2. 一布萨品
2. Ekūposathikavaggo
譬喻经(下) · 578 段
1. 一布萨长老尼譬喻
1. Ekūposathikātherīapadānaṃ
1“在槃头摩帝城，有位名叫邦度玛的刹帝利；
在满月日，他受持了布萨。
2“那时，我是那里的一名水瓶女奴；
见到国王与军队，我那时如此思惟。
3‘国王也舍弃王位，受持布萨；
那业确有果报，众人欢喜。’
5“我于正自觉者的教法中，行此布萨，
“以此善作之业，我往生三十三天；
6“在那里，我善业所成的宫殿，高耸一由旬；
重阁殊胜而为严饰，大座善妙以作庄严。
7“常有十万天女，侍奉于我。
我超越其他诸天神，恒时超胜。
8“我为六十四位天王，作大妃，
我曾为六十三位转轮王作大妃。
9“我得金色身后，流转于诸有之中；
于一切处我皆最胜，这是布萨的果报。
10“象舆、马舆、车乘以及轿舆，
这一切我皆获得，这便是布萨的果报。
11“金所成、银所成，以及水晶所成，
以及红宝石所成之物，我悉皆获得。
12丝绸与毛毯，亚麻及棉布，
贵重诸衣裳，我悉皆得获。
13“饮食、嚼食，以及衣物、卧具；
这一切我皆获得，这便是布萨的果报。
14“殊胜的香、花鬘，以及香粉、涂香；
这一切我皆获得，这便是布萨的果报。
15“重阁、殿堂，凉亭、高楼、石窟；
这一切我皆获得，这便是布萨的果报。
16“我七岁那年，从在家而出家，成为无家者；
未满半月，我便证得了阿拉汉果。
17“我的烦恼已烧尽，一切有已根除；
诸漏已尽，不复有再生。
18“自九十一劫前，我于彼时所造业；
不复知有恶趣，此即布萨之果。
20“我确实是善来……（中略）……佛陀之教已奉行。
21“四无碍解……（中略）……佛陀之教已奉行。”
‘‘Nagare bandhumatiyā, bandhumā nāma khattiyo; Divase puṇṇamāya so, upavasi uposathaṃ. ‘‘Ahaṃ tena samayena, kumbhadāsī ahaṃ tahiṃ; Disvā sarājakaṃ senaṃ, evāhaṃ cintayiṃ tadā. ‘Rājāpi rajjaṃ chaḍḍetvā, upavasi uposathaṃ; Saphalaṃ nūna taṃ kammaṃ, janakāyo pamodito’. ‘‘Yoniso paccavekkhitvā, duggaccañca daliddataṃ ; Mānasaṃ sampahaṃsitvā, upavasiṃ uposathaṃ. ‘‘Ahaṃ uposathaṃ katvā, sammāsambuddhasāsane; Tena kammena sukatena, tāvatiṃsamagacchahaṃ. ‘‘Tattha me sukataṃ byamhaṃ, ubbhayojanamuggataṃ ; Kūṭāgāravarūpetaṃ, mahāsanasubhūsitaṃ. ‘‘Accharā satasahassā, upatiṭṭhanti maṃ sadā; Aññe deve atikkamma, atirocāmi sabbadā. ‘‘Catusaṭṭhi devarājūnaṃ, mahesittamakārayiṃ; Tesaṭṭhi cakkavattīnaṃ, mahesittamakārayiṃ. ‘‘Suvaṇṇavaṇṇā hutvāna, bhavesu saṃsarāmahaṃ; Sabbattha pavarā homi, uposathassidaṃ phalaṃ. ‘‘Hatthiyānaṃ assayānaṃ, rathayānañca sīvikaṃ ; Labhāmi sabbamevetaṃ, uposathassidaṃ phalaṃ. ‘‘Soṇṇamayaṃ rūpimayaṃ, athopi phalikāmayaṃ; Lohitaṅgamayañceva, sabbaṃ paṭilabhāmahaṃ. ‘‘Koseyyakambaliyāni , khomakappāsikāni ca; Mahagghāni ca vatthāni, sabbaṃ paṭilabhāmahaṃ. ‘‘Annaṃ pānaṃ khādanīyaṃ, vatthasenāsanāni ca; Sabbametaṃ paṭilabhe, uposathassidaṃ phalaṃ. ‘‘Varagandhañca mālañca, cuṇṇakañca vilepanaṃ; Sabbametaṃ paṭilabhe, uposathassidaṃ phalaṃ. ‘‘Kūṭāgārañca pāsādaṃ, maṇḍapaṃ hammiyaṃ guhaṃ; Sabbametaṃ paṭilabhe, uposathassidaṃ phalaṃ. ‘‘Jātiyā sattavassāhaṃ, pabbajiṃ anagāriyaṃ; Aḍḍhamāse asampatte, arahattamapāpuṇiṃ. ‘‘Kilesā jhāpitā mayhaṃ, bhavā sabbe samūhatā; Sabbāsavaparikkhīṇā, natthi dāni punabbhavo. ‘‘Ekanavutito kappe, yaṃ kammamakariṃ tadā; Duggatiṃ nābhijānāmi, uposathassidaṃ phalaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
据说，那位名叫一布萨的比丘尼，如此诵出这些偈颂。
Itthaṃ sudaṃ ekūposathikā bhikkhunī imā gāthāyo abhāsitthāti.
2. 萨腊拉花长老尼譬喻
2. Saḷalapupphikātherīapadānaṃ
22“在旃陀跋伽河岸边，那时我是一位紧那罗女；
我见到天中之天、人中雄，正行经行。
23“我采摘了萨拉拉花，供养无上的佛陀；
大雄者嗅闻了那散逸天香的萨拉拉花。
24“正自觉者、世间导师毗婆尸接受后，
那时，大雄嗅了，而我一直注视着。
25“合掌当胸，礼敬两足尊；
内心净信生起之后，我登上了那座山。
26“九十一劫前，我供养花的那时；
我不曾经历恶趣，这是供养佛陀的果报。
28“我确实是善来……（中略）……佛陀之教已奉行。
29“四无碍解……（中略）……佛陀之教已奉行。”
‘‘Candabhāgānadītīre, ahosiṃ kinnarī tadā; Addasāhaṃ devadevaṃ, caṅkamantaṃ narāsabhaṃ. ‘‘Ocinitvāna saḷalaṃ, buddhaseṭṭhassadāsahaṃ; Upasiṅghi mahāvīro, saḷalaṃ devagandhikaṃ. ‘‘Paṭiggahetvā sambuddho, vipassī lokanāyako; Upasiṅghi mahāvīro, pekkhamānāya me tadā. ‘‘Añjaliṃ paggahetvāna, vanditvā dvipaduttamaṃ ; Sakaṃ cittaṃ pasādetvā, tato pabbatamāruhiṃ. ‘‘Ekanavutito kappe, yaṃ pupphamadadiṃ tadā; Duggatiṃ nābhijānāmi, buddhapūjāyidaṃ phalaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，萨拉拉花比丘尼诵出这些偈颂。
Itthaṃ sudaṃ saḷalapupphikā bhikkhunī imā gāthāyo abhāsitthāti.
3. 施糕饼长老尼譬喻
3. Modakadāyikātherīapadānaṃ
30“在槃头摩帝城，我曾是持瓶的女仆；
我取过自己的份，便前去取水。
31“于路见沙门，心寂静、入于定；
以明净之心、生欢喜意，我供养了三个糕饼。
32“以此善作之业，以及思与誓愿，
九十一劫之间，我不曾堕入恶趣。
33“我作了那福德，领受一切乐果；
以供养三个糕饼，我证得不动之地。
35“我确实是善来……（中略）……佛陀之教已奉行。
36“四无碍解……（中略）……佛陀之教已奉行。”
‘‘Nagare bandhumatiyā, kumbhadāsī ahosahaṃ; Mama bhāgaṃ gahetvāna, gacchaṃ udakahārikā . ‘‘Panthamhi samaṇaṃ disvā, santacittaṃ samāhataṃ; Pasannacittā sumanā, modake tīṇidāsahaṃ. ‘‘Tena kammena sukatena, cetanāpaṇidhīhi ca; Ekanavutikappāni , vinipātaṃ nagacchahaṃ. ‘‘Sampatti taṃ karitvāna, sabbaṃ anubhaviṃ ahaṃ; Modake tīṇi datvāna, pattāhaṃ acalaṃ padaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，据说摩达咖达衣咖比丘尼宣说了这些偈颂。
Itthaṃ sudaṃ modakadāyikā bhikkhunī imā gāthāyo abhāsitthāti.
