531. 五三一·古萨本生（一）
531. Kusajātakaṃ (1)
1“此国丰饶，财宝车乘俱足，臂钏庄严，一切欲乐圆满；
母亲，请治理此王邦，我今往心爱之帕跋瓦提处去。”
2“以不正直之心搬运重担，无论是白昼、黑夜，乃至中夜时分；”
“拘萨王，你速速回拘萨瓦提去吧，我不愿你这般丑陋之人留居此地。”
3“我不会因此就离开这里，前往拘萨瓦提，帕跋瓦提，我已为你的美貌所深深折服；”
“我喜爱马德王这怡人的宫殿，为见到你，我舍弃了王国，便已陶然忘返。”
4“帕跋瓦提，我被你的容貌迷醉了，心神迷乱，游荡在这片大地上；”
“我已不辨方向，也不知自己从何处来，我为你沉醉，你双眸如鹿般温柔的女子。”
5“你身披金色树皮衣，系着精美的纯金腰带；
秀美端丽的女子，我正是因你的爱欲而来，并非贪图王位。”
6“对那人而言，尊者，这便是耻辱——凡是去追求不愿被追求之人。
大王，你苦求那无意之人，却偏要强做那违心之事。”
7“无论她情愿与不情愿，人若得其所爱……
此中得利即称叹，不得利时便谓恶；”
8手持迦尼迦罗木，欲凿石心徒自劳。
“你以网拦风，硬要捕捉那不愿被捕捉的东西。”
9“相貌柔和的人啊，你心里一定放着块石头。”
“我自远方而来，却得不到你丝毫温柔。”
10“每当公主蹙眉凝视我，”
“那时，我便是马陀王内宫中的厨子。”
11“当公主含笑凝望着我时；
那时我为厨人，那时我作库萨王；”
12“若占相师之言真实不虚，
你绝非我的丈夫，纵使将我碎为七段也罢。”
13“若此言真实不虚，无论出自他人或出自我之口；
除了那发狮子吼音的库萨，你再没有别的丈夫。”
14“等我到了拘萨婆提城，驼背女啊，我就给你打造一条金项链。
若是那位有着象鼻般美腿的帕跋瓦提能看我一眼。
15“等我到了拘萨婆提城，驼背女啊，我就给你打造一条金项链。
若是那位有着象鼻般美腿的帕跋瓦提能与我说话。
16“等我到了拘萨婆提城，驼背女啊，我就给你打造一条金项链。
若是那位有着象鼻般美腿的帕跋瓦提对我微笑。
17“等我到了拘萨婆提城，驼背女啊，我就给你打造一条金项链。
若那位腿如象鼻的帕跋瓦提对我展露微笑。
18“等我到了拘萨婆提城，驼背女啊，我就给你打造一条金项链。
若那位腿美如象鼻的她，用双手触碰于我。”
19“这位公主在拘舍身上，实在寻不到丝毫快乐。
为厨、为佣、为仆，不贪工酬之人——”
20“难道这驼背女子，还不该受割舌之刑？
利刃新磨锋锐，恶语一出亦然——”
21“莫以容貌量他，莫以身量评他，帕跋瓦提啊。
认定他“声名显赫”，可爱的人啊，请使他成为你的亲爱。
22“莫以容貌评判他，也莫以身量评判，帕跋瓦提啊；
认定他“财富广大”，可爱的人啊，请使他成为你的亲爱。
23“莫以容貌评判他，也莫以身量评判，帕跋瓦提啊；
认定他“具大力”，可爱的人啊，请使他成为你的亲爱。
24“莫以容貌评判他，也莫以身量评判，帕跋瓦提啊；
认定他是“大国之主”，可爱的人啊，请使他成为你的亲爱。
25“莫以容貌评判他，也莫以身量评判，帕跋瓦提啊；
认定他是“大王”，可爱的人啊，请使他成为你的亲爱。
26“莫以容貌评判他，也莫以身量评判，帕跋瓦提啊；
认定他“声如狮吼”，可爱的人啊，请使他成为你的亲爱。
27“莫以容貌评判他，也莫以身量评判，帕跋瓦提啊；
既识他作妙音者，美人啊，便将他引为亲爱。
28莫以容貌衡量他——他因身量而卓然出众；
认定他“声音圆润”，可爱的人啊，请使他成为你的亲爱。
29“莫以容貌评判他，也莫以身量评判，帕跋瓦提啊；
认定他“声音曼妙”，可爱的人啊，请使他成为你的亲爱。
30“莫以容貌评判他，也莫以身量评判，帕跋瓦提啊；
既认定他声如蜜甜，可爱的人啊，且将他作心之所爱；
31莫以容貌评判他，莫以身量评判他，帕跋瓦提啊。
认定他“身怀百艺”，可爱的人啊，请使他成为你的亲爱。
32“莫以容貌评判他，也莫以身量评判，帕跋瓦提啊；
纵然只认定他是“刹帝利”，可爱的人啊，也请使他成为你的亲爱。
33“莫以容貌评判他，也莫以身量评判，帕跋瓦提啊；
既认他作库沙之王，丽人啊，请将他视作心上人；”
34这诸头大象皆披坚甲，巍然矗立，蓄势待发。
“在它们踏毁城墙之前，把帕跋瓦提带来。”
35“将这位帕跋瓦提切成七块之后，我便
交给那些来此杀我的刹帝利。”
36“公主站起身来，肤色微黑，身着丝绸衣裳；
泪眼盈眶，女仆成群簇拥着她。”
37“那张涂抹脂粉、常映照于象牙镜中的脸，
这张美丽、明眸、无尘、无垢、被弃的脸，将被刹帝利们弃置在林中。
38“我这头乌黑卷曲、柔软又涂了檀香膏的头发——
在那杂乱的弃尸场中央，秃鹫将用脚爪拖扯它们。
39“我这双铜红指甲、毫毛秀美、柔软而涂着旃檀精华的手臂，
她被刹帝利们斩断，弃于林中；乌鸦将她衔起，随意而去。
40“这双如棕榈叶般、下垂的（乳房），曾以迦尸旃檀涂敷；
豺狼将悬挂在我的乳房上，犹如年幼的亲生儿子之于母亲。
41“那丰满的臀部，精工雕琢，为金腰带所环绕；”
“她被刹帝利们斩断、弃于林中，将被豺狼群拖走。”
42“犬、乌鸦与豺狼，以及其他所有长着利齿的兽类，”
食罢帕跋瓦提，想必便得不老；
43倘若远来的刹帝利，已将肉取走而去。
“母亲，讨来骨骸后，沿路将她火化吧。”
44“母亲啊，让人整治好田地，在那里种上翅子树；
待到这些树开花的时候，正是冬尽寒退之际；
母亲啊，那时您便会想起我——如此光彩夺目的帕跋瓦提。”
45“她的母亲——那位具足天女容貌的刹帝利女性，站起身来；
在玛达国王的内宫中，她看见了利刃与屠场。”
46“想必你便是以此利刃，斩杀了那端庄纤腰的女儿；
玛达啊，如今还要将她示于刹帝利众人之前。”
47女儿啊，我一心为你谋福，你却不肯听我片言；
如今你遍身血染，正走向阎摩的死域。
48“人便这样陷落，更遭遇恶果——
那便是不听从心怀善意、明见义利者忠告的人。
49倘若你今日能怀胎生下这容颜俊美的王子，
库萨所生之刹帝利，身佩金珠宝带。
亲族所礼敬，不赴阎摩之所居；
50鼓音震响处，大象亦长鸣。
贤女，在刹帝利家族之中，还有什么比那更快乐？
51“马在门前嘶鸣，小王子哭泣，
贤女，在刹帝利家族之中，还有什么比那更快乐？
52“孔雀与苍鹭啼鸣，杜鹃婉转歌吟之处，
贤女，在刹帝利家族之中，还有什么比那更快乐？”
53“那位摧破敌军、征服他国者，今在何处？
那位智慧明利的孤沙王，今在何处，能令我们出离痛苦？”
54“就在这里，那位摧破敌军、征服他国者。
那位智慧明利的孤沙王就在这里，他将把你们全部消灭。”
55“你可是疯了在此胡言乱语？你这盲目愚痴的女人，口出狂言！
孤沙若真到此，我等岂有不识？”
56“此人不过一庖厨，混迹公主深宫。
他紧束腰带，弯腰刷洗着铁锅。”
57“你是吠尼，旃陀罗女，你败坏了家族的美名！
你生于玛达族门，怎可纳奴仆为情郎？”
58“我非编竹之女，非旃陀罗贱民，亦非败坏门风之人。
他是甘蔗王之子；尊者，您竟当他是奴仆吗？”
59“他常供养两万婆罗门。
他是甘蔗王之子；尊者，您竟当他是奴仆吗？”
60“他常调集两万头大象。
他是甘蔗王之子；尊者，您竟当他是奴仆吗？
61“他常套驾两万匹骏马。
甘蔗王之子——尊者，您竟当他是奴仆吗？
62人们常为他套驾两万辆战车。
他是甘蔗王之子；尊者，您竟当他是奴仆吗？
他常驱使两万头公牛。
甘蔗王之子，尊者，您竟将他视作奴仆么？两万头乳牛，
63“日日为他泌乳。
他是甘蔗王之子；尊者，您竟当他是奴仆吗？”
64“愚人，你确实犯了大错——把那位如龙象般强大有力的刹帝利
只见蛤蟆形貌，竟不识彼龙象，亦未告他已到来。”
65“大王啊，我等有罪，车中雄牛，请宽恕我们。
彼隐其形而来，我等竟未能识；”
66然此事于我辈厨人，焉能瞒过。
“请您对我生起欢喜心，大王，您并无任何过失。”
67“去吧，愚人，去求得大力库萨王的宽恕。”
