8. 龙萨马拉品
8. Nāgasamālavaggo
譬喻经(上) · 176 段
1. 龙萨马拉长老譬喻
1. Nāgasamālattheraapadānaṃ
1“我将那朵被遗弃在大路上的阿巴答离花，
安置于尸弃佛、世间亲族者的塔上。
2“距今三十一劫前，我所造作之业，
我不曾知有恶趣，这就是供养塔的果报。
3“距今十五劫前，有位名为普弥的刹帝利，
具足七宝，具大威力的转轮王。
4“四无碍解，及八解脱；
六神通已亲证，佛陀之教已奉行。”
‘‘Apāṭaliṃ ahaṃ pupphaṃ, ujjhitaṃ sumahāpathe; Thūpamhi abhiropesiṃ, sikhino lokabandhuno. ‘‘Ekattiṃse ito kappe, yaṃ kammamakariṃ tadā; Duggatiṃ nābhijānāmi, thūpapūjāyidaṃ phalaṃ. ‘‘Ito pannarase kappe, bhūmiyo nāma khattiyo; Sattaratanasampanno, cakkavattī mahabbalo. ‘‘Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṃ buddhassa sāsanaṃ’’.
如是，具寿龙萨马拉长老宣说了这些偈颂。
Itthaṃ sudaṃ āyasmā nāgasamālo thero imā gāthāyo abhāsitthāti.
2. 足想长老譬喻
2. Padasaññakattheraapadānaṃ
5“见到帝沙太阳族佛所踏的足迹后，
我满心欢喜，以欢喜的心，对那足迹生起了净信。
6“距今九十二劫以前，我获得了那个想，
我不知有恶趣，此即足想之果报。
7“距今七劫前，有位名叫苏美德的刹帝利，
具足七宝，是一位大力的转轮王。
8“四无碍解……（中略）……佛陀之教已奉行。”
‘‘Akkantañca padaṃ disvā, tissassādiccabandhuno; Haṭṭho haṭṭhena cittena, pade cittaṃ pasādayiṃ. ‘‘Dvenavute ito kappe, yaṃ saññamalabhiṃ tadā; Duggatiṃ nābhijānāmi, padasaññāyidaṃ phalaṃ. ‘‘Ito sattamake kappe, sumedho nāma khattiyo; Sattaratanasampanno, cakkavatī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，尊者巴达桑雅咖长老宣说了这些偈颂。
Itthaṃ sudaṃ āyasmā padasaññako thero imā gāthāyo abhāsitthāti.
3. 佛想长老譬喻
3. Buddhasaññakattheraapadānaṃ
9“见导师的粪扫衣，悬于树顶；
于是，我合掌礼敬那尘堆衣。
10“九十二劫前，我曾造作那业；
我不曾知有恶趣，这便是佛随念的果报。
11“第四劫前，有位名叫杜马萨拉的刹帝利；
征服四方，为转轮王，具大威力。
12“四无碍解……（中略）……佛陀之教已奉行。”
‘‘Dumagge paṃsukūlikaṃ, laggaṃ disvāna satthuno; Tato tamañjaliṃ katvā, paṃsukūlaṃ avandahaṃ. ‘‘Dvenavute ito kappe, yaṃ kammamakariṃ tadā; Duggatiṃ nābhijānāmi, buddhasaññāyidaṃ phalaṃ. ‘‘Ito catutthake kappe, dumasārosi khattiyo; Cāturanto vijitāvī, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿佛想长老宣说这些偈颂。
Itthaṃ sudaṃ āyasmā buddhasaññako thero imā gāthāyo abhāsitthāti.
