590“般遮罗的梵施王，已率全军而来，
大药啊，这支般遮罗的军队，浩荡无边。
591街衢纵横，巷陌交错，通晓一切战法；
摄人心目，名声远播，以鼓螺之声唤醒群生。
592“身披铜甲，佩饰璀璨，旌旗飘扬，象队列于左翼；
能工巧匠悉已齐备，勇武之士皆得安立。
593“你们看这十位智者，智慧深广，常行独处。
国王之母位列第十一，治理着般遮罗国。
594“另有一百零一位刹帝利随从，皆是具足威望之人；
疆土沦丧，他们惶恐不安，归于般遮罗的支配。
595“凡是国王所言，他们无不照办——虽非情愿，却口出悦耳之言；
他们追随般遮罗王，都是不得已而臣服的。
596“弥提罗城正被那支军队，从三面合围。
毗提诃人族的王城，四围掘壕相绕。
597“上方如同满天繁星，从四面密密围覆。
大药，你可知晓，如何方得解脱？”
598“大王，请舒展双足，享受欲乐，尽情欢娱。
舍弃了般遮罗的军队后，梵授王脱逃而走。”
599国王愿与汝结好，种种珍宝悉相赠；
宜从此处遣使者，言辞清美语柔嘉。
600“愿他们说出的皆是柔和之语，是那令人听而心生欢喜的话语。
愿般遮罗与毗提诃，这两国在你手中合而为一。”
601“克瓦陀，你与大药是如何相遇的？请你讲一讲。
大药可顺从于你？他可欢喜？”
602“大王，此人形貌非圣，不友善，生硬，一副不善之相。
如同哑巴和聋子，他一言不发。”
603“确实，这秘密的偈颂极难洞见，其清净的义理，已为勇猛精进之人所彻见。
正因我的身体这般颤抖，谁会舍弃自身，而落入他人之手呢？”
604“六贤同证无上广慧，其见唯一众意和合；
或行或不行或止住，大药汝亦当自决断。”
605“大王，您深知小梵授有大威德、大力量。
而那位国王想要杀您，犹如猎人用诱饵捕鹿。
606“犹如鱼儿向着那弯曲的钩，钩上覆着肉饵；
贪著生肉之鱼，不觉自身死之将至。
607“同样地，国王啊，你正贪恋着朱腊内亚的女儿，
你贪著欲乐，却不知自身将死，犹如鱼不知己之死亡。
608“你若前往般遮罗，顷刻便会丧命；
犹如被沿路追行的鹿，将遭遇大恐怖。”
609“我等愚痴如聋如哑，竟与汝共语最上义；
汝本扶犁把耒之夫，焉能如众了知诸义？”
610“捉住此人的脖子，把他赶出我的国境；
凡是出言障碍我获得珍宝的人。”
611遂离毗提诃王侧，
乃唤摩陀罗鹦鹉使者，贤明聪慧。
612“来吧，绿翼朋友，替我办一件事。
般遮罗王那里有一只守护卧房的雌鹩哥。
613你且以囚缚之事问她，她于一切皆已通达；
国王与柯尸耶之种种，她无一不晓。
614摩达罗鹦鹉智者一声“唯然”应诺，
绿翼之鸟遂来至鹩哥身前。
615“那之后，聪慧的摩达罗鹦鹉便前往那里，
便对那巢居安乐、音声悦耳的八哥萨利卡说：
616‘良宅之中，你可安適？賢友，你可無恙？
良宅之中，你可得到蜜拌炒米？’
617贤友啊，我今安好，贤友啊，我亦无病；
聪慧的鹦鹉啊，蜜拌炒米我已得。
618朋友，你究竟从何处而来，又是受谁所遣？
在此之前，我从未见过你，也从未听说过你。”
619“我曾是尸毗王宫中的寝宫侍从。
后来，那位行正法的国王，将被捆绑的人从束缚中解救了出来。”
620“那时她曾是我的伴侣，声音悦耳的萨利迦鸟；
就在我那温馨的家中，我眼睁睁见它被鹰杀害。”
621“正是出于对她的深深贪爱，我才来到你的面前；
若你愿为留出余地，我们俩便能一同安住。”
622“鹦鹉自应渴慕鹦鹉，而鹩哥则渴慕鹩哥；
鹦鹉与鹩哥彼此共住，那样的相处会是怎样的呢？”
623“人若贪著诸欲乐，乃至所爱旃陀罗女；
一切众生皆同等，于欲之中无有异。”
624“有位名叫詹巴瓦提的女子，是尸毗王的母亲；
她是瓦苏德瓦的妻子，也是黑王心爱的王后。
625“紧那罗女拉塔瓦帝，她也恋慕瓦洽。
人与鹿女相伴，于诸欲中无不相合。”
626“好吧，我这就离去，能言悦耳的鹩哥；
这话分明是拒绝之辞，你莫非是轻视于我。”
627“莫求速得荣光，鹦鹉智者摩陀罗啊
且在此稍留，直到你面见国王
汝当闻鼓音，与国王威德：”
628“究竟此何声，雄猛彻他邦？”
般遮罗王的女儿，容色明丽如仙草，
她将许与毗提诃人王，这场联姻将会成办。
629“摩陀罗啊，但愿敌人不要有这样的联姻；
如同般遮罗王与毗提诃王将要结亲那样。”
630“般遮罗战车之雄引来毗提诃王，
随后即将他杀害，绝不肯为其友伴。”
631“那么，请允许我七夜；
我好去禀告尸毗王——那位大仙人。
我已在沙利咖近旁寻得了住处。”
632“那么，我允许你七夜为限；
若你七夜之内不来我身旁，
我料你来时，我已命终。”
633“于是，睿智的鹦鹉马达罗便去往那里，
将这只鹩哥所言，悉数禀报于大药。”
634“在谁家受用财物，便应为谁的利益而效力。”
“那么，大王，我今前往般遮罗王那座悦意之都；
为那位具足荣光的毘提诃王建造宫殿。
635“为声名显赫的毘提诃王建好诸殿后，
‘待我遣使相召，汝方可来，刹帝利。’其后，”
636“大药先行启程，往般庶罗王那妙丽之城。
为那位有名望的毗提诃王兴建宫殿。”
637“为那位有名望的毗提诃王建成宫殿后；
然后，他派遣一位使者，前往弥提罗城主、毗提诃王所在之处；
“大王，现在请来吧，你的宫殿已为你建成。”
638“于是国王率四支大军，启程前往；
为瞻车乘无量、繁华昌盛之迦毗罗卫城。”
639“他前往后，便遣使通报梵授王：
‘大王，我已前来此处，礼敬您的双足。
640‘现在请把你那位周身美丽庄严的女子赐给我做妻子；
她须是金饰庄严、众婢环绕的那位。’
641“毗提诃王，欢迎您！您来得真是吉祥，来得也不坏。
你且择个星宿吉日，我便将女儿许配于你。
她身披黄金璎珞，有众侍女前呼后拥。”
642“于是，毗提诃王便请问星宿吉日。
问得吉日之后，便遣使通报梵授王。
643“现在请把你那位周身美丽庄严的女子赐给我做妻子；
以黄金装饰，众侍女簇拥在前后。”
644“我现在便将她许你为妻，这位全身美丽的女子；
黄金为饰，众婢簇拥。”
645“象兵、马兵、车兵、步兵，披甲之军列阵而立；
火炬炽燃闪耀，智者们作何感想？
646“象兵、马兵、车兵、步兵，披甲之军列阵而立；
火炬正在炽燃闪耀，智者啊，他们将如何应对？”
647“大王，护卫您的，是那位大力的朱拉内亚；
他被梵授激怒，明日清晨必将取您性命。”
648“我的心剧烈跳动，口中亦干涩难耐；
我得不到清凉，犹如在烈日下被火灼烧。
649“犹如铁匠炉中的火炬，只在内部闷烧，不现于外；”
同样地，我的心也只是内里焚烧，不显于外。
650“你因放逸错过商议，计策已破，刹帝利啊。
如今，那些聪明的谋臣当来护佑你吧。
651“你没有执行那位谋求你利益与福祉的大臣之言，
只陶醉于自身快乐的国王，如同落入陷阱的鹿。
652“正如鱼儿吞下那被肉覆盖遮蔽的弯钩，
贪著生肉之鱼，不觉自身死之将至。
653“同样地，国王啊，你正贪恋着朱腊内亚的女儿，
你贪著欲乐，却不知自身将死，犹如鱼不知己之死亡。
654“你若前往般遮罗国，须臾间便将丧命；
犹如被沿路追行的鹿，将遭遇大恐怖。
655“人主啊，具卑劣相之人，犹如藏在怀中的蛇，会咬你。
智者不应与此辈结交为友，与恶人相处，确实是苦。
656“人主，当你辨识一个人，知其持戒清净、博学多闻，
智者便应与此人结交为友，与善士共处实为安乐。”
657“国王，你实是愚痴如聋哑之辈，竟向我谈说这无上之义；
我不过是个靠犁尖维生的人，岂能如他人那般，通晓此中之理？
658“捉住他的脖颈，从我的国土将他驱逐出去；
凡是出言障碍我获得珍宝的人。”
659“大药啊，智者不以过去之事追究于人。
我如并辔之马，你何故仍以刺棒相逼？
660“若你见到了解脱，或见到了安稳之处，
就以此义教导我吧，何必用过去的事刺痛我？”
661“这是超乎人力的作为，难行，也难以成就；
我无法放你离去，刹帝利，你自当明了。
662“确实有能行于虚空的龙，具足神通，享有盛名；
若有人拥有这等大象，它们便能载他而去。
663“世间有虚空的骏马，具足神通，享有盛名；
凡拥有那般（生物）者，它们便能把他带走。
664“世间有飞鸟，能翔于虚空，它们神通广大，享有盛名；
凡拥有那般（生物）者，它们也会把他带走。
665“有夜叉安住于虚空，具足神通，享有盛名；
若拥有那般（生物），它们也会将他带走。
666“超乎人力的作为，难行难成；
刹帝利啊，我无法从空中救你脱困。”
667“有人不见彼岸，身处大洪流之中；
