1. 佉提罗林离婆多长老偈
1. Khadiravaniyarevatattheragāthā
645“自从我舍俗出家，过无家生活以来，
我未曾觉知过任何与嗔恚相杂的非圣思惟。
646“‘愿这些有情被杀！愿他们被屠宰！愿他们遭受痛苦！’
在这漫长的岁月里，我不曾忆起过这样的思惟。
647“我了知那无量、善修的慈心，
正如佛陀所教导，次第修习，渐次纯熟。
648“我是一切众生之友，一切众生之伴，悲悯一切众生。
我修习慈心，恒以不害为乐。
649“那不动不摇的心，我令它喜悦。
我修习梵住，此非卑劣者所行。
650“证入无寻定的正自觉者的弟子；
便当下具足圣默然。
651“犹如坚固的石山，不动摇，善安立；
同样，由于愚痴灭尽，比丘犹如山岳，毫不动摇。
652“于那无有垢秽、常求清净的人，
即便恶如毛尖之微，也显现如浓云一般。
653“犹如一座边城，内外皆严密守护；
你们应当如此守护自身，切莫让刹那空过。
654“我不贪恋死亡，不贪恋生命；
我等待时限，犹如佣工等待酬劳。
655“我不贪恋死亡，也不贪恋生命；我具足正念正知，静候时限。
656“我已承事导师，圆满了佛陀的教法。
沉重的负担已卸下，存有的系缚已彻底根除。
657“我正是为了那个目标，才从在家生活出家，走向无家；
此目标现已达成，一切结缚悉皆断尽。
658“你们当以不放逸成就，这就是我的教诫。
如今我将般涅槃，我已从一切处解脱。”
‘‘Yadā ahaṃ pabbajito, agārasmānagāriyaṃ; Nābhijānāmi saṅkappaṃ, anariyaṃ dosasaṃhitaṃ. ‘‘‘Ime haññantu vajjhantu, dukkhaṃ pappontu pāṇino’; Saṅkappaṃ nābhijānāmi, imasmiṃ dīghamantare. ‘‘Mettañca abhijānāmi, appamāṇaṃ subhāvitaṃ; Anupubbaṃ paricitaṃ, yathā buddhena desitaṃ. ‘‘Sabbamitto sabbasakho, sabbabhūtānukampako; Mettacittañca bhāvemi, abyāpajjarato sadā. ‘‘Asaṃhīraṃ asaṃkuppaṃ, cittaṃ āmodayāmahaṃ; Brahmavihāraṃ bhāvemi, akāpurisasevitaṃ. ‘‘Avitakkaṃ samāpanno, sammāsambuddhasāvako; Ariyena tuṇhībhāvena, upeto hoti tāvade. ‘‘Yathāpi pabbato selo, acalo suppatiṭṭhito; Evaṃ mohakkhayā bhikkhu, pabbatova na vedhati. ‘‘Anaṅgaṇassa posassa, niccaṃ sucigavesino; Vālaggamattaṃ pāpassa, abbhamattaṃva khāyati. ‘‘Nagaraṃ yathā paccantaṃ, guttaṃ santarabāhiraṃ; Evaṃ gopetha attānaṃ, khaṇo vo mā upaccagā. ‘‘Nābhinandāmi maraṇaṃ, nābhinandāmi jīvitaṃ; Kālañca paṭikaṅkhāmi, nibbisaṃ bhatako yathā. ‘‘Nābhinandāmi maraṇaṃ…pe… sampajāno patissato. ‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘Yassa catthāya pabbajito, agārasmānagāriyaṃ; So me attho anuppatto, sabbasaṃyojanakkhayo. ‘‘Sampādethappamādena, esā me anusāsanī; Handāhaṃ parinibbissaṃ, vippamuttomhi sabbadhī’’ti.
……佉提罗林离婆多长老……
… Khadiravaniyarevato thero….
