3. 军荼罗给西品
3. Kuṇḍalakesīvaggo
譬喻经(下) · 443 段
1. 军荼罗给西长老尼譬喻
1. Kuṇḍalakesātherīapadānaṃ
1“名为莲华上佛的胜者，已抵达一切法彼岸者；
距今十万劫前，这位导师出现于世。
2“那时我生于天鹅城，生于长者家族；
众宝璀璨、光芒辉耀，我具足大乐。
3“我亲近那位大雄，听闻了正法的开示；
从那时起，我便生起净信，前往胜者处寻求皈依。
4“那时，大悲者，名为莲华上佛；
在速疾证智中，他安立那位殊胜的比丘尼为第一。”
5“听闻此言心生欢喜，向大仙行布施；
以头顶礼其双足，我祈愿达至那样的境地。
6大雄随喜赞言：“贤女，凡你所愿，一切皆当成办；
愿你安乐，得证寂灭。”
7“十万劫之后，将有生于甘蔗族者，
他以乔达摩为姓，将成为世间的导师。
8“‘于他的法中，为法之嗣子——亲生之子，由法所生，
名为跋达·昆荼罗格沙，她将成为导师的女弟子。’
9“以此善作之业，以及思与誓愿，
舍弃人身之后，我往生三十三天。
10“从彼处命终，我往生夜摩天；又从彼处，我往生兜率天；
由此前往化乐天，复由此至他化自在天城。
11随彼业力牵引，无论我投生何处；
即于彼彼之处，皆为诸王之王后。
12我于彼没，生于人间，
为转轮圣王及曼荼罗诸王之主后。
13“于诸天神与人中，得享种种成就，
于一切处安乐，我轮转众多劫。
14“于此贤劫中，有位大名闻的婆罗门，
迦叶姓氏者出现于世，为诸说法者中最尊。
15“那时，人中帝王是大仙的侍者，
迦尸王名叫奇奇，居于最胜的波罗奈。
16“我是他的第四个女儿，以施僧者而著称，
听闻胜者之法后，我决意出家。
17父既不允我等出家，尔时我等唯居家行道；
二万年间，勤修无怠。
18王女七人，童真梵行，安乐长养；
乐侍佛陀，欢喜踊跃。
19“沙马尼与沙马那古答，比丘尼与比丘达伊咖；
昙马与苏昙马，第七位是僧伽达伊咖。
20“差摩、优波喇瓦那、波咤左罗，以及那时的我；
奇沙果答弥、法乐，韦沙卡为第七位。
21“以那些善作之业，及以思与愿；
舍弃人身之后，我往生三十三天。
22“如今，于最后有，在最胜的王舍城，”
“我生于富足的长者之家，正值青春年少时，”
23“我见到那个盗贼被押去行刑，竟对他心生染著，”
“我的父亲便以千金将他从死罪中赎回。”
24父亲知我心，将我许配于他；
我亦倾心相待，至爱而多所助益。
25贪我宝饰起贪心，假托献祭成仇敌；
诱我同至盗贼崖山，暗定杀身之谋。
26“那时，我恭敬地向他合掌，朝那敌人行合掌礼，
“为了保全自己的性命，我说出这番话：”
27“‘这金臂钏，以及众多珍珠、琉璃，’”
尊者，请将这一切带走，并宣告：‘我是您的女奴。’
28‘善女人，且解下钗钏珍饰，休要过度悲啼；
我自不曾记得，取人财货而不曾杀人。’
29“自从我能忆念自身，自从我具足智慧以来；
我也不曾知晓，有比你更为亲爱者。
30“来，让我拥抱你，并向你作右绕；
从今以后，我与你便不再相见。
31“确实，并非于一切处，男子都可称为智者；
女子亦可为智者，于种种处明辨具足。
32“诚然，并非于一切处，男子即为智者；
女子亦是智者，能迅速思择义理。”
33“我确实快疾地，于近处思惟；
犹如以羊毛诱鹿一般，那时我击杀了敌人。
34临头之事不能速觉了，
愚痴者遭害，犹如盗贼困于山洞。
35“而对已生起之义，能迅速了知的人；
他从敌人的围困中解脱，恰似我那时从敌人中解脱。”
36那时我于险峻山崖，将仇敌掷落；
趋至白衣诸众近前，于彼舍家出家。
37“那时，他们用镊子将我头发完全拔除；”
“出家之后，他们便不断地向我教授法义。”
38“于是我学会那个教法后，便独自坐下；”
“我正思惟那教法之际，一条狗叼着人的手；”
39“将那断肢持来我近处，弃舍后便离去了；”
“我看见了那只手，为蛆虫所聚，由此我获得了相。”
40“我悚惧惊觉，起身询问同法者：”
“她们说：‘释迦族的比丘们了知那个义理。’”
41“我为了明了那个义理，走到佛陀的弟子们跟前，这样问道：
他们便带着我，前往最胜佛陀的面前。
42“他为我教授法义——诸蕴、诸处、诸界；
不净、无常、苦、无我，导师如是说。
43“我听闻他的法后，便清净了法眼；
从那时起，我已知解正法，便出家、受具足戒。
44那时，导师被恳请后说道：“来吧，贤女。”
那时我已受具足戒，看见少许的水。
45“由洗足一事，我了知生灭，
同样地，对一切诸行，当时我作此思惟。
46“其时，我心无取，彻底解脱。
那时，胜者为我开示了速疾证得神通之道。
47“我于神通得自在，于天耳界亦得自在；
我能了知他心，是奉行大师教法者。
48“我了知宿住，天眼已得清净；
灭尽一切漏，我已清净无垢；
49“我已承事导师，奉行佛陀的教法。
重担已卸，不再有‘有’的牵引。
50“正是为此，我从在家而出家，过起无家的生活。
那目标我已达到——断尽一切结缚。
51义、法、辞、辩四无碍，我智明净悉通达；
无垢清净离尘染，安住最胜佛陀教。
52“我的烦恼已烧尽，一切有已根除；
如龙象已断束缚，我安住于无漏。
53“我来至佛陀座前，这确是善来；
三明已然证得，佛陀之教已奉行。
54“四无碍解，及八解脱；
六神通已亲证，佛陀之教已奉行。”
‘‘Padumuttaro nāma jino, sabbadhammāna pāragū; Ito satasahassamhi, kappe uppajji nāyako. ‘‘Tadāhaṃ haṃsavatiyaṃ, jātā seṭṭhikule ahuṃ; Nānāratanapajjote, mahāsukhasamappitā. ‘‘Upetvā taṃ mahāvīraṃ, assosiṃ dhammadesanaṃ; Tato jātappasādāhaṃ, upesiṃ saraṇaṃ jinaṃ. ‘‘Tadā mahākāruṇiko, padumuttaranāmako; Khippābhiññānamagganti, ṭhapesi bhikkhuniṃ subhaṃ. ‘‘Taṃ sutvā muditā hutvā, dānaṃ datvā mahesino; Nipacca sirasā pāde, taṃ ṭhānamabhipatthayiṃ. ‘‘Anumodi mahāvīro, ‘bhadde yaṃ tebhipatthitaṃ; Samijjhissati taṃ sabbaṃ, sukhinī hohi nibbutā. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Bhaddākuṇḍalakesāti, hessati satthu sāvikā’. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Tato cutā yāmamagaṃ, tatohaṃ tusitaṃ gatā; Tato ca nimmānaratiṃ, vasavattipuraṃ tato. ‘‘Yattha yatthūpapajjāmi, tassa kammassa vāhasā; Tattha tattheva rājūnaṃ, mahesittamakārayiṃ. ‘‘Tato cutā manussesu, rājūnaṃ cakkavattinaṃ; Maṇḍalīnañca rājūnaṃ, mahesittamakārayiṃ. ‘‘Sampattiṃ anubhotvāna, devesu mānusesu ca; Sabbattha sukhitā hutvā, nekakappesu saṃsariṃ. ‘‘Imamhi bhaddake kappe, brahmabandhu mahāyaso; Kassapo nāma gottena, uppajji vadataṃ varo. ‘‘Upaṭṭhāko mahesissa, tadā āsi narissaro; Kāsirājā kikī nāma, bārāṇasipuruttame. ‘‘Tassa dhītā catutthāsiṃ, bhikkhudāyīti vissutā; Dhammaṃ sutvā