求得库萨王的宽恕，他便会赐你活命。
68“听闻父亲的话语后，天女般的帕跋瓦提；
以首顶礼双足，向具大威力的库萨王。”
69“那些夜晚已经过去，大王，那些没有您相伴的夜晚；
我以头面顶礼您的双足，车乘之主，请勿对我生嗔。
70“大王，一切我皆向您认许，请听我说；”
我也不会再做令您不悦之事。
71“我这般恳求于你，你若不肯答应我，
父亲现在就会杀掉我，把我交给那些刹帝利。”
72“你如此恳求我，我怎能不听从你的话呢？”
“贤美的姑娘，我已对你息了怒气，帕巴瓦蒂，你不必害怕。
73”“你的一切要求我都应允，公主，请听我说。”
“我再也不会做任何令您不悦的事。”
74“美人啊，为了对你的欲求，我将忍受极大的痛苦。”
“纵然要斩杀众多摩达族人，我也必将你带走，帕巴瓦蒂。”
75“把那些性情各异、调御驯良的骏马套上战车吧，
那时，你们将见到我迅猛出击、摧破敌军的威势。”
76“他们在摩达王的内宫中目睹了这一切；
他如同雄狮舒展身躯，挥动着强健的双臂。
77“他登上象肩，又将帕巴瓦蒂扶了上去；
库萨踏入战场，发出狮子吼。
78“听到他的吼声，犹如群鹿听闻狮吼，
刹帝利们为古萨之声所惊恐，纷纷奔逃。
79“象兵、列阵之士、战车兵与步兵，
为库沙之声的恐惧所迫，彼此互相砍杀。
80“在那战阵的最前沿，目睹之后便心生欢喜，
天王便将那枚光辉璀璨的宝珠赐予古萨王。
81“他赢得了这场战斗，获得了那枚光辉的宝珠，
国王乘于象肩，进入都城。
82“他生擒七位刹帝利，将他们捆缚，
带到岳父跟前，说：“大王，这些就是你的仇敌。”
83“一切敌虏皆已归你统御，你的怨敌尽被摧破；
任你处置：放了他们也好，杀了他们也好。”
84“这些只是你的敌人，并非我的敌人；
唯大王您一人可断——或放我们，或叫他们杀了我们；”
85您这七位女儿，美若天女，皆为大王所有。
“请将她们一一许配，让他们成为你的女婿吧。”
86“你于我们，于彼诸女，是一切的主宰；”
“大王，您是我们的主人，请您随所欲，赏赐他们。”
87“狮子吼者库沙，即这样逐一赐予，每人各得一位女儿，
尔时摩达王之女，许与彼刹帝利众；
88彼等因获此赐而欢喜满足，于狮子吼者库沙心生欣悦。
那时，七位刹帝利当即前往了自己的国土。
89“带着帕巴瓦蒂，以及光明美丽的宝珠，
具大威力的库须王，前往了拘舍婆提城。
90“他们共乘一车，驶入拘舍婆提城；
形貌容色相等，彼此无相胜劣；
91“母亲与儿子相遇，二人竟成夫妇。
那时，他们彼此和合，安居在繁荣的大地上。”
‘‘Idaṃ te raṭṭhaṃ sadhanaṃ sayoggaṃ, sakāyuraṃ sabbakāmūpapannaṃ; Idaṃ te rajjaṃ anusāsa amma, gacchāmahaṃ yattha piyā pabhāvatī’’. ‘‘Anujjubhūtena haraṃ mahantaṃ, divā ca ratto ca nisīthakāle ; Paṭigaccha tvaṃ khippaṃ kusāvatiṃ kusa , nicchāmi dubbaṇṇamahaṃ vasantaṃ’’. ‘‘Nāhaṃ gamissāmi ito kusāvatiṃ, pabhāvatī vaṇṇapalobhito tava; Ramāmi maddassa niketaramme, hitvāna raṭṭhaṃ tava dassane rato. ‘‘Pabhāvatī vaṇṇapalobhito tava, sammūḷharūpo vicarāmi mediniṃ ; Disaṃ na jānāmi kutomhi āgato, tayamhi matto migamandalocane. ‘‘Suvaṇṇacīravasane, jātarūpasumekhale; Sussoṇi tava kāmā hi , nāhaṃ rajjena matthiko’’. ‘‘Abbhūti tassa bho hoti, yo anicchantamicchati; Akāmaṃ rāja kāmesi , akantaṃ kantu micchasi’’. ‘‘Akāmaṃ vā sakāmaṃ vā, yo naro labhate piyaṃ; Lābhamettha pasaṃsāma, alābho tattha pāpako’’. ‘‘Pāsāṇasāraṃ khaṇasi, kaṇikārassa dārunā; Vātaṃ jālena bādhesi, yo anicchantamicchasi’’. ‘‘Pāsāṇo nūna te hadaye, ohito mudulakkhaṇe; Yo te sātaṃ na vindāmi, tirojanapadāgato. ‘‘Yadā maṃ bhakuṭiṃ katvā, rājaputtī udikkhati ; Āḷāriko tadā homi, rañño maddassantepure . ‘‘Yadā umhayamānā maṃ, rājaputtī udikkhati ; Nāḷāriko tadā homi, rājā homi tadā kuso’’. ‘‘Sace hi vacanaṃ saccaṃ, nemittānaṃ bhavissati; Neva me tvaṃ patī assa, kāmaṃ chindantu sattadhā’’. ‘‘Sace hi vacanaṃ saccaṃ, aññesaṃ yadi vā mamaṃ; Neva tuyhaṃ patī atthi, añño sīhassarā kusā’’. ‘‘Nekkhaṃ gīvaṃ te kāressaṃ, patvā khujje kusāvatiṃ; Sace maṃ nāganāsūrū, olokeyya pabhāvatī. ‘‘Nekkhaṃ gīvaṃ te kāressaṃ, patvā khujje kusāvatiṃ; Sace maṃ nāganāsūrū, ālapeyya pabhāvatī. ‘‘Nekkhaṃ gīvaṃ te kāressaṃ, patvā khujje kusāvatiṃ; Sace maṃ nāganāsūrū, umhāyeyya pabhāvatī. ‘‘Nekkhaṃ gīvaṃ te kāressaṃ, patvā khujje kusāvatiṃ; Sace maṃ nāganāsūrū, pamhāyeyya pabhāvatī. ‘‘Nekkhaṃ gīvaṃ te kāressaṃ, patvā khujje kusāvatiṃ; Sace me nāganāsūrū, pāṇīhi upasamphuse’’. ‘‘Na hi nūnāyaṃ rājaputtī, kuse sātampi vindati; Āḷārike bhate pose, vetanena anatthike’’. ‘‘Na hi nūnāyaṃ sā khujjā, labhati jivhāya chedanaṃ; Sunisitena satthena, evaṃ dubbhāsitaṃ bhaṇaṃ’’. ‘‘Mā naṃ rūpena pāmesi, ārohena