4. 莲根布施长老譬喻
4. Bhisāluvadāyakattheraapadānaṃ
13“进入幽深林野，我便安住于山林之中；”
我见到了毗婆尸佛，应受诸供养者。
14“我供养了莲藕与洗手的水；
“以头礼足后，我便向北方离去。”
15九十一劫之前，我曾布施莲藕；
不堕诸恶趣，此乃福业果报。
16“从今第三劫中，有位名叫比沙的刹帝利；
具足七宝，具大威力的转轮王。
17“四无碍解……（中略）……佛陀之教已奉行。”
‘‘Kānanaṃ vanamogayha, vasāmi vipine ahaṃ; Vipassiṃ addasaṃ buddhaṃ, āhutīnaṃ paṭiggahaṃ. ‘‘Bhisāluvañca pādāsiṃ, udakaṃ hatthadhovanaṃ; Vanditvā sirasā pāde, pakkāmi uttarāmukho. ‘‘Ekanavutito kappe, bhisāluvamadaṃ tadā; Duggatiṃ nābhijānāmi, puññakammassidaṃ phalaṃ. ‘‘Ito tatiyake kappe, bhisasammatakhattiyo; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿比沙卢瓦达亚咖长老宣说了这些偈颂。
Itthaṃ sudaṃ āyasmā bhisāluvadāyako thero imā gāthāyo abhāsitthāti.
5. 一想长老譬喻
5. Ekasaññakattheraapadānaṃ
18“有位名为康达者，是毗婆尸的上首弟子；
我曾布施一钵食，予那受世间供养者；
19“以此心净信，两足尊、人中牛王；
我不知有恶趣，这是一钵食所得的果报。
20“四十劫前，有位名为瓦汝那的刹帝利，
具足七宝，具大威力的转轮王。
21“四无碍解……（中略）……佛陀之教已奉行。”
‘‘Khaṇḍo nāmāsi nāmena, vipassissaggasāvako; Ekā bhikkhā mayā dinnā, lokāhutipaṭiggahe. ‘‘Tena cittappasādena, dvipadinda narāsabha; Duggatiṃ nābhijānāmi, ekabhikkhāyidaṃ phalaṃ. ‘‘Cattālīsamhito kappe, varuṇo nāma khattiyo; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿一想长老宣说了这些偈颂。
Itthaṃ sudaṃ āyasmā ekasaññako thero imā gāthāyo abhāsitthāti.
6. 草敷施与长老譬喻
6. Tiṇasantharadāyakattheraapadānaṃ
22“在雪山不远处，曾经有一个大湖。
百瓣莲花覆盖，种种禽鸟栖处。
23“在那里沐浴饮水之后，我便住在不远之处；
得见最上沙门，行于虚空之中。
24“了知我之心念，世间无上导师；
他从空中降下，当下便立于地上。
25以角取草，我敷设坐具而奉施；
世间最上导师提舍，世尊便于彼处安坐。
26“使自心澄净生信后，我礼敬了世间之导师；
我退至一旁，凝思着大牟尼。
27“以那心的净信，我投生于化乐天。
我不曾经历恶趣，这便是敷具的果报。
28“自此第二劫，有名为鹿王的刹帝利；
具足七宝，具大威力的转轮王。
29“四无碍解……（中略）……佛陀之教已奉行。”
‘‘Himavantassāvidūre, mahājātassaro ahu; Satapattehi sañchanno, nānāsakuṇamālayo. ‘‘Tamhi nhatvā ca pitvā ca, avidūre vasāmahaṃ; Addasaṃ samaṇānaggaṃ, gacchantaṃ anilañjase. ‘‘Mama saṅkappamaññāya, satthā loke anuttaro; Abbhato oruhitvāna, bhūmiyaṃṭhāsi tāvade. ‘‘Visāṇena tiṇaṃ gayha, nisīdanamadāsahaṃ; Nisīdi bhagavā tattha, tisso lokagganāyako. ‘‘Sakaṃ cittaṃ pasādetvā, avandi lokanāyakaṃ; Paṭikuṭiko apasakkiṃ, nijjhāyanto mahāmuniṃ. ‘‘Tena cittappasādena, nimmānaṃ upapajjahaṃ; Duggatiṃ nābhijānāmi, santharassa idaṃ phalaṃ. ‘‘Ito dutiyake kappe, miga sammatakhattiyo; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，尊者提那桑他拉达亚咖长老宣说了这些偈颂。
Itthaṃ sudaṃ āyasmā tiṇasantharadāyako thero imā gāthāyo abhāsitthāti.