4. 施一座者长老尼譬喻
4. Ekāsanadāyikātherīapadānaṃ
37“往昔在天鹅城，那时我尚为少女；
我的母亲与父亲，都出去工作了。
38“正午烈日当空，我看见一位沙门；
他正沿街走来，我便为他铺设了座位。
39“以羊毛毯与敷具，铺设我的座位；
我净信欢喜，说出此语：
40大地焦热，烈日正当中天；
风亦不吹，此正是我之时。
41“此座已为大牟尼而设，特为尊者备就；
请以悲悯垂念，坐此我之座位。”
42“那位沙门坐在那里，善自调伏，内心清净；
我接过他的钵，随力而行布施。
43“以此善作之业，以及思与誓愿，
舍弃人身之后，我往生三十三天。
44“在那里，我善造的天宫，座处亦善化现；
高六十由旬，广三十由旬。
45“金制的、宝石制的，还有水晶制的；
以及红宝石制的种种宝座，皆为我所有。
46“棉制的与羊毛制的，还有锦缎的与彩绘的；
水獭软绒单面铺展，我的卧榻铺设得十分妥帖；
47“每当我想出行时，便洋溢欢笑与嬉戏；
便与那最胜的卧榻同行，随心前往我所愿之处。
48“我曾为八十位天王作大后；
为七十位转轮王，作大后。
49“在诸有中轮回流转时，我得大财富；
我财富无有匮乏，此乃一座之果。
50“我流转于两种有：天界与人界；
其他有，我皆不知，此乃一座之果。
51“我出生于两种家族：刹帝利与婆罗门。
我于一切处皆出身高贵种姓，此乃一座之果。
52“我不识忧悲，亦无灼心的苦恼。
我不识何为容颜失色，此是一座之果。
53驼背乳母来侍我，浣衣侍女亦围绕；
膝间辗转递相抱，此乃一坐食之果。
54“有人为我沐浴、供食，有人常令我欢喜；
有人涂香供养，此即一座之果。
55“居于楼阁、树下，或空寂之处，
了知我的心念，坐榻便即现前。
56“这是我的最后一生，最后的存在正在转起；
今日舍离王位后，我出家成为无家者。
57百千劫中我昔所行诸布施，
不曾堕入恶趣——此乃施一座位之果报。
59“我确实是善来……（中略）……佛陀之教已奉行。
60“四无碍解……（中略）……佛陀之教已奉行。”
‘‘Nagare haṃsavatiyā, ahosiṃ bālikā tadā; Mātā ca me pitā ceva, kammantaṃ agamaṃsu te. ‘‘Majjhanhikamhi sūriye, addasaṃ samaṇaṃ ahaṃ; Vīthiyā anugacchantaṃ, āsanaṃ paññapesahaṃ. ‘‘Gonakāvikatikāhi , paññapetvā mamāsanaṃ; Pasannacittā sumanā, idaṃ vacanamabraviṃ. ‘‘‘Santattā kuthitā bhūmi, sūro majjhanhike ṭhito; Mālutā ca na vāyanti, kālo cevettha mehiti . ‘‘‘Paññattamāsanamidaṃ, tavatthāya mahāmuni; Anukampaṃ upādāya, nisīda mama āsane’. ‘‘Nisīdi tattha samaṇo, sudanto suddhamānaso; Tassa pattaṃ gahetvāna, yathārandhaṃ adāsahaṃ. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Tattha me sukataṃ byamhaṃ, āsanena sunimmitaṃ; Saṭṭhiyojanamubbedhaṃ, tiṃsayojanavitthataṃ. ‘‘Soṇṇamayā maṇimayā, athopi phalikāmayā; Lohitaṅgamayā ceva, pallaṅkā vividhā mama. ‘‘Tūlikā vikatikāhi, kaṭṭissacittakāhi ca; Uddaekantalomī ca, pallaṅkā me susaṇṭhitā . ‘‘Yadā icchāmi gamanaṃ, hāsakhiḍḍasamappitā; Saha pallaṅkaseṭṭhena, gacchāmi mama patthitaṃ. ‘‘Asīti devarājūnaṃ, mahesittamakārayiṃ; Sattati cakkavattīnaṃ, mahesittamakārayiṃ. ‘‘Bhavābhave saṃsarantī, mahābhogaṃ labhāmahaṃ; Bhoge me ūnatā natthi, ekāsanassidaṃ phalaṃ . ‘‘Duve bhave saṃsarāmi, devatte atha mānuse; Aññe bhave na jānāmi, ekāsanassidaṃ phalaṃ. ‘‘Duve kule pajāyāmi, khattiye cāpi brāhmaṇe; Uccākulīnā sabbattha, ekāsanassidaṃ phalaṃ. ‘‘Domanassaṃ na jānāmi, cittasantāpanaṃ mama; Vevaṇṇiyaṃ na jānāmi, ekāsanassidaṃ phalaṃ. ‘‘Dhātiyo maṃ upaṭṭhanti, khujjā celāpikā bahū; Aṅkena aṅkaṃ gacchāmi, ekāsanassidaṃ phalaṃ. ‘‘Aññā nhāpenti bhojenti, aññā ramenti maṃ sadā; Aññā gandhaṃ vilimpanti, ekāsanassidaṃ phalaṃ . ‘‘Maṇḍape rukkhamūle vā, suññāgāre vasantiyā; Mama saṅkappamaññāya, pallaṅko upatiṭṭhati. ‘‘Ayaṃ pacchimako mayhaṃ, carimo vattate bhavo; Ajjāpi rajjaṃ chaḍḍetvā, pabbajiṃ anagāriyaṃ. ‘‘Satasahassito kappe, yaṃ dānamadadiṃ tadā; Duggatiṃ nābhijānāmi, ekāsanassidaṃ phalaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，施一座者比丘尼宣说了这些偈颂。
Itthaṃ sudaṃ ekāsanadāyikā bhikkhunī imā gāthāyo abhāsitthāti.
5. 五灯供养长老尼譬喻
5. Pañcadīpadāyikātherīapadānaṃ
61“那时，在天鹅城，我行脚游方；
从一座园到另一座园，我为求善而四处游历。
62“黑分之日，得见最上菩提树；
就在那里，我令心得净信，坐于菩提树下。
63生起殷重恭敬心，合掌奉于头顶上；
抒发欢喜欣悦已，彼即如是作思惟：
64“若佛陀具足无量功德，是无等无对者；
“愿为我示现神变，愿此菩提树放大光明。”
65“我一作意，菩提就在那一刻闪耀光明。
一切皆成金色，十方悉皆光耀。
66“我于菩提树下，端坐七日七夜；
到了第七日，我行了灯供养。
67“围绕座位，五盏灯明耀；
直至太阳升起，我的灯始终明耀。
68“以此善作之业，以及思与誓愿，
舍弃人身之后，我往生三十三天。
69“在那里，我善行所成的天宫，被称为五灯。
高六十由旬，广三十由旬。
70“无量的灯，在四周为我燃亮；
乃至天宫，亦为灯光所遍照。
71“背向而坐，若我欲见，
上方、下方及横向，我以眼观见一切。
72“凡我所欲见，能观善趣与恶趣；
那里，无论树间还是山中，都无障碍。
73“我曾为八十位天王作大后；
我曾为百位转轮王作大妃。
74“不论我投生于何趣，是天界或是人间，”
“十万盏灯于我周围燃亮。”
75“从天界没后，我入于母胎，”
在母胎中时，我的双眼不曾闭合。
76“十万盏灯，具足福业；
“在产房中光明照耀，这就是五灯之果报。”
77“当最后有到来时，我令心回转；
我触证了不老、不死、清凉的涅槃。
78“我年仅七岁，便证得阿拉汉果；
乔达摩佛陀了解我的德行后，为我授了具足戒。
79“居于亭阁、树下或空寂之处，
明灯长明不熄，此即五灯之果；
80我天眼已清净，于诸禅定善巧。
已达神通彼岸，此即五灯之果。
81“已达一切圆满之究竟，所作已办，无诸漏；
我是五灯，大雄，具眼者，我顶礼双足。
82“于百千劫前，我曾布施明灯；
我不见恶趣，此是五灯之果。
84“我确实是善来……（中略）……佛陀之教已奉行。
85“四无碍解……（中略）……佛陀之教已奉行。”
‘‘Nagare haṃsavatiyā, cārikī āsahaṃ tadā; Ārāmena ca ārāmaṃ , carāmi kusalatthikā. ‘‘Kāḷapakkhamhi divase, addasaṃ bodhimuttamaṃ; Tattha cittaṃ pasādetvā, bodhimūle nisīdahaṃ. ‘‘Garucittaṃ upaṭṭhetvā, sire katvāna añjaliṃ; Somanassaṃ pavedetvā, evaṃ cintesi tāvade. ‘‘‘Yadi buddho amitaguṇo, asamappaṭipuggalo; Dassetu pāṭihīraṃ me, bodhi obhāsatu ayaṃ’. ‘‘Saha āvajjite mayhaṃ, bodhi pajjali tāvade; Sabbasoṇṇamayā āsi, disā sabbā virocati. ‘‘Sattarattindivaṃ tattha, bodhimūle nisīdahaṃ; Sattame divase patte, dīpapūjaṃ akāsahaṃ. ‘‘Āsanaṃ parivāretvā, pañca dīpāni pajjaluṃ; Yāva udeti sūriyo, dīpā me pajjaluṃ tadā. ‘‘Tena kammena sukatena, cetanāpaṇidhīhi ca; Jahitvā mānusaṃ dehaṃ, tāvatiṃsamagacchahaṃ. ‘‘Tattha me sukataṃ byamhaṃ, pañcadīpāti vuccati; Saṭṭhiyojanamubbedhaṃ, tiṃsayojanavitthataṃ. ‘‘Asaṅkhiyāni dīpāni, parivāre jaliṃsu me; Yāvatā devabhavanaṃ, dīpālokena jotati. ‘‘Parammukhā nisīditvā, yadi icchāmi passituṃ; Uddhaṃ adho ca tiriyaṃ, sabbaṃ passāmi cakkhunā. ‘‘Yāvatā abhikaṅkhāmi, daṭṭhuṃ sugataduggate ; Tattha āvaraṇaṃ natthi, rukkhesu pabbatesu vā. ‘‘Asīti devarājūnaṃ, mahesittamakārayiṃ; Satānaṃ cakkavattīnaṃ, mahesittamakārayiṃ. ‘‘Yaṃ yaṃ yonupapajjāmi, devattaṃ atha mānusaṃ; Dīpasatasahassāni, parivāre jalanti me. ‘‘Devalokā cavitvāna, uppajjiṃ mātukucchiyaṃ; Mātukucchigatā santī, akkhi me na nimīlati. ‘‘Dīpasatasahassāni, puññakammasamaṅgitā; Jalanti sūtikāgehe, pañcadīpānidaṃ phalaṃ. ‘‘Pacchime bhave sampatte, mānasaṃ vinivattayiṃ; Ajarāmataṃ sītibhāvaṃ, nibbānaṃ phassayiṃ ahaṃ. ‘‘Jātiyā sattavassāhaṃ, arahattamapāpuṇiṃ; Upasampādayī buddho, guṇamaññāya gotamo. ‘‘Maṇḍape rukkhamūle vā, suññāgāre vasantiyā; Sadā pajjalate dīpaṃ, pañcadīpānidaṃ phalaṃ. ‘‘Dibbacakkhu visuddhaṃ me, samādhikusalā ahaṃ; Abhiññāpāramippattā, pañcadīpānidaṃ phalaṃ. ‘‘Sabbavositavosānā, katakiccā anāsavā; Pañcadīpā mahāvīra, pāde vandāmi cakkhuma. ‘‘Satasahassito kappe, yaṃ dīpamadadiṃ tadā; Duggatiṃ nābhijānāmi, pañcadīpānidaṃ phalaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，五灯施与者比丘尼宣说了这些偈颂。
Itthaṃ sudaṃ pañcadīpadāyikā bhikkhunī imā gāthāyo abhāsitthāti.
