454如是我闻：一时，世尊住在伊车能伽罗（Icchānaṅgala）的伊车能伽罗林丛中。那时，有许多远近闻名的婆罗门大户也正住在伊车能伽罗，他们是：参吉婆罗门（Caṅkī）、达卢迦婆罗门、波卡拉萨提婆罗门（Pokkharasāti）、生闻婆罗门（Jāṇussoṇi）、多迭亚婆罗门（Todeyya），以及其他许多远近闻名的婆罗门大户。那时，瓦塞塔（Vāseṭṭha）与巴拉德瓦迦（Bharadvāja）两位学童正在漫步游走，边走边谈，生起了这样的话题：“朋友，怎样才算是婆罗门呢？”巴拉德瓦迦学童这样说：“朋友，只要一个人从母方与父方都有纯正的血统，往上七代祖先都不曾被指责、不被非难，出生清白——到这样的程度，朋友，就是婆罗门了。”瓦塞塔学童这样说：“朋友，只要一个人持戒、具足行仪——到这样的程度，朋友，就是婆罗门了。”巴拉德瓦迦学童无法说服瓦塞塔学童，瓦塞塔学童也无法说服巴拉德瓦迦学童。于是，瓦塞塔学童对巴拉德瓦迦学童说：“巴拉德瓦迦朋友，那位沙门乔达摩（Gotama）是释迦子，从释迦族出家，现在正住在伊车能伽罗的伊车能伽罗林丛中。而且，那位乔达摩大师流传着这样美好的声誉：‘彼世尊是阿拉汉、正自觉者、明行足、善逝、世间解、无上士调御丈夫、天人师、佛陀、世尊。’来吧，巴拉德瓦迦朋友，我们去见沙门乔达摩。到了之后，就这件事请教沙门乔达摩。沙门乔达摩怎样解答，我们就怎样记住它。” “好的，朋友。”巴拉德瓦迦学童答应了瓦塞塔学童。
Evaṃ me sutaṃ – ekaṃ samayaṃ bhagavā icchānaṅgale viharati icchānaṅgalavanasaṇḍe. Tena kho pana samayena sambahulā abhiññātā abhiññātā brāhmaṇamahāsālā icchānaṅgale paṭivasanti, seyyathidaṃ – caṅkī brāhmaṇo, tārukkho brāhmaṇo, pokkharasāti brāhmaṇo, jāṇussoṇi brāhmaṇo, todeyyo brāhmaṇo, aññe ca abhiññātā abhiññātā brāhmaṇamahāsālā. Atha kho vāseṭṭhabhāradvājānaṃ māṇavānaṃ jaṅghāvihāraṃ anucaṅkamantānaṃ anuvicarantānaṃ ayamantarākathā udapādi – ‘‘kathaṃ, bho, brāhmaṇo hotī’’ti? Bhāradvājo māṇavo evamāha – ‘‘yato kho, bho, ubhato sujāto mātito ca pitito ca saṃsuddhagahaṇiko yāva sattamā pitāmahayugā akkhitto anupakkuṭṭho jātivādena – ettāvatā kho, bho, brāhmaṇo hotī’’ti. Vāseṭṭho māṇavo evamāha – ‘‘yato kho, bho, sīlavā ca hoti vattasampanno ca – ettāvatā kho, bho, brāhmaṇo hotī’’ti. Neva kho asakkhi bhāradvājo māṇavo vāseṭṭhaṃ māṇavaṃ saññāpetuṃ, na pana asakkhi vāseṭṭho māṇavo bhāradvājaṃ māṇavaṃ saññāpetuṃ. Atha kho vāseṭṭho māṇavo bhāradvājaṃ māṇavaṃ āmantesi – ‘‘ayaṃ kho, bho bhāradvāja, samaṇo gotamo sakyaputto sakyakulā pabbajito icchānaṅgale viharati icchānaṅgalavanasaṇḍe. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Āyāma, bho bhāradvāja, yena samaṇo gotamo tenupasaṅkamissāma; upasaṅkamitvā samaṇaṃ gotamaṃ etamatthaṃ pucchissāma. Yathā no samaṇo gotamo byākarissati tathā naṃ dhāressāmā’’ti. ‘‘Evaṃ, bho’’ti kho bhāradvājo māṇavo vāseṭṭhassa māṇavassa paccassosi.