7. 针施长老譬喻
7. Sūcidāyakattheraapadānaṃ
30“三万劫时，世间导师正自觉者，
名为须弥陀，具足三十二相庄严。
31“对那位金色之身、两足至尊、如如不动者，
我供养了五根针，用以缝制僧衣。
32由施此针故，
我心中生起善察微细义理、锐利迅捷而轻安之智。
33“我的烦恼已烧尽，一切有已根除；
我于正自觉者的教法中，持此最后身。
34我曾四度作王，名号两足之尊；
具足七宝、有大威力的转轮王。
35“四无碍解……（中略）……佛陀之教已奉行。”
‘‘Tiṃsakappasahassamhi, sambuddho lokanāyako; Sumedho nāma nāmena, bāttiṃsavaralakkhaṇo. ‘‘Tassa kañcanavaṇṇassa, dvipadindassa tādino; Pañca sūcī mayā dinnā, sibbanatthāya cīvaraṃ. ‘‘Teneva sūcidānena, nipuṇatthavipassakaṃ; Tikkhaṃ lahuñca phāsuñca, ñāṇaṃ me udapajjatha. ‘‘Kilesā jhāpitā mayhaṃ, bhavā sabbe samūhatā; Dhāremi antimaṃ dehaṃ, sammāsambuddhasāsane. ‘‘Dvipadādhipatī nāma, rājāno caturo ahuṃ; Sattaratanasampannā, cakkavattī mahabbalā. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿苏吉达亚咖长老宣说了这些偈颂。
Itthaṃ sudaṃ āyasmā sūcidāyako thero imā gāthāyo abhāsitthāti.
8. 巴嗒厘花长老譬喻
8. Pāṭalipupphiyattheraapadānaṃ
36“身如金色的正自觉者，行于市集之间；
犹如金聚，具足三十二种殊胜相。
37那时我是长者之子，娇贵柔嫩，备受安乐养育；
我将巴嗒厘花置于怀中，捧持而献。
38“我心生欢喜，以诸花供养；
我礼敬提舍世间解、怙主、人天导师。
39“从此九十二劫前，我那时所造之业；
我不知恶趣，这是花供养的果报。
40“自此六十三劫前，有位名为阿毗三摩答；
具足七宝，具大威力的转轮王。
41“四无碍解……（中略）……佛陀之教已奉行。”
‘‘Suvaṇṇavaṇṇaṃ sambuddhaṃ, gacchantaṃ antarāpaṇe; Kañcanagghiyasaṅkāsaṃ, bāttiṃsavaralakkhaṇaṃ. ‘‘Seṭṭhiputto tadā āsiṃ, sukhumālo sukhedhito; Ucchaṅge pāṭalipupphaṃ, katvāna abhisaṃhariṃ. ‘‘Haṭṭho haṭṭhena cittena, pupphehi abhipūjayiṃ; Tissaṃ lokaviduṃ nāthaṃ, naradevaṃ namassahaṃ. ‘‘Dvenavute ito kappe, yaṃ kammamakariṃ tadā; Duggatiṃ nābhijānāmi, pupphapūjāyidaṃ phalaṃ. ‘‘Ito tesaṭṭhikappamhi, abhisammatanāmako; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿巴嗒厘花长老宣说了这些偈颂。
Itthaṃ sudaṃ āyasmā pāṭalipupphiyo thero imā gāthāyo abhāsitthāti.
9. 合掌长老譬喻
9. Ṭhitañjaliyattheraapadānaṃ
42“我曾是猎鹿者，在那阿兰若的密林间；
在那里，我见到了正自觉者，具足三十二种殊胜之相。
43我在那里合掌作礼，面朝东方而去；
不远处，他独自端坐于自铺的树叶座上。
44“那时，一道雷电劈落，正中我的头顶；
我在命终之时，再次合掌。
45“自此九十二劫前，我曾合掌；
我不曾知有恶趣，这便是合掌的果报。
46“在五十四劫前，名为弥嘎给都；
具足七宝，具大威力的转轮王。
47“四无碍解……（中略）……佛陀之教已奉行。”
‘‘Migaluddo pure āsiṃ, araññe kānane ahaṃ; Tattha addasaṃ sambuddhaṃ, bāttiṃsavaralakkhaṇaṃ. ‘‘Tatthāhaṃ añjaliṃ katvā, pakkāmiṃ pācināmukho; Avidūre nisinnassa, niyake paṇṇasanthare. ‘‘Tato me asanīpāto, matthake nipatī tadā; Sohaṃ maraṇakālamhi, akāsiṃ punarañjaliṃ. ‘‘Dvenavute ito kappe, añjaliṃ akariṃ tadā; Duggatiṃ nābhijānāmi, añjalissa idaṃ phalaṃ. ‘‘Catupaṇṇāsakappamhi, migaketusanāmako; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿提他难佳离长老宣说此诸偈颂。
Itthaṃ sudaṃ āyasmā ṭhitañjaliyo thero imā gāthāyo abhāsitthāti.