6. 芦苇花鬘者长老尼譬喻
6. Naḷamālikātherīapadānaṃ
86“在旃陀跋伽河畔，那时我为紧那利女；
我见到了远离尘垢的佛陀，无师自悟者，无能胜者。
87“我以净信和欢喜，心生喜悦，合掌；
我拿着芦苇花环，恭敬地供养了自悟的世尊。
88“以此善作之业，以及思与誓愿，
舍弃紧那利身之后，我往生三十三天。
89“我曾为三十六位天王作王后；
我心中所愿求的，皆如其所愿而现前。
90“我曾做过十位转轮王的正妃；
善心积集既已办，我于诸有受流转。
91“我具善业”故出家，舍家而为无家者。
今日，我于释迦子的教法中，堪受供养。
92“今日我心清净，已远离内心诸恶；
诸漏已尽，不复有后有；
93“在九十四劫之前，我供养了那位佛陀；
我不见有恶趣，这就是芦苇花鬘的果报。
95“我确实是善来……（中略）……佛陀之教已奉行。
96“四无碍解……（中略）……佛陀之教已奉行。”
‘‘Candabhāgānadītīre , ahosiṃ kinnarī tadā; Addasaṃ virajaṃ buddhaṃ, sayambhuṃ aparājitaṃ. ‘‘Pasannacittā sumanā, vedajātā katañjalī; Naḷamālaṃ gahetvāna, sayambhuṃ abhipūjayiṃ. ‘‘Tena kammena sukatena, cetanāpaṇidhīhi ca; Jahitvā kinnarīdehaṃ , tāvatiṃsamagacchahaṃ. ‘‘Chattiṃsadevarājūnaṃ, mahesittamakārayiṃ; Manasā patthitaṃ mayhaṃ, nibbattati yathicchitaṃ. ‘‘Dasannaṃ cakkavattīnaṃ, mahesittamakārayiṃ; Ocitattāva hutvāna, saṃsarāmi bhavesvahaṃ. ‘‘Kusalaṃ vijjate mayhaṃ, pabbajiṃ anagāriyaṃ; Pūjārahā ahaṃ ajja, sakyaputtassa sāsane. ‘‘Visuddhamanasā ajja, apetamanapāpikā; Sabbāsavaparikkhīṇā, natthi dāni punabbhavo. ‘‘Catunnavutito kappe, yaṃ buddhamabhipūjayiṃ; Duggatiṃ nābhijānāmi, naḷamālāyidaṃ phalaṃ. ‘‘Kilesā jhāpitā mayhaṃ…pe… viharāmi anāsavā. ‘‘Svāgataṃ vata me āsi…pe… kataṃ buddhassa sāsanaṃ. ‘‘Paṭisambhidā catasso…pe… kataṃ buddhassa sāsanaṃ’’.
如是，芦苇花鬘者比丘尼宣说了这些偈颂。
Itthaṃ sudaṃ naḷamālikā bhikkhunī imā gāthāyo abhāsitthāti.
7. 大爱道长老尼譬喻
7. Mahāpajāpatigotamītherīapadānaṃ
97“一时，世间之光，在毗舍离的大林中；”
“在重阁讲堂的殊胜堂宇中，住着人御者。”
98尔时胜者姨母摩诃乔达弥比丘尼，
住彼昔所建清幽可爱之比丘尼精舍。
99“与五百位已得解脱的比丘尼一起，
她独处时，心中生起这样的思惟：
100佛陀般涅槃，及第一双上首弟子般涅槃，
罗睺罗、阿难、难陀般涅槃，我皆无缘得见。
101佛陀般涅槃已，上首弟子双贤般涅槃已；
大迦叶与难陀、阿难与罗睺罗般涅槃已。
102“愿预先舍离寿行，趣入寂灭，
我应蒙世间怙主、大仙允许而去。”
103“五百比丘尼亦复如是思惟；
差摩等人亦作如是思惟。
104“当时大地震动，天鼓轰鸣；
守护住处的诸天神，为忧苦所逼恼。
105“她们悲痛欲绝，哀号不止，泪流满面；
那些与她们友善的比丘尼们，来到乔达弥面前。
106她们以头顶礼双足，作如是言：
尊母，我等于彼处独处，为泪珠所沾湿。
107“大地震动、摇撼，天鼓轰然鸣响；”
“又传来悲泣之声，乔达弥，这究竟是为何？”
108尔时彼女将心中所思尽皆道出，
众女亦皆各言心中所念。
109尊姊若悦此最上安稳涅槃，
善德者，蒙佛允准，我等皆当般涅槃。
110“我们一同出离，舍离家宅与有；”
“我们将一同前往，那最上的涅槃境界。”
111“对那些趣向涅槃的人，我该说些什么呢？”她这样说着；
那时，她与所有比丘尼一起从比丘尼住处出来。
112“愿安住于此处的诸天神，宽恕我；
这是我最后一次得见比丘尼的精舍。
113“那里没有衰老与死亡，没有与不爱者相遇；
没有与爱者的别离，我将趣入那无为。
114犹染贪欲的善逝之子们，闻此语已，
悲恸哀泣：呜呼，我等福德何其微薄！
115“比丘尼的住处已然空寂，离了她们，此地唯余空虚；
犹如拂晓时分的星辰，胜者的女弟子们不复显现。
116“乔达弥与五百众，同入涅槃；
犹如恒河与五百川流，一同汇入大海。
117“有信的近事女们，见（比丘尼们）正行走在街道上；
从家中出来，俯伏在足前，这般说道：
118“‘大富贵者，请您怜愍，不要舍弃我们这些无依者；’
“你不应般涅槃”，她们怀着这般渴望而悲泣。
119“为除她们忧伤，她说出了甜美之语；
“诸子，泪水已足，今时正是你们欢笑之时。”
120“我已遍知苦，已舍离苦因；
我已作证灭，已善修习道；
‘‘Ekadā lokapajjoto, vesāliyaṃ mahāvane; Kūṭāgāre susālāyaṃ, vasate narasārathi. ‘‘Tadā jinassa mātucchā, mahāgotami bhikkhunī; Tahiṃ kate pure ramme, vasī bhikkhunupassaye. ‘‘Bhikkhunīhi vimuttāhi, satehi saha pañcahi; Rahogatāya tassevaṃ, citassāsi vitakkitaṃ. ‘‘Buddhassa parinibbānaṃ, sāvakaggayugassa vā; Rāhulānandanandānaṃ, nāhaṃ lacchāmi passituṃ. ‘‘Buddhassa parinibbānā, sāvakaggayugassa vā; Mahākassapanandānaṃ, ānandarāhulāna ca. ‘‘Paṭikaccāyusaṅkhāraṃ , osajjitvāna nibbutiṃ; Gaccheyyaṃ lokanāthena, anuññātā mahesinā. ‘‘Tathā pañcasatānampi, bhikkhunīnaṃ vitakkitaṃ; Āsi khemādikānampi, etadeva vitakkitaṃ. ‘‘Bhūmicālo tadā āsi, nāditā devadundubhī; Upassayādhivatthāyo, devatā sokapīḷitā. ‘‘Vilapantā sukaruṇaṃ , tatthassūni pavattayuṃ; Mittā bhikkhuniyo tāhi, upagantvāna gotamiṃ. ‘‘Nipacca sirasā pāde, idaṃ vacanamabravuṃ; ‘Tattha toyalavāsittā, mayamayye rahogatā. ‘‘‘Sā calā calitā bhūmi, nāditā devadundubhī; Paridevā ca suyyante, kimatthaṃ nūna gotamī’. ‘‘Tadā avoca sā sabbaṃ, yathāparivitakkitaṃ; Tāyopi sabbā āhaṃsu, yathāparivitakkitaṃ. ‘‘‘Yadi te rucitaṃ ayye, nibbānaṃ paramaṃ sivaṃ; Nibbāyissāma sabbāpi, buddhānuññāya subbate. ‘‘‘Mayaṃ sahāva nikkhantā, gharāpi ca bhavāpi ca; Sahāyeva gamissāma, nibbānaṃ padamuttamaṃ’. ‘‘‘Nibbānāya vajantīnaṃ, kiṃ vakkhāmī’ti sā vadaṃ; Saha sabbāhi niggañchi, bhikkhunīnilayā tadā. ‘‘Upassaye yādhivatthā, devatā tā khamantu me; Bhikkhunīnilayassedaṃ, pacchimaṃ dassanaṃ mama. ‘‘Na jarā maccu vā yattha, appiyehi samāgamo; Piyehi na viyogotthi, taṃ vajissaṃ asaṅkhataṃ. ‘‘Avītarāgā taṃ sutvā, vacanaṃ sugatorasā; Sokaṭṭā parideviṃsu, aho no appapuññatā. ‘‘Bhikkhunīnilayo suñño, bhūto tāhi vinā ayaṃ; Pabhāte viya tārāyo, na dissanti jinorasā. ‘‘Nibbānaṃ gotamī yāti, satehi saha pañcahi; Nadīsatehiva saha, gaṅgā pañcahi sāgaraṃ. ‘‘Rathiyāya vajantiyo , disvā saddhā upāsikā; Gharā nikkhamma pādesu, nipacca idamabravuṃ. ‘‘‘Pasīdassu mahābhoge, anāthāyo vihāya no; Tayā na yuttā nibbātuṃ, icchaṭṭā vilapiṃsu tā’. ‘‘Tāsaṃ sokapahānatthaṃ, avoca madhuraṃ giraṃ; ‘Ruditena alaṃ puttā, hāsakāloyamajja vo. ‘‘‘Pariññātaṃ mayā dukkhaṃ, dukkhahetu vivajjito; Nirodho me sacchikato, maggo cāpi subhāvito.