“我二人，同为被认可、得承认的通达三明者。
我是波卡拉萨提的弟子，这位青年是达鲁迦的弟子。
“三明所传的一切，我们皆已通达；
音韵、语法与念诵，我们与导师一般无二。
乔达摩啊，我们在种姓论上存有争议。
“婆罗门是由出身决定的，巴拉德瓦迦这样说道；
而我则说由业而生。具眼者，你应如此了知。
“我们二人无法说服彼此，
因此，我们前来拜访您——那位闻名遐迩的正自觉者——向您请教。
“就像人们合掌礼敬已越过亏损（渐盈至满）的月亮一样，
他们在世间向乔达摩躬身礼敬。
“眼目出现于世间，我们请问乔达摩：
婆罗门是因出身而成，还是因业行而成？
我们不识，请您告诉我们，令我们得以了知婆罗门。”
456“世尊说道：‘瓦塞塔啊，我来为你们解说，
依次、如实。’
众生的出生种类，物种彼此确实各不相同。
“即使在草木中，你们也应了知，但它们自身并无自觉。
它们的特征依出生而有，因为种种物类彼此不同。
“其次，在那些爬行或飞行的昆虫中，乃至蚂蚁、白蚁之类。
它们的特征依出生而有，因为种种物类彼此不同。
“四足之类，不论小大，你们亦当了知；
它们的特征依出生而有，因为种种物类彼此不同。
“以腹爬行的长背蛇类，你们亦当了知；
它们的特征依出生而有，因为种种物类彼此不同。
“此后，你们应了知鱼类——居于水中、以水为行处的众生。
它们的特征依出生而有，因为种种物类彼此不同。
“然后，你们当知鸟类：以翼为乘、行于虚空者；
它们的特征依出生而有，因为种种物类彼此不同。
“正如在这些物种之中，种种差异由出生而成；
同样地，在人类之中，并没有由出生而生的种种差异。
“不因头发、不因头颅、不因耳朵、不因眼睛；
非因口，非因鼻，非因唇或眉；
“非因颈，非因肩，非因腹，非因背；
非因臀，非因胸，非因私处，非因交合。
“非凭手，非凭脚，非凭手指、指甲；
非凭小腿，非凭大腿，非凭肤色、声音；
物种标记并非由出生决定，不同于其他生类。
457“在个别的人类身体上，并不能找到这样的差别；
人类之间的种种差别，只是依约定俗成而说。
“凡是在人间以牧牛为生的人——
瓦塞塔，你当知，此人是农夫，而非婆罗门。
“世间任何人，凡以种种技艺维生者；
瓦塞塔，你当知，此人是工匠，而非婆罗门。
“凡在人中，以经商维生者；
瓦塞塔，你当知：这是商人，并非婆罗门。
“凡在人中，靠受雇于人维生者——
瓦塞塔，当知此是受雇者，非婆罗门。
“凡在人间，以偷盗维生者——
瓦塞塔，当知此是盗贼，非婆罗门。
“众人之中，凡以箭术谋生者——
瓦塞塔，你当知，那是靠战斗谋生者，并非婆罗门。
“众人之中，凡以祭司为生者——
瓦塞塔，当知那是祭司，而非婆罗门。
“凡于人群之中，统御村邑与国土者——
瓦塞塔，当知那是国王，而非婆罗门。
“我也不因一个人从母胎出生、由母亲所生，便称他为婆罗门。
若他仍有所执取，便只被称为“称尊者的人”（非真婆罗门）。
一无所持、无所执取者，我称他为婆罗门。
458“他已断除一切结缚，不再有怖畏战栗；
他已超越执著，脱离系缚，我说他是婆罗门。
“割断皮带与缰绳，连同笼头与拉绳；
门闩已除的觉悟者，我称他为真正的婆罗门。
“辱骂、杀害与捆绑，他皆能无嗔地忍受；
忍辱是他的力量，忍辱是他的军队，我称他为真正的婆罗门。
“无忿怒、具仪范、持戒不懈慢的人；
已调伏、有最后身者，我称他为婆罗门。
“如水珠不沾莲叶，如芥子不沾锥尖；
于诸欲中不染着者，我称他为婆罗门。
“于现世即能彻知自身苦之灭尽者；
放下重担、离诸系缚者，我称他为婆罗门。
“智慧深邃，明察敏锐，善能分辨正道与邪径，
已证得最殊胜的目标，这样的人，我称他为婆罗门。
“既不与在家人相混杂，也不与出家人相混杂，
无有固定居所而行脚游方、少欲知足的人，我说他是婆罗门。
“于一切颤动的和静止的众生，他全然放下了棍棒，
他不杀害，也不令他人杀害，我称他为婆罗门。
“于敌对者中无有敌意，于持杖者中寂灭清凉，
在执取者中不执取，我称他为婆罗门。
“若已舍断贪、嗔、慢与覆，
犹如针尖上的芥子，我称他为婆罗门。
459“应说温和、能使人理解、真实的话语；
不冒犯任何事物者，我称他为婆罗门。
“无论是长是短，是细是粗，是美是丑，
在这世间，不取任何未给予之物的人，我称他为婆罗门。