pabhāvati; Mahāyasoti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Mahaddhanoti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Mahabbaloti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Mahāraṭṭhoti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Mahārājāti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Sīhassaroti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Vaggussaroti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Bindussaroti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Mañjussaroti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Madhussaroti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Satasippoti katvāna, karassu rucire piyaṃ. ‘‘Mā naṃ rūpena pāmesi, ārohena pabhāvati; Khattiyotipi katvāna , karassu rucire piyaṃ. ‘‘Mā naṃ rūpena pāmesi, ārohena pabhāvati; Kusarājāti katvāna, karassu rucire piyaṃ’’. ‘‘Ete nāgā upatthaddhā, sabbe tiṭṭhanti vammitā ; Purā maddanti pākāraṃ, ānentetaṃ pabhāvatiṃ’’. ‘‘Satta bile karitvāna, ahametaṃ pabhāvatiṃ; Khattiyānaṃ padassāmi, ye maṃ hantuṃ idhāgatā’’. ‘‘Avuṭṭhahi rājaputtī, sāmā koseyyavāsinī; Assupuṇṇehi nettehi, dāsīgaṇapurakkhatā’’. ‘‘Taṃ nūna kakkūpanisevitaṃ mukhaṃ, ādāsadantātharupaccavekkhitaṃ; Subhaṃ sunettaṃ virajaṃ anaṅgaṇaṃ, chuddhaṃ vane ṭhassati khattiyehi. ‘‘Te nūna me asite vellitagge, kese mudū candanasāralitte; Samākule sīvathikāya majjhe, pādehi gijjhā parikaḍḍhissanti . ‘‘Tā nūna me tambanakhā sulomā, bāhā mudū candanasāralittā; Chinnā vane ujjhitā khattiyehi, gayha dhaṅko gacchati yena kāmaṃ. ‘‘Te nūna tālūpanibhe alambe, nisevite kāsikacandanena; Thanesu me lambissati siṅgālo , mātūva putto taruṇo tanūjo. ‘‘Taṃ nūna soṇiṃ puthulaṃ sukoṭṭitaṃ, nisevitaṃ kañcanamekhalāhi; Chinnaṃ vane khattiyehī avatthaṃ, siṅgālasaṅghā parikaḍḍhissanti . ‘‘Soṇā dhaṅkā siṅgālā ca, ye caññe santi dāṭhino; Ajarā nūna hessanti, bhakkhayitvā pabhāvatiṃ. ‘‘Sace maṃsāni hariṃsu, khattiyā dūragāmino; Aṭṭhīni amma yācitvā, anupathe dahātha naṃ. ‘‘Khettāni amma kāretvā, kaṇikārettha ropaya ; Yadā te pupphitā assu, hemantānaṃ himaccaye; Sareyyātha mamaṃ amma, evaṃvaṇṇā pabhāvatī’’. ‘‘Tassā mātā udaṭṭhāsi, khattiyā devavaṇṇinī; Disvā asiñca sūnañca, rañño maddassantepure’’. ‘‘Iminā nūna asinā, susaññaṃ tanumajjhimaṃ; Dhītaraṃ madda hantvāna, khattiyānaṃ padassasi’’ . ‘‘Na me akāsi vacanaṃ, atthakāmāya puttike; Sājja lohitasañchannā, gacchasi yamasādhanaṃ. ‘‘Evamāpajjatī poso, pāpiyañca nigacchati; Yo ve hitānaṃ vacanaṃ, na karoti atthadassinaṃ. ‘‘Sace ca ajja dhāresi , kumāraṃ cārudassanaṃ; Kusena jātaṃ khattiyaṃ, suvaṇṇamaṇimekhalaṃ; Pūjitaṃ ñātisaṅghehi, na gacchasi yamakkhayaṃ. ‘‘Yatthassu bherī nadati, kuñjaro ca nikūjati ; Khattiyānaṃ kule bhadde, kiṃ nu sukhataraṃ tato. ‘‘Asso ca sisati dvāre, kumāro uparodati; Khattiyānaṃ kule bhadde, kiṃ nu sukhataraṃ tato. ‘‘Mayūrakoñcābhirude, kokilābhinikūjite; Khattiyānaṃ kule bhadde, kiṃ nu sukhataraṃ tato’’. ‘‘Kahaṃ nu so sattumaddano, pararaṭṭhappamaddano; Kuso soḷārapaññāṇo, yo no dukkhā pamocaye’’. ‘‘Idheva so sattumaddano, pararaṭṭhappamaddano; Kuso soḷārapaññāṇo, yo te sabbe vadhissati’’ . ‘‘Ummattikā nu bhaṇasi, andhabālā pabhāsasi ; Kuso ce āgato assa, kiṃ na jānemu taṃ mayaṃ’’. ‘‘Eso āḷāriko poso, kumārīpuramantare; Daḷhaṃ katvāna saṃvelliṃ, kumbhiṃ dhovati oṇato’’. ‘‘Veṇī tvamasi caṇḍālī, adūsi kulagandhinī; Kathaṃ maddakule jātā, dāsaṃ kayirāsi kāmukaṃ’’. ‘‘Namhi veṇī na caṇḍālī, na