jinaggassa, pabbajjaṃ samarocayiṃ. ‘‘Anujāni na no tāto, agāreva tadā mayaṃ; Vīsavassasahassāni, vicarimha atanditā. ‘‘Komāribrahmacariyaṃ, rājakaññā sukhedhitā; Buddhopaṭṭhānaniratā, muditā satta dhītaro. ‘‘Samaṇī samaṇaguttā ca, bhikkhunī bhikkhudāyikā; Dhammā ceva sudhammā ca, sattamī saṅghadāyikā. ‘‘Khemā uppalavaṇṇā ca, paṭācārā ahaṃ tadā; Kisāgotamī dhammadinnā, visākhā hoti sattamī. ‘‘Tehi kammehi sukatehi, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Pacchime ca bhave dāni, giribbajapuruttame; Jātā seṭṭhikule phīte, yadāhaṃ yobbane ṭhitā. ‘‘Coraṃ vadhatthaṃ nīyantaṃ, disvā rattā tahiṃ ahaṃ; Pitā me taṃ sahassena, mocayitvā vadhā tato. ‘‘Adāsi tassa maṃ tāto, viditvāna manaṃ mama; Tassāhamāsiṃ visaṭṭhā, atīva dayitā hitā. ‘‘So me bhūsanalobhena, balimajjhāsayo diso; Corappapātaṃ netvāna, pabbataṃ cetayī vadhaṃ. ‘‘Tadāhaṃ paṇamitvāna, sattukaṃ sukatañjalī; Rakkhantī attano pāṇaṃ, idaṃ vacanamabraviṃ. ‘‘‘Idaṃ suvaṇṇakeyūraṃ, muttā veḷuriyā bahū; Sabbaṃ harassu bhaddante, mañca dāsīti sāvaya’. ‘‘‘Oropayassu kalyāṇī, mā bāḷhaṃ paridevasi; Na cāhaṃ abhijānāmi, ahantvā dhanamābhataṃ’. ‘‘‘Yato sarāmi attānaṃ, yato pattosmi viññutaṃ; Na cāhaṃ abhijānāmi, aññaṃ piyataraṃ tayā’. ‘‘‘Ehi taṃ upagūhissaṃ, katvāna taṃ padakkhiṇaṃ; Na ca dāni puno atthi , mama tuyhañca saṅgamo. ‘‘‘Na hi sabbesu ṭhānesu, puriso hoti paṇḍito; Itthīpi paṇḍitā hoti, tattha tattha vicakkhaṇā. ‘‘‘Na hi sabbesu ṭhānesu, puriso hoti paṇḍito; Itthīpi paṇḍitā hoti, lahuṃ atthavicintikā. ‘‘‘Lahuñca vata khippañca, nikaṭṭhe samacetayiṃ; Migaṃ uṇṇā yathā evaṃ , tadāhaṃ sattukaṃ vadhiṃ. ‘‘‘Yo ca uppatitaṃ atthaṃ, na khippamanubujjhati; So haññate mandamati, corova girigabbhare. ‘‘‘Yo ca uppatitaṃ atthaṃ, khippameva nibodhati; Muccate sattusambādhā, tadāhaṃ sattukā yathā’. ‘‘Tadāhaṃ pātayitvāna, giriduggamhi sattukaṃ; Santikaṃ setavatthānaṃ, upetvā pabbajiṃ ahaṃ. ‘‘Saṇḍāsena ca kese me, luñcitvā sabbaso tadā; Pabbajitvāna samayaṃ, ācikkhiṃsu nirantaraṃ. ‘‘Tato taṃ uggahetvāhaṃ, nisīditvāna ekikā; Samayaṃ taṃ vicintesiṃ, suvāno mānusaṃ karaṃ. ‘‘Chinnaṃ gayha samīpe me, pātayitvā apakkami; Disvā nimittamalabhiṃ, hatthaṃ taṃ puḷavākulaṃ. ‘‘Tato uṭṭhāya saṃviggā, apucchiṃ sahadhammike; Te avocuṃ vijānanti, taṃ atthaṃ sakyabhikkhavo. ‘‘Sāhaṃ tamatthaṃ pucchissaṃ, upetvā buddhasāvake; Te mamādāya gacchiṃsu, buddhaseṭṭhassa santikaṃ. ‘‘So me dhammamadesesi, khandhāyatanadhātuyo; Asubhāniccadukkhāti, anattāti ca nāyako. ‘‘Tassa dhammaṃ suṇitvāhaṃ, dhammacakkhuṃ visodhayiṃ; Tato viññātasaddhammā, pabbajjaṃ upasampadaṃ. ‘‘Āyācito tadā āha, ‘ehi bhadde’ti nāyako; Tadāhaṃ upasampannā, parittaṃ toyamaddasaṃ. ‘‘Pādapakkhālanenāhaṃ , ñatvā saudayabbayaṃ; Tathā sabbepi saṅkhāre, īdisaṃ cintayiṃ tadā. ‘‘Tato cittaṃ vimucci me, anupādāya sabbaso; Khippābhiññānamaggaṃ me, tadā paññāpayī jino. ‘‘Iddhīsu ca vasī homi, dibbāya sotadhātuyā; Paracittāni jānāmi, satthusāsanakārikā. ‘‘Pubbenivāsaṃ jānāmi, dibbacakkhu visodhitaṃ; Khepetvā āsave sabbe, visuddhāsiṃ sunimmalā. ‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘Yassatthāya pabbajitā, agārasmānagāriyaṃ; So me attho anuppatto, sabbasaṃyojanakkhayo. ‘‘Atthadhammaniruttīsu, paṭibhāne tatheva ca; Ñāṇaṃ me vimalaṃ suddhaṃ, buddhaseṭṭhassa sāsane. ‘‘Kilesā jhāpitā mayhaṃ, bhavā sabbe samūhatā; Nāgīva bandhanaṃ chetvā, viharāmi anāsavā. ‘‘Svāgataṃ vata me āsi, mama buddhassa santike; Tisso vijjā anuppattā, kataṃ buddhassa sāsanaṃ. ‘‘Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṃ buddhassa sāsanaṃ’’.