“他对此世与他世，皆无所期求；
无有期盼，离诸系缚，我称这样的人为婆罗门。
“他无有依着，因了知而无惑；
已证入不死之境，我称他为婆罗门。
“他已在现世，超越了福德与罪业这两种障碍、戏论、迷执；
无忧、无垢、清净者，我称他为婆罗门。
“犹如无瑕的明月般清净，澄明朗澈，无有浊秽；
灭尽了对有的喜贪，我说他是婆罗门。
“他已越过这充满轮回与愚痴的险恶泥沼。
已渡过，已至彼岸，修习禅那，不动不摇，无有疑惑。
无所执取，寂灭清凉——这样的人，我称他为婆罗门。
“若人于此舍弃欲乐后，出家而过无家的游方生活；
已耗尽欲有的人，我称他为婆罗门。
“若人于此断除渴爱，作为无家者而游方；
已耗尽渴爱与有的人，我称他为婆罗门。
“弃舍了人的系缚，超越了天的系缚；
从一切系缚中完全解脱者，我称他为婆罗门。
“舍离欢喜与不欢喜，清凉无依著；
降伏一切世间的大雄，我称他为婆罗门。
“他遍知众生的死与再生，
无执著、善逝、觉者，我称他为婆罗门。
“诸天神、乾达婆与人，皆不知其去处。
那灭尽诸漏的阿拉汉，我称他为婆罗门。
“他于过去、未来、现在，无有丝毫执取。
一无所持、无所执取者，我称他为婆罗门。
“牛王、最胜者、英雄、大仙、战胜魔者，
不动者、沐浴清净者、佛陀，我称他为婆罗门。
“他了知宿住，观见天界与恶趣。
已达生的灭尽者，我称彼为婆罗门。
460“在世间，名字与族姓，仅是依共许而安立。
由共许而生，随处施设。
“这邪见长夜随眠，令不了知者心生偏见；
无知者却宣称：‘婆罗门是由出生而成就的。’
“非因出生而为婆罗门，非因出生而为非婆罗门；
由业成为婆罗门，由业成为非婆罗门。
“由业成为农夫，由业成为工匠；
由业成为商人，由业成为仆役。
“由业而成盗贼，由业而成战士；
由业而成祭司，由业而成国王。
“智者如是如实观见业，
他们见缘起，善巧了知业与业报。
“世间依业而转，众生依业而转；
众生为业所缚，如车辖之固。
“以苦行、梵行，以自制与调伏；
由此成为婆罗门，此即最上婆罗门。
“他具足三明，寂静、已尽再生；
瓦塞塔，你应如此了知：即使梵天神、帝释天神亦应如此了知。”
‘‘Anuññātapaṭiññātā, tevijjā mayamasmubho; Ahaṃ pokkharasātissa, tārukkhassāyaṃ māṇavo. ‘‘Tevijjānaṃ yadakkhātaṃ, tatra kevalinosmase; Padakasmā veyyākaraṇā , jappe ācariyasādisā; Tesaṃ no jātivādasmiṃ, vivādo atthi gotama. ‘‘Jātiyā brāhmaṇo hoti, bhāradvājo iti bhāsati; Ahañca kammunā brūmi, evaṃ jānāhi cakkhuma. ‘‘Te na sakkoma ñāpetuṃ , aññamaññaṃ mayaṃ ubho; Bhavantaṃ puṭṭhumāgamā, sambuddhaṃ iti vissutaṃ. ‘‘Candaṃ yathā khayātītaṃ, pecca pañjalikā janā; Vandamānā namassanti, lokasmiṃ gotamaṃ. ‘‘Cakkhuṃ loke samuppannaṃ, mayaṃ pucchāma gotamaṃ; Jātiyā brāhmaṇo hoti, udāhu bhavati kammunā ; Ajānataṃ no pabrūhi, yathā jānemu brāhmaṇa’’nti. ‘‘Tesaṃ vo ahaṃ byakkhissaṃ, (vāseṭṭhāti bhagavā) Anupubbaṃ yathātathaṃ; Jātivibhaṅgaṃ pāṇānaṃ, aññamaññāhi jātiyo. ‘‘Tiṇarukkhepi jānātha, na cāpi paṭijānare; Liṅgaṃ jātimayaṃ tesaṃ, aññamaññā hi jātiyo. ‘‘Tato