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说具寿瞻波迦花长老宣说了这些偈颂。
Itthaṃ sudaṃ āyasmā campakapupphiyo thero imā gāthāyo abhāsitthāti.
7. 莲花供养长老譬喻
7. Padumapūjakattheraapadānaṃ
44“在雪山不远处，有座山名为罗马沙；
佛陀那时也叫做桑巴瓦，住在露天地里。
45“我从住处而出，手持莲花。
手持一日后，我便返回住处。
46“自九十一劫前，我以此花供养。
我不曾经历恶趣，这是供养佛陀的果报。
47“四无碍解……（中略）……佛陀之教已奉行。”
‘‘Himavantassāvidūre , romaso nāma pabbato; Buddhopi sambhavo nāma, abbhokāse vasī tadā. ‘‘Bhavanā nikkhamitvāna, padumaṃ dhārayiṃ ahaṃ; Ekāhaṃ dhārayitvāna, puna bhavanupāgamiṃ. ‘‘Ekanavutito kappe, yaṃ pupphamabhiropayiṃ; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿巴度马普迦咖长老宣说了这些偈颂。
Itthaṃ sudaṃ āyasmā padumapūjako thero imā gāthāyo abhāsitthāti.
第十三诵品
Terasamaṃ bhāṇavāraṃ.
8. 提那目提施者长老譬喻
8. Tiṇamuṭṭhidāyakattheraapadānaṃ
48“离雪山不远处，有座山名叫兰巴咖；
有位名叫优波提舍的正自觉者，正在露地经行。
49“我那时是个猎鹿人，游走在林野密林之间；
我见到那位天中天——自生者、无能胜者。
50尔时我以清净心，虔诚奉施大仙尊；
为令佛陀得安坐，敬献一握青草。
51“供养天中天后，我信心愈加明净；
礼敬正自觉者后，我面朝北方离去。
52我行未几，兽王遽来扑我；
为狮所击，我遂殒命于彼。
53我于无上佛陀、无漏者近前所造之业，
如箭脱弦疾飞，我遂往生天界。
54“那里有庄严的柱，由福业所化现；
它有千节、百旛，旌旗招展，以翠绿宝石制成。
55“光明从它流溢而出，宛如百道光芒升起；
为天女众所围绕，我随愿遍享欲乐。
56“从天界殁后，为善根所策励；
获得人身之后，我证得了漏尽。
57“九十四劫前，我曾布施坐具；
我不见恶趣，这是施草束的果报。
58“四无碍解……（中略）……佛陀之教已奉行。”
‘‘Himavantassāvidūre, lambako nāma pabbato; Upatisso nāma sambuddho, abbhokāsamhi caṅkami. ‘‘Migaluddo tadā āsiṃ, araññe kānane ahaṃ; Disvāna taṃ devadevaṃ, sayambhuṃ aparājitaṃ. ‘‘Vippasannena cittena, tadā tassa mahesino; Nisīdanatthaṃ buddhassa, tiṇamuṭṭhimadāsahaṃ. ‘‘Datvāna devadevassa, bhiyyo cittaṃ pasādayiṃ; Sambuddhaṃ abhivādetvā, pakkāmiṃ uttarāmukho. ‘‘Aciraṃ gatamattaṃ maṃ, migarājā apothayi ; Sīhena pothito santo, tattha kālaṅkato ahaṃ. ‘‘Āsanne me kataṃ kammaṃ, buddhaseṭṭhe anāsave; Sumutto saravegova, devalokaṃ agañchahaṃ. ‘‘Yūpo tattha subho āsi, puññakammābhinimmito; Sahassakaṇḍo satabheṇḍu, dhajālu haritāmayo. ‘‘Pabhā niddhāvate tassa, sataraṃsīva uggato; Ākiṇṇo devakaññāhi, āmodiṃ kāmakāmahaṃ. ‘‘Devalokā cavitvāna, sukkamūlena codito; Āgantvāna manussattaṃ, pattomhi āsavakkhayaṃ. ‘‘Catunnavutito kappe, nisīdanamadāsahaṃ; Duggatiṃ nābhijānāmi, tiṇamuṭṭhiyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，具寿提那目提达亚咖长老如是诵出这些偈颂。
Itthaṃ sudaṃ āyasmā tiṇamuṭṭhidāyako thero imā gāthāyo abhāsitthāti.
9. 丁杜咖果施者长老之譬喻
9. Tindukaphaladāyakattheraapadānaṃ
59“如迦尼咖拉花般璀璨辉耀，坐于山间；
我见到了离尘无染的佛陀，他已渡越瀑流，无有诸漏。
60“见提度咖树挂满果实，我便连果壳一同破开；
我满怀净信与喜悦，以果实供养独觉佛。
61“自从那次供养果实以来，已历经九十一劫；
我不曾经历恶趣，这是布施果实的果报。
62“四无碍解……（中略）……佛陀之教已奉行。”
‘‘Kaṇikāraṃva jotantaṃ, nisinnaṃ pabbatantare; Addasaṃ virajaṃ buddhaṃ, oghatiṇṇamanāsavaṃ. ‘‘Tindukaṃ saphalaṃ disvā, bhinditvāna sakosakaṃ ; Pasannacitto sumano, sayambhussa madāsahaṃ . ‘‘Ekanavutito kappe, yaṃ phalamadadiṃ tadā; Duggatiṃ nābhijānāmi, phaladānassidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿丁杜咖果施者长老说了这些偈颂。
Itthaṃ sudaṃ āyasmā tindukaphaladāyako thero imā gāthāyo abhāsitthāti.
10. 一合掌者长老譬喻
10. Ekañjaliyattheraapadānaṃ
63“那时，名为罗马沙的正自觉者住于河岸边；
我见到离尘的佛陀，犹如放射金色光芒的太阳。
64“如同从熔炉口喷出的火焰，宛如佉陀罗炭一般炽亮；
如药草般闪耀光辉，我合掌礼敬。
65“九十四劫前，我合掌礼敬；
我不见恶趣，这便是合掌的果报。
66“四无碍解……（中略）……佛陀之教已奉行。”
‘‘Romaso nāma sambuddho, nadīkūle vasī tadā; Addasaṃ virajaṃ buddhaṃ, pītaraṃsiṃva bhāṇumaṃ. ‘‘Ukkāmukhapahaṭṭhaṃva , khadiraṅgārasannibhaṃ; Osadhiṃva virocantaṃ, ekañjalimakāsahaṃ. ‘‘Catunnavutito kappe, yaṃ añjalimakāsahaṃ; Duggatiṃ nābhijānāmi, añjaliyā idaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，尊者一合掌长老诵出此诸偈颂。
Itthaṃ sudaṃ āyasmā ekañjaliyo thero imā gāthāyo abhāsitthāti.
巴度米、优波喇玛利、旗、铃、芦苇。
瞻波迦、莲花、一握，还有丁杜咖与一合掌，
此六十六偈颂，为具慧者所结集。
Padumī uppalamālī, dhajo kiṅkaṇikaṃ naḷaṃ ; Campako padumo muṭṭhi, tindukekañjalī tathā; Cha ca saṭṭhi ca gāthāyo, gaṇitāyo vibhāvibhi.