如此，跋陀·军陀罗拘夷萨比丘尼宣说了这些偈颂。
Itthaṃ sudaṃ bhaddākuṇḍalakesā bhikkhunī imā gāthāyo abhāsitthāti.
2. 基萨·乔达弥长老尼譬喻
2. Kisāgotamītherīapadānaṃ
55“名为巴度目答罗的胜者，已达一切法之彼岸，
距今十万劫前，这位导师出现于世。
56“那时，我生于天鹅城，投生在某一家族。
我走向那位人中圣者，皈依了他。
57“我听闻了他的法义，与四谛相应；
甘甜而妙味具足，带来轮回止息的寂静之乐。
58尔时勇者人中尊，将彼粗衣之比丘尼，
安立第一最上位，赞叹称扬彼尼德。
59“听闻比丘尼的功德，我生起了不小的欢喜；
随力随能，供养佛陀。
60“礼敬那位无上的牟尼之后，我期求此地位；”
那时，正自觉者、导师为此地位的获得而随喜。
61“十万劫之后，将有生于甘蔗族者，
他以乔达摩为姓，将成为世间的导师。
62“她将是他在法上的继承者，如同亲子，由法所化生；
她名为奇沙乔达弥，将是导师的女弟子。
63“听闻那预言后心生欢喜，从此尽形寿侍奉胜者；
我以慈心，以诸资具承事导师。
64“以此善作之业，以及思与誓愿，
舍弃人身之后，我往生三十三天。
65“在此贤劫中，有位声名远扬的梵族亲眷；
他姓迦叶，是诸说法者中的殊胜者，出现于世。
66“当时，有一位人中之王，作大仙的侍者；
他名为迦尸王奇奇，住在最殊胜的波罗奈；
67“我是他的第五个女儿，以昙玛之名闻名；
听闻胜者之法后，我决意出家。
68“父亲不允，那时我们仍住家中；
二万年中，我们游行不懈，无有懈怠。
69童女守梵行清净，王女安乐长成身；
殷勤侍佛心和悦，七女欢喜意欣然。
70“沙马尼与沙马那古答，比丘尼与比丘陀衣咖；
昙马、苏昙马，第七位是僧伽陀衣咖。
71“差摩、伍巴喇瓦那，波咤左罗与军荼喇；
我、法乐，以及韦沙卡为第七位女子。
72“以那些善作之业，及以思与愿；
舍弃人身之后，我往生三十三天。
73今于最后有，我生于长者之家，家贫乏财、零落衰败；
其后乃归于富足之族。
74“除了丈夫，其余的人都会嫌恶我这贫穷之人；
而当我生产之后，那时我就成了众人所珍爱的人。
75年少端严柔且嫩，安乐长养我心爱；
视之如命情所钟，尔时终落阎魔手。
76“为忧苦所迫，面容憔悴，泪眼婆娑，哭泣满面，
我抱着死去的尸体，一路哭泣，逐村而行。
77“那时，我蒙一人指点，便前往最上的医王处；
我说道：“尊者，请给我能让儿子复活的药。”
78凡家中无亡人者，自彼家取芥子来；
调伏方便善巧者，胜者如是而宣说。
79“我随即前往舍卫城，却未曾找到那样的人家。
从何处能求得芥子？也正由那里，我获得了正念。
80“我将尸体舍弃之后，便走向世间导师。
他远远望见我，便以甜美的音声说道：
81“纵活百年，不见生灭；
不如活一日，而得见生灭。
82“这并非村落之法，非城镇之法，也不是某一单独家族之法；
对于一切世间乃至天人，这就是法——也就是无常性。
83“我听闻这些偈颂后，便得法眼清净；
从那时起，我既了知正法，便出家成为无家者。
84“如是出家安住后，精勤于胜者的教法；
没过多久，我就证得了阿拉汉果。
85“我于诸神通得自在，于天耳界亦得自在；
我能了知他心，是奉行大师教法者。
86“我了知宿住，天眼已得清净；
灭尽一切诸漏已，我清净、极清净。
87“我已承事导师，已奉行佛陀的教诫；
重担已放下，有之系缚已根除。
88“正是为此，我从在家而出家，过起无家的生活。
我已达成目标，灭尽一切结缚。
89义、法、言辞并辩才，我智于此清净无染；
皆凭最胜佛陀威德之力。
90“从垃圾堆、墓地与街道等处拾取布料，
然后做成桑喀帝，我身穿此粗陋的衣。
91“胜者于持粗陋衣的德行心生欢喜，
导师于诸众中，将我安立于此第一之位。
93“我确实是善来……（中略）……佛陀之教已奉行。
94“四无碍解……（中略）……佛陀之教已奉行。”
‘‘Padumuttaro nāma jino, sabbadhammāna pāragū; Ito satasahassamhi, kappe uppajji nāyako. ‘‘Tadāhaṃ haṃsavatiyaṃ, jātā aññatare kule; Upetvā taṃ naravaraṃ, saraṇaṃ samupāgamiṃ. ‘‘Dhammañca tassa assosiṃ, catusaccūpasañhitaṃ; Madhuraṃ paramassādaṃ, vaṭṭasantisukhāvahaṃ . ‘‘Tadā ca bhikkhuniṃ vīro, lūkhacīvaradhāriniṃ; Ṭhapento etadaggamhi, vaṇṇayī purisuttamo. ‘‘Janetvānappakaṃ pītiṃ, sutvā bhikkhuniyā guṇe; Kāraṃ katvāna buddhassa, yathāsatti yathābalaṃ. ‘‘Nipacca munivaraṃ taṃ, taṃ ṭhānamabhipatthayiṃ; Tadānumodi sambuddho, ṭhānalābhāya nāyako. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Kisāgotamī nāmena, hessati satthu sāvikā’. ‘‘Taṃ sutvā muditā hutvā, yāvajīvaṃ tadā jinaṃ; Mettacittā paricariṃ, paccayehi vināyakaṃ. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Imamhi bhaddake kappe, brahmabandhu mahāyaso; Kassapo nāma gottena, uppajji vadataṃ varo. ‘‘Upaṭṭhāko mahesissa, tadā āsi narissaro; Kāsirājā kikī nāma, bārāṇasipuruttame. ‘‘Pañcamī tassa dhītāsiṃ, dhammā nāmena vissutā; Dhammaṃ sutvā jinaggassa, pabbajjaṃ samarocayiṃ. ‘‘Anujāni na no tāto, agāreva tadā mayaṃ; Vīsavassasahassāni, vicarimha atanditā. ‘‘Komāribrahmacariyaṃ, rājakaññā sukhedhitā; Buddhopaṭṭhānaniratā, muditā satta dhītaro. ‘‘Samaṇī samaṇaguttā ca, bhikkhunī bhikkhudāyikā; Dhammā ceva sudhammā ca, sattamī saṅghadāyikā. ‘‘Khemā uppalavaṇṇā ca, paṭācārā ca kuṇḍalā; Ahañca dhammadinnā ca, visākhā hoti sattamī. ‘‘Tehi kammehi sukatehi, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Pacchime ca bhave dāni, jātā seṭṭhikule ahaṃ; Duggate adhane naṭṭhe , gatā ca sadhanaṃ kulaṃ. ‘‘Patiṃ ṭhapetvā sesā me, dessanti adhanā iti; Yadā ca pasūtā āsiṃ, sabbesaṃ dayitā tadā. ‘‘Yadā so taruṇo bhaddo , komalako sukhedhito; Sapāṇamiva kanto me, tadā yamavasaṃ gato. ‘‘Sokaṭṭā dīnavadanā , assunettā rudammukhā; Mataṃ kuṇapamādāya, vilapantī gamāmahaṃ. ‘‘Tadā ekena sandiṭṭhā, upetvābhisakkuttamaṃ; Avocaṃ dehi bhesajjaṃ, puttasañjīvananti bho. ‘‘Na vijjante matā