606那时，世尊住在舍卫城（Sāvatthī）的祇树给孤独园。当时，六群比丘不恭敬地用斋饭，就好像不想吃一样……（省略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū asakkaccaṃ piṇḍapātaṃ bhuñjanti abhuñjitukāmā viya…pe….
“我要恭敬地食用施食”，应当学。
‘‘Sakkaccaṃ piṇḍapātaṃ bhuñjissāmīti sikkhā karaṇīyā’’ti.
应当恭敬地用斋饭。凡出于不恭敬，不恭敬地用斋饭者，犯恶作。
Sakkaccaṃ piṇḍapāto bhuñjitabbo. Yo anādariyaṃ paṭicca asakkaccaṃ piṇḍapātaṃ bhuñjati, āpatti dukkaṭassa.
这是针对初犯者说的。
Ādikammikassāti.
607那时，世尊住在舍卫城的祇树给孤独园。当时，六群比丘一边东张西望一边用斋饭，连有人往里添菜、有人从旁经过都不知道……（省略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū tahaṃ tahaṃ olokentā piṇḍapātaṃ bhuñjanti, ākirantepi atikkantepi na jānanti…pe… .
“我要专注于钵食用施食”，应当学。
‘‘Pattasaññī piṇḍapātaṃ bhuñjissāmīti sikkhā karaṇīyā’’ti.
应当以专注于钵的觉知来用斋饭。凡出于不恭敬，一边东张西望一边用斋饭者，犯恶作。
Pattasaññinā piṇḍapāto bhuñjitabbo. Yo anādariyaṃ paṭicca tahaṃ tahaṃ olokento piṇḍapātaṃ bhuñjati, āpatti dukkaṭassa.
无犯：不是故意的……对初犯者。
Anāpatti asañcicca…pe… ādikammikassāti.
608那时，世尊住在舍卫城祇树给孤独园。那时，六群比丘在吃钵食时，这里那里挑拣着吃……
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū tahaṃ tahaṃ omasitvā piṇḍapātaṃ bhuñjanti…pe….
“我要次第地（不挑拣）食用施食”，应当学。
‘‘Sapadānaṃ piṇḍapātaṃ bhuñjissāmīti sikkhā karaṇīyā’’ti.
乞食应次第而食。如果出于不恭敬，这里那里挑拣着吃乞食，犯恶作。
Sapadānaṃ piṇḍapāto bhuñjitabbo. Yo anādariyaṃ paṭicca tahaṃ tahaṃ omasitvā piṇḍapātaṃ bhuñjati, āpatti dukkaṭassa.
无犯：不是故意的、失念的、不知道的、生病的、在给与他人时碰到了、在倒入他人钵中时碰到了、对于剩余的食物、在危难时、精神失常的、初犯者。
Anāpatti asañcicca, assatiyā, ajānantassa, gilānassa, aññesaṃ dento omasati, aññassa bhājane ākiranto omasati, uttaribhaṅge, āpadāsu, ummattakassa, ādikammikassāti.
609那时，世尊住在舍卫城祇树给孤独园。那时，六群比丘在吃钵食时，只吃大量的汤汁……
Tena samayena buddho bhagavā sāvatthiyaṃ viharati jetavane anāthapiṇḍikassa ārāme . Tena kho pana samayena chabbaggiyā bhikkhū piṇḍapātaṃ bhuñjantā sūpaññeva bahuṃ bhuñjanti…pe….
“我要以羹饭相称地食用施食”，应当学。
‘‘Samasūpakaṃ piṇḍapātaṃ bhuñjissāmīti sikkhā karaṇīyā’’ti.
有两种汤汁，称为绿豆汤和黑豆汤，是可以用手取食的。乞食应当与汤汁均衡地吃。如果出于不恭敬，只吃大量的汤汁，犯恶作。
Sūpo nāma dve sūpā – muggasūpo, māsasūpo hatthahāriyo. Samasūpako piṇḍapāto bhuñjitabbo. Yo anādariyaṃ paṭicca sūpaññeva bahuṃ bhuñjati, āpatti dukkaṭassa.
无犯：非故意的、失念的、不知情的、生病的、为了滋味而食的、亲属及受邀请者的、用自己财物所购的、遭遇危难的、疯癫的、最初犯的。
Anāpatti asañcicca, assatiyā, ajānantassa, gilānassa, rasarase , ñātakānaṃ pavāritānaṃ, attano dhanena, āpadāsu, ummattakassa, ādikammikassāti.
610那时，佛陀世尊住在舍卫城的祇树给孤独园。就在那时，六群比丘把食物从顶部捏压下去后食用……（中略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū thūpakato omadditvā piṇḍapātaṃ bhuñjanti…pe….
“我不从饭团顶端按取而食”，应当学。
‘‘Na thūpakato omadditvā piṇḍapātaṃ bhuñjissāmīti sikkhā karaṇīyā’’ti.
