1世界之主、娑婆主梵天神，合掌向无上者恳请道：
“世间有众生，眼中仅有些许尘垢。请宣说法吧，哀愍这些众生吧。”
2他是明行具足者、如是者、持光明者、持最后身者；
无与伦比的如来，对一切众生生起了悲悯。
3“诸天神与人间的众生，其实并不知道，这位人中最上的佛陀，究竟是怎样的存在。
神通力与智慧力又是怎样的？那利益世间的佛陀，他的佛力又是怎样的？”
4“诸天神与世人皆不知：此佛陀乃如是之人中最上者，
神通力和智慧力就是这样，利益世间的佛力也是这样。
5“来吧，我要展示那无与伦比的佛力。
我将在空中化现一条以宝石装饰的经行处。”
6地居天、四大王天、三十三天、夜摩天、兜率天、化乐天、
他化自在天与梵众天的天神们，也都满心欢喜，发出了浩大的欢呼声。
7大地与天界遍被光明照亮，广大的世界间隙也不再幽闭；
那时，浓密的黑暗被驱散了，人们见到了这稀有、不可思议的奇观。
8在诸天神、乾达婆、人与罗刹之中，广大而极明亮的光辉生起了。
此世界、他世界，乃至两界之间，下方、上方与十方，悉遍照耀。
9这位众生中的最上者、无与伦比的引导者，是天与人所共同尊敬的导师；
他具大威德、圆满百福相，示现了这稀有、不可思议的神变。
10那时，受天神之王恳请的明眼者、人中最上者，细察其中深义；
那位世间导师铺设了一条经行之处，它以诸宝所成，建造得精妙完善。
11世尊于神通、他心通与教诫三种神变而得自在；
那位世间导师铺设了一条经行之处，它以诸宝所成，建造得精妙完善。
12在一万世界中，乃至在那最胜的须弥山（Sineru）上，
于宝石所成的经行处上，他依次示现了如柱般的景象。
13超越一万世界后，胜者铺就了经行之地；
宝石所成的经行道，两侧纯金所造；
14横梁次第相连，金色木板敷于其上；
栏杆纯金所成，于两侧建立；
15宝石与珍珠之沙散布其间，宝石所成的经行处便已成就；
遍照一切方向，犹如升起的百光之日。
16那时，具足三十二胜相的坚定者，在经行处经行，
正自觉者遍放光明，胜利者于经行道上安步。
17天界的曼陀罗花、巴拉恰陀伽花和莲花，
天众齐聚，在经行道上散落花雨。
18万千天众瞻仰着他，满怀欢悦；
他们恭敬顶礼，欢欣踊跃，喜乐无尽。
19“三十三天、夜摩天，以及兜率天的诸天神，
化乐天（Nimmānaratino）的天神，与他化自在天的天神，
全都心意踊跃，满怀欢喜，瞻仰着那位世间导师。
20天人、乾闼婆、人类、罗刹，龙、金翅鸟，以及紧那罗，
都注视着那利益世间、悲悯世间者，犹如高悬于虚空中的月轮。
21光音天、遍净天、广果天，以及阿迦腻咤天的诸天神，
他们身着极净洁白之衣，合掌而立。
22他们抛撒五色花，那是曼陀罗花，杂以旃檀香粉；
那时，他们在空中挥扬衣布，说道：‘啊！胜利者，您悲悯世间，利益众生。’
23“您是众生的导师、旗帜、幢幡与祭柱；
你是彼岸，是依处，是明灯，两足中最胜者。
24“在一万世界之中，有大威力的诸天神，
他们围绕着他，向他敬礼，欢喜踊跃，欣悦不已。
25“天神与天女，心怀净信，满心欢喜，
以五色花供养人雄。
26“众天神见到他，净信于心，满心欢喜，
用五色的花供养着那位人雄。
27“啊！世间竟有如此稀有、如此未曾有、令人身毛竖立之事！
“我过去从未见过这般景象，实在奇妙稀有，令人身毛竖立。”
28天神们各各安住于自己的天宫；
她们望见空中这番奇妙景象，皆开怀大笑。
29那些住于虚空的、住于大地的，以及栖身在草丛与路边的众生，
都合掌致敬，满心欢喜，踊跃欣然。
30又有那些长寿的龙众，福德具足、有大神通，
他们满怀欢喜地礼敬，供养那无上的人中至尊。
31他们在空中，于风行之处，奏起和雅的乐音。
他们见到空中的稀有之事，便击打皮鼓。
32海螺、小鼓，以及众多铜鼓，
他们在空中鸣响，目睹空中这番奇妙景象。
33今日对我们来说实为稀有，生起令人毛发竖立的奇观。
我们获得了确实的义利成就，时机已为我们把握。
34听到他们说“佛陀”，欢喜当下生起。
他们合掌而立，口中不断称说“佛陀、佛陀”。
35有高呼声、赞叹声，还有高声喝彩与热烈的随喜。
虚空中种种众生，亦合掌致敬。
36他们歌唱、嬉笑，奏着乐器，拍击手臂，翩翩起舞。
他们散下五色花，以及混着檀香粉末的曼陀罗花。
37“大雄啊，正如您足上有千辐轮相，
轮相上布满了幢、金刚、幡、卍字与象钩等庄严图案。
38“于色身、戒、定与慧，您皆无与伦比；
于解脱与转法轮，您更是无可比拟。
39“您的身体具足十象之力，那是您与生俱来的力量。
于神通力无与伦比，于转法轮亦复如是。
40“如是具足一切功德，具足一切支分，
向大牟尼、大悲者、世间依怙致敬。
41“恭敬迎接、称扬、礼拜与赞叹，
致敬与供养，您皆堪受这一切。
