32. 施守护品
32. Ārakkhadāyakavaggo
譬喻经(上) · 141 段
1. 施守护长老譬喻
1. Ārakkhadāyakattheraapadānaṃ
1为见法牟尼，我曾筑围栏；
如是两足尊，我亦施守护。
2“于千八百劫前，我曾造作彼业；
“由此殊胜之业，我已证得诸漏灭尽。”
3“四无碍解，及八解脱；
六神通已亲证，佛陀之教已奉行。”
‘‘Dhammadassissa munino, vati kārāpitā mayā; Ārakkho ca mayā dinno, dvipadindassa tādino. ‘‘Aṭṭhārase kappasate, yaṃ kammamakariṃ tadā; Tena kammavisesena, patto me āsavakkhayo. ‘‘Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṃ buddhassa sāsanaṃ’’.
如是，具寿阿拉卡达亚咖长老诵出了这些偈颂。
Itthaṃ sudaṃ āyasmā ārakkhadāyako thero imā gāthāyo abhāsitthāti.
2. 施食长老譬喻
2. Bhojanadāyakattheraapadānaṃ
4善生犹如娑罗嫩枝，又如辣木巍然挺起；
如因陀罗柱立于虚空，胜者恒常光耀。
5“向那位天中之天、毗舍婆大仙，
我以净信心供养了食物。
6自生不败之佛陀，随喜我此供养善；
我于诸有受生时，愿其果报成熟于你。
7“三十一劫之前，我行过那次布施；
我不见恶趣，这是施食的果报。
8“从今二十五劫前，我曾是一位阿弥答咖；
具足七宝，具大威力的转轮王。
9“四无碍解……（中略）……佛陀之教已奉行。”
‘‘Sujāto sālalaṭṭhīva, sobhañjanamivuggato; Indalaṭṭhirivākāse, virocati sadā jino. ‘‘Tassa devātidevassa, vessabhussa mahesino; Adāsi bhojanamahaṃ, vippasannena cetasā. ‘‘Taṃ me buddho anumodi, sayambhū aparājito; Bhave nibbattamānamhi, phalaṃ nibbattatū tava. ‘‘Ekattiṃse ito kappe, yaṃ dānamadadiṃ tadā; Duggatiṃ nābhijānāmi, bhojanassa idaṃ phalaṃ. ‘‘Pañcavīse ito kappe, eko āsiṃ amittako; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿布乔那达亚咖长老宣说了这些偈颂。
Itthaṃ sudaṃ āyasmā bhojanadāyako thero imā gāthāyo abhāsitthāti.
3. 去想长老譬喻
3. Gatasaññakattheraapadānaṃ
10虚空之中无足迹，于彼风行天空之处；
我见胜者悉达多，正行三十三天界。
11“见正自觉者之衣，为风所吹动；
见到牟尼行走，我当下心生喜悦。
12“从九十四劫前，我得到那个想；
我不曾堕入恶趣，这就是忆念佛想之果报。
13“四无碍解……（中略）……佛陀之教已奉行。”
‘‘Ākāseva padaṃ natthi, ambare anilañjase; Siddhatthaṃ jinamaddakkhiṃ, gacchantaṃ tidivaṅgaṇe . ‘‘Anileneritaṃ disvā, sammāsambuddhacīvaraṃ; Vitti mamāhu tāvade , disvāna gamanaṃ muniṃ . ‘‘Catunnavutito kappe, yaṃ saññamalabhiṃ tadā; Duggatiṃ nābhijānāmi, buddhasaññāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说去想长老宣说了这些偈颂。
Itthaṃ sudaṃ āyasmā gatasaññako thero imā gāthāyo abhāsitthāti.
4. 七莲华长老譬喻
4. Sattapadumiyattheraapadānaṃ
14我住河岸边，婆罗门名内萨达；
以百瓣之花，扫净彼精舍。
15“得见金色正自觉者，悉达多世间导师；
望见他在空中行走，我心中生起欢喜。
16远迎正觉世最尊，人中之雄大牛王；
引彼安入精舍已，水生妙花散为供。
17“自九十四劫前，我便供养了那朵花；
我不曾经历恶趣，这是供养佛陀的果报。
18自今第七劫中，四株胜树出于世；
具足七宝、有大威力的转轮王。
19“四无碍解……（中略）……佛陀之教已奉行。”
‘‘Nadīkūle vasāmahaṃ, nesādo nāma brāhmaṇo; Satapattehi pupphehi, sammajjitvāna assamaṃ. ‘‘Suvaṇṇavaṇṇaṃ sambuddhaṃ, siddhatthaṃ lokanāyakaṃ; Disvā nabhena gacchantaṃ, hāso me udapajjatha. ‘‘Paccuggantvāna sambuddhaṃ, lokajeṭṭhaṃ narāsabhaṃ; Assamaṃ atināmetvā, jalajaggehi okiriṃ. ‘‘Catunnavutito kappe, yaṃ pupphamabhiropayiṃ; Duggatiṃ nābhijānāmi, buddhapūjāyidaṃ phalaṃ. ‘‘Ito te sattame kappe, caturo pādapāvarā; Sattaratanasampannā, cakkavattī mahabbalā. ‘‘Paṭisambhidā catasso…pe… kataṃ buddhassa sāsanaṃ’’.
如此，具寿沙答巴度米亚长老曾亲说这些偈颂。
Itthaṃ sudaṃ āyasmā sattapadumiyo thero imā gāthāyo abhāsitthāti.
5. 施花座长老譬喻
5. Pupphāsanadāyakattheraapadānaṃ
20“金色辉耀的正自觉者，犹如太阳放射金光。
不远处的悉达多，那无能胜者正行走。
21“我上前迎接，恭敬地将他请入精舍。
以欢喜明净之心，我献上了花座。
22“合掌之后，那时我便生起了喜悦。
我于佛心生净信后，便将那业回向。
23“我对自觉者、无能胜者所行的福德，
以此一切善业，我于教法中成为无垢者。
24“九十四劫前，我供养了那花座；
我不知恶趣，此乃供花座的果报。
25“四无碍解……（中略）……佛陀之教已奉行。”
‘‘Suvaṇṇavaṇṇaṃ sambuddhaṃ, pītaraṃsiṃva bhāṇumaṃ; Avidūrena gacchantaṃ, siddhatthaṃ aparājitaṃ. ‘‘Tassa paccuggamitvāna, pavesetvāna assamaṃ; Pupphāsanaṃ mayā dinnaṃ, vippasannena cetasā. ‘‘Añjaliṃ paggahetvāna, vedajāto tadā ahaṃ; Buddhe cittaṃ pasādetvā, taṃ kammaṃ pariṇāmayiṃ. ‘‘Yaṃ me atthi kataṃ puññaṃ, sayambhumhaparājite; Sabbena tena kusalena, vimalo homi sāsane. ‘‘Catunnavutito kappe, pupphāsanamadaṃ tadā; Duggatiṃ nābhijānāmi, pupphāsanassidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
尊者施花座长老确曾诵出这些偈颂。
Itthaṃ sudaṃ āyasmā pupphāsanadāyako thero imā gāthāyo abhāsitthāti.
6. 赞座长老譬喻
6. Āsanasanthavikattheraapadānaṃ
26尸弃世尊，世间亲友，其塔无上；
彼时我盲，徘徊旷野，游于丛林。
27“从林中出来时，我见到了狮子座；
我偏袒一肩，合掌，赞叹世间导师。
28“在那日间，我赞颂佛陀——世间最上的导师；
我心生欢喜，以欣悦之心说出此语：
29“礼敬您，人中良骏！礼敬您，人中无上者！
您是遍知者、大雄、世间最上者、人中的牛王！
30赞叹尸弃佛已，以身示敬；
敬礼其座，我面北而去。
31“自此三十一劫前，我歌赞了那位说法中的最胜者，
我不知恶趣，这便是赞叹所得的果报。
32“从今上溯二十七劫，曾有七位无比者；
具足七宝、有大威力的转轮王。
33“四无碍解……（中略）……佛陀之教已奉行。”
‘‘Cetiyaṃ uttamaṃ nāma, sikhino lokabandhuno; Araññe irīṇe vane, andhāhiṇḍāmahaṃ tadā. ‘‘Pavanā nikkhamantena, diṭṭhaṃ sīhāsanaṃ mayā; Ekaṃsaṃ añjaliṃ katvā, santhaviṃ lokanāyakaṃ. ‘‘Divasabhāgaṃ thavitvāna, buddhaṃ lokagganāyakaṃ; Haṭṭho haṭṭhena cittena, imaṃ vācaṃ udīrayiṃ. ‘‘‘Namo te purisājañña, namo te purisuttama; Sabbaññūsi mahāvīra, lokajeṭṭha narāsabha’. ‘‘Abhitthavitvā sikhinaṃ, nimittakaraṇenahaṃ; Āsanaṃ abhivādetvā, pakkāmiṃ uttarāmukho. ‘‘Ekattiṃse ito kappe, yaṃ thaviṃ vadataṃ varaṃ; Duggatiṃ nābhijānāmi, thomanāya idaṃ phalaṃ. ‘‘Sattavīse ito kappe, atulā satta āsu te; Sattaratanasampannā, cakkavattī mahabbalā. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿阿萨那桑他维咖长老宣说了这些偈颂。
Itthaṃ sudaṃ āyasmā āsanasanthaviko thero imā gāthāyo abhāsitthāti.