不应把食物从顶部捏压下去后食用。凡是出于不恭敬，故意把食物从顶部捏压下去后食用的，犯恶作。
Na thūpakato omadditvā piṇḍapāto bhuñjitabbo. Yo anādariyaṃ paṭicca thūpakato omadditvā piṇḍapātaṃ bhuñjati āpatti dukkaṭassa.
无犯：非故意的、失念的、不知情的、生病的、将少量剩余食物拨到一边捏压而食的、遭遇危难的、疯癫的、最初犯的。
Anāpatti asañcicca, assatiyā, ajānantassa, gilānassa, parittake sese ekato saṃkaḍḍhitvā omadditvā bhuñjati, āpadāsu, ummattakassa, ādikammikassāti.
611那时，佛陀世尊住在舍卫城的祇树给孤独园。就在那时，六群比丘为了想要更多，用米饭把菜和佐料覆盖起来……（中略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sūpampi byañjanampi odanena paṭicchādenti bhiyyokamyataṃ upādāya…pe….
“我不为求多得而用饭覆盖羹或菜”，应当学。
‘‘Na sūpaṃ vā byañjanaṃ vā odanena paṭicchādessāmi bhiyyokamyataṃ upādāyāti sikkhā karaṇīyā’’ti.
不应为了想要更多，用米饭把菜或佐料覆盖起来。凡是出于不恭敬，为了想要更多，而用米饭把菜或佐料覆盖起来的，犯恶作。
Na sūpaṃ vā byañjanaṃ vā odanena paṭicchādetabbaṃ bhiyyokamyataṃ upādāya. Yo anādariyaṃ paṭicca sūpaṃ vā byañjanaṃ vā odanena paṭicchādeti bhiyyokamyataṃ upādāya, āpatti dukkaṭassa.
无犯的情况是：不是故意的、忘记了、不知道、主人盖上后给的、不是因为想要更多而那样做、在危难时、精神失常者、对初犯者。
Anāpatti asañcicca, assatiyā, ajānantassa, sāmikā paṭicchādetvā denti, na bhiyyokamyataṃ upādāya, āpadāsu, ummattakassa , ādikammikassāti.
612那时，佛陀世尊住在舍卫城的祇树给孤独园。当时，六群比丘为自己要求了菜和饭后食用。在家众们对此非难、呵责、抱怨说：“这些释迦族的沙门怎么能为自己要求菜和饭吃呢！谁不喜欢丰盛的美食？谁不爱吃可口的饭菜呢？”那些比丘听到了在家众们的非难、呵责和抱怨。那些少欲的诸比丘……也非难、呵责、抱怨说：“六群比丘怎么能为自己要求菜和饭吃呢？”……世尊问：“诸比丘，你们真的为自己要求了菜和饭吃吗？”他们回答：“是的，世尊。”佛陀世尊呵责说……“你们这些愚蠢的人，怎么能为自己要求菜和饭吃呢！这既不能让未信者生起信心……也不能让已信者信心增长……诸比丘，你们应当这样诵这条学处——
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū sūpampi odanampi attano atthāya viññāpetvā bhuñjanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā sūpampi odanampi attano atthāya viññāpetvā bhuñjissanti! Kassa sampannaṃ na manāpaṃ ! Kassa sāduṃ na ruccatī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū sūpampi odanampi attano atthāya viññāpetvā bhuñjissantī’’ti…pe… saccaṃ kira tumhe, bhikkhave, sūpampi odanampi attano atthāya viññāpetvā bhuñjathāti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, sūpampi odanampi attano atthāya viññāpetvā bhuñjissatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
“我不为自己索取羹或饭来吃”，应当学。
‘‘Na sūpaṃ vā odanaṃ vā attano atthāya viññāpetvā bhuñjissāmīti sikkhā karaṇīyā’’ti.
“我无病时，不应为自己索取羹或饭来吃”，应当学。
‘‘Na sūpaṃ vā odanaṃ vā agilāno attano atthāya viññāpetvā bhuñjissāmīti sikkhā karaṇīyā’’ti.
就这样，世尊为诸比丘制定了这条学处。
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
613那时，有一些比丘生病了。那些探病的比丘问生病的诸比丘：“贤友，病情还能忍受吗？还能维持下去吗？”生病的诸比丘回答：“贤友，以前我们为自己要求菜和饭来吃，那时我们感到舒适。但现在，因为想到‘世尊已经禁止了’，我们心存顾虑，不敢再要求，这让我们感到不舒适。”诸比丘把这件事禀告了世尊……世尊说：“诸比丘，我允许生病的比丘为自己要求菜和饭吃。诸比丘，你们应当这样诵这条学处——
Tena kho pana samayena bhikkhū gilānā honti. Gilānapucchakā bhikkhū gilāne bhikkhū etadavocuṃ – ‘‘kaccāvuso, khamanīyaṃ, kacci yāpanīya’’nti? ‘‘Pubbe mayaṃ, āvuso, sūpampi odanampi attano atthāya viññāpetvā bhuñjāma, tena no phāsu hoti. Idāni pana – ‘‘bhagavatā paṭikkhitta’’nti kukkuccāyantā na viññāpema, tena no na phāsu hotī’’ti. Bhagavato etamatthaṃ ārocesuṃ…pe… anujānāmi, bhikkhave, gilānena bhikkhunā sūpampi odanampi attano atthāya viññāpetvā bhuñjituṃ. Evañca pana, bhikkhave, imaṃ sikkhāpadaṃ uddiseyyātha –
“我在没有生病时，不为自己乞求豆羹或饭而食”，应当学。
‘‘Na sūpaṃ vā odanaṃ vā agilāno attano atthāya viññāpetvā bhuñjissāmīti sikkhā karaṇīyā’’ti.