42“世间所有应受礼敬者，凡是值得礼敬的，
您是最胜者、大雄，世间无与您相等者。
43“舍利弗（Sāriputta）有大智慧，于定与禅那善巧通达；
他站在灵鹫山（Gijjhakūṭa）上，即能亲见世间导师。
44“犹如娑罗树王盛开，又如虚空中的明月；
他瞻仰人中之雄，如瞻仰正午的太阳。
45“又如燃烧的灯树，又如初升的朝阳；
他看见那位智者、世间导师，周身辉映着一臂之宽的光明。
46“五百位比丘，皆已所作已办，如如不动；
他们都是漏尽者、无垢者，导师于一刹那将他们集齐。
47“他示现了一种名为“令世间生净信”的神变。
我们也当往赴彼处，礼敬那位胜者。
48“来吧，我等皆往，共向胜者请问。
我们将亲见世间导师，消除心中疑惑。”
49他们应声道：“萨度（sādhu，古译：善哉）！”这些明智而善护根门的人，
持着衣钵，疾速前来。
50他们与那些漏尽、无垢、已调伏、最上调御的圣者共住，
具大智慧的舍利弗，以神通力前来。
51舍利弗为大众之上首，为诸比丘所围绕。
他身放光明，犹如天神行于空中，凭藉神通力来到面前。
52那位善行者，于咳嗽、喷嚏，亦审慎观察。
他们心怀恭敬与尊重，来到正觉者面前。
53走近前去，他们见到了那位自生者、世间的导师。
那位坚定者高悬于空中，犹如天际的明月。
54犹如燃烧的灯树，亦如空中的闪电。
恰如正午的太阳，众人得见世间导师。
55五百位比丘，皆见世间导师；
如同澄净的湖水，又如盛开的莲花。
56双手合掌，欢喜踊跃，满心欣悦；
他们俯身顶礼，礼敬导师足下的千辐轮相。
57舍利弗有大智慧，犹如迦兰陀花；
他善巧于禅定与等持，礼敬世间导师。
58犹如时雨之云发出轰鸣，又似青莲花一般；
神通威力无可匹敌，目犍连（Moggallāna）具大神通。
59大迦叶长老（Mahākassapa），身如真金经火锤炼；
立于头陀功德之巅，备受导师所称扬赞叹。
60天眼第一，阿那律（Anuruddha）又为大众之尊长；
这位亲族中最殊胜者，正站在离世尊不远处。
61于犯戒、不犯戒及可出罪之事，悉皆精通；
于律藏中位居第一，受到导师称赞的优波离（Upāli）。
62他通达微细精深的义理，是说法者中最卓越的导师；
他是仙人、曼达尼之子，以“布纳（Puṇṇa）”之名广为人知。
63这位牟尼了知他们的心念后，便善巧地运用譬喻而为说法；
断除疑惑的大雄者，宣说了自己的功德。
64“那四种阿僧祇，其尽头无从得知；
众生之蕴、虚空，以及无边的轮围世界，
佛的智慧不可测量，那些事是难以了知的。
65“我这神通变化，在世间有何可惊奇？
还有其他许多稀有奇特、令人身毛竖立之事。”
66“那时，我住在兜率天，名为善足。
十千世界前来会集，合掌向我祈请：
67“大雄，你的时机到了，请降入母胎吧。
‘救度诸天神与人类吧，觉悟那不死之境。’
68“从兜率天身殁后，我入母胎之时，
一万世界的大地，那时都震动了。
69“当我以正念从母胎中降生时，
发出“萨度”之声，十千世界震动。
70“我的入胎无有等同者，从出生到出离亦是如此；
我于正觉时最为殊胜，于转法轮时亦复如是。
71“真是世间稀有啊，诸佛功德之广大；
十千世界，六种震动；
光明遍照，极为广大，奇特殊胜，令人身毛竖立。”
72那时，世尊是世间最上者、人中之雄，
胜利者为令诸天神等得见，现神通力，于空中经行。
73世间导师在经行道上经行的同时，为众开示，
在那四肘宽的经行道上，他从不中途折返，
74舍利弗有大智慧，于定与禅那善巧通达；
他已抵达慧的彼岸，正向世间导师请问。
75“大雄啊，人中最上者，您的发愿是怎样的？
坚智者，您于何时，发愿求证那无上菩提？”
76“布施、持戒、出离，智慧与精进——那时您是如何修持的？
忍辱、真实与决意，还有慈和舍，又是怎样的呢？
77“明智的世间导师啊，您的十巴拉密是怎样的呢？
“近巴拉密如何得圆满？胜义巴拉密又如何得圆满？”
78“受问之后，他以迦陵频伽鸟般美妙的声音作解答，”
“令心得清凉，令诸天世间生起欢喜。”
79“过去诸佛、诸胜利者所宣说、所修习，由佛陀代代相承之法，”
“他依宿命智，为含括天神的世间阐明了利益，”
80“它带来喜悦与欢欣，拔除忧伤之箭。”
对于一切成就的获得，你们应当生起恭敬，听我宣说。
81“降伏骄慢，驱散忧愁，令脱轮回；
这是灭尽一切苦的道路，你们应当恭敬地修习。”