yasmiṃ, gehe siddhatthakaṃ tato; Āharāti jino āha, vinayopāyakovido. ‘‘Tadā gamitvā sāvatthiṃ, na labhiṃ tādisaṃ gharaṃ; Kuto siddhatthakaṃ tasmā, tato laddhā satiṃ ahaṃ. ‘‘Kuṇapaṃ chaḍḍayitvāna, upesiṃ lokanāyakaṃ; Dūratova mamaṃ disvā, avoca madhurassaro. ‘‘‘Yo ca vassasataṃ jīve, apassaṃ udayabbayaṃ; Ekāhaṃ jīvitaṃ seyyo, passato udayabbayaṃ. ‘‘‘Na gāmadhammo nigamassa dhammo, na cāpiyaṃ ekakulassa dhammo; Sabbassa lokassa sadevakassa, eseva dhammo yadidaṃ aniccatā’. ‘‘Sāhaṃ sutvānimā gāthā, dhammacakkhuṃ visodhayiṃ; Tato viññātasaddhammā, pabbajiṃ anagāriyaṃ. ‘‘Tathā pabbajitā santī, yuñjantī jinasāsane; Na cireneva kālena, arahattamapāpuṇiṃ. ‘‘Iddhīsu ca vasī homi, dibbāya sotadhātuyā; Paracittāni jānāmi, satthusāsanakārikā. ‘‘Pubbenivāsaṃ jānāmi, dibbacakkhu visodhitaṃ; Khepetvā āsave sabbe, visuddhāsiṃ sunimmalā. ‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘Yassatthāya pabbajitā, agārasmānagāriyaṃ; So me attho anuppatto, sabbasaṃyojanakkhayo. ‘‘Atthadhammaniruttīsu, paṭibhāne tatheva ca; Ñāṇaṃ me vimalaṃ suddhaṃ, buddhaseṭṭhassa vāhasā. ‘‘Saṅkārakūṭā āhitvā, susānā rathiyāpi ca; Tato saṅghāṭikaṃ katvā, lūkhaṃ dhāremi cīvaraṃ. ‘‘Jino tasmiṃ guṇe tuṭṭho, lūkhacīvaradhāraṇe; Ṭhapesi etadaggamhi, parisāsu vināyako. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，基萨乔达弥比丘尼曾这样宣说这些偈颂。
Itthaṃ sudaṃ kisāgotamī bhikkhunī imā gāthāyo abhāsitthāti.
3. 法乐长老尼譬喻
3. Dhammadinnātherīapadānaṃ
95“名为莲华上佛的胜者，已抵达一切法彼岸者；
距今十万劫前，这位导师出现于世。
96“那时，我住在天鹅城，生于某一家族中；
我是一个为他人做工的人，处事谨慎，具戒防护。
97“莲华上佛的上首弟子，名为苏加答；”
从住处出来，为托钵而行。
98昔我身为取水女，持瓶而行；
见彼心生净信，亲手施糕饼。
99“他接过后，就坐在那里享用；
于是我将他领回家中，供养他食物。
100于是我祖父欣然，娶得我为孙媳；
与婆婆同往，我礼敬正觉者。
101“那时，他称赞那位说法比丘尼；
“他将她安立于此第一之位，我听闻后满怀欢喜。”
102“我邀请善逝——世间导师，及比丘僧团；”
“我广行大布施后，便希求彼之地位。”
103“其时，善逝以深沉如雷的音声对我说：”
乐于侍奉于我，并供养僧团；
104“专心听闻正法，心意因功德而增长；”
“贤女，你当欢喜，你将获得誓愿之果。”
105“十万劫之后，将有生于甘蔗族者，
他以乔达摩为姓，将成为世间的导师。
106“她是他于法中的嗣子，由法所化生的亲子；
这位名为法乐者，将成为导师的女弟子。
107闻此欢喜，我以慈心，尽形寿承事大牟尼；
以诸资具，恭敬奉侍彼导师尊。
108“以此善作之业，以及思与誓愿，
舍弃人身之后，我往生三十三天。
109“于此贤劫，有位婆罗门族亲、大名声者；
以迦叶为姓，作为诸说者中最殊胜者出现于世。
110“那时，大仙的侍者，正是人中之主；
迦尸国王名叫奇奇，居于最胜的波罗奈。
111“我是他的第六个女儿，名为苏昙马，以此著称；
听闻胜者之法后，我欣然出家。
112父亲彼时未允，我等便居家安住；
二万年间，勤行不怠。
‘‘Padumuttaro nāma jino, sabbadhammāna pāragū; Ito satasahassamhi, kappe uppajji nāyako. ‘‘Tadāhaṃ haṃsavatiyaṃ, kule aññatare ahuṃ; Parakammakārī āsiṃ, nipakā sīlasaṃvutā. ‘‘Padumuttarabuddhassa, sujāto aggasāvako; Vihārā abhinikkhamma, piṇḍapātāya gacchati. ‘‘Ghaṭaṃ gahetvā gacchantī, tadā udakahārikā; Taṃ disvā adadaṃ pūpaṃ, pasannā sehi pāṇibhi. ‘‘Paṭiggahetvā tattheva, nisinno paribhuñji so; Tato netvāna taṃ gehaṃ, adāsiṃ tassa bhojanaṃ. ‘‘Tato me ayyako tuṭṭho, akarī suṇisaṃ sakaṃ; Sassuyā saha gantvāna, sambuddhaṃ abhivādayiṃ. ‘‘Tadā so dhammakathikaṃ, bhikkhuniṃ parikittayaṃ; Ṭhapesi etadaggamhi, taṃ sutvā muditā ahaṃ. ‘‘Nimantayitvā sugataṃ, sasaṅghaṃ lokanāyakaṃ; Mahādānaṃ daditvāna, taṃ ṭhānamabhipatthayiṃ. ‘‘Tato maṃ sugato āha, ghananinnādasussaro ; ‘Mamupaṭṭhānanirate, sasaṅghaparivesike. ‘‘‘Saddhammassavane yutte, guṇavaddhitamānase; Bhadde bhavassu muditā, lacchase paṇidhīphalaṃ. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Dhammadinnāti nāmena, hessati satthu sāvikā’. ‘‘Taṃ sutvā muditā hutvā, yāvajīvaṃ mahāmuniṃ; Mettacittā paricariṃ, paccayehi vināyakaṃ. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Imamhi bhaddake kappe, brahmabandhu mahāyaso; Kassapo nāma gottena, uppajji vadataṃ varo. ‘‘Upaṭṭhāko mahesissa, tadā āsi narissaro; Kāsirājā kikī nāma, bārāṇasipuruttame. ‘‘Chaṭṭhā tassāsahaṃ dhītā, sudhammā iti vissutā; Dhammaṃ sutvā jinaggassa, pabbajjaṃ samarocayiṃ. ‘‘Anujāni na no tāto, agāreva tadā mayaṃ; Vīsavassasahassāni, vicarimha atanditā.