7. 声想长老譬喻
7. Saddasaññakattheraapadānaṃ
34“善见大雄，宣说不死之道；
为众弟子所围绕，住于最上之舍。
35“以那甜美音声，摄化大众；
其声宏大远播，祝福人天。
36“听闻悉达多大仙所宣法音；
以音声令心得净信，我便礼敬世间导师。
37“九十四劫前，我获得那个想之时；
我不复知有恶趣，这便是佛想之果报。
38“四无碍解……（中略）……佛陀之教已奉行。”
‘‘Sudassano mahāvīro, deseti amataṃ padaṃ; Parivuto sāvakehi, vasati gharamuttame. ‘‘Tāya vācāya madhurāya, saṅgaṇhāti mahājanaṃ; Ghoso ca vipulo āsi, āsīso devamānuse. ‘‘Nigghosasaddaṃ sutvāna, siddhatthassa mahesino; Sadde cittaṃ pasādetvā, avandiṃ lokanāyakaṃ. ‘‘Catunnavutito kappe, yaṃ saññamalabhiṃ tadā; Duggatiṃ nābhijānāmi, buddhasaññāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿声想长老宣说了这些偈颂。
Itthaṃ sudaṃ āyasmā saddasaññako thero imā gāthāyo abhāsitthāti.
8. 提兰西长老譬喻
8. Tiraṃsiyattheraapadānaṃ
39犹如名门所出之雄狮，亦如山间炽燃之火聚；
悉达多处于群山之中，光明普照一切方所。
41“见到三种光明──正自觉者与最上弟子；
我将鹿皮衣偏袒一肩，礼赞世间之导师。
42“确实有三种带来光明者，驱散世间的黑暗；
月亮与太阳，以及佛陀——世间的导师。
43既以譬喻说，我赞叹大牟尼；
赞佛功德已，天界欢喜一劫。
44“自我称赞佛陀，已历九十四劫；
我不曾堕恶趣，这是称赞的果报。
45六十一劫前，智持王出世；
具足七宝，具大威力的转轮王。
46“四无碍解……（中略）……佛陀之教已奉行。”
‘‘Kesariṃ abhijātaṃva, aggikkhandhaṃva pabbate; Obhāsentaṃ disā sabbā , siddhatthaṃ pabbatantare. ‘‘Sūriyassa ca ālokaṃ, candālokaṃ tatheva ca; Buddhālokañca disvāna, vitti me udapajjatha. ‘‘Tayo āloke disvāna, sambuddhaṃ sāvakuttamaṃ; Ekaṃsaṃ ajinaṃ katvā, santhaviṃ lokanāyakaṃ. ‘‘Tayo hi ālokakarā, loke lokatamonudā; Cando ca sūriyo cāpi, buddho ca lokanāyako. ‘‘Opammaṃ upadassetvā, kittito me mahāmuni; Buddhassa vaṇṇaṃ kittetvā, kappaṃ saggamhi modahaṃ. ‘‘Catunnavutito kappe, yaṃ buddhamabhikittayiṃ; Duggatiṃ nābhijānāmi, kittanāya idaṃ phalaṃ. ‘‘Ekasaṭṭhimhito kappe, eko ñāṇadharo ahu; Sattaratanasampanno, cakkavattī mahabbalo. ‘‘Paṭisambhidā catasso…pe… kataṃ buddhassa sāsanaṃ’’.