camhi kulagandhinī; Okkākaputto bhaddante, tvaṃ nu dāsoti maññasi’’. ‘‘Yo brāhmaṇasahassāni, sadā bhojeti vīsatiṃ; Okkākaputto bhaddante, tvaṃ nu dāsoti maññasi’’. ‘‘Yassa nāgasahassāni, sadā yojenti vīsatiṃ; Okkākaputto bhaddante, tvaṃ nu dāsoti maññasi. ‘‘Yassa assasahassāni, sadā yojenti vīsatiṃ; Okkākaputto bhaddante, tvaṃ nu dāsoti maññasi. ‘‘Yassa rathasahassāni, sadā yojenti vīsatiṃ; Okkākaputto bhaddante, tvaṃ nu dāsoti maññasi. (‘‘Yassa usabhasahassāni, sadā yojenti vīsatiṃ; Okkākaputto bhaddante, tvaṃ nu dāsoti maññasi) . ‘‘Yassa dhenusahassāni, sadā duhanti vīsatiṃ ; Okkākaputto bhaddante, tvaṃ nu dāsoti maññasi’’. ‘‘Taggha te dukkaṭaṃ bāle, yaṃ khattiyaṃ mahabbalaṃ; Nāgaṃ maṇḍūkavaṇṇena, na naṃ akkhāsidhāgataṃ’’ . ‘‘Aparādhaṃ mahārāja, tvaṃ no khama rathesabha; Yaṃ taṃ aññātavesena, nāññāsimhā idhāgataṃ’’. ‘‘Mādisassa na taṃ channaṃ, yohaṃ āḷāriko bhave; Tvaññeva me pasīdassu, natthi te deva dukkaṭaṃ’’. ‘‘Gaccha bāle khamāpehi, kusarājaṃ mahabbalaṃ; Khamāpito kuso rājā , so te dassati jīvitaṃ’’. ‘‘Pitussa vacanaṃ sutvā, devavaṇṇī pabhāvatī; Sirasā aggahī pāde, kusarājaṃ mahabbalaṃ’’. ‘‘Yāmā ratyo atikkantā, tāmā deva tayā vinā; Vande te sirasā pāde, mā me kujjhaṃ rathesabha. ‘‘Sabbaṃ te paṭijānāmi, mahārāja suṇohi me; Na cāpi appiyaṃ tuyhaṃ, kareyyāmi ahaṃ puna. ‘‘Evaṃ ce yācamānāya, vacanaṃ me na kāhasi; Idāni maṃ tāto hantvā, khattiyānaṃ padassati’’. ‘‘Evaṃ te yācamānāya, kiṃ na kāhāmi te vaco; Vikuddho tyasmi kalyāṇi, mā tvaṃ bhāyi pabhāvati. ‘‘Sabbaṃ te paṭijānāmi, rājaputti suṇohi me; Na cāpi appiyaṃ tuyhaṃ, kareyyāmi ahaṃ puna. ‘‘Tava kāmā hi sussoṇi, pahu dukkhaṃ titikkhisaṃ ; Bahuṃ maddakulaṃ hantvā, nayituṃ taṃ pabhāvati’’. ‘‘Yojayantu rathe asse, nānācitte samāhite; Atha dakkhatha me vegaṃ, vidhamantassa sattavo’’. ‘‘Tañca tattha udikkhiṃsu, rañño maddassantepure; Vijambhamānaṃ sīhaṃva, phoṭentaṃ diguṇaṃ bhujaṃ. ‘‘Hatthikkhandhañca āruyha, āropetvā pabhāvatiṃ; Saṅgāmaṃ otaritvāna, sīhanādaṃ nadī kuso. ‘‘Tassa taṃ nadato sutvā, sīhassevitare migā; Khattiyā vipalāyiṃsu, kusasaddabhayaṭṭitā . ‘‘Hatthārohā anīkaṭṭhā, rathikā pattikārakā; Aññamaññassa chindanti, kusasaddabhayaṭṭitā. ‘‘Tasmiṃ saṅgāmasīsasmiṃ, passitvā haṭṭha mānaso; Kusassa rañño devindo, adā verocanaṃ maṇiṃ. ‘‘So taṃ vijitvā saṅgāmaṃ, laddhā verocanaṃ maṇiṃ; Hatthikkhandhagato rājā, pāvekkhi nagaraṃ puraṃ. ‘‘Jīvaggāhaṃ gahetvāna, bandhitvā satta khattiye; Sasurassupanāmesi, ime te deva sattavo. ‘‘Sabbeva te vasaṃ gatā, amittā vihatā tava; Kāmaṃ karohi te tayā, muñca vā te hanassu vā’’. ‘‘Tuyheva sattavo ete, na hi te mayha sattavo; Tvaññeva no mahārāja, muñca vā te hanassu vā’’. ‘‘Imā te dhītaro satta, devakaññūpamā subhā; Dadāhi nesaṃ ekekaṃ, hontu jāmātaro tava’’. ‘‘Amhākañceva tāsañca, tvaṃ no sabbesamissaro; Tvaññeva no mahārāja, dehi nesaṃ yadicchasi’’. ‘‘Ekamekassa ekekaṃ, adā sīhassaro kuso; Khattiyānaṃ tadā tesaṃ, rañño maddassa dhītaro. ‘‘Pīṇitā tena lābhena, tuṭṭhā sīhassare kuse; Sakaraṭṭhāni pāyiṃsu, khattiyā satta tāvade. ‘‘Pabhāvatiñca ādāya, maṇiṃ verocanaṃ subhaṃ ; Kusāvatiṃ kuso rājā, agamāsi mahabbalo. ‘‘Tyassu ekarathe yantā, pavisantā kusāvatiṃ; Samānā vaṇṇarūpena, nāññamaññātirocisuṃ . ‘‘Mātā puttena saṅgacchi , ubhayo ca jayampatī; Samaggā te tadā āsuṃ, phītaṃ dharaṇimāvasu’’nti.