Brahmā ca lokādhipatī sahampatī , katañjalī anadhivaraṃ ayācatha; ‘‘Santīdha sattāpparajakkhajātikā, desehi dhammaṃ anukampimaṃ pajaṃ’’. Sampannavijjācaraṇassa tādino, jutindharassantimadehadhārino; Tathāgatassappaṭipuggalassa, uppajji kāruññatā sabbasatte. ‘‘Na hete jānanti sadevamānusā, buddho ayaṃ kīdisako naruttamo; Iddhibalaṃ paññābalañca kīdisaṃ, buddhabalaṃ lokahitassa kīdisaṃ. ‘‘Na hete jānanti sadevamānusā, buddho ayaṃ edisako naruttamo; Iddhibalaṃ paññābalañca edisaṃ, buddhabalaṃ lokahitassa edisaṃ. ‘‘Handāhaṃ dassayissāmi, buddhabalamanuttaraṃ; Caṅkamaṃ māpayissāmi, nabhe ratanamaṇḍitaṃ’’. Bhummā mahārājikā tāvatiṃsā, yāmā ca devā tusitā ca nimmitā; Paranimmitā yepi ca brahmakāyikā, ānanditā vipulamakaṃsu ghosaṃ. Obhāsitā ca pathavī sadevakā, puthū ca lokantarikā asaṃvutā; Tamo ca tibbo vihato tadā ahu, disvāna accherakaṃ pāṭihīraṃ. Sadevagandhabbamanussarakkhase, ābhā uḷārā vipulā ajāyatha; Imasmiṃ loke parasmiñcobhayasmiṃ , adho ca uddhaṃ tiriyañca vitthataṃ. Sattuttamo anadhivaro vināyako, satthā ahū devamanussapūjito; Mahānubhāvo satapuññalakkhaṇo, dassesi accherakaṃ pāṭihīraṃ. So yācito devavarena cakkhumā, atthaṃ samekkhitvā tadā naruttamo; Caṅkamaṃ māpayi lokanāyako, suniṭṭhitaṃ sabbaratananimmitaṃ. Iddhī ca ādesanānusāsanī, tipāṭihīre bhagavā vasī ahu; Caṅkamaṃ māpayi lokanāyako, suniṭṭhitaṃ sabbaratananimmitaṃ. Dasasahassīlokadhātuyā, sinerupabbatuttame; Thambheva dassesi paṭipāṭiyā, caṅkame ratanāmaye. Dasasahassī atikkamma, caṅkamaṃ māpayī jino; Sabbasoṇṇamayā passe, caṅkame ratanāmaye. Tulāsaṅghāṭānuvaggā , sovaṇṇaphalakatthatā; Vedikā sabbasovaṇṇā, dubhato passesu nimmitā. Maṇimuttāvālukākiṇṇā, nimmito ratanāmayo; Obhāseti disā sabbā, sataraṃsīva uggato. Tasmiṃ caṅkamane dhīro, dvattiṃsavaralakkhaṇo; Virocamāno sambuddho, caṅkame caṅkamī jino. Dibbaṃ mandāravaṃ pupphaṃ, padumaṃ pārichattakaṃ; Caṅkamane okiranti, sabbe devā samāgatā. Passanti taṃ devasaṅghā, dasasahassī pamoditā; Namassamānā nipatanti, tuṭṭhahaṭṭhā pamoditā. Tāvatiṃsā ca yāmā ca, tusitā cāpi devatā; Nimmānaratino devā, ye devā vasavattino; Udaggacittā sumanā, passanti lokanāyakaṃ. Sadevagandhabbamanussarakkhasā, nāgā supaṇṇā atha vāpi kinnarā; Passanti taṃ lokahitānukampakaṃ, nabheva accuggatacandamaṇḍalaṃ. Ābhassarā subhakiṇhā, vehapphalā akaniṭṭhā ca devatā; Susuddhasukkavatthavasanā, tiṭṭhanti pañjalīkatā. Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ; Bhamenti celāni ca ambare tadā, ‘‘aho jino lokahitānukampako. ‘‘Tuvaṃ satthā ca ketū ca, dhajo yūpo ca pāṇinaṃ; Parāyano patiṭṭhā ca, dīpo ca dvipaduttamo . ‘‘Dasasahassīlokadhātuyā, devatāyo mahiddhikā; Parivāretvā namassanti, tuṭṭhahaṭṭhā pamoditā. ‘‘Devatā devakaññā ca, pasannā tuṭṭhamānasā; Pañcavaṇṇikapupphehi, pūjayanti narāsabhaṃ. ‘‘Passanti taṃ devasaṅghā, pasannā tuṭṭhamānasā; Pañcavaṇṇikapupphehi, pūjayanti narāsabhaṃ. ‘‘Aho acchariyaṃ loke, abbhutaṃ lomahaṃsanaṃ; Na medisaṃ bhūtapubbaṃ, accheraṃ lomahaṃsanaṃ’’. Sakasakamhi bhavane, nisīditvāna devatā; Hasanti tā mahāhasitaṃ, disvānaccherakaṃ nabhe. Ākāsaṭṭhā ca bhūmaṭṭhā, tiṇapanthanivāsino; Katañjalī namassanti, tuṭṭhahaṭṭhā pamoditā. Yepi dīghāyukā nāgā, puññavanto mahiddhikā; Pamoditā namassanti, pūjayanti naruttamaṃ. Saṅgītiyo pavattenti, ambare anilañjase; Cammanaddhāni vādenti, disvānaccherakaṃ nabhe. Saṅkhā ca paṇavā ceva, athopi ḍiṇḍimā bahū; Antalikkhasmiṃ vajjanti, disvānaccherakaṃ nabhe. Abbhuto vata no ajja, uppajji lomahaṃsano; Dhuvamatthasiddhiṃ labhāma, khaṇo no paṭipādito. Buddhoti tesaṃ sutvāna, pīti uppajji tāvade; Buddho buddhoti kathayantā, tiṭṭhanti pañjalīkatā. Hiṅkārā sādhukārā ca , ukkuṭṭhi sampahaṃsanaṃ ; Pajā ca vividhā gagane, vattenti pañjalīkatā. Gāyanti seḷenti ca vādayanti ca, bhujāni pothenti ca naccayanti ca; Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ. ‘‘Yathā tuyhaṃ mahāvīra, pādesu cakkalakkhaṇaṃ; Dhajavajirapaṭākā, vaḍḍhamānaṅkusācitaṃ. ‘‘Rūpe sīle samādhimhi, paññāya ca asādiso; Vimuttiyā asamasamo, dhammacakkappavattane. ‘‘Dasanāgabalaṃ kāye, tuyhaṃ pākatikaṃ balaṃ; Iddhibalena asamo, dhammacakkappavattane. ‘‘Evaṃ sabbaguṇūpetaṃ, sabbaṅgasamupāgataṃ; Mahāmuniṃ kāruṇikaṃ, lokanāthaṃ namassatha. ‘‘Abhivādanaṃ thomanañca, vandanañca pasaṃsanaṃ; Namassanañca pūjañca, sabbaṃ arahasī tuvaṃ. ‘‘Ye keci loke vandaneyyā, vandanaṃ arahanti ye; Sabbaseṭṭho mahāvīra, sadiso te na vijjati. ‘‘Sāriputto mahāpañño, samādhijjhānakovido; Gijjhakūṭe ṭhitoyeva, passati lokanāyakaṃ. ‘‘Suphullaṃ sālarājaṃva, candaṃva gagane yathā; Majjhanhikeva sūriyaṃ, olokesi narāsabhaṃ. ‘‘Jalantaṃ dīparukkhaṃva, taruṇasūriyaṃva uggataṃ; Byāmappabhānurañjitaṃ, dhīraṃ passati lokanāyakaṃ. ‘‘Pañcannaṃ bhikkhusatānaṃ, katakiccāna tādinaṃ; Khīṇāsavānaṃ vimalānaṃ, khaṇena sannipātayi. ‘‘Lokappasādanaṃ nāma, pāṭihīraṃ nidassayi; Amhepi tattha gantvāna, vandissāma mayaṃ jinaṃ. ‘‘Etha sabbe gamissāma, pucchissāma mayaṃ jinaṃ; Kaṅkhaṃ vinodayissāma, passitvā lokanāyakaṃ’’. Sādhūti te paṭissutvā, nipakā saṃvutindriyā; Pattacīvaramādāya, taramānā upāgamuṃ. Khīṇāsavehi vimalehi, dantehi uttame dame; Sāriputto mahāpañño, iddhiyā upasaṅkami. Tehi bhikkhūhi parivuto, sāriputto mahāgaṇī; Laḷanto devova gagane, iddhiyā upasaṅkami. Ukkāsitañca khipitaṃ , ajjhupekkhiya subbatā; Sagāravā sappatissā, sambuddhaṃ upasaṅkamuṃ. Upasaṅkamitvā passanti, sayambhuṃ lokanāyakaṃ; Nabhe accuggataṃ dhīraṃ, candaṃva gagane yathā. Jalantaṃ dīparukkhaṃva, vijjuṃva gagane yathā; Majjhanhikeva sūriyaṃ, passanti lokanāyakaṃ. Pañcabhikkhusatā sabbe, passanti lokanāyakaṃ; Rahadamiva vippasannaṃ, suphullaṃ padumaṃ yathā. Añjaliṃ paggahetvāna, tuṭṭhahaṭṭhā pamoditā; Namassamānā nipatanti, satthuno cakkalakkhaṇe. Sāriputto mahāpañño, koraṇḍasamasādiso; Samādhijjhānakusalo, vandate lokanāyakaṃ. Gajjitā kālameghova, nīluppalasamasādiso; Iddhibalena asamo, moggallāno mahiddhiko. Mahākassapopi ca thero, uttattakanakasannibho; Dhutaguṇe agganikkhitto, thomito satthuvaṇṇito. Dibbacakkhūnaṃ yo aggo, anuruddho mahāgaṇī; Ñātiseṭṭho bhagavato, avidūreva tiṭṭhati. Āpattianāpattiyā , satekicchāya kovido; Vinaye agganikkhitto, upāli satthuvaṇṇito. Sukhumanipuṇatthapaṭividdho, kathikānaṃ pavaro gaṇī; Isi mantāniyā putto, puṇṇo nāmāti vissuto. Etesaṃ cittamaññāya, opammakusalo muni; Kaṅkhacchedo mahāvīro, kathesi attano guṇaṃ. ‘‘Cattāro te asaṅkheyyā, koṭi yesaṃ na nāyati; Sattakāyo ca ākāso, cakkavāḷā canantakā; Buddhañāṇaṃ appameyyaṃ, na sakkā ete vijānituṃ. ‘‘Kimetaṃ acchariyaṃ loke, yaṃ me iddhivikubbanaṃ; Aññe bahū acchariyā, abbhutā lomahaṃsanā. ‘‘Yadāhaṃ tusite kāye, santusito nāmahaṃ tadā; Dasasahassī samāgamma, yācanti pañjalī mamaṃ. ‘‘‘Kālo kho te mahāvīra, uppajja mātukucchiyaṃ; Sadevakaṃ tārayanto, bujjhassu amataṃ padaṃ’. ‘‘Tusitā kāyā cavitvāna, yadā okkami kucchiyaṃ; Dasasahassīlokadhātu, kampittha dharaṇī tadā. ‘‘Yadāhaṃ mātukucchito, sampajānova nikkhamiṃ; Sādhukāraṃ pavattenti, dasasahassī pakampatha. ‘‘Okkantiṃ me samo natthi, jātito abhinikkhame; Sambodhiyaṃ ahaṃ seṭṭho, dhammacakkappavattane. ‘‘Aho acchariyaṃ loke, buddhānaṃ guṇamahantatā; Dasasahassīlokadhātu, chappakāraṃ pakampatha; Obhāso ca mahā āsi, accheraṃ lomahaṃsanaṃ’’. Bhagavā tamhi samaye, lokajeṭṭho narāsabho; Sadevakaṃ dassayanto, iddhiyā caṅkamī jino. Caṅkame caṅkamantova, kathesi lokanāyako; Antarā na nivatteti, catuhatthe caṅkame yathā. Sāriputto mahāpañño, samādhijjhānakovido; Paññāya pāramippatto, pucchati lokanāyakaṃ. ‘‘Kīdiso te mahāvīra, abhinīhāro naruttama; Kamhi kāle tayā dhīra, patthitā bodhimuttamā. ‘‘Dānaṃ sīlañca nekkhammaṃ, paññāvīriyañca kīdisaṃ; Khantisaccamadhiṭṭhānaṃ, mettupekkhā ca kīdisā. ‘‘Dasa pāramī tayā dhīra, kīdisī lokanāyaka; Kathaṃ upapāramī puṇṇā, paramatthapāramī kathaṃ’’. Tassa puṭṭho viyākāsi, karavīkamadhuragiro; Nibbāpayanto hadayaṃ, hāsayanto sadevakaṃ. Atītabuddhānaṃ jinānaṃ desitaṃ, nikīlitaṃ buddhaparamparāgataṃ; Pubbenivāsānugatāya buddhiyā, pakāsayī lokahitaṃ sadevake. ‘‘Pītipāmojjajananaṃ, sokasallavinodanaṃ; Sabbasampattipaṭilābhaṃ, cittīkatvā suṇātha me. ‘‘Madanimmadanaṃ sokanudaṃ, saṃsāraparimocanaṃ; Sabbadukkhakkhayaṃ maggaṃ, sakkaccaṃ paṭipajjathā’’ti.