第三诵品。
Tatiyaṃ bhāṇavāraṃ.
113“王女安乐长养，持守童女梵行；
七位女儿，欢喜奉侍佛陀；
114“沙马尼与沙马那古答，比丘尼与比丘达伊咖；
昙马、苏昙马，第七位是僧伽达伊咖。
115“差摩、优波喇瓦那、波咤左罗与昆达喇；
乔达弥与我，韦沙卡是第七位。
116“以那些善作之业，及以思与愿；
舍弃人身之后，我往生三十三天。
117“而今于最后有中，在王舍城这最胜之处，
生于富足的长者之家，一切欲乐悉皆圆满。
118“当我容色端丽，正值青春妙龄之际；
便往他族，安住于诸乐圆足中。
119“亲近世间皈依处，听闻法之开示后；
我那具足善慧的夫主，已证得不来果。
120“那时我得到允许，便出家成为无家者；
没过多久，我就证得了阿拉汉果。
121那时，那位近事男前来亲近我，向我问法；
甚深微妙之问，我皆一一为之解答。
122胜者欢喜我此功德，将我安立于最上首：
“说法比丘尼中，我不见有如是者。”
123“如贤智法乐（Dhammadinnā）所教，诸比丘当如是受持；”
“如此我便是有智慧者，为导师所哀愍。
124“我已承事导师，佛陀的教法已修习圆满；
沉重的负担已卸下，有的续索已彻底断除。
125“正是为此，我从在家而出家，过起无家的生活。
我已达成此目的，一切结缚皆已断尽。
126“我于诸神通而得自在，于天耳界亦得自在；
我能了知他心，是奉行大师教法者。
127“我了知宿住，天眼已得清净；
灭尽一切诸漏，我已清净，极清净。
128“我的烦恼已烧尽……（中略）……我住于无漏。
129“我确实是善来……（中略）……佛陀之教已奉行。
130“四无碍解……（中略）……佛陀之教已奉行。”
‘‘Komāribrahmacariyaṃ , rājakaññā sukhedhitā; Buddhopaṭṭhānaniratā, muditā satta dhītaro. ‘‘Samaṇī samaṇaguttā ca, bhikkhunī bhikkhudāyikā; Dhammā ceva sudhammā ca, sattamī saṅghadāyikā. ‘‘Khemā uppalavaṇṇā ca, paṭācārā ca kuṇḍalā; Gotamī ca ahañceva, visākhā hoti sattamī. ‘‘Tehi kammehi sukatehi, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Pacchime ca bhave dāni, giribbajapuruttame; Jātā seṭṭhikule phīte, sabbakāmasamiddhine. ‘‘Yadā rūpaguṇūpetā, paṭhame yobbane ṭhitā; Tadā parakulaṃ gantvā, vasiṃ sukhasamappitā. ‘‘Upetvā lokasaraṇaṃ, suṇitvā dhammadesanaṃ; Anāgāmiphalaṃ patto, sāmiko me subuddhimā. ‘‘Tadāhaṃ anujānetvā, pabbajiṃ anagāriyaṃ; Na cireneva kālena, arahattamapāpuṇiṃ. ‘‘Tadā upāsako so maṃ, upagantvā apucchatha; Gambhīre nipuṇe pañhe, te sabbe byākariṃ ahaṃ. ‘‘Jino tasmiṃ guṇe tuṭṭho, etadagge ṭhapesi maṃ; ‘Bhikkhuniṃ dhammakathikaṃ, nāññaṃ passāmi edisiṃ. ‘Dhammadinnā yathā dhīrā, evaṃ dhāretha bhikkhavo’; ‘‘Evāhaṃ paṇḍitā homi , nāyakenānukampitā. ‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘Yassatthāya pabbajitā, agārasmānagāriyaṃ; So me attho anuppatto, sabbasaṃyojanakkhayo. ‘‘Iddhīsu ca vasī homi, dibbāya sotadhātuyā; Paracittāni jānāmi, satthusāsanakārikā. ‘‘Pubbenivāsaṃ jānāmi, dibbacakkhu visodhitaṃ; Khepetvā āsave sabbe, visuddhāsiṃ sunimmalā. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，法乐比丘尼如是宣说了这些偈颂。
Itthaṃ sudaṃ dhammadinnā bhikkhunī imā gāthāyo abhāsitthāti.