532. 首那·难陀本生（二）
532. Soṇanandajātakaṃ (2)
92“您是天神、乾闼婆，还是帝释天神、普兰达罗；
你是人身而具神通者吗？我们如何才能认出你呢？”
93“既非天神，亦非乾达婆，更非摧毁城堡的帝释天神；
我乃人身而具神通者，婆罗堕啊，你应如此了知。”
94尊者殷勤奉事，其功诚然非小；
天雨滂沱之时，是您令我免遭淋湿。
95“其后，于酷烈的风与烈日下，您又为我化作清凉的树荫；
身处敌众之中，您成为了我的庇护所。
96“因此，您使那些富庶王国的居民臣服于您。
从此，您令一百零一位刹帝利追随于您。
97“我们由衷信服，尊者！请说，您欲求什么？
象乘、马车，与盛装严饰的女子，
可爱的宅邸，我们奉献给尊者。
98“又或于旺葛国、摩揭陀国，我们同样奉献给尊者；
阿萨卡与阿槃提之民皆大欢喜，尊者啊，
99“我等愿以半壁江山奉上；
若尊者需要王国，便随心所欲地统御吧。”
100“王国、城市与财富，我皆无所需；
纵是国土，于我亦全无需要。
101“尊者，在您的国境之内，林间有一处隐居处。
双亲俱住隐林中，是我最初之师；
102“欲向彼前修福德，奈何无缘得成。
依止于尊贵的您，我们恳请为首那求取具足戒。”
103“婆罗门，您对我说的话，我当依教而行。
此亦请为我等宣说：受施乞求者当有几何？”
104“乡民逾百而来，更有豪富婆罗门。
此诸刹帝利，皆高族誉盛；
马诺迦王尊，足堪济乞者。”
105调象驾马，御者整备战车；
执持鞍辔，于步兵队中高扬旌旗。
“我将前往那座隐修处，那正是苟西亚所安住之地。”
106“于是，国王率领由象、马、车、步组成的四军出发了。
来到那座秀美的隐修处，苟西亚所安住之地。”
107“是谁的迦昙婆木扁担，离地四指行于空中，
当其前去取水，行来肩头不触；”
108大王，我便是索纳，勤修誓愿的苦行者。
日夜无有懈怠，奉养我的父母。
109“大王，我从林中采集果实与根茎，
我奉养父母，忆念往昔所行；”
110“我等愿往苟西亚安住之隐修处。
首那，请为我等指路，使我等得循之而往隐修之处。”
111“大王，此乃独行一径，循此可达彼如云之地。
为拘毗陀罗树所覆盖之处，苟西亚便安住于此。”
112“说完这番话，大仙人便急速离去。
腾身虚空，行于空界，教诫诸刹帝利：
113洒扫隐修之处，敷设其座；
走进叶屋，唤醒了父亲。
114“这些出身高贵、名声显赫的国王们来了。
请您从隐居处出来坐下吧，大仙人。
115“大仙人听了这番话，急忙
从精舍出来，于门前坐下。”
116“见他行来，仿佛身放光明，
苟西亚向那为刹帝利众所围绕者如是说道：
117“谁的鼓、腰鼓、螺号、小鼓与大鼓，
前行前导而令车王欢喜，
118那宽大金带色如闪电，是谁所有？
年轻而佩着箭囊，那是谁，满身光辉地走来？
119“犹如刚从熔炉口取出，似金合欢木炭般赤红，
面容明亮闪耀，是谁如此辉煌地走来？
120“谁高举着那配有伞骨、令人悦意的伞盖？
那遮阳蔽日的伞盖下，是谁满身光辉、仪态万千地走来？
121“他们扶着谁的臂膀，手持上等的牦牛尾拂尘？
殊胜功德者的随从们纷行于前，
122他乘象肩徐徐而来：是谁的白色伞盖高张，良马披着铠甲？
随从四面环绕，是谁如此辉耀地走来？
123“是谁拥有上百位刹帝利随从，个个享有盛名？
他们从四面八方围绕随行，是谁带着这样的光辉而来？
124“象兵、马兵、车兵、步兵，这四部大军；
他们从四面八方围绕随行，是谁带着这样的光辉而来？
125“这浩大的军阵，又是谁的队伍，紧随其后，从后方追随？
兵众无量无边，宛如大海波涛；”
126王中之王悦意者，如因陀罗为胜者之主。
他来到难陀的隐修林，那位梵行者的静修处。
127“他身后跟随着一支庞大的军队，紧紧相随；
它不可扰动，亦无边际，犹如大海之波。”
128“他们身涂檀香，穿着最上等的迦尸衣；
众人合掌，前往诸仙人处。”
129“尊者，您一切安好吗？身体无恙吗？
靠捡拾维生还顺利吗？树根、野果还充足吗？
130“牛虻、蚊虫，以及种种爬虫，都不多吧？
在这遍布猛兽的森林里，可曾受到伤害？”
131“大王，我们安乐，国王啊，我们亦无疾病。
我们靠捡拾落穗维生，这里的根茎果实也很充足。
132“此外，牛虻、蚊蚋以及爬虫，也确实很少；
林中猛兽纵横处，我无加害残暴心；
133“于此静修林中居，岁月绵长已多载；
我从不记得生起过什么不适，更不曾有过令人难受的病。
134“大王，欢迎您的到来，您来得好，并非不善。
您是主人，既已光临，这里若有需要，请说明。
135“蒂恩杜卡果、毕亚罗果、莫杜卡果、卡苏玛利果，
王啊，且食此诸小果，拣择至美者一一啖之；
136“此水亦清冷，自山岩窟中取来。
大王，如果您愿意，就从那里喝吧。”
137“凡所施之物，既经纳受，便令一切具足价值。
亦请谛听难陀语，
138“彼当为众宣此义：我等已临尊者前，欲向难陀申所请。
愿尊者垂听难陀与大众的话语。”
139“众多城乡的民众，以及拥有高堂大宅的婆罗门，
所有这些刹帝利，皆是出身高贵、享有盛誉者，
还有玛诺迦王您本人，恳请垂允我进言。
140“那些聚集于此的（诸神灵），以及草庵中的诸夜叉，
及在山林之中，已生与当生的一切众生，皆请谛听我所说。
141“我向一切众生顶礼之后，将宣说那位严持誓愿的仙人。
我就是你的得力助手，苟西亚，为你所认可。
142“我心中所愿正是奉养父母亲，
勇士啊，此处是行善积福的好地方，苟西亚，请莫阻拦于我。
143此乃善士所共许，请以此事付于我；
长时勤勇相承侍，皆汝久来亲所行。
父母所修诸福业，愿汝为我施世间。
144世间亦有如是士，于法能知法句义。
此是通往天界的道路，正如仙人您所了知。
145“奋起承事，能为父母带来安乐；
其人不容我行福，乃作圣道之障；”
146诸贤且听我一言，我兄内宫诸嫔妃。
大王，毁坏古老宗族传承、于尊长而行非法者，
是人必堕地狱。
147“那些通达古法的人，陛下，
具足清净行持，他们便不堕恶道。
148“父母、兄弟、姐妹，与诸亲族眷属，
你当知晓，负重者啊：那些重担都是长者的。
149“挑起这沉重的担子，我如船夫般奋力承担；
我于正法毫不放逸，御车雄杰啊，我才是兄长。”
150黑暗中所证之智，犹如火中迸现之焰网；
憍尸迦尊者亦复如是，为我等开示正法。
151“正如日族的太阳，那位光明使者，于升起之时，
向众生昭然显示善与恶的种种色相。
同样，憍尸迦尊者也为我们开示了法。”
152“我合掌恳求，你却不理会我的合掌。”
“我愿作你的随从，起身来服侍你。”
153“难陀，你确实通达了善人所教导的正法。”
“你是圣者，具足圣行，我深心欢喜。”
154“尊者与女士，请谛听我言。”
此担于我，从来算不得重负；
155我侍奉在侧，为父母带来安乐。
“难陀化装易服，前来请求随侍左右。”
156“若有人生起欲贪，想要染着一位安住寂静的梵行者，”
你们之中当有一人选定难陀，难陀该侍奉于谁呢？
157“亲爱的首那，蒙你允许，我们便依止于你。”
愿那梵行者难陀，头上遭此一击！
158如菩提树初吐嫩芽，随风轻拂而摇曳。
我见到久久未见的难陀，一颗心怦怦直颤。
159“纵然沉睡于梦中，只要见到难陀前来，
我欢喜振奋，满心喜悦：‘这位难陀真的来了！’
160“待我醒来，见难陀并未到来，
忧愁便更深地浸入心中，愁闷不少。
161“今日隔了许久，我才又见到难陀回来；
他是丈夫与我的心爱之子，难陀回到了我们的家。
162“父亲也觉得难陀甚是可爱——愿难陀不要离家；
难陀吾儿，愿你如愿得偿，亦愿难陀能亲近、护持于我。”
163“她悲悯，是依怙，往昔更以美味先予我们；
此乃通往天界之途，仙人啊，慈母却将你拦阻；
164“昔有名门淑女，乐善好施，功德具足，正是汝母。
此乃通天界之道，慈母祈求得汝为子，仙人啊。”
165渴求子嗣之果，遂向天神虔诚顶礼。
她问卜星宿，也问节候年岁。
166她月事净后沐浴洁身，遂有胎孕入怀。
由此，她成了有身孕的人，也因此被称为贤善女。
167“怀胎或满一年，或未满一年，期满后便生下孩子；
因此，由于她令人出生，她便被称为生母。
168“以乳汁、以歌谣、以衣裳覆盖其身。
她抚啼儿令欢喜，是故得名安抚者。
169此后风狂日炙中，视我为己常看护。
她养育无知的幼儿，因此得名“养育者”。
170“母亲留下的财富，父亲留下的财富，
他守护这两者，儿子却未必能得。‘儿啊，
171是这样！儿啊，是那样！’母亲由此忧苦难安。
年轻力壮，便放逸于他人妻子，流连至深夜；
夜晚儿子迟迟未归，母亲因此忧恼不已；
172“如此艰辛养育的儿子，却未能奉侍母亲，
若对母亲行恶，即堕地狱。
173“如此含辛茹苦被养育之人，却不奉养父亲；
若对父亲行恶，即堕地狱。
174“我听闻：对贪求财富的人来说，财富也会消失。
不孝敬奉事母亲的人，必将招致苦难。
175“我听闻：对贪求财富的人来说，财富也会消失。
不侍奉父亲的人，便会遭受困苦。
176喜悦与欢欣，常时嬉笑游戏；
侍奉母亲已，智者得此安乐。
177“欢悦与喜乐，以及恒时的嬉笑游戏；
侍奉父亲之后，有智慧的人就能得到这个。
178“布施、爱语，以及此中所说的利行；
于诸法中行同事摄，于处处皆如其所应；
这些便是世间的摄受之法，犹如行进中马车的轮辖。
179若没有这些摄受之法，母亲便不会因子女的缘故而受到敬重。
父亲也不会因为儿子而得到恭敬或供养。
180“因为智者会正确观察这些摄受之法，
所以他们获得崇高地位，并备受称赞。
181“父母即是梵天神，也被称为先师。
“于子女，他们是应受供养者；于后代，他们是心怀怜悯者。”
182“因此，智者应当礼敬、恭敬他们。”
以食物、饮料、衣服、卧具，
“以涂香、沐浴、洗足等承事，”
183“智者如是承事父母，此世即得称誉；
命终之后，天界欢喜。”
‘‘Devatā nusi gandhabbo, adu ādu (sī. syā.) sakko purindado; Manussabhūto iddhimā, kathaṃ jānemu taṃ mayaṃ’’. ‘‘Nāpi devo na gandhabbo, nāpi sakko purindado; Manussabhūto iddhimā, evaṃ jānāhi bhāradha’’ . ‘‘Katarūpamidaṃ bhoto , veyyāvaccaṃ anappakaṃ; Devamhi vassamānamhi, anovassaṃ bhavaṃ akā. ‘‘Tato vātātape ghore, sītacchāyaṃ bhavaṃ akā; Tato amittamajjhesu , saratāṇaṃ bhavaṃ akā. ‘‘Tato phītāni raṭṭhāni, vasino te bhavaṃ akā; Tato ekasataṃ khatye, anuyante bhavaṃ akā. ‘‘Patītāssu mayaṃ bhoto, vada taṃ bhañja micchasi; Hatthiyānaṃ assarathaṃ, nāriyo ca alaṅkatā; Nivesanāni rammāni, mayaṃ bhoto dadāmase. ‘‘Atha vaṅge vā magadhe, mayaṃ bhoto dadāmase; Atha vā assakāvantī , sumanā damma te mayaṃ. ‘‘Upaḍḍhaṃ vāpi rajjassa, mayaṃ bhoto dadāmase; Sace te attho rajjena, anusāsa yadicchasi’’. ‘‘Na me atthopi rajjena, nagarena dhanena vā; Athopi janapadena, attho mayhaṃ na vijjati. ‘‘Bhotova raṭṭhe vijite, araññe atthi assamo; Pitā mayhaṃ janettī ca, ubho sammanti assame. ‘‘Tesāhaṃ pubbācariyesu, puññaṃ na labhāmi kātave; Bhavantaṃ ajjhāvaraṃ katvā, soṇaṃ yācemu saṃvaraṃ’’. ‘‘Karomi te taṃ vacanaṃ, yaṃ maṃ bhaṇasi brāhmaṇa; Etañca kho no akkhāhi, kīvanto hontu yācakā’’. ‘‘Parosataṃ jānapadā, mahāsālā ca brāhmaṇā; Ime ca khattiyā sabbe, abhijātā yasassino; Bhavañca rājā manojo, alaṃ hessanti yācakā’’. ‘‘Hatthī asse ca yojentu, rathaṃ sannayha sārathi ; Ābandhanāni gaṇhātha, pādāsussārayaddhaje ; Assamaṃ taṃ gamissāmi, yattha sammati kosiyo’’. ‘‘Tato ca rājā pāyāsi, senāya caturaṅginī; Agamā assamaṃ rammaṃ, yattha sammati kosiyo’’. ‘‘Kassa kādambayo kājo, vehāsaṃ caturaṅgulaṃ; Aṃsaṃ asamphusaṃ eti, udahārāya gacchato’’. ‘‘Ahaṃ soṇo mahārāja, tāpaso sahitabbato ; Bharāmi mātāpitaro, rattindivamatandito. ‘‘Vane phalañca mūlañca, āharitvā disampati; Posemi mātāpitaro, pubbe katamanussaraṃ’’. ‘‘Icchāma assamaṃ gantuṃ, yattha sammati kosiyo; Maggaṃ no soṇa akkhāhi, yena gacchemu assamaṃ’’. ‘‘Ayaṃ ekapadī rāja, yenetaṃ meghasannibhaṃ; Koviḷārehi sañchannaṃ, ettha sammati kosiyo’’. ‘‘Idaṃ vatvāna pakkāmi, taramāno mahāisi; Vehāse antalikkhasmiṃ, anusāsitvāna khattiye. ‘‘Assamaṃ parimajjitvā, paññapetvāna āsanaṃ; Paṇṇasālaṃ pavisitvā, pitaraṃ paṭibodhayi. ‘‘Ime āyanti rājāno, abhijātā yasassino; Assamā nikkhamitvāna, nisīda tvaṃ mahāise. ‘‘Tassa taṃ vacanaṃ sutvā, taramāno mahāisi; Assamā nikkhamitvāna, sadvāramhi upāvisi’’. ‘‘Tañca disvāna āyantaṃ, jalantaṃriva tejasā; Khatyasaṅghaparibyūḷhaṃ, kosiyo etadabravi. ‘‘Kassa bherī mudiṅgā ca , saṅkhā paṇavadindimā ; Purato