10. 三莲长老譬喻
10. Tipadumiyattheraapadānaṃ
48“名为莲华上的胜者，已抵达一切法之彼岸；
已调御者，由调御众围绕，那时从城中出离；
49“于天鹅城，那时我为花鬘师；
在那最胜的莲池中，我采得了莲花。
50“我在集市间的路上，见到了离尘的佛陀。
一见到正自觉者，我便如是思惟。
51纵将此花献国王，于我究竟有何用？
或得一村及村田，或得千金亦徒然。
52“调御未调伏者的勇士，为一切有情带来安乐；
礼敬世间怙主后，我将得以获得不死之财。
53“我这样思惟后，令自心净信；”
手持三朵赤莲花，那时我将它们掷向空中。
54“当我才将它们抛出，它们便在空中铺展；
在那里，它们停驻于头顶上方，花梗朝上，花冠朝下。
55“凡是见到的人们，都高声发出欢呼；
虚空中，天人们发出“善哉”之声。
56“世间生起了稀有之事，由最胜佛之威力故；
“借此鲜花之力，我等皆将闻法。”
57“莲华上佛，世间解，诸供养之受纳者；
安立道中，那位寂静者说了这些偈颂。
58“那位以红莲花供养佛陀的学童，
我将称扬他，请听我所说。
59“三万劫中，他将于天界享乐；
“他将于三十劫中为天帝，执掌天王之权。
60“名为“大广”的宫殿，将于那时出现；”
高三百由旬，宽一百五十由旬。
61“四十万座拱门，善加建造；
以殊妙重阁为饰，以广大卧具庄严。
62“万亿天女，将簇拥围绕；
善巧舞蹈与歌咏，于演奏亦极娴熟。
63“如此殊胜的天宫之中，天女成群围绕；
天上的赤色花雨，常时飘洒降下。
64墙钉、象牙钉、门柱、拱门之上，
大如车轮的红莲将垂悬其间。
66“环绕住处，方圆一百由旬，
那红莲花，散发天界之香。
67“又将七十五度，成为转轮王。
地方王权广大，其数不可计量；
68“具足两种成就，无灾无恼；
抵达终点时，他将证得涅槃。
69“我实善见佛陀，善为商贾；
供养三朵莲华已，我获三种成就。
70“今日我已得法，彻底解脱，
盛开的红莲花，将戴于顶上。
71“当莲华上首导师宣说我的业时，
十万众生，得法现观。
72十万劫前曾供佛，自此不识诸恶趣；
三朵莲华之果报，功德绵延至于今。
73“我的烦恼已烧尽，一切有已根除；
一切漏已灭尽，不再有后有。
74“四无碍解……（中略）……佛陀之教已奉行。”
‘‘Padumuttaro nāma jino, sabbadhammāna pāragū; Danto dantaparivuto, nagarā nikkhamī tadā. ‘‘Nagare haṃsavatiyaṃ, ahosiṃ māliko tadā; Yaṃ tattha uttamaṃ toṇi, padmapupphāni aggahiṃ. ‘‘Addasaṃ virajaṃ buddhaṃ, paṭimaggantarāpaṇe; Saha disvāna sambuddhaṃ, evaṃ cintesahaṃ tadā. ‘‘Kiṃ me imehi pupphehi, rañño upanitehi me; Gāmaṃ vā gāmakhettaṃ vā, sahassaṃ vā labheyyahaṃ. ‘‘Adantadamanaṃ vīraṃ, sabbasattasukhāvahaṃ; Lokanāthaṃ pūjayitvā, lacchāmi amataṃ dhanaṃ. ‘‘Evāhaṃ cintayitvāna, sakaṃ cittaṃ pasādayiṃ; Tīṇi lohitake gayha, ākāse ukkhipiṃ tadā. ‘‘Mayā ukkhittamattamhi, ākāse patthariṃsu te; Dhāriṃsu matthake tattha, uddhaṃvaṇṭā adhomukhā. ‘‘Ye keci manujā disvā, ukkuṭṭhiṃ sampavattayuṃ; Devatā antalikkhamhi, sādhukāraṃ pavattayuṃ. ‘‘Accheraṃ loke uppannaṃ, buddhaseṭṭhassa vāhasā; Sabbe dhammaṃ suṇissāma, pupphānaṃ vāhasā mayaṃ. ‘‘Padumuttaro lokavidū, āhutīnaṃ paṭiggaho; Vīthiyañhi ṭhito santo, imā gāthā abhāsatha. ‘‘‘Yo so buddhaṃ apūjesi, rattapadmehi māṇavo; Tamahaṃ kittayissāmi, suṇātha mama bhāsato. ‘‘‘Tiṃsakappasahassāni, devaloke ramissati; Tiṃsakappāni devindo, devarajjaṃ karissati. ‘‘‘Mahāvitthārikaṃ nāma, byamhaṃ hessati tāvade; Tiyojanasatubbiddhaṃ, diyaḍḍhasatavitthataṃ. ‘‘‘Cattārisatasahassāni , niyyūhā ca sumāpitā; Kūṭāgāravarūpetā, mahāsayanamaṇḍitā. ‘‘‘Koṭisatasahassiyo , parivāressanti accharā; Kusalā naccagītassa, vāditepi padakkhiṇā. ‘‘‘Etādise byamhavare, nārīgaṇasamākule; Vassissati pupphavasso, dibbo lohitako sadā. ‘‘‘Bhittikhīle nāgadante, dvārabāhāya toraṇe; Cakkamattā lohitakā, olambissanti tāvade. ‘‘‘Pattena pattasañchanne, antobyamhavare imaṃ; Attharitvā pārupitvā, tuvaṭṭissanti tāvade. ‘‘‘Bhavanaṃ parivāretvā, samantā satayojane; Tepi padmā lohitakā, dibbagandhaṃ pavāyare. ‘‘‘Pañcasattatikkhattuñca, cakkavattī bhavissati; Padesarajjaṃ vipulaṃ, gaṇanāto asaṅkhiyaṃ. ‘‘‘Sampattiyo duve bhutvā, anīti anupaddavo; Sampatte pariyosāne, nibbānaṃ pāpuṇissati’ . ‘‘Sudiṭṭho vata me buddho, vāṇijjaṃ supayojitaṃ; Padmāni tīṇi pūjetvā, anubhosiṃ tisampadā . ‘‘Ajja me dhammappattassa, vippamuttassa sabbaso; Supupphitaṃ lohitakaṃ, dhārayissati matthake. ‘‘Mama kammaṃ kathentassa, padumuttarasatthuno; Satapāṇasahassānaṃ, dhammābhisamayo ahu. ‘‘Satasahassito kappe, yaṃ buddhamabhipūjayiṃ; Duggatiṃ nābhijānāmi, tipadumānidaṃ phalaṃ. ‘‘Kilesā jhāpitā mayhaṃ, bhavā sabbe samūhatā; Sabbāsavā parikkhīṇā, natthi dāni punabbhavo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿提巴度弥长老宣说了这些偈颂。
Itthaṃ sudaṃ āyasmā tipadumiyo thero imā gāthāyo abhāsitthāti.
龙鬘、句想者、想者、薯蓣施者；
一境想者、草敷者、针花者、波吒厘花者；
合掌而立者、三莲华，偈颂七十五首。
Nāgasamālo padasaññī, saññakāluvadāyako; Ekasaññī tiṇasanthāro, sūcipāṭalipupphiyo; Ṭhitañjalī tipadumī, gāthāyo pañcasattati.