如是，具寿提兰西亚长老宣说了这些偈颂。
Itthaṃ sudaṃ āyasmā tiraṃsiyo thero imā gāthāyo abhāsitthāti.
9. 军德利花长老譬喻
9. Kandalipupphiyattheraapadānaṃ
47“那时，我于信度河畔，身为农夫；
为他人耕作，依他人之食维生。
48“我沿信度河行走时，见到了胜者悉达多；
犹如入定安坐，又如盛开的百瓣莲花。
49“那时，我从花梗上剪下七朵甘达利花；
我将它们供奉在佛陀——太阳亲族的头顶。
50“金色之正自觉者，于岸边安住于定；
恰如三处流液之象王，犹如难近之雄象。
51“我走近那位已修习诸根、行持谨慎者；
合掌恭敬，我礼敬导师。
52“自供花以来，已过九十四劫；
我不曾经历恶趣，这是供养佛陀的果报。
53“四无碍解……（中略）……佛陀之教已奉行。”
‘‘Sindhuyā nadiyā tīre, ahosiṃ kassako tadā; Parakammāyane yutto, parabhattaṃ apassito. ‘‘Sindhuṃ anucarantohaṃ, siddhatthaṃ jinamaddasaṃ; Samādhinā nisinnaṃva, satapattaṃva pupphitaṃ. ‘‘Satta kandalipupphāni, vaṇṭe chetvānahaṃ tadā; Matthake abhiropesiṃ, buddhassādiccabandhuno. ‘‘Suvaṇṇavaṇṇaṃ sambuddhaṃ, anukūle samāhitaṃ; Tidhāpabhinnamātaṅgaṃ, kuñjaraṃva durāsadaṃ. ‘‘Tamahaṃ upagantvāna, nipakaṃ bhāvitindriyaṃ; Añjaliṃ paggahetvāna, avandiṃ satthuno ahaṃ. ‘‘Catunnavutito kappe, yaṃ pupphamabhiropayiṃ; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说具寿军德利花长老宣说了这些偈颂。
Itthaṃ sudaṃ āyasmā kandalipupphiyo thero imā gāthāyo abhāsitthāti.
10. 白莲花鬘长老譬喻
10. Kumudamāliyattheraapadānaṃ
54牛王、无上、勇士，大仙、胜伏者；
毗婆尸大雄，宛如高贵狮王。
55最胜佛行街道中，堪受供养之尊者；
我持睡莲花鬘已，散献于彼最胜尊。
56“自九十一劫前，我供养彼花以来，
我不曾经历恶趣，这是供养佛陀的果报。
57“四无碍解……（中略）……佛陀之教已奉行。”
‘‘Usabhaṃ pavaraṃ vīraṃ, mahesiṃ vijitāvinaṃ; Vipassinaṃ mahāvīraṃ, abhijātaṃva kesariṃ. ‘‘Rathiyaṃ paṭipajjantaṃ, āhutīnaṃ paṭiggahaṃ; Gahetvā kumudaṃ mālaṃ, buddhaseṭṭhaṃ samokiriṃ. ‘‘Ekanavutito kappe, yaṃ pupphamabhipūjayiṃ; Duggatiṃ nābhijānāmi, buddhapūjāyidaṃ phalaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，具寿库目达马利耶长老如是宣说了这些偈颂。
Itthaṃ sudaṃ āyasmā kumudamāliyo thero imā gāthāyo abhāsitthāti.
施守护品第三十二
Ārakkhadāyakavaggo bāttiṃsatimo .
阿拉卡多、博迦那多、嘎答萨尼、巴杜米耶；
普帕萨尼、桑他维咖、萨达萨娘、提拉西耶。
甘达利咖、库目地，共五十七偈颂。
Ārakkhado bhojanado, gatasaññī padumiyo; Pupphāsanī santhaviko, saddasaññī tiraṃsiyo; Kandaliko kumudī ca, sattapaññāsa gāthakāti.