他于何处寻得立足之处，便于何处获得安乐。
668“正是如此，大药啊，你是我们与国王的依怙。
你是谋臣中之至胜者，请救我们脱离苦难。”
669“这是超乎人力的作为，难行、难以成就。
仙那迦啊，我无法救你脱困，你当自知。”
670“请听我说，看看这令人怖畏的大军吧。
仙那迦，我现在问你：你认为此时当作何事？”
671“我们或从门口放火，或拿起切割工具；
彼此砍杀一场，速速了断这性命；
免得让梵授王长加苦痛，折磨我们至死。”
672“请听我此言，你看那军队，大恐怖。
布库沙，现在我问你：你于此有何计议？”
673“服毒而亡，速舍此命；
莫令梵授王长久以苦相害。”
674“‘你听我此言，请看这支可怖的大军；
“如今我问欲主，你意此中当作何事？”
675“我等宁可为绳索缚住而死，宁可从悬崖纵身而坠；
莫让梵授王长久以痛苦将我们折磨、杀害。”
676“且听我此言，你看那浩浩大军，何等可怖；
提文达啊，如今我问你：于此境地，你意谓当作何事？”
677“我们或从门口放火，或拿起切割工具；
相互残杀之后，我们转瞬便会失掉性命；
大药也无法轻易解救我们。”
678“犹如在芭蕉中寻觅实心，终不可得；
我们如此探求，却仍解不开那个问题。
679“犹如在木棉树中寻觅心材，却一无所获；
我们如此寻求，依然未能寻得问题的答案。
680“我们确实居于不适宜之处，犹如象群处在无水之地。
却置身于恶人、愚者、无明者的近旁。
681“我的心剧烈跳动，口中也干涩难耐；
我得不到清凉，犹如在烈日下被火灼烧。
682“犹如铁匠炉中的火炬，只在内部闷烧，不现于外；”
我的心也是如此，只在内部燃烧，外面不露任何痕迹。
683“那时，那位智者、坚毅而能明见真实利益的大药菩萨，
见到毗提诃王如此痛苦，便说出这些话：
684大王，您莫畏惧；车乘之主，您莫畏惧。
我将会解救你，如同月亮脱离罗睺的吞噬。
685大王，莫畏惧；车乘中的至胜者，莫畏惧；
我将会解救你，如同太阳脱离罗睺的吞噬。
686“大王，莫畏惧；车乘中的至胜者，莫畏惧；
我会解救你，犹如救出陷于泥沼的大象。
687大王，莫畏惧；车乘中的至胜者，莫畏惧；
我今救汝脱此困厄，如解箧中缠缚之蛇。
688大王莫怖，车乘之尊；莫怖莫惊，车乘英豪。
我今救您脱难，如解笼中缚鸟；
689大王莫惧，战车之雄，莫惧。
我当救您脱险，如网中之鱼得脱；
690大王莫怖，车战英豪莫怖。
我当救你脱困，连同车乘、兵众与坐骑；
691大王莫惧，车乘之主，莫要惊惶。
我将击垮般遮罗，就如同用土块驱散鸦群一般。
692‘那么，智慧又有何用？这样的大臣又有何用？
谁若不能将那陷于逼仄狭道之人救出苦厄——’
693“来吧，青年们，起身吧，把这隘道的入口清理干净；
“维提诃王将与大臣们一道，经由隧道前往。
695“塞那迦行于前，大药随于后，
维提诃王行在中间，众大臣围绕随侍。”
696“走出隧道之后，维提诃王登上了船。
大药知道他已登船，便这样教导：
697大王，这位是你的岳父；人主，这位是你的岳母。
你对待岳母，应如对待自己的母亲一般。
698犹如亲兄弟，同母所生的至亲手足，
车雄啊，般遮罗旃陀如是当为你所珍爱；
699这般遮罗旃陀妃，王女，乃你心中所慕。
699她已是您的妻子，车王，您可以随自己的心意对待她。”
700“快登船去，为何还站在岸边？
我们从艰难与痛苦中解脱了，大药，现在就出发吧。”
701“大王，这不合于法，我身为军队的将领，
却舍下军队，只求保全自身。
702“大王，在您的营地里，部分军队已被舍留（未带出）；
我要去取回梵授王所赐之物，战车之王啊。”
703“你兵少势弱，如何能与大军对抗而站稳脚跟？
704“兵力虽寡，若具谋略，也能胜过无谋之大军；
王胜诸王如日升破暗，”
705“塞那迦啊，与智者共住，实为殊胜之乐；
犹如笼中之鸟、网中之鱼，
我们落入了敌人手中，是大药智者把我们解救了出来。”
706“确实如此，大王，智者确能带来安乐。
犹如笼中之鸟、网中之鱼，
我们落入了敌人手中，是大药智者把我们解救了出来。”
707“大力的朱拉尼王守护了整整一夜。
曙光升腾之际，他抵达了优波迦利城。
708“他登上那头殊胜的象王，强壮有力，年已六十；
般遮罗王鸠罗尼，那位具大威势的国王，这样说：
710“诸位象兵、军阵指挥官、战车兵、步兵们，
那些由勤习而技艺娴熟、善射断发的战士们已经齐聚。”
711“派出那些长牙、雄壮有力、年届六十的大象，
令象群踏毁毗提诃王精心建造的城池。
712“箭镞如犊齿般洁白，锋尖锐利，能穿骨而入；
为弓劲迅猛催动，飞射而去，疾速无伦。
713披甲健儿英武，彩杖兵器在身；
愿如巨象奋迅，直面象群。
714“油洗磨亮的刀剑，焰光闪耀，灿然生辉；
715“手握利刃、颈挂项链、臂戴环饰，
正是这般战士，临阵绝不退却。
毗提诃王又怎能脱身？纵使他想如鸟般飞走。
716“我有三十组九十人的同伴，个个心意坚定；
纵使我遍行大地，也不见能与他们相匹敌的人。
717“那些被调御的具牙之象，膂力强盛，年届六十；
在他们的肩头上，容貌俊美的青年们光彩照人；
718黄璎珞饰其身，黄衣黄裳，上衣下裳俱黄；
庄严辉耀于象肩之上，宛如欢喜园中之诸天子。
719“剑如叉尾鲇鱼之色，油洗明耀；
由人中雄杰所铸，锋刃匀称，极为锐利。
720“剑形如藤，光洁无瑕，精钢所成，至为坚牢。
由那些强健有力、擅长重击与刺击的人所持。
721“配有黄金剑柄，并饰以深红色的剑穗；
旋转时闪耀，犹如乌云间的闪电一般。
722“持旗者、擐甲的勇士，精通剑盾之道；
723“你已被这样的大军团团围困，绝无逃脱之路；
我并未见到你有何威德，能令你返回弥梯罗城。”
724“你为何这般神色仓皇，便驱使那头象？
你喜形于色地冲杀过来，心里大概在想‘我已胜券在握’吧。
725“放下弓弩，收起利箭；
且脱下这琉璃宝珠缀饰的华美铠甲；”
726“你面容清净明净，言语仍如平素般有度。
当死亡临头之际，确实会有这般容光焕发。”
727“你的咆哮徒然无益，国王！你的计谋已经破灭，刹帝利啊；
这位国王，实难被你擒获，犹如未驯之劣马难擒信度骏马。
728“昨日，国王偕同大臣与随从，渡过了恒河；
犹如乌鸦追赶天鹅之王，你亦将紧随其后奔逐不舍。”
729豺狼于夜分之中，望见紧叔迦树繁花盛开；
误以为是肉块，这些劣兽便聚拢而来。
731“大王，你也是这样，包围了毗提诃王；
731你满怀破灭之望而去，犹如豺狼空对紧叔迦树。”
732砍下此人双手双足，连同耳鼻！
谁若放走了落于我手的仇敌毗提诃，
733便将该人如肉块般串上矛尖，炙而烤之。
733谁要是把我手里抓到的敌人——毗提诃王——给放走了。
734“犹如将大公牛的生皮，在地上铺开绷紧，
又如狮子与老虎的皮，被钉子钉固。
735“如是，我将你铺开钉牢之后，便以矛枪将你刺穿。
是他从我手中放走了落入我手中的仇敌毗提诃。”
736“即便你将我的双手、双脚，连同耳鼻一并割去，
同样地，韦提诃（王）也会割去般遮罗旃陀[的手脚耳鼻]。
737“如果你砍断我的双手双脚，又割下我的耳朵鼻子，
同样地，毗提诃王也会令般遮罗旃迪遭受割罚。
738“如果你砍断我的双手双脚，又割下我的耳朵鼻子，
那么，韦提诃（王）也会同样割截难陀天后[的肢体]。
739“如果你砍断我的双手双脚，又割下我的耳朵鼻子，
那么，毗提诃王也会同样残害你的妻儿。
740“如果你把我像肉一样，插在烤叉上烧烤，
那么，毗提诃也会同样把般遮罗旃陀烤熟。
741“如果你把我像肉一样，插在烤叉上烧烤，
如是，因般遮罗旃地故，韦德哈王当命人烹之；
742你若视我如肉，贯诸铁叉而炙烤。
如是，韦提诃当为难陀天女而烹调；
743若我如肉般任人吞饮，你便贯我于铁叉之上炙烤。
如是为汝妻儿故，韦提诃自将烹煮；
744若将我身张布已，便以长矛刺我躯。
韦提诃将如此刺穿般遮罗旃陀，
745说道：若将我身剖开，以长矛刺我，
同样地，毗提诃将刺穿般遮喇旃地。
746“你若将我展开，以矛刺我；
同样，毗提诃将使难陀王后承受这般刺痛：
747纵使你扯开我的身躯，以长矛刺我；
如是，韦提诃必将祸及你的妻儿；
此乃韦提诃与我私下暗中所谋。
748“正如百层皮革，以锥以线精工缝制而成；
（那百层皮革，）用以护身，抵御飞箭。
749“带来安乐、驱除痛苦者，正是我——为了那声名显赫的毗提诃王；