paṭipannāni, hāsayantā rathesabhaṃ. ‘‘Kassa kañcanapaṭṭena, puthunā vijjuvaṇṇinā; Yuvā kalāpasannaddho, ko eti siriyā jalaṃ. ‘‘Ukkāmukhapahaṭṭhaṃva, khadiraṅgārasannibhaṃ; Mukhañca rucirā bhāti, ko eti siriyā jalaṃ. ‘‘Kassa paggahitaṃ chattaṃ, sasalākaṃ manoramaṃ; Ādiccaraṃsāvaraṇaṃ, ko eti siriyā jalaṃ. ‘‘Kassa aṅgaṃ pariggayha, vāḷabījanimuttamaṃ; Caranti varapuññassa , hatthikkhandhena āyato. ‘‘Kassa setāni chattāni, ājānīyā ca vammitā; Samantā parikirenti , ko eti siriyā jalaṃ. ‘‘Kassa ekasataṃ khatyā, anuyantā yasassino; Samantānupariyanti, ko eti siriyā jalaṃ. ‘‘Hatthi assaratha patti , senā ca caturaṅginī; Samantānupariyanti , ko eti siriyā jalaṃ. ‘‘Kassesā mahatī senā, piṭṭhito anuvattati; Akkhobhaṇī apariyantā, sāgarasseva ūmiyo’’. ‘‘Rājābhirājā manojo, indova jayataṃ pati; Nandassajjhāvaraṃ eti, assamaṃ brahmacārinaṃ. ‘‘Tassesā mahatī senā, piṭṭhito anuvattati; Akkhobhaṇī apariyantā, sāgarasseva ūmiyo’’. ‘‘Anulittā candanena, kāsikuttamadhārino ; Sabbe pañjalikā hutvā, isīnaṃ ajjhupāgamuṃ’’. ‘‘Kacci nu bhoto kusalaṃ, kacci bhoto anāmayaṃ; Kacci uñchena yāpetha, kacci mūlaphalā bahū. ‘‘Kacci ḍaṃsā makasā ca, appameva sarīsapā ; Vane vāḷamigākiṇṇe, kacci hiṃsā na vijjati’’. ‘‘Kusalañceva no rāja, atho rāja anāmayaṃ; Atho uñchena yāpema, atho mūlaphalā bahū. ‘‘Atho ḍaṃsā makasā ca , appameva sarīsapā ; Vane vāḷamigākiṇṇe, hiṃsā mayhaṃ na vijjati. ‘‘Bahūni vassapūgāni, assame sammataṃ idha; Nābhijānāmi uppannaṃ, ābādhaṃ amanoramaṃ. ‘‘Svāgataṃ te mahārāja, atho te adurāgataṃ; Issarosi anuppatto, yaṃ idhatthi pavedaya. ‘‘Tindukāni piyālāni, madhuke kāsumāriyo ; Phalāni khuddakappāni, bhuñja rāja varaṃ varaṃ. ‘‘Idampi pānīyaṃ sītaṃ, ābhataṃ girigabbharā; Tato piva mahārāja, sace tvaṃ abhikaṅkhasi’’. ‘‘Paṭiggahitaṃ yaṃ dinnaṃ, sabbassa agghiyaṃ kataṃ; Nandassāpi nisāmetha, vacanaṃ so pavakkhati. ‘‘Ajjhāvaramhā nandassa, bhoto santikamāgatā; Suṇātu bhavaṃ vacanaṃ, nandassa parisāya ca’’. ‘‘Parosataṃ jānapadā , mahāsālā ca brāhmaṇā; Ime ca khattiyā sabbe, abhijātā yasassino; Bhavañca rājā manojo, anumaññantu me vaco. ‘‘Ye ca santi samītāro, yakkhāni idha massame; Araññe bhūtabhabyāni, suṇantu vacanaṃ mama. ‘‘Namo katvāna bhūtānaṃ, isiṃ vakkhāmi subbataṃ; So tyāhaṃ dakkhiṇā bāhu, tava kosiya sammato. ‘‘Pitaraṃ me janettiñca, bhattukāmassa me sato; Vīra puññamidaṃ ṭhānaṃ, mā maṃ kosiya vāraya. ‘‘Sabbhi hetaṃ upaññātaṃ, mametaṃ upanissaja; Uṭṭhānapāricariyāya, dīgharattaṃ tayā kataṃ; Mātāpitūsu puññāni, mama lokadado bhava. ‘‘Tatheva santi manujā, dhamme dhammapadaṃ vidū; Maggo saggassa lokassa, yathā jānāsi tvaṃ ise. ‘‘Uṭṭhānapāricariyāya, mātāpitusukhāvahaṃ; Taṃ maṃ puññā nivāreti, ariyamaggāvaro naro’’. ‘‘Suṇantu bhonto vacanaṃ, bhāturajjhāvarā mama; Kulavaṃsaṃ mahārāja, porāṇaṃ parihāpayaṃ; Adhammacārī jeṭṭhesu , nirayaṃ sopapajjati . ‘‘Ye ca dhammassa kusalā, porāṇassa disampati; Cārittena ca sampannā, na te gacchanti duggatiṃ. ‘‘Mātāpitā ca bhātā ca, bhaginī ñātibandhavā; Sabbe jeṭṭhassa te bhārā, evaṃ jānāhi bhāradha . ‘‘Ādiyitvā garuṃ bhāraṃ, nāviko viya ussahe; Dhammañca nappamajjāmi, jeṭṭho casmi rathesabha’’. ‘‘Adhigamā tame ñāṇaṃ, jālaṃva jātavedato; Evameva no bhavaṃ dhammaṃ, kosiyo pavidaṃsayi. ‘‘Yathā udayamādicco, vāsudevo pabhaṅkaro; Pāṇīnaṃ pavidaṃseti, rūpaṃ kalyāṇapāpakaṃ; Evameva no bhavaṃ dhammaṃ, kosiyo