第一诵品。
Paṭhamaṃ bhāṇavāraṃ.
121“我已亲近导师，佛陀的教导已奉行；
重担已放下，有之牵引已彻底断除。
122“正是为此，我从在家而出家，过起无家的生活。
我已成就那义利，灭尽一切结缚。
123佛陀与他的正法无缺住世一日，便是我入涅槃之时；
女儿们，莫为我悲伤。
124憍陈如、阿难、难陀等诸尊者，罗睺罗与胜者佛陀犹住世间；
僧伽安乐和合，诸外道骄慢悉已摧伏。
125“甘蔗王族的荣光，摧伏魔军者已高擎。
女儿们啊，此刻岂非正是我为证涅槃的时机？
126我久来所愿，今朝终得成就；
此是欢喜鼓鸣之时，女儿们啊，何以泪流？
127“你们若对我心怀悲悯，若有感恩之心；
为令正法久住，你们全都应发起坚定精进。
128“正自觉者应我所请，允许了女众出家；
因此，你们应当如我所悦意那般随行。
129“如此教诫她们之后，为诸比丘尼所围绕；
来到佛陀跟前，恭敬礼拜后，说了这番话。
130“善逝，我是您的母亲；而您，勇者，是我的父亲。
赐予正法之乐的怙主，乔达摩啊，我由您而生。
131“善逝，您的色身，由我养育增长；
我此法身无可指责，由你而得增长。
132汝饮我乳，唯暂息渴爱；
我饮汝法乳，乃臻究竟寂静。
133“大牟尼，于结缚与守护之事，您于我并无亏欠；
渴望得子的妇女们祈愿，即获如此之子。
134“曾为曼陀多等诸王之母者，犹在有海之中；
儿啊，我沉溺于有海，由你度脱。
135王母大后斯名号，女人易得不为难；
佛陀之母此称谓，极为稀有实难逢。
136“大雄者，我的此誓愿已由您成就；
无论是微细或是宏大，这一切我都已圆满。
137“我愿般涅槃，舍离此身；
英雄，苦尽者，导师，请准许我。
138轮钩幡相严饰，双足柔如莲华，恳请舒展；
最胜之子，我今至心向您顶礼。
139“请显现那如黄金堆般的身体，
当您的身体清晰示现后，导师啊，我将趣入寂静。
140“具足三十二相，以殊胜光明为庄严之身，
犹如傍晚云中初升之日，胜者向姨母示现。
141“犹如盛开的莲花，犹如初升太阳的光辉，
在轮相具足的双足下，她以头面礼敬。
142“我礼敬人中之日、太阳族的旗帜，
当此最后一死到来之时，我将不再与你相见。
143“世间至上者啊，女人被公认是一切过失的来源；
若我有任何过失，恳请宽恕，悲悯者。
144“‘关于女子出家，我一再向您恳请；
若我于此有任何过失，人中尊，请宽恕我。
145“勇者，比丘尼众是我依您允准而教导的；
其中若有教导不善之处，忍辱王，请您宽恕。
146“纵是难以容忍之事，亦应当宽恕；何况对于以功德为庄严者！
对正走向涅槃的你，我还能说什么更殊胜的话呢？
147“我的比丘僧团清净无缺，堪能出离此世；
黎明时分，见陷身厄难之众，便如新月般悄然逝去；
148比丘尼众追随人中胜者，犹如群星随月趋向须弥。
右绕之后，礼敬双足，站立一隅，瞻仰尊颜。
149“目光瞻仰您，从未有厌足；耳闻您法语，从未听足够。
唯独我的心，得遇您后，便以法味而得满足。
150“当您于众中宣说、摧伏应被诘难者之时；
那些得见您面容的人有福了，人中牛王！
151“手指修长，指甲红铜色，脚踵宽广而美好；
凡顶礼此双足者，亦是有福之人，具德者当知。
152甘美而欢悦，灭除过患，普利众生；
凡有闻此诸语者，他们亦为有福之人，人中至上者啊。
153“我今有福，大雄啊，一心以礼敬尊足为务；
承吉祥者之善语，已渡轮回旷野。
154尔时，彼善戒者向比丘僧众宣告已，
礼敬罗睺罗、阿难与难陀后，说出此语：
155“于此如毒蛇之巢、疾病之舍的身躯中，”
厌离于苦聚与老死所行之境。
156“种种垢秽所染，依他而不能自主；
是故我欲入般涅槃，诸子当予允准。
157“难陀与罗睺罗跋陀，离诸忧恼，断尽诸漏；
住立不动，坚固安稳，随念法性。
158“呵责那有为法，动摇不实，无坚实如芭蕉树；
如幻如阳焰，余者皆不坚住；
159‘纵是胜者之姨母，哺育佛陀之人……
乔达弥趣入灭尽，一切诸行无常。’
160阿难尔时犹居有学，悲恸缠心，深爱胜者。
他在那里泪流满面，悲切地哀叹。
161“啊！乔达弥正趋入寂静，佛陀也必将入于涅槃；”
他不久即离去，犹如无薪之火。
162“对如此悲叹的阿难，乔达弥这样说道：
所闻深广如海，一心承事佛陀。
163“孩子，欢喜之时已至，不应忧愁。
儿子，借由你，我已抵达我的皈依处——涅槃。
164“孩子啊，承蒙你的劝请，他允许了我们出家。
孩子，莫要沮丧，你的精勤已得果报。
165“那从不曾被古人所见，亦从不曾被外道诸师所见；
那境界，为年方七岁的柔弱女子所证知。
166“佛陀教法的护持者，这将是最后与你的相见；
儿子，我将去那里，去到那不可见之处。
167“有时，于说法之际，世间顶导者曾打喷嚏；
那时，我出于悲悯，说了祝愿之语：
168“愿大雄长寿，愿大牟尼住世一劫；
“为饶益一切世间，愿你成就不老不死。”
169那位如是而说的佛陀，对我这般说道：
‘乔达弥，不应以你这样的方式礼敬诸佛。’
170“‘那么，应如何礼敬一切知者、如来呢？’
诸佛如何不可礼敬？受我问者，请告诉我。
171“精进已发起，心志已奋发，恒常坚固精勤者；
请看那和合的众弟子，这便是对诸佛的礼敬。
172“然后我前往住处，独自静思维：
依怙、超越三有者，遮止了和合的集会。
173“来吧，我当般涅槃，莫见其衰败。
我如此思惟已，得见无上仙人。
174“我便向导师禀告，我般涅槃的时刻已至。
于是他便应允：“乔达弥，你当自知时宜。”
176“我确实是善来……（中略）……佛陀之教已奉行。
178“关于女性证悟法时，那些愚者心生疑惑；
为断除他们的邪见，乔达弥，请示现神变。
179“那时，她礼敬正自觉者后，乔达弥腾入虚空；
得到佛陀的允许，乔达弥示现了种种神变。
180“她由一人化作多人，又由多人合为一人；
显现与隐没，穿墙过山。
181“无碍而行，乃至没入地中；
行于水上而不沉没，如履平地。
182“如鸟行于空中，那时以跏趺坐行走；
身得自在，径至梵天住处。
183“以须弥山为杖，以大地为伞，
将其（大地）连根翻转后，她持大地于空中经行。
184“犹如六日并出之时，令世间弥漫烟雾；
她令世间如在劫末，使之充满火焰之网。
185穆咖林达大石与须弥山根诸流，
芥子许之一切，彼以一掌尽握。
186以指尖掩蔽日月之光，
复将千数日月如花鬘而戴。
187“四大海水，一掌可持；
如劫末之云，降下滂沱大雨。
188“她令转轮王与眷属，化现于虚空之中；
她示现金翅鸟、巨象与正在吼叫的雄狮。
189“她独自一人，化现出无量比丘尼众；
她使（众）隐没后，独自对牟尼说：
190“大雄，我是你的姨母，正是你教法的奉行者；
已成就自己的义利，我礼敬具眼者之足。”
191“示现种种神通变化之后，她从虚空降下；
礼敬世间之光之后，她便在一旁坐下。
192“大牟尼，我生于世间，已有一百二十年了；
“大雄啊，此事已了，导师啊，我将般涅槃。”
193“那时，在场的大众全都惊叹不已，恭敬合掌；
说道：“女士，具足无比神通与威力者，这是如何发生的？”
194“名为莲华上佛的胜利者，于一切法中具足法眼；
距今十万劫前，这位导师出现于世。
195“那时，我生于天鹅城的大臣之家；
“资财一切具足，繁荣富庶，财宝丰饶。”
196“曾有一时，我与父亲同行，由一群婢女围绕；”
以盛大的随从簇拥，来到那人中最胜者前。
197“恰似瓦沙瓦降下甘霖，那无漏的法云；
犹如秋日之阳，光网辉耀。
198见已心生净信，闻其善说；
人中导师立姨母比丘尼为第一。
199“闻已，行大布施，七日供养彼如来；
供养人中上首并其僧团，众多资具。
200“礼拜足下已，我期望彼地位；
于是，第七仙人对大众说：
201彼女曾以七日供佛及僧，饭食世间导师与圣众；
我将称扬他，请听我所说。
202“十万劫之后，将有生于甘蔗族者，
他以乔达摩为姓，将成为世间的导师。
203“她将于其法中成为继承者，真正的法所生者；
她名唤乔达弥，将成为导师的女弟子。
204‘彼佛之姨母，乳养其身者；
久修比丘尼中，当得为上首。’
205闻已欢喜，尽形寿以诸资具承事胜者；
其后我即命终。
206三十三天诸天神之中，一切欲乐悉皆圆满；
我以十事而超胜，胜彼其余诸天大众。
207“以色、声、香、味、触，
“以寿命、容色、快乐、名声，
208“同样地，我取得主权之后，光辉显耀；
我曾是不死之主的王后，于彼处为他所爱。
209“我流转于轮回之中，为业风所驱迫；
在迦尸王的国土，我生于一座奴隶村落。
210尔时彼处五百奴仆，一无所缺而共居住；
彼众之中最为年长者，其妻即是我身。
211“五百位独觉者，为乞食而入村落；
我见到他们，心生欢喜，与所有妇女一同；
212“我们成群结队，供养了整整四个月；
布施三衣之后，我们便与丈夫一同轮回。
213“从彼处命终后，我们全都往生三十三天；
如今已至最后有，我们降生于天臂城。
214我父是安阇那释迦，我母是苏喇卡那；
此后前往迦毗罗卫，嫁入净饭王之家。
215“其余生于释迦族的族人，也都回到了释迦族的家中；
在她们一切人中，我最殊胜，成为了胜者的养母。
216“我的儿子出家之后，成为佛陀、导师；
之后，我与五百人一同出家。
217我昔与释迦族诸贤女同修，共证寂静之乐；
彼于往昔生中，曾是我等夫君。
218“共造福业的行者，大集会的参与者；
他们证得阿拉汉果，蒙受善逝的悲悯。
219“其他诸比丘尼，升入虚空，
犹如群星相聚，具大神通而闪耀。
220“她们示现了种种神通，犹如制作各式饰品；
如同善巧的金匠，于金工技艺精熟；
221示现种种奇妙神变，众多殊异；
令辩者之至尊牟尼及其眷属欢喜。
222“从虚空降下后，顶礼最胜仙人，
得到人中至上者的许可，便各自在适当之处落座。
223“乔达弥啊，您长久以来慈悯我们一切大众，
我们被你的功德所薰习，已证得漏尽。
224“我们的烦恼已烧尽，一切有已被根除；
犹如龙象断除束缚，我们安住于无漏。
225得至最胜佛陀前，我等此行真善来；
三明已然证得，佛陀之教已奉行。
226四无碍解，及八解脱；
六神通已亲证，佛陀之教已奉行。
227我等于诸神通、于天耳界皆得自在；
大牟尼尊，于他心智我等亦得自在。
228“我们了知宿住，天眼已得清净；
诸漏已尽，如今不再有再生。
229“于义、于法、于辞、于辩才，悉皆具足。
大雄，我们的智慧已在您座前生起。
230“导师，我们以慈心侍奉您。
大牟尼，请允许我们全都涅槃。
231“她们说‘我们将涅槃’，我还能说什么呢？
胜者说道：“现在你们若认为是时候了。”
232那时乔达弥为首，诸比丘尼礼敬胜者；