我将击退你的计谋，犹如（以百层皮革之盾）击落箭矢。”
750“大王，请看：你的后宫如今已空无一人；
那些王妃、王子，以及你的母亲，刹帝利啊，
都被人从地道中带出，送到了毗提诃王面前。”
751“去吧，到我的后宫去，仔细搜查那里，看此言是真是假。”
此言是真实，还是虚妄？
752“大王，此事确实如此，正如大药所说的那样；
整座内宫空无一人，如同鸦落之城。”
753“大王，从这里离去的，是一位身相端严的女子；
她腰臀如憍赏弥木板般端美，音声犹如天鹅鸣啭。
754“大王，从这儿被带走的那名女子，全身端严，诸肢圆好，
身着丝绸，肤色微褐，系着天然金色的腰带。
755“双足红润的美人，系着金宝镶嵌的腰带；
眼如鸽眸，身姿纤秀，唇似频婆果，腰肢细软。
756生得端正美丽，臂如藤蔓，腰如祭坛，纤细窈窕。
长发深黑，发梢微微卷起。
757“善生犹如幼鹿，亦如寒冬火焰的顶端。
犹如山壑溪谷间，细竹遮掩的河流。
758“这位端丽女子，大腿如象鼻，双乳如最殊胜的延巴卢果。
身材不高不矮，体毛不疏不密。”
759“希利瓦哈那，你确实因难陀之死而欢喜吧。
而我与难陀，也确将前往死神的领域了。”
760“你修习天界幻术，造作这迷惑眼目的幻法；
他却放走了已落入我手中的仇敌毗提诃。”
761“大王，于此世间，智者学习天界幻术；
明哲多谋，能自解脱；
762“我有年少门徒，巧于破壁穿墙。
由他们开出的道路，毗提诃王回到了弥提罗城。”
763“大王请看，这暗道修筑得何等善巧，
为象马军、车乘与步卒之众，
此隧道光明挺立，善巧筑成。”
764“毗提诃人真有福报，得此诸智者安住国中；
犹如你大药一般。”
765“生活所需与礼遇，以及双倍的食物和薪俸。
我赐予你丰厚的财富，你享用诸欲，尽情欢愉吧；
莫再还归毗提诃，毗提诃复能何为？”
766大王，若人为财利故，竟舍其亲夫……
若人如此，则为自他双方所共呵责；
毗提诃王在世一日，世人便不应做他人的仆役。
767“大王，如果有人为了钱财而抛弃自己的主君，
（背叛者）自身及旁人两方，皆会对其加以谴责。
只要韦提希王尚在人世，他便不会在他人领土上居住。”
768“我赐你一千枚金币，并迦尸地区的八十座村庄，
四百名婢女，与一百位妻子，我也悉数给你。
率领全军，平安回去吧，大药。
769“让他们给象、马双倍的饲料吧。
以饮食供养那些车兵与步兵。”
770“智者啊，你可率领象兵、马兵、车兵、步兵，出发吧；
愿毗提诃大王得见你回到弥提罗。
771“象、马、战车、步兵，一支庞大的军队正现在前；
四部军阵森然可畏，智者，你如何看？”
772“大王，你的欢喜显得无比殊胜；
大药已率领全军，安然抵达。”
773“就像把那具尸体弃于坟场，四个抬送的人便离去了，
迦毗罗啊，我们也是如此，将他舍弃之后，便来到了此处。
774“那么，你是以何方式、以何因缘，
又以何事由，才得以自行脱身？”
775“我等以利以谋，护卫毗提诃刹帝利王，
如大海之环赡部洲。”
776“（王）曾赐给我一千尼卡金币，以及迦尸国的八十座村庄；
（王）曾赐给我四百名婢女，以及一百名妻子。
我率领整支军队，如今安抵此处。”
777“仙那迦啊，与智者共住，实为殊胜之乐；
如鸟困于笼，鱼陷于网；
我们落入了敌人手中，是大药智者把我们解救了出来。”
778“确实如此，大王，智者确能带来安乐。
如鸟困于笼，鱼陷于网；
我们落入了敌人手中，是大药智者把我们解救了出来。”
779“且让所有的琴都奏响，大鼓、小鼓一齐擂起；
且让摩揭陀的螺号齐吹，让悦耳的大鼓隆隆作响。”
780“后宫嫔妃与王子们，以及吠舍、婆罗门，
向贤者献上丰盛的食物与饮料。
781“象兵、列阵之兵、战车兵与步卒，
向贤者献上丰盛的食物与饮料。
782“乡民云集，市井之人也都聚集，
向贤者献上丰盛的食物与饮料。
783“大众见到智者来临，便充满净信；
智者已然到临，众人扬旗以示致敬。”
‘‘Pañcālo sabbasenāya, brahmadattoyamāgato; Sāyaṃ pañcāliyā senā, appameyyā mahosadha. ‘‘Vīthimatī pattimatī, sabbasaṅgāmakovidā; Ohārinī saddavatī, bherisaṅkhappabodhanā. ‘‘Lohavijjā alaṅkārā, dhajinī vāmarohinī; Sippiyehi susampannā, sūrehi suppatiṭṭhitā. ‘‘Dasettha paṇḍitā āhu, bhūripaññā rahogamā ; Mātā ekādasī rañño, pañcāliyaṃ pasāsati. ‘‘Athetthekasataṃ khatyā, anuyantā yasassino; Acchinnaraṭṭhā byathitā, pañcāliyaṃ vasaṃ gatā. ‘‘Yaṃvadā-takkarā rañño, akāmā piyabhāṇino; Pañcālamanuyāyanti, akāmā vasino gatā. ‘‘Tāya senāya mithilā, tisandhiparivāritā; Rājadhānī videhānaṃ, samantā parikhaññati. ‘‘Uddhaṃ tārakajātāva, samantā parivāritā; Mahosadha vijānāhi, kathaṃ mokkho bhavissati’’. ‘‘Pāde deva pasārehi, bhuñja kāme ramassu ca; Hitvā pañcāliyaṃ senaṃ, brahmadatto palāyiti’’ . ‘‘Rājā santhavakāmo te, ratanāni pavecchati; Āgacchantu ito dūtā, mañjukā piyabhāṇino. ‘‘Bhāsantu mudukā vācā, yā vācā paṭinanditā; Pañcālo ca videho ca , ubho ekā bhavantu te’’. ‘‘Kathaṃ nu kevaṭṭa mahosadhena, samāgamo āsi tadiṅgha brūhi; Kacci te paṭinijjhatto, kacci tuṭṭho mahosadho’’. ‘‘Anariyarūpo puriso janinda, asammodako thaddho asabbhirūpo; Yathā mūgo ca badhiro ca, na kiñcitthaṃ abhāsatha’’ . ‘‘Addhā idaṃ mantapadaṃ sududdasaṃ, attho suddho naravīriyena diṭṭho; Tathā hi kāyo mama sampavedhati, hitvā sayaṃ ko parahatthamessati’’. ‘‘Channañhi ekāva matī sameti, ye paṇḍitā uttamabhūripattā; Yānaṃ ayānaṃ atha vāpi ṭhānaṃ, mahosadha tvampi matiṃ karohi’’. ‘‘Jānāsi kho rāja mahānubhāvo, mahabbalo cūḷanibrahmadatto; Rājā ca taṃ icchati māraṇatthaṃ , migaṃ yathā okacarena luddo. ‘‘Yathāpi maccho baḷisaṃ, vaṅkaṃ maṃsena chāditaṃ; Āmagiddho na jānāti, maccho maraṇamattano. ‘‘Evameva tuvaṃ rāja, cūḷaneyyassa dhītaraṃ; Kāmagiddho na jānāsi, macchova maraṇamattano. ‘‘Sace gacchasi pañcālaṃ, khippamattaṃ jahissati; Migaṃ panthānubandhaṃva , mahantaṃ bhayamessati’’. ‘‘Mayameva bālamhase eḷamūgā, ye uttamatthāni tayī lapimhā; Kimeva tvaṃ naṅgalakoṭivaḍḍho, atthāni jānāsi yathāpi aññe’’. ‘‘Imaṃ gale gahetvāna, nāsetha vijitā mama; Yo me ratanalābhassa, antarāyāya bhāsati’’. ‘‘Tato ca so apakkamma, vedehassa upantikā; Atha āmantayī dūtaṃ, mādharaṃ suvapaṇḍitaṃ. ‘‘Ehi samma haritapakkha , veyyāvaccaṃ karohi me; Atthi pañcālarājassa, sāḷikā sayanapālikā. ‘Taṃ bandhanena pucchassu, sā hi sabbassa kovidā; Sā tesaṃ sabbaṃ jānāti, rañño ca kosiyassa ca. ‘‘‘Āmo’ti so paṭissutvā, mādharo suvapaṇḍito; Agamāsi haritapakkho , sāḷikāya upantikaṃ. ‘‘Tato ca kho so gantvāna, mādharo suvapaṇḍito; Athāmantayi sugharaṃ, sāḷikaṃ mañjubhāṇikaṃ. ‘Kacci te sughare khamanīyaṃ, kacci vesse anāmayaṃ; Kacci te madhunā lājā, labbhate sughare tuvaṃ’ . ‘Kusalañceva me samma, atho samma anāmayaṃ; Atho me madhunā lājā, labbhate suvapaṇḍita. ‘Kuto nu samma āgamma, kassa vā pahito tuvaṃ; Na ca mesi ito pubbe, diṭṭho vā yadi vā suto’’. ‘‘Ahosiṃ sivirājassa, pāsāde sayanapālako; Tato so dhammiko rājā, baddhe mocesi bandhanā’’. ‘‘Tassa mekā dutiyāsi, sāḷikā mañjubhāṇikā; Taṃ tattha avadhī seno, pekkhato sughare mama’’. ‘‘Tassā kāmā hi sammatto, āgatosmi tavantike; Sace kareyya okāsaṃ, ubhayova vasāmase’’. ‘‘Suvova suviṃ kāmeyya, sāḷiko pana sāḷikaṃ; Suvassa sāḷikāyeva , saṃvāso hoti kīdiso’’. ‘‘Yoyaṃ kāme kāmayati, api caṇḍālikāmapi; Sabbo hi sadiso hoti, natthi kāme asādiso’’. ‘‘Atthi jampāvatī nāma, mātā sivissa rājino; Sā bhariyā vāsudevassa, kaṇhassa mahesī piyā. ‘‘Raṭṭhavatī kimpurisī, sāpi vacchaṃ akāmayi; Manusso migiyā saddhiṃ, natthi kāme asādiso’’. ‘‘Handa khvāhaṃ gamissāmi, sāḷike mañjubhāṇike; Paccakkhānupadañhetaṃ, atimaññasi nūna maṃ’’. ‘‘Na sirī taramānassa, mādhara suvapaṇḍita; Idheva tāva acchassu, yāva rājāna dakkhasi ; Sossi saddaṃ mudiṅgānaṃ, ānubhāvañca rājino’’. ‘‘Yo nu khvāyaṃ tibbo saddo, tirojanapade suto; Dhītā pañcālarājassa, osadhī viya vaṇṇinī; Taṃ dassati videhānaṃ, so vivāho bhavissati’’. ‘‘Ediso mā amittānaṃ, vivāho hotu mādhara; Yathā pañcālarājassa, vedehena bhavissati’’. ‘‘Ānayitvāna vedehaṃ, pañcālānaṃ rathesabho; Tato naṃ ghātayissati, nassa sakhī bhavissati’’. ‘‘Handa kho maṃ anujānāhi, rattiyo sattamattiyo; Yāvāhaṃ sivirājassa, ārocemi mahesino; Laddho ca me āvasatho, sāḷikāya upantikaṃ’’ . ‘‘Handa kho taṃ anujānāmi, rattiyo sattamattiyo; Sace tvaṃ sattarattena, nāgacchasi mamantike; Maññe okkantasattaṃ maṃ, matāya āgamissasi’’. ‘‘Tato ca kho so gantvāna, mādharo suvapaṇḍito; Mahosadhassa akkhāsi, sāḷikāvacanaṃ idaṃ’’. ‘‘Yasseva ghare bhuñjeyya bhogaṃ, tasseva atthaṃ puriso careyya’’; ‘‘Handāhaṃ gacchāmi pure janinda, pañcālarājassa puraṃ surammaṃ; Nivesanāni māpetuṃ, vedehassa yasassino. ‘‘Nivesanāni māpetvā, vedehassa yasassino; Yadā te pahiṇeyyāmi, tadā eyyāsi khattiya’’. ‘‘Tato ca pāyāsi pure mahosadho, pañcālarājassa puraṃ surammaṃ; Nivesanāni māpetuṃ, vedehassa yasassino’’. ‘‘Nivesanāni māpetvā, vedehassa yasassino; Athassa pāhiṇī dūtaṃ, vedehaṃ mithilaggahaṃ ; Ehi dāni mahārāja, māpitaṃ te nivesanaṃ’’. ‘‘Tato ca rājā pāyāsi, senāya caturaṅgiyā ; Anantavāhanaṃ daṭṭhuṃ, phītaṃ kapiliyaṃ puraṃ’’. ‘‘Tato ca kho so gantvāna, brahmadattassa pāhiṇi; ‘Āgato’smi mahārāja, tava pādāni vandituṃ. ‘Dadāhi dāni me bhariyaṃ, nāriṃ sabbaṅgasobhiniṃ; Suvaṇṇena paṭicchannaṃ, dāsīgaṇapurakkhataṃ’’’. ‘‘Svāgataṃ teva vedeha, atho te adurāgataṃ; Nakkhattaṃyeva paripuccha, ahaṃ kaññaṃ dadāmi te; Suvaṇṇena paṭicchannaṃ, dāsīgaṇapurakkhataṃ’’. ‘‘Tato