4. 沙拘罗长老尼譬喻偈
4. Sakulātherīapadānaṃ
131“名为莲华上佛的胜者，已抵达一切法彼岸者；
距今十万劫前，这位导师出现于世。
132为诸众生利与乐，说法者中称最胜；
人中良驹为义而行，游于有天之世间。
133“已达名闻之巅的吉祥者，声誉与称叹所归的胜者；
为一切世间所礼敬，于一切方所广被称扬。
134“他已超越疑惑，度脱犹豫；”
心志圆满，已证最上正觉。
135“令未生之道生起者，人中最上者；
所未曾说者，他宣说；所未曾生者，他令生。
136知圣道者、通达圣道者、开示圣道者，是人中牛王；
于圣道善巧之导师，调御者中最为上首。
137“大悲导师，引导者，开演正法；
将沉陷于欲泥的有情，一一救拔出来。
138“那时，我生于天鹅城，降生为刹帝利之女；
美丽而富有，可爱又祥瑞。
139“我是阿难大王的女儿，容貌极为庄严；
也是名为莲华上者的异母姊妹。
140“与王女们相伴，身佩一切璎珞；
来到大雄尊前，我听闻了法的开示。
141“那时，为世间所敬重者，赞叹具足天眼的比丘尼；
于大众中，将她安立于最上之位。
142“听闻之后，我满心欢喜，以布施供养导师；
礼敬正自觉者后，我发愿求得天眼。
143“导师便对我说：‘难陀，你将获得所愿。’
这是灯施与法施的果报，已善决定。
144“十万劫之后，将有生于甘蔗族者，
他以乔达摩为姓，将成为世间的导师。
145‘她是他法中的继承者，由法所生的亲子；
名为沙拘罗，将成为导师的女弟子。’
146“以此善作之业，以及思与誓愿，
舍弃人身之后，我往生三十三天。
147于此贤劫中，梵裔扬大名，
迦叶是其姓，出世说法尊。
148“那时我是一位游方女行者，独自行走游方乞食；
为乞食游行之后，我得到了一点油。
149“我以那油点亮灯后，安住于整夜，
以净信心，供养两足尊的塔庙。
150“以此善作之业，以及思与誓愿，
舍弃人身之后，我往生三十三天。
151随彼业力所牵，无论我投生何处；
凡我身所至处，大灯炽然燃明。
152“穿过墙壁，越过岩石，跨越山岳；
凡我所欲见，皆能得见，这便是施灯的果报。
153“我眼目清净，因名声而光耀照人；
具足信与慧，这便是施灯的果报。
154“如今在这最后有中，我出生于婆罗门家族；
在财谷丰盈、充满欢悦、为王所礼敬之处。
155“我诸肢节圆满，种种璎珞庄严；
当善逝入城之际，我正站在窗前。
156“见彼名声辉耀，为天人所礼敬者，
具足随形好，众相庄严。
157“心甚欢喜，意乐欣悦，我决意出家；
没过多久，我就证得了阿拉汉果。
158“我于诸神通得自在，及天耳界；
我能了知他心，是奉行大师教法者。
159“我了知宿住，天眼已得清净；
我已灭尽一切诸漏，清净无染，极清净。
160“我已承事导师，已奉行佛陀的教诫；
已卸下沉重的负担，有结已被根除。
161“正是为此，我从在家而出家，过起无家的生活。
那个目的我已达成，一切结缚皆已灭尽。
162“于是，大悲者将我安立为最上首。
“天眼者中最为第一，沙拘罗”，人中至上者如此说。
164“我确实是善来……（中略）……佛陀之教已奉行。
165“四无碍解……（中略）……佛陀之教已奉行。”
‘‘Padumuttaro nāma jino, sabbadhammāna pāragū; Ito satasahassamhi, kappe uppajji nāyako. ‘‘Hitāya sabbasattānaṃ, sukhāya vadataṃ varo; Atthāya purisājañño, paṭipanno sadevake. ‘‘Yasaggapatto sirimā, kittivaṇṇagato jino; Pūjito sabbalokassa, disāsabbāsu vissuto. ‘‘Uttiṇṇavicikiccho so, vītivattakathaṃkatho; Sampuṇṇamanasaṅkappo, patto sambodhimuttamaṃ. ‘‘Anuppannassa maggassa, uppādetā naruttamo; Anakkhātañca akkhāsi, asañjātañca sañjanī. ‘‘Maggaññū ca maggavidū, maggakkhāyī narāsabho; Maggassa kusalo satthā, sārathīnaṃ varuttamo. ‘‘Mahākāruṇiko satthā, dhammaṃ desesi nāyako; Nimugge kāmapaṅkamhi, samuddharati pāṇine. ‘‘Tadāhaṃ haṃsavatiyaṃ, jātā khattiyanandanā; Surūpā sadhanā cāpi, dayitā ca sirīmatī. ‘‘Ānandassa mahārañño, dhītā paramasobhaṇā; Vemātā bhaginī cāpi, padumuttaranāmino. ‘‘Rājakaññāhi sahitā, sabbābharaṇabhūsitā; Upāgamma mahāvīraṃ, assosiṃ dhammadesanaṃ. ‘‘Tadā hi so lokagaru, bhikkhuniṃ dibbacakkhukaṃ; Kittayaṃ parisāmajjhe , aggaṭṭhāne ṭhapesi taṃ. ‘‘Suṇitvā tamahaṃ haṭṭhā, dānaṃ datvāna satthuno; Pūjitvāna ca sambuddhaṃ, dibbacakkhuṃ apatthayiṃ. ‘‘Tato avoca maṃ satthā, ‘nande lacchasi patthitaṃ; Padīpadhammadānānaṃ, phalametaṃ sunicchitaṃ. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Sakulā nāma nāmena , hessati satthu sāvikā’. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Imamhi bhaddake kappe, brahmabandhu mahāyaso; Kassapo nāma gottena, uppajji vadataṃ varo. ‘‘Paribbājakinī āsiṃ, tadāhaṃ ekacārinī; Bhikkhāya vicaritvāna, alabhiṃ telamattakaṃ. ‘‘Tena dīpaṃ padīpetvā, upaṭṭhiṃ sabbasaṃvariṃ; Cetiyaṃ dvipadaggassa , vippasannena cetasā. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Yattha yatthūpapajjāmi, tassa kammassa vāhasā; Pajjalanti mahādīpā, tattha tattha gatāya me. ‘‘Tirokuṭṭaṃ tiroselaṃ, samatiggayha pabbataṃ; Passāmahaṃ yadicchāmi, dīpadānassidaṃ phalaṃ. ‘‘Visuddhanayanā homi, yasasā ca jalāmahaṃ; Saddhāpaññāvatī ceva, dīpadānassidaṃ phalaṃ. ‘‘Pacchime ca bhave dāni, jātā vippakule ahaṃ; Pahūtadhanadhaññamhi, mudite rājapūjite. ‘‘Ahaṃ sabbaṅgasampannā, sabbābharaṇabhūsitā; Purappavese sugataṃ, vātapāne ṭhitā ahaṃ. ‘‘Disvā jalantaṃ yasasā, devamanussasakkataṃ; Anubyañjanasampannaṃ, lakkhaṇehi vibhūsitaṃ. ‘‘Udaggacittā sumanā, pabbajjaṃ samarocayiṃ; Na cireneva kālena, arahattamapāpuṇiṃ. ‘‘Iddhīsu ca vasī homi, dibbāya sotadhātuyā; Paracittāni jānāmi, satthusāsanakārikā. ‘‘Pubbenivāsaṃ jānāmi, dibbacakkhu visodhitaṃ; Khepetvā āsave sabbe, visuddhāsiṃ sunimmalā. ‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘Yassatthāya pabbajitā, agārasmānagāriyaṃ; So me attho anuppatto, sabbasaṃyojanakkhayo. ‘‘Tato mahākāruṇiko, etadagge ṭhapesi maṃ; Dibbacakkhukānaṃ aggā, sakulāti naruttamo. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，沙拘罗比丘尼就这样宣说了这些偈颂。
Itthaṃ sudaṃ sakulā bhikkhunī imā gāthāyo abhāsitthāti.