从彼座上起身已，彼等众尼皆离去。
233世间无上大导师，率领大众共巡行；
勇者一路行游去，直至姨母科他咖。
234“那时，乔达弥俯身于世间亲族的足下；
与她们所有人一道，作此最后的礼足。
235“这是我最后一次见到世间怙主；
我将不再得见你那甘露般的容颜。
236“勇者，我再不能礼敬你柔软的双足；
“世间至上者啊，今日我便要趣入寂静涅槃。”
237“这具色身于你何用？在现见之法中，如其真实——
这一切全是有为之法，不可依怙，短暂而脆弱。
238“她与她们一同前往自己的比丘尼精舍；
她结半跏趺，于最胜座上坐定。
239“那时在场的近事女们，于佛陀教法深心爱乐；
听闻她的事迹后，便前往顶礼其足。
240“以手捶胸，犹如根已断的藤蔓；”
悲泣哀号，发为悲声，为忧所摧，倒卧于地。
241“我们的皈依怙主啊，莫弃我们而入涅槃；
我们皆以头面顶礼，恳切乞求。
242“她们之中，最精进、具足净信与智慧的那位近事女；
她擦拭着她的头，说道：
243“够了，儿子们，莫要悲伤，那是随顺魔索的；
一切有为法悉皆无常，以别离为终，动摇不定。”
244“随后，她遣散她们，证得第一殊胜禅那；
她证入第二、第三禅那，又证入第四禅那。
245“她证入空无边处，亦入识无边处，
依次证入无所有处与非想非非想处。
246“乔达摩尼，逆次第证入诸禅那，
（逆入）直至初禅，复（顺入）至第四禅那。
247“从彼定出，便般涅槃，如灯焰灭尽，无诸漏；
大地剧烈震动，闪电自空而降。
248“天鼓被擂响，诸天神悲泣。
花雨自虚空降下，遍洒大地。
249“须弥山王亦震动，犹如舞台中央的舞者；
大海因悲怆而极度痛苦，发出悲鸣。
250“天人、龙、阿修罗与梵天神，在那一刻皆惊惶不安；
“诸行确实无常，如这（行）已归于坏灭。”
251“那些曾围绕着我的，依导师教法而行的行者们；
她们也已无所执取，如油尽灯灭般，入于涅槃。
252“唉！和合终归于别离，唉！一切有为法悉皆无常；
唉！生命渐趋于灭尽，这便是悲叹。
253“那时，诸天神与梵天神，为随顺世间法，
来到最胜仙人之处，依时节而行应作之事。
254“那时，导师呼唤多闻如海的阿难：
“去吧，阿难，向诸比丘宣告母亲已般涅槃。”
255“那时，阿难了无喜悦，双眼盈满泪水；
以哽咽的声音说：‘诸比丘，请集合。’”
256“东方、南方、西方，及北方附近；”
诸比丘，善逝的法嗣们，请听我所说。
257“以精勤养育牟尼最后身的那位，”
乔达弥已归于寂静，犹如日出时的星辰。
258“留下‘佛母’之称呼，她已抵达无与伦比的境地。
纵使具足五眼，导师也不能寻见她的去处。
259“对善逝具足信心，又为大牟尼所爱念者，
善逝之子，应当向佛母致敬。
260“即便身在远方的比丘们，听闻之后，也即刻赶来了；
有的依凭佛陀的威力，有的于神通善巧通达。
261“在那殊胜可爱的重阁——纯以黄金所成、美妙庄严之处，
他们为你敷设了床座，乔达弥，你便在那里安卧。
262“那四位世间守护者，齐以肩膀共同擎举；
其余以帝释天神为首的诸天神众，则共同擎举那重阁。
263“所有的重阁，共有五百座；
如秋日太阳之光色，实为毗首羯磨所造。
264“所有那些比丘尼，皆卧于床榻之上；
登上诸天人之肩，次第启程。
266“众多旗帜高高竖立，花幔广展；
虚空中莲花飘降，大地上花朵涌出。
267“日月显现，星辰闪耀；
太阳虽已行至中天，却不炙热，犹如明月一般。
268“诸天神以天界之香与芬芳的花鬘，
以乐器、舞蹈及歌声供养。
269“诸龙、阿修罗及梵天神，各随其能力、各随其力量，
他们供奉了正在出殡的、已般涅槃的佛陀之母。
270“一切已般涅槃的善逝之女，被引领在前；
受尊敬的佛陀养母乔达弥，则被引领在后。
271“天与人居前，诸龙、阿修罗、梵天俱在；
佛陀与弟子随行于后，为供养母亲而往。
272佛陀般涅槃，不若斯之奇；
乔达弥般涅槃，斯乃极稀有。
273诸比丘，佛陀于佛陀般涅槃时不亲理其事；
然于乔达弥般涅槃时，佛陀亲为料理，舍利弗等亦复如是。
274“他们用种种香料堆成火葬的木堆，
遍洒香粉，就地将其焚烧。
275“其余的一切焚尽无余，唯骨骸全然留存。
阿难当时说出了一番令人惊觉警示的话。
276“‘乔达弥已逝去，她的遗骸正在火化，”
约定的佛陀般涅槃，不久就将到来。’
277“那时，乔达弥的遗骨已置于她的钵中；
阿难受佛陀吩咐，将它们呈奉怙主。
278第七仙人以手托起那些遗骨，
说道：犹如一棵巨大坚实的大树，巍然屹立。
279“那最粗壮的树干，也会因无常而崩倒；
同样，比丘尼僧团的乔达弥，也已般涅槃。
280“啊，这于我真是稀有——即便母亲已般涅槃；
仅余色身舍利，却无悲泣与忧叹。
281“她已渡轮回之海，他人不必再为她悲戚；
已离热恼，得清凉，善般涅槃。
282“你是贤者，具大智慧，亦具广慧；
她是比丘尼众中的长老，诸比丘当如是忆持。
283“她于诸神通得自在，于天耳界得自在；
于他心智，乔达弥比丘尼得自在。
284“她了知宿命，天眼已清净；
已尽断一切漏，她不再有后有。
285于义、法、辞并及辩才，其智悉皆清净；
是故不应为她哀伤。
286犹如铁锤所击炽燃之火，
渐次止息，其趣向了不可知。
287如是正解脱者，已渡欲缚瀑流；
彼证不动之乐，其趣向无可指陈。
288“你们应当以自己为岛屿，以念处为行境。
修习七觉支，你们将令苦穷尽。
‘‘‘Pariciṇṇo mayā satthā, kataṃ buddhassa sāsanaṃ; Ohito garuko bhāro, bhavanetti samūhatā. ‘‘‘Yassatthāya pabbajitā, agārasmānagāriyaṃ; So me attho anuppatto, sabbasaṃyojanakkhayo. ‘‘‘Buddho tassa ca saddhammo, anūno yāva tiṭṭhati; Nibbātuṃ tāva kālo me, mā maṃ socatha puttikā. ‘‘‘Koṇḍaññānandanandādī , tiṭṭhanti rāhulo jino; Sukhito sahito saṅgho, hatadabbā ca titthiyā. ‘‘‘Okkākavaṃsassa yaso, ussito māramaddano; Nanu sampati kālo me, nibbānatthāya puttikā. ‘‘‘Cirappabhuti yaṃ mayhaṃ, patthitaṃ ajja sijjhate; Ānandabherikāloyaṃ, kiṃ vo assūhi puttikā. ‘‘‘Sace mayi dayā atthi, yadi catthi kataññutā; Saddhammaṭṭhitiyā sabbā, karotha vīriyaṃ daḷhaṃ. ‘‘‘Thīnaṃ adāsi pabbajjaṃ, sambuddho yācito mayā; Tasmā yathāhaṃ nandissaṃ, tathā tamanutiṭṭhatha’. ‘‘Tā evamanusāsitvā, bhikkhunīhi purakkhatā; Upecca buddhaṃ vanditvā, idaṃ vacanamabravi. ‘‘‘Ahaṃ sugata te mātā, tvañca vīra pitā mama; Saddhammasukhada nātha, tayā jātāmhi gotama. ‘‘‘Saṃvaddhitoyaṃ sugata, rūpakāyo mayā tava; Anindito dhammakāyo , mama saṃvaddhito tayā. ‘‘‘Muhuttaṃ taṇhāsamaṇaṃ, khīraṃ tvaṃ pāyito mayā; Tayāhaṃ santamaccantaṃ, dhammakhīrañhi pāyitā. ‘‘‘Bandhanārakkhane mayhaṃ, aṇaṇo tvaṃ mahāmune; Puttakāmā thiyo yācaṃ, labhanti tādisaṃ sutaṃ. ‘‘‘Mandhātādinarindānaṃ, yā mātā sā bhavaṇṇave; Nimuggāhaṃ tayā putta, tāritā bhavasāgarā. ‘‘‘Rañño mātā mahesīti, sulabhaṃ nāmamitthinaṃ; Buddhamātāti yaṃ nāmaṃ, etaṃ paramadullabhaṃ. ‘‘‘Tañca laddhaṃ mahāvīra, paṇidhānaṃ mamaṃ tayā; Aṇukaṃ vā mahantaṃ vā, taṃ sabbaṃ pūritaṃ mayā. ‘‘‘Parinibbātumicchāmi , vihāyemaṃ kaḷevaraṃ; Anujānāhi me vīra, dukkhantakara nāyaka. ‘‘‘Cakkaṅkusadhajākiṇṇe, pāde kamalakomale; Pasārehi paṇāmaṃ te, karissaṃ puttauttame . ‘‘‘Suvaṇṇarāsisaṅkāsaṃ, sarīraṃ kuru pākaṭaṃ; Katvā dehaṃ sudiṭṭhaṃ te, santiṃ gacchāmi nāyaka’. ‘‘Dvattiṃsalakkhaṇūpetaṃ, suppabhālaṅkataṃ tanuṃ; Sañjhāghanāva bālakkaṃ, mātucchaṃ dassayī jino. ‘‘Phullāravindasaṃkāse, taruṇādiccasappabhe; Cakkaṅkite pādatale, tato sā sirasā pati. ‘‘‘Paṇamāmi narādicca, ādiccakulaketukaṃ; Pacchime maraṇe mayhaṃ , na taṃ ikkhāmahaṃ puno. ‘‘‘Itthiyo nāma lokagga, sabbadosākarā matā; Yadi ko catthi doso me, khamassu karuṇākara. ‘‘‘Itthikānañca