pavidaṃsayi’’. ‘‘Evaṃ me yācamānassa, añjaliṃ nāvabujjhatha; Tava paddhacaro hessaṃ, vuṭṭhito paricārako’’. ‘‘Addhā nanda vijānāsi , saddhammaṃ sabbhi desitaṃ; Ariyo ariyasamācāro, bāḷhaṃ tvaṃ mama ruccasi. ‘‘Bhavantaṃ vadāmi bhotiñca, suṇātha vacanaṃ mama; Nāyaṃ bhāro bhāramato , ahu mayhaṃ kudācanaṃ. ‘‘Taṃ maṃ upaṭṭhitaṃ santaṃ, mātāpitusukhāvahaṃ; Nando ajjhāvaraṃ katvā, upaṭṭhānāya yācati. ‘‘Yo ve icchati kāmena, santānaṃ brahmacārinaṃ; Nandaṃ vo varatha eko , kaṃ nando upatiṭṭhatu’’. ‘‘Tayā tāta anuññātā, soṇa taṃ nissitā mayaṃ; Upaghātuṃ labhe nandaṃ, muddhani brahmacārinaṃ’’. ‘‘Assatthasseva taruṇaṃ, pavāḷaṃ māluteritaṃ; Cirassaṃ nandaṃ disvāna, hadayaṃ me pavedhati. ‘‘Yadā suttāpi supine , nandaṃ passāmi āgataṃ; Udaggā sumanā homi, nando no āgato ayaṃ. ‘‘Yadā ca paṭibujjhitvā, nandaṃ passāmi nāgataṃ; Bhiyyo āvisatī soko, domanassañcanappakaṃ. ‘‘Sāhaṃ ajja cirassampi, nandaṃ passāmi āgataṃ; Bhattucca mayhañca piyo, nando no pāvisī gharaṃ. ‘‘Pitupi nando suppiyo, yaṃ nando nappavase gharā ; Labhatū tāta nando taṃ, maṃ nando upatiṭṭhatu’’. ‘‘Anukampikā patiṭṭhā ca, pubbe rasadadī ca no; Maggo saggassa lokassa, mātā taṃ varate ise. ‘‘Pubbe rasadadī gottī, mātā puññūpasaṃhitā; Maggo saggassa lokassa, mātā taṃ varate ise’’. ‘‘Ākaṅkhamānā puttaphalaṃ, devatāya namassati; Nakkhattāni ca pucchati, utusaṃvaccharāni ca. ‘‘Tassā utumhi nhātāya , hoti gabbhassa vokkamo ; Tena dohaḷinī hoti, suhadā tena vuccati. ‘‘Saṃvaccharaṃ vā ūnaṃ vā, pariharitvā vijāyati; Tena sā janayantīti, janetti tena vuccati. ‘‘Thanakhīrena gītena, aṅgapāvuraṇena ca; Rodantaṃ puttaṃ toseti, tosentī tena vuccati. ‘‘Tato vātātape ghore, mamaṃ katvā udikkhati; Dārakaṃ appajānantaṃ, posentī tena vuccati. ‘‘Yañca mātudhanaṃ hoti, yañca hoti pituddhanaṃ; Ubhayampetassa gopeti, api puttassa no siyā. ‘‘Evaṃ putta aduṃ putta, iti mātā vihaññati; Pamattaṃ paradāresu, nisīthe pattayobbane; Sāyaṃ puttaṃ anāyantaṃ, iti mātā vihaññati. ‘‘Evaṃ kicchā bhato poso, mātu aparicārako; Mātari micchā caritvāna, nirayaṃ sopapajjati. ‘‘Evaṃ kicchā bhato poso, pitu aparicārako; Pitari micchā caritvāna, nirayaṃ sopapajjati. ‘‘Dhanāpi dhanakāmānaṃ, nassati iti me sutaṃ; Mātaraṃ aparicaritvāna, kicchaṃ vā so nigacchati. ‘‘Dhanāpi dhanakāmānaṃ, nassati iti me sutaṃ; Pitaraṃ aparicaritvāna, kicchaṃ vā so nigacchati. ‘‘Ānando ca pamodo ca, sadā hasitakīḷitaṃ; Mātaraṃ paricaritvāna, labbhametaṃ vijānato. ‘‘Ānando ca pamodo ca, sadā hasitakīḷitaṃ; Pitaraṃ paricaritvāna, labbhametaṃ vijānato. ‘‘Dānañca peyyavajjañca , atthacariyā ca yā idha; Samānattatā ca dhammesu, tattha tattha yathārahaṃ; Ete kho saṅgahā loke, rathassāṇīva yāyato. Ete ca saṅgahā nāssu, na mātā puttakāraṇā; Labhetha mānaṃ pūjaṃ vā , pitā vā puttakāraṇā. ‘‘Yasmā ca saṅgahā ete, sammapekkhanti paṇḍitā; Tasmā mahattaṃ papponti, pāsaṃsā ca bhavanti te. ‘‘Brahmāti mātāpitaro, pubbācariyāti vuccare; Āhuneyyā ca puttānaṃ, pajāya anukampakā. ‘‘Tasmā hi ne namasseyya, sakkareyya ca paṇḍito; Annena atho pānena, vatthena sayanena ca; Ucchādanena nhāpanena , pādānaṃ dhovanena ca. ‘‘Tāya naṃ pāricariyāya , mātāpitūsu paṇḍitā; Idheva naṃ pasaṃsanti, pecca sagge pamodatī’’ti.
殊胜第七十品中，萨婆般荼、拘舍婆提王称最；
复有苏那、苏难达二胜，第七十品如是宣说。
Atha sattatimamhi nipātavare, sabhāvantu kusāvatirājavaro; Atha soṇasunandavaro ca puna, abhivāsitasattatimamhi suteti.