ca rājā vedeho, nakkhattaṃ paripucchatha ; Nakkhattaṃ paripucchitvā, brahmadattassa pāhiṇi. ‘‘Dadāhi dāni me bhariyaṃ, nāriṃ sabbaṅgasobhiniṃ; Suvaṇṇena paṭicchannaṃ, dāsīgaṇapurakkhataṃ’’. ‘‘Dadāmi dāni te bhariyaṃ, nāriṃ sabbaṅgasobhiniṃ; Suvaṇṇena paṭicchannaṃ, dāsīgaṇapurakkhataṃ’’. ‘‘Hatthī assā rathā pattī, senā tiṭṭhanti vammitā ; Ukkā padittā jhāyanti, kinnu maññanti paṇḍitā. ‘‘Hatthī assā rathā pattī, senā tiṭṭhanti vammitā ; Ukkā padittā jhāyanti, kiṃ nu kāhanti paṇḍita’’. ‘‘Rakkhati taṃ mahārāja, cūḷaneyyo mahabbalo; Paduṭṭho brahmadattena , pāto taṃ ghātayissati’’. ‘‘Ubbedhati me hadayaṃ, mukhañca parisussati; Nibbutiṃ nādhigacchāmi, aggidaḍḍhova ātape. ‘‘Kammārānaṃ yathā ukkā, anto jhāyati no bahi; Evampi hadayaṃ mayhaṃ, anto jhāyati no bahi’’. ‘‘Pamatto mantanātīto, bhinnamantosi khattiya; Idāni kho taṃ tāyantu, paṇḍitā mantino janā. ‘‘Akatvāmaccassa vacanaṃ, atthakāmahitesino; Attapītirato rājā, migo kūṭeva ohito. ‘‘Yathāpi maccho baḷisaṃ, vaṅkaṃ maṃsena chāditaṃ; Āmagiddho na jānāti, maccho maraṇamattano. ‘‘Evameva tuvaṃ rāja, cūḷaneyyassa dhītaraṃ; Kāmagiddho na jānāsi, macchova maraṇamattano. ‘‘Sace gacchasi pañcālaṃ, khippamattaṃ jahissasi; Migaṃ panthānubandhaṃva, mahantaṃ bhayamessati. ‘‘Anariyarūpo puriso janinda, ahīva ucchaṅgagato ḍaseyya; Na tena mittiṃ kayirātha dhīro , dukkho have kāpurisena saṅgamo. ‘‘Yadeva jaññā purisaṃ janinda, sīlavāyaṃ bahussuto; Teneva mittiṃ kayirātha dhīro, sukho have sappurisena saṅgamo’’. ‘‘Bālo tuvaṃ eḷamūgosi rāja, yo uttamatthāni mayī lapittho; Kimevahaṃ naṅgalakoṭivaḍḍho, atthāni jānāmi yathāpi aññe. ‘‘Imaṃ gale gahetvāna, nāsetha vijitā mama; Yo me ratanalābhassa, antarāyāya bhāsati’’. ‘‘Mahosadha atītena, nānuvijjhanti paṇḍitā; Kiṃ maṃ assaṃva sambandhaṃ, patodeneva vijjhasi. ‘‘Sace passasi mokkhaṃ vā, khemaṃ vā pana passasi; Teneva maṃ anusāsa, kiṃ atītena vijjhasi’’. ‘‘Atītaṃ mānusaṃ kammaṃ, dukkaraṃ durabhisambhavaṃ; Na taṃ sakkomi mocetuṃ, tvaṃ pajānassu khattiya. ‘‘Santi vehāyasā nāgā, iddhimanto yasassino; Tepi ādāya gaccheyyuṃ, yassa honti tathāvidhā. ‘‘Santi vehāyasā assā, iddhimanto yasassino; Tepi ādāya gaccheyyuṃ, yassa honti tathāvidhā. ‘‘Santi vehāyasā pakkhī, iddhimanto yasassino; Tepi ādāya gaccheyyuṃ, yassa honti tathāvidhā. ‘‘Santi vehāyasā yakkhā, iddhimanto yasassino; Tepi ādāya gaccheyyuṃ, yassa honti tathāvidhā. ‘‘Atītaṃ mānusaṃ kammaṃ, dukkaraṃ durabhisambhavaṃ; Na taṃ sakkomi mocetuṃ, antalikkhena khattiya’’. ‘‘Atīradassī puriso, mahante udakaṇṇave; Yattha so labhate gādhaṃ , tattha so vindate sukhaṃ. ‘‘Evaṃ amhañca rañño ca, tvaṃ patiṭṭhā mahosadha; Tvaṃ nosi mantinaṃ seṭṭho, amhe dukkhā pamocaya’’. ‘‘Atītaṃ mānusaṃ kammaṃ, dukkaraṃ durabhisambhavaṃ; Na taṃ sakkomi mocetuṃ, tvaṃ pajānassu senaka’’. ‘‘Suṇohi metaṃ vacanaṃ, passa senaṃ mahabbhayaṃ; Senakaṃ dāni pucchāmi, kiṃ kiccaṃ idha maññasi’’. ‘‘Aggiṃ vā dvārato dema, gaṇhāmase vikantanaṃ ; Aññamaññaṃ vadhitvāna, khippaṃ hissāma jīvitaṃ; Mā no rājā brahmadatto, ciraṃ dukkhena mārayi’’. ‘‘Suṇohi metaṃ vacanaṃ, passa senaṃ mahabbhayaṃ; Pukkusaṃ dāni pucchāmi, kiṃ kiccaṃ idha maññasi’’. ‘‘Visaṃ khāditvā miyyāma, khippaṃ hissāma jīvitaṃ; Mā no rājā brahmadatto, ciraṃ dukkhena mārayi’’. ‘‘Suṇohi metaṃ vacanaṃ, passa senaṃ mahabbhayaṃ; Kāmindaṃ dāni pucchāmi, kiṃ kiccaṃ idha maññasi’’. ‘‘Rajjuyā bajjha miyyāma, papātā papatāmase ; Mā no rājā brahmadatto, ciraṃ dukkhena mārayi’’. ‘‘Suṇohi metaṃ vacanaṃ, passa senaṃ mahabbhayaṃ; Devindaṃ dāni pucchāmi, kiṃ kiccaṃ idha maññasi’’. ‘‘Aggiṃ vā dvārato dema, gaṇhāmase vikantanaṃ; Aññamaññaṃ vadhitvāna, khippaṃ hissāma jīvitaṃ; Na no sakkoti mocetuṃ, sukheneva mahosadho’’. ‘‘Yathā kadalino sāraṃ, anvesaṃ nādhigacchati; Evaṃ anvesamānā naṃ, pañhaṃ najjhagamāmase. ‘‘Yathā simbalino sāraṃ, anvesaṃ nādhigacchati; Evaṃ anvesamānā naṃ, pañhaṃ najjhagamāmase. ‘‘Adese vata no vuṭṭhaṃ, kuñjarānaṃvanodake; Sakāse dummanussānaṃ, bālānaṃ avijānataṃ. ‘‘Ubbedhati me hadayaṃ, mukhañca parisussati; Nibbutiṃ nādhigacchāmi, aggidaḍḍhova ātape. ‘‘Kammārānaṃ yathā ukkā, anto jhāyati no bahi; Evampi hadayaṃ mayhaṃ, anto jhāyati no bahi’’. ‘‘Tato so paṇḍito dhīro, atthadassī mahosadho; Vedehaṃ dukkhitaṃ disvā, idaṃ vacanamabravi. ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, rāhuggahaṃva candimaṃ. ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, rāhuggahaṃva sūriyaṃ. ‘‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, paṅke sannaṃva kuñjaraṃ. ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, peḷābaddhaṃva pannagaṃ. ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, pakkhiṃ baddhaṃva pañjare . ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, macche jālagateriva. ‘Mā tvaṃ bhāyi mahārāja, mā tvaṃ bhāyi rathesabha; Ahaṃ taṃ mocayissāmi, sayoggabalavāhanaṃ. ‘Mā tvaṃ bhāyi mahārāja, mā tvaṃ bhāyi rathesabha; Pañcālaṃ vāhayissāmi , kākasenaṃva leḍḍunā. ‘Adu paññā kimatthiyā, amacco vāpi tādiso; Yo taṃ sambādhapakkhandaṃ , dukkhā na parimocaye’’’. ‘‘Etha māṇavā uṭṭhetha, mukhaṃ sodhetha sandhino; Vedeho sahamaccehi, umaṅgena gamissati’’. ‘‘Tassa taṃ vacanaṃ sutvā, paṇḍitassānucārino ; Umaṅgadvāraṃ vivariṃsu, yantayutte ca aggaḷe’’. ‘‘Purato senako yāti, pacchato ca mahosadho; Majjhe ca rājā vedeho, amaccaparivārito’’. ‘‘Umaṅgā nikkhamitvāna, vedeho nāvamāruhi; Abhirūḷhañca taṃ ñatvā , anusāsi mahosadho. ‘Ayaṃ te sasuro deva, ayaṃ sassu janādhipa; Yathā mātu paṭipatti, evaṃ te hotu sassuyā. ‘Yathāpi niyako bhātā, saudariyo ekamātuko; Evaṃ pañcālacando te, dayitabbo rathesabha. ‘Ayaṃ pañcālacandī te, rājaputtī abhicchitā ; Kāmaṃ karohi te tāya, bhariyā te rathesabha’’’. ‘‘Āruyha nāvaṃ taramāno, kinnu tīramhi tiṭṭhasi; Kicchā muttāmha dukkhato, yāma dāni mahosadha’’. ‘‘Nesa dhammo mahārāja, yohaṃ senāya nāyako; Senaṅgaṃ parihāpetvā, attānaṃ parimocaye. ‘‘Nivesanamhi te deva, senaṅgaṃ parihāpitaṃ; Taṃ dinnaṃ brahmadattena, ānayissaṃ rathesabha’’. ‘‘Appaseno mahāsenaṃ, kathaṃ viggayha ṭhassasi; Dubbalo balavantena, vihaññissasi paṇḍita’’. ‘‘Appasenopi ce mantī, mahāsenaṃ amantinaṃ; Jināti rājā rājāno, ādiccovudayaṃ tamaṃ’’. ‘‘Susukhaṃ vata saṃvāso, paṇḍitehīti senaka; Pakkhīva pañjare baddhe, macche jālagateriva; Amittahatthattagate , mocayī no mahosadho’’. ‘‘Evametaṃ mahārāja, paṇḍitā hi sukhāvahā; Pakkhīva pañjare baddhe, macche jālagateriva; Amittahatthattagate, mocayī no mahosadho’’. ‘‘Rakkhitvā kasiṇaṃ rattiṃ, cūḷaneyyo mahabbalo; Udentaṃ aruṇuggasmiṃ, upakāriṃ upāgami. ‘‘Āruyha pavaraṃ nāgaṃ, balavantaṃ saṭṭhihāyanaṃ; Rājā avoca pañcālo, cūḷaneyyo mahabbalo. ‘‘Sannaddho maṇivammena , saramādāya pāṇinā; Pesiye ajjhabhāsittha, puthugumbe samāgate. ‘‘Hatthārohe anīkaṭṭhe, rathike pattikārake; Upāsanamhi katahatthe, vālavedhe samāgate’’. ‘‘Pesetha kuñjare dantī, balavante saṭṭhihāyane; Maddantu kuñjarā nagaraṃ, vedehena sumāpitaṃ. ‘‘Vacchadantamukhā setā, tikkhaggā aṭṭhivedhino; Paṇunnā dhanuvegena, sampatantutarītarā. ‘‘Māṇavā vammino sūrā, citradaṇḍayutāvudhā; Pakkhandino mahānāgā, hatthīnaṃ hontu sammukhā. ‘‘Sattiyo teladhotāyo, accimantā pabhassarā; Vijjotamānā tiṭṭhantu, sataraṃsīva tārakā. ‘‘Āvudhabalavantānaṃ, guṇikāyūradhārinaṃ; Etādisānaṃ yodhānaṃ, saṅgāme apalāyinaṃ; Vedeho kuto muccissati, sace pakkhīva kāhiti. ‘‘Tiṃsa me purisanāvutyo, sabbevekekaniccitā; Yesaṃ samaṃ na passāmi, kevalaṃ mahimaṃ caraṃ. ‘‘Nāgā ca kappitā dantī, balavanto saṭṭhihāyanā; Yesaṃ khandhesu sobhanti, kumārā cārudassanā; ‘‘Pītālaṅkārā pītavasanā, pītuttaranivāsanā; Nāgakhandhesu sobhanti, devaputtāva nandane. ‘‘Pāṭhīnavaṇṇā nettiṃsā, teladhotā pabhassarā; Niṭṭhitā naradhīrehi , samadhārā sunissitā. ‘‘Vellālino vītamalā, sikkāyasamayā daḷhā; Gahitā balavantehi, suppahārappahāribhi. ‘‘Suvaṇṇatharusampannā, lohitakacchupadhāritā; Vivattamānā sobhanti, vijjuvabbhaghanantare. ‘‘Paṭākā vammino sūrā, asicammassa kovidā; Dhanuggahā sikkhitarā , nāgakhandhe nipātino . ‘‘Etādisehi parikkhitto, natthi mokkho ito tava; Pabhāvaṃ te na passāmi, yena tvaṃ mithilaṃ vaje’’. ‘‘Kiṃ nu santaramānova, nāgaṃ pesesi kuñjaraṃ; Pahaṭṭharūpo āpatasi , siddhatthosmīti maññasi. ‘‘Oharetaṃ dhanuṃ cāpaṃ, khurappaṃ paṭisaṃhara; Oharetaṃ subhaṃ vammaṃ, veḷuriyamaṇisanthataṃ’’ . ‘‘Pasannamukhavaṇṇosi, mitapubbañca bhāsasi; Hoti kho maraṇakāle, edisī vaṇṇasampadā’’. ‘‘Moghaṃ te gajjitaṃ rāja, bhinnamantosi khattiya; Duggaṇhosi tayā rājā, khaḷuṅkeneva sindhavo. ‘‘Tiṇṇo hiyyo rājā gaṅgaṃ, sāmacco saparijjano; Haṃsarājaṃ yathā dhaṅko, anujjavaṃ patissasi’’. ‘‘Siṅgālā rattibhāgena, phullaṃ disvāna kiṃsukaṃ; Maṃsapesīti maññantā, paribyūḷhā migādhamā. ‘‘Vītivattāsu rattīsu, uggatasmiṃ divākare ; Kiṃsukaṃ phullitaṃ disvā, āsacchinnā migādhamā. ‘‘Evameva tuvaṃ rāja, vedehaṃ parivāriya ; Āsacchinno gamissasi, siṅgālā kiṃsukaṃ yathā’’. ‘‘Imassa hatthe pāde ca, kaṇṇanāsañca chindatha; Yo me amittaṃ hatthagataṃ, vedehaṃ parimocayi. ‘‘Imaṃ maṃsaṃva pātabyaṃ , sūle katvā pacantu naṃ; Yo me amittaṃ hatthagataṃ, vedehaṃ parimocayi. ‘‘Yathāpi āsabhaṃ cammaṃ, pathabyā vitaniyyati; Sīhassa atho byagghassa, hoti saṅkusamāhataṃ. ‘‘Evaṃ taṃ vitanitvāna, vedhayissāmi sattiyā; Yo me amittaṃ hatthagataṃ, vedehaṃ parimocayi’’. ‘‘Sace me hatthe pāde ca, kaṇṇanāsañca checchasi; Evaṃ pañcālacandassa, vedeho chedayissati. ‘‘Sace me hatthe pāde ca, kaṇṇanāsañca checchasi; Evaṃ pañcālacandiyā, vedeho chedayissati. ‘‘Sace me hatthe pāde ca, kaṇṇanāsañca checchasi; Evaṃ nandāya deviyā, vedeho chedayissati. ‘‘Sace me hatthe pāde ca, kaṇṇanāsañca checchasi; Evaṃ te puttadārassa, vedeho chedayissati. ‘‘Sace maṃsaṃva pātabyaṃ, sūle katvā pacissasi; Evaṃ pañcālacandassa, vedeho pācayissati. ‘‘Sace maṃsaṃva pātabyaṃ, sūle katvā pacissasi; Evaṃ pañcālacandiyā, vedeho pācayissati. ‘‘Sace maṃsaṃva pātabyaṃ, sūle katvā pacissasi; Evaṃ nandāya deviyā, vedeho pācayissati. ‘‘Sace maṃsaṃva pātabyaṃ, sūle katvā pacissasi; Evaṃ te puttadārassa, vedeho pācayissati. ‘‘Sace maṃ vitanitvāna, vedhayissasi sattiyā; Evaṃ pañcālacandassa, vedeho vedhayissati. ‘‘Sace maṃ vitanitvāna, vedhayissasi sattiyā; Evaṃ pañcālacandiyā, vedeho vedhayissati. ‘‘Sace maṃ vitanitvāna, vedhayissasi sattiyā; Evaṃ nandāya deviyā, vedeho vedhayissati. ‘‘Sace maṃ vitanitvāna, vedhayissasi sattiyā; Evaṃ te puttadārassa, vedeho vedhayissati; Evaṃ no mantitaṃ raho, vedehena mayā saha. ‘‘Yathāpi palasataṃ cammaṃ, kontimantāsuniṭṭhitaṃ ; Upeti tanutāṇāya, sarānaṃ paṭihantave. ‘‘Sukhāvaho dukkhanudo, vedehassa yasassino; Matiṃ te paṭihaññāmi, usuṃ palasatena vā’’. ‘‘Iṅgha passa mahārāja, suññaṃ antepuraṃ tava; Orodhā