pabbajjaṃ, haṃ taṃ yāciṃ punappunaṃ; Tattha ce atthi doso me, taṃ khamassu narāsabha. ‘‘‘Mayā bhikkhuniyo vīra, tavānuññāya sāsitā; Tatra ce atthi dunnītaṃ, taṃ khamassu khamādhipa . ‘‘‘Akkhante nāma khantabbaṃ, kiṃ bhave guṇabhūsane; Kimuttaraṃ te vakkhāmi, nibbānāya vajantiyā. ‘‘‘Suddhe anūne mama bhikkhusaṅghe, lokā ito nissarituṃ khamante; Pabhātakāle byasanaṅgatānaṃ, disvāna niyyātiva candalekhā’. ‘‘‘Tadetarā bhikkhuniyo jinaggaṃ, tārāva candānugatā sumeruṃ; Padakkhiṇaṃ kacca nipacca pāde, ṭhitā mukhantaṃ samudikkhamānā. ‘‘‘Na tittipubbaṃ tava dassanena, cakkhuṃ na sotaṃ tava bhāsitena; Cittaṃ mamaṃ kevalamekameva, pappuyya taṃ dhammarasena titti. ‘‘‘Nadato parisāyaṃ te, vāditabbapahārino; Ye te dakkhanti vadanaṃ, dhaññā te narapuṅgava. ‘‘‘Dīghaṅgulī tambanakhe, subhe āyatapaṇhike; Ye pāde paṇamissanti , tepi dhaññā guṇandhara. ‘‘‘Madhurāni pahaṭṭhāni, dosagghāni hitāni ca; Ye te vākyāni suyyanti, tepi dhaññā naruttama. ‘‘‘Dhaññāhaṃ te mahāvīra, pādapūjanatapparā ; Tiṇṇasaṃsārakantārā, suvākyena sirīmato’. ‘‘Tato sā anusāvetvā , bhikkhusaṅghampi subbatā; Rāhulānandanande ca, vanditvā idamabravi. ‘‘‘Āsīvisālayasame, rogāvāse kaḷevare; Nibbindā dukkhasaṅghāṭe, jarāmaraṇagocare. ‘‘‘Nānākalimalākiṇṇe , parāyatte nirīhake; Tena nibbātumicchāmi, anumaññatha puttakā’. ‘‘Nando rāhulabhaddo ca, vītasokā nirāsavā; Ṭhitācalaṭṭhiti thirā, dhammatamanucintayuṃ. ‘‘‘Dhiratthu saṅkhataṃ lolaṃ, asāraṃ kadalūpamaṃ; Māyāmarīcisadisaṃ, itaraṃ anavaṭṭhitaṃ. ‘‘‘Yattha nāma jinassāyaṃ, mātucchā buddhaposikā; Gotamī nidhanaṃ yāti, aniccaṃ sabbasaṅkhataṃ’. ‘‘Ānando ca tadā sekho, sokaṭṭo jinavacchalo; Tatthassūni karonto so, karuṇaṃ paridevati. ‘‘Hā santiṃ gotamī yāti, nūna buddhopi nibbutiṃ; Gacchati na cireneva, aggiriva nirindhano. ‘‘Evaṃ vilāpamānaṃ taṃ, ānandaṃ āha gotamī; Sutasāgaragambhīra , buddhopaṭṭhānatappara. ‘‘‘Na yuttaṃ socituṃ putta, hāsakāle upaṭṭhite; Tayā me saraṇaṃ putta, nibbānaṃ tamupāgataṃ. ‘‘‘Tayā tāta samajjhiṭṭho, pabbajjaṃ anujāni no; Mā putta vimano hohi, saphalo te parissamo. ‘‘‘Yaṃ na diṭṭhaṃ purāṇehi, titthikācariyehipi; Taṃ padaṃ sukumārīhi, sattavassāhi veditaṃ. ‘‘‘Buddhasāsanapāleta, pacchimaṃ dassanaṃ tava; Tattha gacchāmahaṃ putta, gato yattha na dissate. ‘‘‘Kadāci dhammaṃ desento, khipī lokagganāyako; Tadāhaṃ āsīsavācaṃ, avocaṃ anukampikā. ‘‘‘Ciraṃ jīva mahāvīra, kappaṃ tiṭṭha mahāmune; Sabbalokassa atthāya, bhavassu ajarāmaro. ‘‘‘Taṃ tathāvādiniṃ buddho, mamaṃ so etadabravi; ‘Na hevaṃ vandiyā buddhā, yathā vandasi gotamī. ‘‘‘Kathaṃ carahi sabbaññū, vanditabbā tathāgatā; Kathaṃ avandiyā buddhā, taṃ me akkhāhi pucchito. ‘‘‘Āraddhavīriye pahitatte, niccaṃ daḷhaparakkame; Samagge sāvake passa, etaṃ buddhānavandanaṃ. ‘‘‘Tato upassayaṃ gantvā, ekikāhaṃ vicintayiṃ; Samaggaparisaṃ nātho, rodhesi tibhavantago. ‘‘‘Handāhaṃ parinibbissaṃ, mā vipattitamaddasaṃ; Evāhaṃ cintayitvāna, disvāna isisattamaṃ. ‘‘‘Parinibbānakālaṃ me, ārocesiṃ vināyakaṃ; Tato so samanuññāsi, kālaṃ jānāhi gotamī. ‘‘‘Kilesā jhāpitā mayhaṃ…pe… viharāmi anāsavā. ‘‘‘Svāgataṃ vata me āsi…pe… kataṃ buddhassa sāsanaṃ. ‘‘‘Paṭisambhidā catasso…pe… kataṃ buddhassa sāsanaṃ. ‘‘‘Thīnaṃ dhammābhisamaye, ye bālā vimatiṃ gatā; Tesaṃ diṭṭhippahānatthaṃ, iddhiṃ dassehi gotamī’. ‘‘Tadā nipacca sambuddhaṃ, uppatitvāna ambaraṃ; Iddhī anekā dassesi, buddhānuññāya gotamī. ‘‘Ekikā bahudhā āsi, bahukā cetikā tathā; Āvibhāvaṃ tirobhāvaṃ, tirokuṭṭaṃ tironagaṃ. ‘‘Asajjamānā agamā, bhūmiyampi nimujjatha; Abhijjamāne udake, agañchi mahiyā yathā. ‘‘Sakuṇīva tathākāse, pallaṅkena kamī tadā; Vasaṃ vattesi kāyena, yāva brahmanivesanaṃ. ‘‘Sineruṃ daṇḍaṃ katvāna, chattaṃ katvā mahāmahiṃ; Samūlaṃ parivattetvā, dhārayaṃ caṅkamī nabhe. ‘‘Chassūrodayakāleva, lokañcākāsi dhūmikaṃ; Yugante viya lokaṃ sā, jālāmālākulaṃ akā. ‘‘Mucalindaṃ mahāselaṃ, merumūlanadantare ; Sāsapāriva sabbāni, ekenaggahi muṭṭhinā. ‘‘Aṅgulaggena chādesi, bhākaraṃ sanisākaraṃ; Candasūrasahassāni, āveḷamiva dhārayi. ‘‘Catusāgaratoyāni, dhārayī ekapāṇinā; Yugantajaladākāraṃ, mahāvassaṃ pavassatha. ‘‘Cakkavattiṃ saparisaṃ, māpayī sā nabhattale; Garuḷaṃ dviradaṃ sīhaṃ, vinadantaṃ padassayi. ‘‘Ekikā abhinimmitvā, appameyyaṃ bhikkhunīgaṇaṃ; Puna antaradhāpetvā, ekikā munimabravi. ‘‘‘Mātucchā te mahāvīra, tava sāsanakārikā; Anuppattā sakaṃ atthaṃ, pāde vandāmi cakkhuma’. ‘‘Dassetvā vividhā iddhī, orohitvā nabhattalā; Vanditvā lokapajjotaṃ, ekamantaṃ nisīdi sā. ‘‘Sā vīsavassasatikā, jātiyāhaṃ mahāmune; Alamettāvatā