没生病的比丘，不应为了自己而索要菜或饭来吃。如果比丘出于不恭敬，在没生病时为自己索要菜或饭来吃，犯恶作。
Na sūpaṃ vā odanaṃ vā agilānena attano atthāya viññāpetvā bhuñjitabbaṃ. Yo anādariyaṃ paṭicca sūpaṃ vā odanaṃ vā agilāno attano atthāya viññāpetvā bhuñjati, āpatti dukkaṭassa.
无犯的情况是：不是故意的、忘记了、不知道、生病了、向亲戚或已邀请者要求、为别人要求的、用自己钱财换取的、在危难时、精神失常者、对初犯者。
Anāpatti asañcicca, assatiyā, ajānantassa, gilānassa, ñātakānaṃ pavāritānaṃ, aññassatthāya, attano dhanena, āpadāsu, ummattakassa, ādikammikassāti.
614那时，世尊正住在舍卫城的祇树给孤独园。那时，六群比丘抱着挑剔嫌弃的心态，去看别人的钵……（省略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū ujjhānasaññī paresaṃ pattaṃ olokenti…pe….
“我不怀嫌嫌心去看别人的钵”，应当学。
‘‘Na ujjhānasaññī paresaṃ pattaṃ olokessāmīti sikkhā karaṇīyā’’ti.
不应以挑剔嫌弃的心态去看别人的钵。如果出于不恭敬，抱着挑剔嫌弃的心态去看别人的钵，犯恶作。
Na ujjhānasaññinā paresaṃ patto oloketabbo. Yo anādariyaṃ paṭicca ujjhānasaññī paresaṃ pattaṃ oloketi, āpatti dukkaṭassa.
无犯：不是故意的、失念的、不知道的、想着“我要给”或“我要让人给”而去看的、不是出于挑剔嫌弃心态的、在危难时、疯狂者、初犯者。
Anāpatti asañcicca, assatiyā, ajānantassa, ‘‘dassāmī’’ti vā ‘‘dāpessāmī’’ti vā oloketi, na ujjhānasaññissa, āpadāsu, ummattakassa, ādikammikassāti.
615那时，世尊正住在舍卫城的祇树给孤独园。那时，六群比丘把饭团做得很大……（省略）。
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū mahantaṃ kabaḷaṃ karonti…pe….
“我不把饭团弄得过大”，应当学。
‘‘Nātimahantaṃ kabaḷaṃ karissāmīti sikkhā karaṇīyā’’ti.
不应把饭团做得过大。如果出于不恭敬而把饭团做得过大，犯恶作。
Nātimahanto kabaḷo kātabbo. Yo anādariyaṃ paṭicca mahantaṃ kabaḷaṃ karoti, āpatti dukkaṭassa.
无犯：不是故意的、失念的、不知道的、生病者、对于硬食、对于各种果实、对于各种副食、在危难时、疯狂者、初犯者。
Anāpatti asañcicca, assatiyā, ajānantassa, gilānassa, khajjake, phalāphale, uttaribhaṅge, āpadāsu, ummattakassa, ādikammikassāti.
616那时，佛陀世尊住在舍卫城的祇树给孤独园里。那时，六群诸比丘把饭团捏成长条形……（省略）
Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū dīghaṃ ālopaṃ karonti…pe….
“我要把饭团捏得圆整适中”，应当学。
‘‘Parimaṇḍalaṃ ālopaṃ karissāmīti sikkhā karaṇīyā’’ti.
饭团应捏成圆形。若有人出于不恭敬，捏成长条形的饭团，犯恶作。
Parimaṇḍalo ālopo kātabbo. Yo anādariyaṃ paṭicca dīghaṃ ālopaṃ karoti, āpatti dukkaṭassa.
无犯的情况：不是故意的、忘记了的、不知道的、生病的、在吃硬食时、在吃水果时、在吃残食时、遇到灾难时、精神失常的、对初犯者。
Anāpatti asañcicca, assatiyā, ajānantassa, gilānassa, khajjake, phalāphale, uttaribhaṅge, āpadāsu, ummattakassa, ādikammikassāti.
