受随观
Vedanānupassanā
大念处经 · 3 段
380“诸比丘，比丘又如何于受随观受而住呢？诸比丘，于此，比丘感受乐受时，了知：‘我感受乐受’；感受苦受时，了知：‘我感受苦受’；感受不苦不乐受时，了知：‘我感受不苦不乐受’。感受有染的乐受时，了知：‘我感受有染的乐受’；感受无染的乐受时，了知：‘我感受无染的乐受’。感受有染的苦受时，了知：‘我感受有染的苦受’；感受无染的苦受时，了知：‘我感受无染的苦受’。感受有染的不苦不乐受时，了知：‘我感受有染的不苦不乐受’；感受无染的不苦不乐受时，了知：‘我感受无染的不苦不乐受’。如此，他或于内受随观受而住，或于外受随观受而住，或于内外受随观受而住。他或于受随观集法而住，或于受随观灭法而住，或于受随观集灭法而住。或者，他现起‘有受’之念，仅仅为了知与忆念而已。他无所依着而住，于世间不执取任何事物。诸比丘，比丘便是这样于受随观受而住。”
‘‘Kathañca pana, bhikkhave, bhikkhu vedanāsu vedanānupassī viharati? Idha, bhikkhave, bhikkhu sukhaṃ vā vedanaṃ vedayamāno ‘sukhaṃ vedanaṃ vedayāmī’ti pajānāti . Dukkhaṃ vā vedanaṃ vedayamāno ‘dukkhaṃ vedanaṃ vedayāmī’ti pajānāti. Adukkhamasukhaṃ vā vedanaṃ vedayamāno ‘adukkhamasukhaṃ vedanaṃ vedayāmī’ti pajānāti. Sāmisaṃ vā sukhaṃ vedanaṃ vedayamāno ‘sāmisaṃ sukhaṃ vedanaṃ vedayāmī’ti pajānāti, nirāmisaṃ vā sukhaṃ vedanaṃ vedayamāno ‘nirāmisaṃ sukhaṃ vedanaṃ vedayāmī’ti pajānāti. Sāmisaṃ vā dukkhaṃ vedanaṃ vedayamāno ‘sāmisaṃ dukkhaṃ vedanaṃ vedayāmī’ti pajānāti, nirāmisaṃ vā dukkhaṃ vedanaṃ vedayamāno ‘nirāmisaṃ dukkhaṃ vedanaṃ vedayāmī’ti pajānāti. Sāmisaṃ vā adukkhamasukhaṃ vedanaṃ vedayamāno ‘sāmisaṃ adukkhamasukhaṃ vedanaṃ vedayāmī’ti pajānāti, nirāmisaṃ vā adukkhamasukhaṃ vedanaṃ vedayamāno ‘nirāmisaṃ adukkhamasukhaṃ vedanaṃ vedayāmī’ti pajānāti. Iti ajjhattaṃ vā vedanāsu vedanānupassī viharati, bahiddhā vā vedanāsu vedanānupassī viharati, ajjhattabahiddhā vā vedanāsu vedanānupassī viharati. Samudayadhammānupassī vā vedanāsu viharati, vayadhammānupassī vā vedanāsu viharati, samudayavayadhammānupassī vā vedanāsu viharati. ‘Atthi vedanā’ti vā panassa sati paccupaṭṭhitā hoti yāvadeva ñāṇamattāya paṭissatimattāya anissito ca viharati, na ca kiñci loke upādiyati. Evampi kho, bhikkhave, bhikkhu vedanāsu vedanānupassī viharati.
受随观终