vīra, nibbāyissāmi nāyaka. ‘‘Tadātivimhitā sabbā, parisā sā katañjalī; Avocayye kathaṃ āsi, atuliddhiparakkamā. ‘‘Padumuttaro nāma jino, sabbadhammesu cakkhumā; Ito satasahassamhi, kappe uppajji nāyako. ‘‘Tadāhaṃ haṃsavatiyaṃ, jātāmaccakule ahuṃ; Sabbopakārasampanne, iddhe phīte mahaddhane. ‘‘Kadāci pitunā saddhiṃ, dāsigaṇapurakkhatā; Mahatā parivārena, taṃ upecca narāsabhaṃ. ‘‘Vāsavaṃ viya vassantaṃ, dhammameghaṃ anāsavaṃ ; Saradādiccasadisaṃ, raṃsijālasamujjalaṃ . ‘‘Disvā cittaṃ pasādetvā, sutvā cassa subhāsitaṃ; Mātucchaṃ bhikkhuniṃ agge, ṭhapentaṃ naranāyakaṃ. ‘‘Sutvā datvā mahādānaṃ, sattāhaṃ tassa tādino; Sasaṅghassa naraggassa, paccayāni bahūni ca. ‘‘Nipacca pādamūlamhi, taṃ ṭhānamabhipatthayiṃ; Tato mahāparisatiṃ, avoca isisattamo. ‘‘‘Yā sasaṅghaṃ abhojesi, sattāhaṃ lokanāyakaṃ; Tamahaṃ kittayissāmi, suṇātha mama bhāsato. ‘‘‘Satasahassito kappe, okkākakulasambhavo; Gotamo nāma gottena, satthā loke bhavissati. ‘‘‘Tassa dhammesu dāyādā, orasā dhammanimmitā; Gotamī nāma nāmena, hessati satthu sāvikā. ‘‘‘Tassa buddhassa mātucchā, jīvitāpādikā ayaṃ; Rattaññūnañca aggattaṃ, bhikkhunīnaṃ labhissati’. ‘‘Taṃ sutvāna pamoditvā , yāvajīvaṃ tadā jinaṃ; Paccayehi upaṭṭhitvā, tato kālaṅkatā ahaṃ. ‘‘Tāvatiṃsesu devesu, sabbakāmasamiddhisu; Nibbattā dasahaṅgehi, aññe abhibhaviṃ ahaṃ. ‘‘Rūpasaddehi gandhehi, rasehi phusanehi ca; Āyunāpi ca vaṇṇena, sukhena yasasāpi ca. ‘‘Tathevādhipateyyena, adhigayha virocahaṃ; Ahosiṃ amarindassa, mahesī dayitā tahiṃ. ‘‘Saṃsāre saṃsarantīhaṃ, kammavāyusameritā; Kāsissa rañño visaye, ajāyiṃ dāsagāmake. ‘‘Pañcadāsasatānūnā, nivasanti tahiṃ tadā; Sabbesaṃ tattha yo jeṭṭho, tassa jāyā ahosahaṃ. ‘‘Sayambhuno pañcasatā, gāmaṃ piṇḍāya pāvisuṃ; Te disvāna ahaṃ tuṭṭhā, saha sabbāhi itthibhi . ‘‘Pūgā hutvāva sabbāyo , catumāse upaṭṭhahuṃ ; Ticīvarāni datvāna, saṃsarimha sasāmikā. ‘‘Tato cutā sabbāpi tā, tāvatiṃsagatā mayaṃ; Pacchime ca bhave dāni, jātā devadahe pure. ‘‘Pitā añjanasakko me, mātā mama sulakkhaṇā; Tato kapilavatthusmiṃ, suddhodanagharaṃ gatā. ‘‘Sesā sakyakule jātā, sakyānaṃ gharamāgamuṃ; Ahaṃ visiṭṭhā sabbāsaṃ, jinassāpādikā ahuṃ. ‘‘Mama puttobhinikkhamma , buddho āsi vināyako; Pacchāhaṃ pabbajitvāna, satehi saha pañcahi. ‘‘Sākiyānīhi dhīrāhi, saha santisukhaṃ phusiṃ; Ye tadā pubbajātiyaṃ, amhākaṃ āsu sāmino. ‘‘Sahapuññassa kattāro, mahāsamayakārakā; Phusiṃsu arahattaṃ te, sugatenānukampitā. ‘‘Tadetarā bhikkhuniyo, āruhiṃsu nabhattalaṃ; Saṃgatā viya tārāyo, virociṃsu mahiddhikā. ‘‘Iddhī anekā dassesuṃ, piḷandhavikatiṃ yathā; Kammāro kanakasseva, kammaññassa susikkhito . ‘‘Dassetvā pāṭihīrāni, vicittāni bahūni ca; Tosetvā vādipavaraṃ, muniṃ saparisaṃ tadā. ‘‘Orohitvāna gaganā, vanditvā isisattamaṃ; Anuññātā naraggena, yathāṭhāne nisīdisuṃ. ‘‘‘Ahonukampikā amhaṃ, sabbāsaṃ cira gotamī; Vāsitā tava puññehi, pattā no āsavakkhayaṃ. ‘‘‘Kilesā jhāpitā amhaṃ, bhavā sabbe samūhatā; Nāgīva bandhanaṃ chetvā, viharāma anāsavā. ‘‘‘Svāgataṃ vata no āsi, buddhaseṭṭhassa santike; Tisso vijjā anuppattā, kataṃ buddhassa sāsanaṃ. ‘‘‘Paṭisambhidā catasso, vimokkhāpi ca aṭṭhime; Chaḷabhiññā sacchikatā, kataṃ buddhassa sāsanaṃ. ‘‘‘Iddhīsu ca vasī homa, dibbāya sotadhātuyā; Cetopariyañāṇassa, vasī homa mahāmune. ‘‘‘Pubbenivāsaṃ jānāma, dibbacakkhu visodhitaṃ; Sabbāsavaparikkhīṇā, natthi dāni punabbhavo. ‘‘‘Atthe dhamme ca nerutte, paṭibhāne ca vijjati; Ñāṇaṃ amhaṃ mahāvīra, uppannaṃ tava santike. ‘‘‘Asmābhi pariciṇṇosi, mettacittāhi nāyaka; Anujānāhi sabbāsaṃ , nibbānāya mahāmune’. ‘‘Nibbāyissāma iccevaṃ, kiṃ vakkhāmi vadantiyo; Yassa dāni ca vo kālaṃ, maññathāti jinobravi. ‘‘Gotamīādikā tāyo, tadā bhikkhuniyo jinaṃ; Vanditvā āsanā tamhā, vuṭṭhāya agamiṃsu tā. ‘‘Mahatā janakāyena, saha lokagganāyako; Anusaṃyāyī so vīro, mātucchaṃ yāvakoṭṭhakaṃ. ‘‘Tadā nipati pādesu, gotamī lokabandhuno; Saheva tāhi sabbāhi, pacchimaṃ pādavandanaṃ. ‘‘‘Idaṃ pacchimakaṃ mayhaṃ, lokanāthassa dassanaṃ; Na puno amatākāraṃ, passissāmi mukhaṃ tava. ‘‘‘Na ca me vandanaṃ vīra, tava pāde sukomale; Samphusissati lokagga, ajja gacchāmi nibbutiṃ’. ‘‘Rūpena kiṃ tavānena, diṭṭhe dhamme yathātathe; Sabbaṃ saṅkhatamevetaṃ, anassāsikamittaraṃ. ‘‘Sā saha tāhi gantvāna, bhikkhunupassayaṃ sakaṃ; Aḍḍhapallaṅkamābhujja, nisīdi paramāsane. ‘‘Tadā upāsikā tattha, buddhasāsanavacchalā; Tassā pavattiṃ sutvāna, upesuṃ pādavandikā. ‘‘Karehi uraṃ pahantā, chinnamūlā yathā latā; Rodantā karuṇaṃ ravaṃ, sokaṭṭā bhūmipātitā. ‘‘Mā no saraṇade