kīṭe paṭaṅge ca, yāva kunthakipillike; Liṅgaṃ jātimayaṃ tesaṃ, aññamaññā hi jātiyo. ‘‘Catuppadepi jānātha, khuddake ca mahallake; Liṅgaṃ jātimayaṃ tesaṃ, aññamaññā hi jātiyo. ‘‘Pādudarepi jānātha, urage dīghapiṭṭhike; Liṅgaṃ jātimayaṃ tesaṃ, aññamaññā hi jātiyo. ‘‘Tato macchepi jānātha, udake vārigocare; Liṅgaṃ jātimayaṃ tesaṃ, aññamaññā hi jātiyo. ‘‘Tato pakkhīpi jānātha, pattayāne vihaṅgame; Liṅgaṃ jātimayaṃ tesaṃ, aññamaññā hi jātiyo. ‘‘Yathā etāsu jātīsu, liṅgaṃ jātimayaṃ puthu; Evaṃ natthi manussesu, liṅgaṃ jātimayaṃ puthu. ‘‘Na kesehi na sīsehi, na kaṇṇehi na akkhīhi; Na mukhena na nāsāya, na oṭṭhehi bhamūhi vā. ‘‘Na gīvāya na aṃsehi, na udarena na piṭṭhiyā; Na soṇiyā na urasā, na sambādhe na methune . ‘‘Na hatthehi na pādehi, naṅgulīhi nakhehi vā; Na jaṅghāhi na ūrūhi, na vaṇṇena sarena vā; Liṅgaṃ jātimayaṃ neva, yathā aññāsu jātisu. ‘‘Paccattañca sarīresu , manussesvetaṃ na vijjati; Vokārañca manussesu, samaññāya pavuccati. ‘‘Yo hi koci manussesu, gorakkhaṃ upajīvati; Evaṃ vāseṭṭha jānāhi, kassako so na brāhmaṇo. ‘‘Yo hi koci manussesu, puthusippena jīvati; Evaṃ vāseṭṭha jānāhi, sippiko so na brāhmaṇo. ‘‘Yo hi koci manussesu, vohāraṃ upajīvati; Evaṃ vāseṭṭha jānāhi, vāṇijo so na brāhmaṇo. ‘‘Yo hi koci manussesu, parapessena jīvati; Evaṃ vāseṭṭha jānāhi, pessako so na brāhmaṇo. ‘‘Yo hi koci manussesu, adinnaṃ upajīvati; Evaṃ vāseṭṭha jānāhi, coro eso na brāhmaṇo. ‘‘Yo hi koci manussesu, issatthaṃ upajīvati; Evaṃ vāseṭṭha jānāhi, yodhājīvo na brāhmaṇo. ‘‘Yo hi koci manussesu, porohiccena jīvati; Evaṃ vāseṭṭha jānāhi, yājako so na brāhmaṇo. ‘‘Yo hi koci manussesu, gāmaṃ raṭṭhañca bhuñjati; Evaṃ vāseṭṭha jānāhi, rājā eso na brāhmaṇo. ‘‘Na cāhaṃ brāhmaṇaṃ brūmi, yonijaṃ mattisambhavaṃ; Bhovādi nāma so hoti, sace hoti sakiñcano; Akiñcanaṃ anādānaṃ, tamahaṃ brūmi brāhmaṇaṃ. ‘‘Sabbasaṃyojanaṃ chetvā, yo ve na paritassati; Saṅgātigaṃ visaṃyuttaṃ , tamahaṃ brūmi brāhmaṇaṃ. ‘‘Chetvā naddhiṃ varattañca, sandānaṃ sahanukkamaṃ; Ukkhittapalighaṃ buddhaṃ, tamahaṃ brūmi brāhmaṇaṃ. ‘‘Akkosaṃ vadhabandhañca, aduṭṭho yo titikkhati; Khantībalaṃ balānīkaṃ, tamahaṃ brūmi brāhmaṇaṃ. ‘‘Akkodhanaṃ vatavantaṃ, sīlavantaṃ anussadaṃ; Dantaṃ antimasārīraṃ, tamahaṃ brūmi brāhmaṇaṃ. ‘‘Vāripokkharapatteva, āraggeriva sāsapo; Yo na limpati kāmesu, tamahaṃ brūmi brāhmaṇaṃ. ‘‘Yo dukkhassa pajānāti, idheva khayamattano; Pannabhāraṃ visaṃyuttaṃ, tamahaṃ brūmi brāhmaṇaṃ. ‘‘Gambhīrapaññaṃ medhāviṃ, maggāmaggassa kovidaṃ; Uttamatthamanuppattaṃ, tamahaṃ brūmi brāhmaṇaṃ. ‘‘Asaṃsaṭṭhaṃ gahaṭṭhehi, anāgārehi cūbhayaṃ; Anokasārimappicchaṃ, tamahaṃ brūmi brāhmaṇaṃ. ‘‘Nidhāya daṇḍaṃ bhūtesu, tasesu thāvaresu ca; Yo na hanti na ghāteti, tamahaṃ brūmi brāhmaṇaṃ. ‘‘Aviruddhaṃ viruddhesu, attadaṇḍesu nibbutaṃ; Sādānesu anādānaṃ, tamahaṃ brūmi brāhmaṇaṃ. ‘‘Yassa rāgo ca doso ca, māno makkho ca ohito; Sāsaporiva āraggā, tamahaṃ brūmi brāhmaṇaṃ. ‘‘Akakkasaṃ viññāpaniṃ, giraṃ saccaṃ udīraye; Yāya nābhisajje kiñci, tamahaṃ brūmi brāhmaṇaṃ. ‘‘Yo ca dīghaṃ va rassaṃ vā, aṇuṃ thūlaṃ subhāsubhaṃ; Loke adinnaṃ nādeti , tamahaṃ brūmi brāhmaṇaṃ. ‘‘Āsā yassa na vijjanti, asmiṃ loke paramhi ca; Nirāsāsaṃ visaṃyuttaṃ, tamahaṃ brūmi brāhmaṇaṃ. ‘‘Yassālayā na vijjanti, aññāya akathaṃkathiṃ; Amatogadhaṃ anuppattaṃ, tamahaṃ brūmi brāhmaṇaṃ. ‘‘Yodhapuññañca pāpañca, ubho saṅgaṃ upaccagā; Asokaṃ virajaṃ suddhaṃ, tamahaṃ brūmi brāhmaṇaṃ. ‘‘Candaṃ va vimalaṃ suddhaṃ, vippasannaṃ anāvilaṃ; Nandībhavaparikkhīṇaṃ, tamahaṃ brūmi brāhmaṇaṃ. ‘‘Yo imaṃ palipathaṃ duggaṃ, saṃsāraṃ mohamaccagā; Tiṇṇo pāraṅgato jhāyī, anejo akathaṃkathī; Anupādāya nibbuto, tamahaṃ brūmi brāhmaṇaṃ. ‘‘Yodhakāme pahantvāna , anāgāro paribbaje; Kāmabhavaparikkhīṇaṃ, tamahaṃ brūmi brāhmaṇaṃ. ‘‘Yodhataṇhaṃ pahantvāna, anāgāro paribbaje; Taṇhābhavaparikkhīṇaṃ, tamahaṃ brūmi brāhmaṇaṃ. ‘‘Hitvā mānusakaṃ yogaṃ, dibbaṃ yogaṃ upaccagā; Sabbayogavisaṃyuttaṃ, tamahaṃ brūmi brāhmaṇaṃ. ‘‘Hitvā ratiñca aratiṃ, sītībhūtaṃ nirūpadhiṃ; Sabbalokābhibhuṃ vīraṃ, tamahaṃ brūmi brāhmaṇaṃ. ‘‘Cutiṃ yo vedi sattānaṃ, upapattiñca sabbaso; Asattaṃ sugataṃ buddhaṃ, tamahaṃ brūmi brāhmaṇaṃ. ‘‘Yassa gatiṃ na jānanti, devā gandhabbamānusā; Khīṇāsavaṃ arahantaṃ, tamahaṃ brūmi brāhmaṇaṃ. ‘‘Yassa pure ca pacchā ca, majjhe ca natthi kiñcanaṃ; Akiñcanaṃ anādānaṃ, tamahaṃ brūmi brāhmaṇaṃ. ‘‘Usabhaṃ pavaraṃ vīraṃ, mahesiṃ vijitāvinaṃ; Anejaṃ nhātakaṃ buddhaṃ, tamahaṃ brūmi brāhmaṇaṃ. ‘‘Pubbenivāsaṃ yo vedi, saggāpāyañca passati; Atho jātikkhayaṃ patto, tamahaṃ brūmi brāhmaṇaṃ. ‘‘Samaññā hesā lokasmiṃ, nāmagottaṃ pakappitaṃ; Sammuccā samudāgataṃ, tattha tattha pakappitaṃ. ‘‘Dīgharattānusayitaṃ, diṭṭhigatamajānataṃ; Ajānantā no pabrunti , jātiyā hoti brāhmaṇo. ‘‘Na jaccā brāhmaṇo hoti, na jaccā hoti abrāhmaṇo ; Kammunā brāhmaṇo hoti, kammunā hoti abrāhmaṇo . ‘‘Kassako kammunā hoti, sippiko hoti kammunā; Vāṇijo kammunā hoti, pessako hoti kammunā. ‘‘Coropi kammunā hoti, yodhājīvopi kammunā; Yājako kammunā hoti, rājāpi hoti kammunā. ‘‘Evametaṃ yathābhūtaṃ, kammaṃ passanti paṇḍitā; Paṭiccasamuppādadassā, kammavipākakovidā. ‘‘Kammunā vattati loko, kammunā vattati pajā; Kammanibandhanā sattā, rathassāṇīva yāyato. ‘‘Tapena brahmacariyena, saṃyamena damena ca; Etena brāhmaṇo hoti, etaṃ brāhmaṇamuttamaṃ. ‘‘Tīhi vijjāhi sampanno, santo khīṇapunabbhavo; Evaṃ vāseṭṭha jānāhi, brahmā sakko vijānata’’nti.