2. 哥达多长老偈
2. Godattattheragāthā
659譬如良种良马，套轭负重，堪忍重轭；
虽为重担所压，亦不脱轭而逸。
660智者如是得充盈，犹如大海满于水；
于他不生轻慢心，此实有情中圣法。
661“人们随着时间流转，为时间所主宰；落入有与无有的掌控之中。
人们经历痛苦，这些年轻人也在此处忧愁悲伤。
662“因乐法而高扬，因苦法而低沉；
愚人因为不如实见，便被这两种情形所摧垮。
663凡于苦、于乐、于中，超越缠结者；
彼立如因陀罗柱，不昂不垂。
664于利养与非利养，于名闻与称誉，
于讥毁与赞叹，于苦于乐，彼皆不为所动。
665“于一切处，他们皆不染着，犹如莲叶上的水珠；
这些贤智者于一切处安乐，于一切处皆无败损。
666“有依正法的损失，也有不依正法的利养；
依正法的损失，远胜于不依正法的利养。
667誉归愚者，辱归智者；
智者宁取辱，不取愚者之誉。
668“愚者的称赞，与智者的呵责；
来自智者的呵责，犹胜于愚者的赞美。
669“有欲乐所生的乐，亦有远离所生的苦；
远离之苦，胜过欲乐之乐。
670“有非法之活，亦有依法之死；
依于法而死，胜于以非法而活。
671“那些已断除欲贪与瞋怒的人，内心寂然，于种种有中不再流转；
他们无着地游历世间，于他们而言，无有可爱，亦无不可爱。
672“修习了诸觉支、诸根与诸力，
“证得无上寂静，成为般涅槃的漏尽者。”
‘‘Yathāpi bhaddo ājañño, dhure yutto dhurassaho ; Mathito atibhārena, saṃyugaṃ nātivattati. ‘‘Evaṃ paññāya ye tittā, samuddo vārinā yathā; Na pare atimaññanti, ariyadhammova pāṇinaṃ. ‘‘Kāle kālavasaṃ pattā, bhavābhavavasaṃ gatā; Narā dukkhaṃ nigacchanti, tedha socanti māṇavā . ‘‘Unnatā sukhadhammena, dukkhadhammena conatā; Dvayena bālā haññanti, yathābhūtaṃ adassino. ‘‘Ye ca dukkhe sukhasmiñca, majjhe sibbinimaccagū; Ṭhitā te indakhīlova, na te unnataonatā. ‘‘Na heva lābhe nālābhe, na yase na ca kittiyā; Na nindāyaṃ pasaṃsāya, na te dukkhe sukhamhi. ‘‘Sabbattha te na limpanti, udabinduva pokkhare; Sabbattha sukhitā dhīrā, sabbattha aparājitā. ‘‘Dhammena ca alābho yo, yo ca lābho adhammiko; Alābho dhammiko seyyo, yaṃ ce lābho adhammiko. ‘‘Yaso ca appabuddhīnaṃ, viññūnaṃ ayaso ca yo; Ayasova seyyo viññūnaṃ, na yaso appabuddhinaṃ. ‘‘Dummedhehi pasaṃsā ca, viññūhi garahā ca yā; Garahāva seyyo viññūhi, yaṃ ce bālappasaṃsanā. ‘‘Sukhañca kāmamayikaṃ, dukkhañca pavivekiyaṃ; Pavivekadukkhaṃ seyyo, yaṃ ce kāmamayaṃ sukhaṃ. ‘‘Jīvitañca adhammena, dhammena maraṇañca yaṃ; Maraṇaṃ dhammikaṃ seyyo, yaṃ ce jīve adhammikaṃ. ‘‘Kāmakopappahīnā ye, santacittā bhavābhave; Caranti loke asitā, natthi tesaṃ piyāpiyaṃ. ‘‘Bhāvayitvāna bojjhaṅge, indriyāni balāni ca; Pappuyya paramaṃ santiṃ, parinibbantināsavā’’ti.
……哥达多长老……
… Godatto thero….
“雷瓦德与果达德，两位大神通长老尊者；”
“第十四集中，共有二十八首偈颂。”
Revato ceva godatto, therā dve te mahiddhikā; Cuddasamhi nipātamhi, gāthāyo aṭṭhavīsatīti.