nāthe, vihāya gami nibbutiṃ; Nipatitvāna yācāma, sabbāyo sirasā mayaṃ. ‘‘Yā padhānatamā tāsaṃ, saddhā paññā upāsikā; Tassā sīsaṃ pamajjantī, idaṃ vacanamabravi. ‘‘‘Alaṃ puttā visādena, mārapāsānuvattinā; Aniccaṃ saṅkhataṃ sabbaṃ, viyogantaṃ calācalaṃ’. ‘‘Tato sā tā visajjitvā, paṭhamaṃ jhānamuttamaṃ; Dutiyañca tatiyañca, samāpajji catutthakaṃ. ‘‘Ākāsāyatanañceva, viññāṇāyatanaṃ tathā; Ākiñcaṃ nevasaññañca, samāpajji yathākkamaṃ. ‘‘Paṭilomena jhānāni, samāpajjittha gotamī; Yāvatā paṭhamaṃ jhānaṃ, tato yāvacatutthakaṃ. ‘‘Tato vuṭṭhāya nibbāyi, dīpaccīva nirāsavā ; Bhūmicālo mahā āsi, nabhasā vijjutā pati. ‘‘Panāditā dundubhiyo, parideviṃsu devatā; Pupphavuṭṭhī ca gaganā, abhivassatha medaniṃ. ‘‘Kampito merurājāpi, raṅgamajjhe yathā naṭo; Sokena cātidīnova viravo āsi sāgaro. ‘‘Devā nāgāsurā brahmā, saṃviggāhiṃsu taṅkhaṇe; ‘Aniccā vata saṅkhārā, yathāyaṃ vilayaṃ gatā’. ‘‘Yā ce maṃ parivāriṃsu, satthu sāsanakārikā; Tāyopi anupādānā, dīpacci viya nibbutā. ‘‘Hā yogā vippayogantā, hāniccaṃ sabbasaṅkhataṃ; Hā jīvitaṃ vināsantaṃ, iccāsi paridevanā. ‘‘Tato devā ca brahmā ca, lokadhammānuvattanaṃ; Kālānurūpaṃ kubbanti, upetvā isisattamaṃ. ‘‘Tadā āmantayī satthā, ānandaṃ sutasāgaraṃ ; ‘Gacchānanda nivedehi, bhikkhūnaṃ mātu nibbutiṃ’. ‘‘Tadānando nirānando, assunā puṇṇalocano; Gaggarena sarenāha, ‘samāgacchantu bhikkhavo. ‘‘‘Pubbadakkhiṇapacchāsu, uttarāya ca santike; Suṇantu bhāsitaṃ mayhaṃ, bhikkhavo sugatorasā. ‘‘‘Yā vaḍḍhayi payattena, sarīraṃ pacchimaṃ mune; Sā gotamī gatā santiṃ, tārāva sūriyodaye. ‘‘‘Buddhamātāti paññattiṃ , ṭhapayitvā gatāsamaṃ; Na yattha pañcanettopi, gatiṃ dakkhati nāyako. ‘‘‘Yassatthi sugate saddhā, yo ca piyo mahāmune; Buddhamātussa sakkāraṃ, karotu sugatoraso’. ‘‘Sudūraṭṭhāpi taṃ sutvā, sīghamāgacchu bhikkhavo; Keci buddhānubhāvena, keci iddhīsu kovidā. ‘‘Kūṭāgāravare ramme, sabbasoṇṇamaye subhe; Mañcakaṃ samāropesuṃ, yattha suttāsi gotamī. ‘‘Cattāro lokapālā te, aṃsehi samadhārayuṃ; Sesā sakkādikā devā, kūṭāgāre samaggahuṃ. ‘‘Kūṭāgārāni sabbāni, āsuṃ pañcasatānipi; Saradādiccavaṇṇāni, vissakammakatāni hi. ‘‘Sabbā tāpi bhikkhuniyo, āsuṃ mañcesu sāyitā; Devānaṃ khandhamāruḷhā, niyyanti anupubbaso. ‘‘Sabbaso chāditaṃ āsi, vitānena nabhattalaṃ; Satārā candasūrā ca, lañchitā kanakāmayā. ‘‘Paṭākā ussitānekā, vitatā pupphakañcukā; Ogatākāsapadumā , mahiyā pupphamuggataṃ. ‘‘Dassanti candasūriyā, pajjalanti ca tārakā; Majjhaṃ gatopi cādicco, na tāpesi sasī yathā. ‘‘Devā dibbehi gandhehi, mālehi surabhīhi ca; Vāditehi ca naccehi, saṅgītīhi ca pūjayuṃ. ‘‘Nāgāsurā ca brahmāno, yathāsatti yathābalaṃ; Pūjayiṃsu ca niyyantiṃ, nibbutaṃ buddhamātaraṃ. ‘‘Sabbāyo purato nītā, nibbutā sugatorasā; Gotamī niyyate pacchā, sakkatā buddhaposikā. ‘‘Purato devamanujā, sanāgāsurabrahmakā; Pacchā sasāvako buddho, pūjatthaṃ yāti mātuyā. ‘‘Buddhassa parinibbānaṃ, nedisaṃ āsi yādisaṃ; Gotamīparinibbānaṃ, atevacchariyaṃ ahu. ‘‘Buddho buddhassa nibbāne , nopaṭiyādi bhikkhavo; Buddho gotaminibbāne, sāriputtādikā tathā . ‘‘Citakāni karitvāna, sabbagandhamayāni te; Gandhacuṇṇapakiṇṇāni, jhāpayiṃsu ca tā tahiṃ. ‘‘Sesabhāgāni ḍayhiṃsu, aṭṭhī sesāni sabbaso; Ānando ca tadāvoca, saṃvegajanakaṃ vaco. ‘‘‘Gotamī nidhanaṃ yātā, ḍayhañcassā sarīrakaṃ; Saṅketaṃ buddhanibbānaṃ, na cirena bhavissati’. ‘‘Tato gotamidhātūni, tassā pattagatāni so; Upanāmesi nāthassa, ānando buddhacodito. ‘‘Pāṇinā tāni paggayha, avoca isisattamo; ‘Mahato sāravantassa, yathā rukkhassa tiṭṭhato. ‘‘‘Yo so mahattaro khandho, palujjeyya aniccatā; Tathā bhikkhunisaṅghassa, gotamī parinibbutā. ‘‘‘Aho acchariyaṃ mayhaṃ , nibbutāyapi mātuyā; Sarīramattasesāya, natthi sokapariddavo . ‘‘‘Na sociyā paresaṃ sā, tiṇṇasaṃsārasāgarā; Parivajjitasantāpā, sītibhūtā sunibbutā. ‘‘‘Paṇḍitāsi mahāpaññā, puthupaññā tatheva ca; Rattaññū bhikkhunīnaṃ sā, evaṃ dhāretha bhikkhavo. ‘‘‘Iddhīsu ca vasī āsi, dibbāya sotadhātuyā; Cetopariyañāṇassa, vasī āsi ca gotamī. ‘‘‘Pubbenivāsamaññāsi, dibbacakkhu visodhitaṃ; Sabbāsavaparikkhīṇā, natthi tassā punabbhavo. ‘‘‘Atthadhammaniruttīsu, paṭibhāne tatheva ca; Parisuddhaṃ ahu ñāṇaṃ, tasmā socaniyā na sā. ‘‘‘Ayoghanahatasseva, jalato jātavedassa; Anupubbūpasantassa, yathā na ñāyate gati. ‘‘‘Evaṃ sammā vimuttānaṃ, kāmabandhoghatārinaṃ; Paññāpetuṃ gati natthi, pattānaṃ acalaṃ sukhaṃ. ‘‘‘Attadīpā tato hotha, satipaṭṭhānagocarā; Bhāvetvā sattabojjhaṅge, dukkhassantaṃ karissatha’’’.
大爱道便如此说了这些偈颂。
Itthaṃ sudaṃ mahāpajāpatigotamī imā gāthāyo abhāsitthāti.