ca kumārā ca, tava mātā ca khattiya; Umaṅgā nīharitvāna, vedehassupanāmitā’’. ‘‘Iṅgha antepuraṃ mayhaṃ, gantvāna vicinātha naṃ; Yathā imassa vacanaṃ, saccaṃ vā yadi vā musā’’. ‘‘Evametaṃ mahārāja, yathā āha mahosadho; Suññaṃ antepuraṃ sabbaṃ, kākapaṭṭanakaṃ yathā’’. ‘‘Ito gatā mahārāja, nārī sabbaṅgasobhanā; Kosambaphalakasussoṇī , haṃsagaggarabhāṇinī. ‘‘Ito nītā mahārāja, nārī sabbaṅgasobhanā; Koseyyavasanā sāmā, jātarūpasumekhalā. ‘‘Surattapādā kalyāṇī, suvaṇṇamaṇimekhalā; Pārevatakkhī sutanū, bimboṭṭhā tanumajjhimā. ‘‘Sujātā bhujalaṭṭhīva, vedīva tanumajjhimā; Dīghassā kesā asitā, īsakaggapavellitā. ‘‘Sujātā migachāpāva, hemantaggisikhāriva; Nadīva giriduggesu, sañchannā khuddaveḷubhi. ‘‘Nāganāsūru kalyāṇī, paramā timbarutthanī; Nātidīghā nātirassā, nālomā nātilomasā’’. ‘‘Nandāya nūna maraṇena, nandasi sirivāhana; Ahañca nūna nandā ca, gacchāma yamasādhanaṃ’’. ‘‘Dibbaṃ adhīyase māyaṃ, akāsi cakkhumohanaṃ; Yo me amittaṃ hatthagataṃ, vedehaṃ parimocayi’’. ‘‘Adhīyanti mahārāja , dibbamāyidha paṇḍitā; Te mocayanti attānaṃ, paṇḍitā mantino janā. ‘‘Santi māṇavaputtā me, kusalā sandhichedakā; Yesaṃ katena maggena, vedeho mithilaṃ gato’’. ‘‘Iṅgha passa mahārāja, umaṅgaṃ sādhu māpitaṃ; Hatthīnaṃ atha assānaṃ, rathānaṃ atha pattinaṃ; Ālokabhūtaṃ tiṭṭhantaṃ, umaṅgaṃ sādhu māpitaṃ’’ . ‘‘Lābhā vata videhānaṃ, yassimedisā paṇḍitā; Ghare vasanti vijite, yathā tvaṃsi mahosadha’’. ‘‘Vuttiñca parihārañca, diguṇaṃ bhattavetanaṃ; Dadāmi vipule bhoge, bhuñja kāme ramassu ca; Mā videhaṃ paccagamā, kiṃ videho karissati’’. ‘‘Yo cajetha mahārāja, bhattāraṃ dhanakāraṇā; Ubhinnaṃ hoti gārayho, attano ca parassa ca; Yāva jīveyya vedeho, nāññassa puriso siyā. ‘‘Yo cajetha mahārāja, bhattāraṃ dhanakāraṇā; Ubhinnaṃ hoti gārayho, attano ca parassa ca; Yāva tiṭṭheyya vedeho, nāññassa vijite vase’’. ‘‘Dammi nikkhasahassaṃ te, gāmāsītiñca kāsisu; Dāsisatāni cattāri, dammi bhariyāsatañca te; Sabbaṃ senaṅgamādāya, sotthiṃ gaccha mahosadha. ‘‘Yāva dadantu hatthīnaṃ, assānaṃ diguṇaṃ vidhaṃ; Tappentu annapānena, rathike pattikārake’’. ‘‘Hatthī asse rathe pattī, gacchevādāya paṇḍita; Passatu taṃ mahārājā, vedeho mithilaṃ gataṃ . ‘‘Hatthī assā rathā pattī, senā padissate mahā; Caturaṅginī bhīsarūpā, kiṃ nu maññasi paṇḍita’’ . ‘‘Ānando te mahārāja, uttamo paṭidissati; Sabbaṃ senaṅgamādāya, sotthiṃ patto mahosadho’’. ‘‘Yathā petaṃ susānasmiṃ, chaḍḍetvā caturo janā; Evaṃ kapilaye tyamha , chaḍḍayitvā idhāgatā. ‘‘Atha tvaṃ kena vaṇṇena, kena vā pana hetunā; Kena vā atthajātena, attānaṃ parimocayi’’. ‘‘Atthaṃ atthena vedeha, mantaṃ mantena khattiya; Parivārayiṃ rājānaṃ, jambudīpaṃva sāgaro’’. ‘‘Dinnaṃ nikkhasahassaṃ me, gāmāsīti ca kāsisu; Dāsīsatāni cattāri, dinnaṃ bhariyāsatañca me; Sabbaṃ senaṅgamādāya, sotthināmhi idhāgato’’. ‘‘Susukhaṃ vata saṃvāso, paṇḍitehīti senaka; Pakkhīva pañjare baddhe, macche jālagateriva; Amittahatthattagate , mocayī no mahosadho’’. ‘‘Evametaṃ mahārāja, paṇḍitā hi sukhāvahā; Pakkhīva pañjare baddhe, macche jālagateriva; Amittahatthattagate, mocayī no mahosadho’’. ‘‘Āhaññantu sabbavīṇā, bheriyo dindimāni ca; Dhamentu māgadhā saṅkhā, vaggū nadantu dundubhī’’. ‘‘Orodhā ca kumārā ca, vesiyānā ca brāhmaṇā; Bahuṃ annañca pānañca, paṇḍitassābhihārayuṃ. ‘‘Hatthārohā anīkaṭṭhā, rathikā pattikārakā; Bahuṃ annañca pānañca, paṇḍitassābhihārayuṃ. ‘‘Samāgatā jānapadā, negamā ca samāgatā; Bahuṃ annañca pānañca, paṇḍitassābhihārayuṃ. ‘‘Bahujano pasannosi, disvā paṇḍitamāgataṃ; Paṇḍitamhi anuppatte, celukkhepo avattathā’’ti.