5. 南达长老尼譬喻
5. Nandātherīapadānaṃ
166“名为莲华上佛的胜者，已抵达一切法彼岸者；
距今十万劫前，这位导师出现于世。
167“教诫者、令知者、一切有情的救度者；
善巧说法的佛陀，度脱了众多众生。
168“他是慈愍者、悲悯者，利益一切众生；
令一切前来的外道，安住于五戒之中。
169“如此无有混乱，且已远离外道，
由诸阿拉汉所庄严，由诸自在的如是者所庄严。
170“大牟尼犹如五十八肘升现。
如金山一般，具足三十二种殊胜相。
171尔时寿量十万岁，
他住世如此之久，度脱了众多众生。
172“那时我生于天鹅城，出生于长者家族；
家中众宝光辉闪耀，具足广大安乐。
173我亲近大雄尊，得闻彼所说示：
不死最上妙味，开显第一义。
174“那时，我邀请世间导师与僧团，
亲手向彼行广大布施，心生净信。
175“我希求成为禅修比丘尼中的最上者。”
以头面顶礼那位智者——与僧团同行的世间导师。
176尔时，调御未调者、三界之皈依、大能者，
人中之御者如是授记：汝当获得彼善所愿。
177“十万劫之后，将有生于甘蔗族者，
他以乔达摩为姓，将成为世间的导师。
178“他的法之继承者，法之亲子，为法所成；
名为难陀，将为导师之女弟子。”
179“闻已心欢喜，尽形寿于彼胜者，
我以慈心，以诸资具承事导师。
180“以此善作之业，以及思与誓愿，
舍弃人身之后，我往生三十三天。
181“从彼处命终，我往生夜摩天；又从彼处，我往生兜率天；
由此前往化乐天，复由此至他化自在天城。
182“无论我投生何处，皆依彼业之力。
在每一处，我都成为诸王的王后。
183从彼殁已，转生人间，
作转轮圣王与曼荼罗诸王之元妃。
184“于天与人中，受用种种成就之后；
在一切处成为快乐者，我轮转了无数劫。
185“当最后一生来临时，在庄严的迦毗罗卫城，
我是净饭王无有瑕疵的女儿。
186“见到这吉祥美貌之人，那家族满心欢喜；
因此，我的名字便叫“难陀”，美丽而殊胜。
187众女之中，她以丽质著称；
彼美城之内，除她耶输陀罗。
188“长兄为三界之尊，幼弟亦是阿拉汉；
我独居家中，为母亲所催促。
189“你生于萨基亚族，是佛陀的妹妹，
既已离开难陀，为何仍住家中？
190“青春以老衰为终，色身被视为不净；
健康以疾病为终点，生命以死亡为终点。
191“你这端严的色身，如明月般可爱，令人着迷；
诸般饰物的庄严，犹如祥光聚集。
192“恰如世间精华之所聚，令眼目得滋养；
“令诸福德称名远扬，令乌迦卡之族欢喜。
193‘不久老必至，舍家修正法；
堪悯无咎者，汝当行此法。’
194“听闻母亲这番话，我便出家，成为非家者；
我以身而非以心，为色与青春所迷。
195母亲劝我以大精勤专修禅那，说此为至上；
而我于彼，竟无丝毫欣慕。
196“那时，具大悲者，见我耽著欲乐；
为令我于色厌离，胜者现于我眼前
197“凭己威力，化现出一位姝丽女子；
悦目殊丽，更胜于我之容。
198“我见到她，惊叹于那极为殊妙的身形；
我心想：‘我这人眼的获得，实有果报，实得利益。’
199“我对她说：‘来吧，贤美的女子，你有何事，请对我说；’
“请告诉我你的家族与姓名，若你愿意的话。”
200‘美女，此刻不是欺诳之时，让我躺在你的膝上；
我的肢体仿佛正在沉坠，容我小睡片刻。’
201美目女子枕我膝上，安然卧下；
一只贪馋极凶残的小虫，倏然落在她的额前。
203“破裂的面庞，也成了散发恶臭的尸体；
肿胀、青瘀而又带脓的躯体。”
204“她全身颤栗，频频喘息；
她感受着自己的痛苦，哀哀悲泣。
205“‘我为苦所苦，诸受触恼我；
我沉没于大苦之中，朋友，请你作我的皈依处。
206“你面容的美丽去了何处？你高挺的鼻梁又在何处？
你那频婆果般的美唇，你的容颜去了何处？
207“你如月般的容颜在哪里？你那螺贝般匀称的颈项，去了何处？
你双耳如荡漾的秋千般晃动，都已褪去光泽。
208“你的双乳如含苞之蕾，似花萼般端好。
破裂的腐尸，已充满恶臭。
209“腰身如祭坛般纤细，臀部丰美；宛如被剖去脏腑的屠肉。
生已充满不净，啊，色身实为无常。
210“身体所生的一切，皆是腐臭可怖；
如同令人厌憎的坟场，愚者却在那里寻得欢喜。
211“那时，大悲者、我的兄长、世间的导师，
见我内心惊惧，他便对我说了这些偈颂：
212“难陀，你看这具病弱、腐臭的聚合之身；
修习不净，令心专一、善入等持。”
213“如是此者，即如是彼；如是彼者，即如是此；
散发着恶臭与腐味，愚者却心生欢喜。
214“如是观察，日夜无怠；
然后，你将以自己的智慧，洞见、彻见。
215“听闻这些善说的偈颂，我生起极大惊惧；
我安住于彼处，心已寂静，证得阿拉汉果。
216“无论我坐于何处，恒以禅那为归趣；
胜者对此德行心生喜悦，将我置于此最上之位。
218“我确实是善来……（中略）……佛陀之教已奉行。
219“四无碍解……（中略）……佛陀之教已奉行。”
‘‘Padumuttaro nāma jino, sabbadhammāna pāragū; Ito satasahassamhi, kappe uppajji nāyako. ‘‘Ovādako viññāpako, tārako sabbapāṇinaṃ; Desanākusalo buddho, tāresi janataṃ bahuṃ. ‘‘Anukampako kāruṇiko, hitesī sabbapāṇinaṃ; Sampatte titthiye sabbe, pañcasīle patiṭṭhapi. ‘‘Evaṃ nirākulaṃ āsi, suññataṃ titthiyehi ca; Vicittaṃ arahantehi, vasībhūtehi tādibhi. ‘‘Ratanānaṭṭhapaññāsaṃ , uggatova mahāmuni; Kañcanagghiyasaṅkāso, bāttiṃsavaralakkhaṇo. ‘‘Vassasatasahassāni, āyu vijjati tāvade; Tāvatā tiṭṭhamāno so, tāresi janataṃ bahuṃ. ‘‘Tadāhaṃ haṃsavatiyaṃ, jātā seṭṭhikule ahuṃ; Nānāratanapajjote, mahāsukhasamappitā. ‘‘Upetvā taṃ mahāvīraṃ, assosiṃ dhammadesanaṃ; Amataṃ paramassādaṃ, paramatthanivedakaṃ. ‘‘Tadā nimantayitvāna, sasaṅghaṃ lokanāyakaṃ; Datvā tassa mahādānaṃ, pasannā sehi pāṇibhi. ‘‘Jhāyinīnaṃ bhikkhunīnaṃ, aggaṭṭhānamapatthayiṃ; Nipacca sirasā dhīraṃ, sasaṅghaṃ lokanāyakaṃ. ‘‘Tadā adantadamako, tilokasaraṇo pabhū; Byākāsi narasārathi, ‘lacchase taṃ supatthitaṃ. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Nandāti nāma nāmena, hessati satthu sāvikā’. ‘‘Taṃ sutvā muditā hutvā, yāvajīvaṃ tadā jinaṃ; Mettacittā paricariṃ, paccayehi vināyakaṃ. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Tato cutā yāmamagaṃ, tatohaṃ tusitaṃ gatā ; Tato ca nimmānaratiṃ, vasavattipuraṃ tato . ‘‘Yattha yatthūpapajjāmi, tassa kammassa vāhasā; Tattha tattheva rājūnaṃ, mahesittamakārayiṃ. ‘‘Tato cutā manussatte, rājānaṃ cakkavattinaṃ; Maṇḍalīnañca rājūnaṃ, mahesittamakārayiṃ. ‘‘Sampattiṃ anubhotvāna, devesu manujesu ca; Sabbattha sukhitā hutvā, nekakappesu saṃsariṃ. ‘‘Pacchime bhave sampatte, suramme kapilavhaye; Rañño suddhodanassāhaṃ, dhītā āsiṃ aninditā. ‘‘Siriyā rūpiniṃ disvā, nanditaṃ āsi taṃ kulaṃ; Tena nandāti me nāmaṃ, sundaraṃ pavaraṃ ahu. ‘‘Yuvatīnañca sabbāsaṃ, kalyāṇīti ca vissutā; Tasmimpi nagare ramme, ṭhapetvā taṃ yasodharaṃ. ‘‘Jeṭṭho bhātā tilokaggo, pacchimo arahā tathā; Ekākinī gahaṭṭhāhaṃ, mātarā paricoditā. ‘‘‘Sākiyamhi kule jātā, putte buddhānujā tuvaṃ; Nandenapi vinā bhūtā, agāre kiṃ nu acchasi. ‘‘‘Jarāvasānaṃ yobbaññaṃ, rūpaṃ asucisammataṃ; Rogantamapicārogyaṃ, jīvitaṃ maraṇantikaṃ. ‘‘‘Idampi te subhaṃ rūpaṃ, sasīkantaṃ manoharaṃ; Bhūsanānaṃ alaṅkāraṃ, sirisaṅghāṭasannibhaṃ. ‘‘‘Puñjitaṃ lokasāraṃva, nayanānaṃ rasāyanaṃ; Puññānaṃ kittijananaṃ, ukkākakulanandanaṃ. ‘‘‘Na cireneva kālena, jarā samadhisessati ; Vihāya gehaṃ kāruññe , cara dhammamanindite’. ‘‘Sutvāhaṃ mātu vacanaṃ, pabbajiṃ anagāriyaṃ; Dehena na tu cittena, rūpayobbanalāḷitā. ‘‘Mahatā ca payattena, jhānajjhena paraṃ mama; Kātuñca vadate mātā, na cāhaṃ tattha ussukā. ‘‘Tato mahākāruṇiko, disvā maṃ kāmalālasaṃ ; Nibbindanatthaṃ rūpasmiṃ, mama cakkhupathe jino. ‘‘Sakena ānubhāvena, itthiṃ māpesi sobhiniṃ; Dassanīyaṃ suruciraṃ, mamatopi surūpiniṃ. ‘‘Tamahaṃ vimhitā disvā, ativimhitadehiniṃ; Cintayiṃ saphalaṃ meti, nettalābhañca mānusaṃ. ‘‘Tamahaṃ ehi subhage, yenattho taṃ vadehi me; Kulaṃ te nāmagottañca, vada me yadi te piyaṃ. ‘Na vañcakālo subhage , ucchaṅge maṃ nivāsaya; Sīdantīva mamaṅgāni, pasuppaya muhuttakaṃ’. ‘‘Tato sīsaṃ mamaṅke sā, katvā sayi sulocanā; Tassā nalāṭe patitā, luddhā paramadāruṇā. ‘‘Saha tassā nipātena, piḷakā upapajjatha; Pagghariṃsu pabhinnā ca, kuṇapā pubbalohitā. ‘‘Pabhinnaṃ vadanañcāpi, kuṇapaṃ pūtigandhanaṃ; Uddhumātaṃ vinilañca, pubbañcāpi sarīrakaṃ. ‘‘Sā paveditasabbaṅgī, nissasantī muhuṃ muhuṃ; Vedayantī sakaṃ dukkhaṃ, karuṇaṃ paridevayi. ‘‘‘Dukkhena dukkhitā homi, phusayanti ca vedanā; Mahādukkhe nimuggamhi, saraṇaṃ hohi me sakhī’. ‘‘‘Kuhiṃ vadanasobhaṃ te, kuhiṃ te tuṅganāsikā; Tambabimbavaroṭṭhaṃ te, vadanaṃ te kuhiṃ gataṃ. ‘‘‘Kuhiṃ sasīnibhaṃ vaṇṇaṃ, kambugīvā kuhiṃ gatā; Doḷālolāva te kaṇṇā, vevaṇṇaṃ samupāgatā. ‘‘‘Makuḷakhārakākārā , kalikāva payodharā; Pabhinnā pūtikuṇapā, duṭṭhagandhittamāgatā. ‘‘‘Vedimajjhāva sussoṇī , sūnāva nītakibbisā; Jātā amejjhabharitā, aho rūpamasassataṃ. ‘‘‘Sabbaṃ sarīrasañjātaṃ, pūtigandhaṃ bhayānakaṃ; Susānamiva bībhacchaṃ, ramante yattha bālisā’. ‘‘Tadā mahākāruṇiko, bhātā me lokanāyako; Disvā saṃviggacittaṃ maṃ, imā gāthā abhāsatha. ‘‘‘Āturaṃ kuṇapaṃ pūtiṃ, passa nande samussayaṃ; Asubhāya cittaṃ bhāvehi, ekaggaṃ susamāhitaṃ. ‘‘‘Yathā idaṃ tathā etaṃ, yathā etaṃ tathā idaṃ; Duggandhaṃ pūtikaṃ vāti, bālānaṃ abhinanditaṃ. ‘‘‘Evametaṃ avekkhantī, rattindivamatanditā; Tato sakāya paññāya, abhinibbijjha dakkhasi’. ‘‘Tatohaṃ atisaṃviggā, sutvā gāthā subhāsitā; Tatraṭṭhitāvahaṃ santī, arahattamapāpuṇiṃ. ‘‘Yattha yattha nisinnāhaṃ, sadā jhānaparāyanā; Jino tasmiṃ guṇe tuṭṭho, etadagge ṭhapesi maṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，如上诸偈，实乃昔日举国称美的难陀比丘尼所诵出。
Itthaṃ sudaṃ nandā bhikkhunī janapadakalyāṇī imā gāthāyo abhāsitthāti.
