10. Dasakanipāto10. 十集
10. Dasakanipāto10. 十集
439. Catudvārajātakaṃ (1)
439. 四门本生(1)
Catudvāramidaṃ nagaraṃ, āyasaṃ daḷhapākāraṃ;
这座城有四门,铁制坚固的城墙;
Oruddhapaṭiruddhosmi, kiṃ pāpaṃ pakataṃ mayā.
我被封闭、被阻挡,我造了什么恶业?
Sabbe apihitā dvārā, oruddhosmi yathā dijo;
所有的门都被关闭,我像囚犯一样被封闭;
Kimādhikaraṇaṃ yakkha, cakkābhinihato ahaṃ.
亚卡啊,以什么为因,我被轮所击?
Laddhā satasahassāni, atirekāni vīsati;
获得了十万又二十万以上;
Anukampakānaṃ ñātīnaṃ, vacanaṃ samma nākari.
对于怜悯的亲族们,没有正确地履行诺言。
Laṅghiṃ samuddaṃ pakkhandi, sāgaraṃ appasiddhikaṃ;
我跨越了大海,跳入了无成就的海洋;
Catubbhi aṭṭhajjhagamā, aṭṭhāhipi ca soḷasa.
以四达八,以八达十六。
Soḷasāhi ca bāttiṃsa, atricchaṃ cakkamāsado;
以十六达三十二,欲望之轮不断转动;
Icchāhatassa posassa, cakkaṃ bhamati matthake.
被欲望所杀之人,轮在头上旋转。
Uparivisālā duppūrā, icchā visaṭagāminī ;
上面宽广难以填满,欲望导向毁灭;
Ye ca taṃ anugijjhanti, te honti cakkadhārino.
那些追随它的人,他们成为轮的承担者。
Bahubhaṇḍaṃ avahāya, maggaṃ appaṭivekkhiya;
携带许多货物,不审察道路;
Yesañcetaṃ asaṅkhātaṃ, te honti cakkadhārino.
对那些未计算此事的人,他们成为轮的承担者。
Kammaṃ samekkhe vipulañca bhogaṃ, icchaṃ na seveyya anatthasaṃhitaṃ;
应审察业与广大的财富,不应追随导致无义的欲望;
Kareyya vākyaṃ anukampakānaṃ, taṃ tādisaṃ nātivatteyya cakkaṃ.
应对有悲悯者说话，不应越过如此之轮。
Kīvaciraṃ nu me yakkha, cakkaṃ sirasi ṭhassati;
亚卡啊，这轮将在我头上停留多久？
Kati vassasahassāni, taṃ me akkhāhi pucchito.
多少千年？请你被问时告诉我。
Atisaro paccasaro , mittavinda suṇohi me;
阿提沙罗、巴恰沙罗、弥答温达，请听我说：
Cakkaṃ te sirasi māviddhaṃ, na taṃ jīvaṃ pamokkhasīti.
轮不会刺入你的头，那不会夺去你的生命。
Catudvārajātakaṃ paṭhamaṃ. · 咖都德瓦拉本生第一
440. Kaṇhajātakaṃ (2)
440. 咖尼哈本生(2)
Kaṇho vatāyaṃ puriso, kaṇhaṃ bhuñjati bhojanaṃ;
这个人是黑的，吃黑色的食物；
Kaṇhe bhūmipadesasmiṃ, na mayhaṃ manaso piyo.
在黑色的土地上，不是我心所喜爱的。
Na kaṇho tacasā hoti, antosāro hi brāhmaṇo;
不是因肤色而为黑者,内在的本质才是婆罗门;
Yasmiṃ pāpāni kammāni, sa ve kaṇho sujampati.
凡是具有诸恶业者,他确实被称为黑者。
Etasmiṃ te sulapite, patirūpe subhāsite;
对于这善说的、适当的、善讲的,
Varaṃ brāhmaṇa te dammi, yaṃ kiñci manasicchasi.
婆罗门,我给你恩赐,你心中想要什么就给什么。
Varañce me ado sakka, sabbabhūtānamissara;
萨咖,如果你给我恩赐,一切众生的主宰,
Sunikkodhaṃ suniddosaṃ, nillobhaṃ vuttimattano;
善离嗔、善离恶、无贪、自己的生活,
Nisnehamabhikaṅkhāmi, ete me caturo vare.
我希求无染,这些是我的四个恩赐。
Kiṃ nu kodhe vā dose vā, lobhe snehe ca brāhmaṇa;
婆罗门,为何在嗔或恶或贪或染中,
Ādīnavaṃ tvaṃ passasi , taṃ me akkhāhi pucchito.
你见到过患,请对我所问宣说。
Appo hutvā bahu hoti, vaḍḍhate so akhantijo;
少而变多,他增长不可忍,
Āsaṅgī bahupāyāso, tasmā kodhaṃ na rocaye.
执着者多苦恼,因此不应喜乐忿怒。
Duṭṭhassa pharusā vācā, parāmāso anantarā;
忿怒者粗恶语,紧接着是攻击,
Tato pāṇi tato daṇḍo, satthassa paramā gati ;
从此拳头从此棍棒,刀剑是最终归趣;
Doso kodhasamuṭṭhāno, tasmā dosaṃ na rocaye.
嗔由忿怒所生起,因此不应喜乐嗔恨。
Ālopasāhasākārā , nikatī vañcanāni ca;
掠夺、暴力、欺诈,诡计与诈骗,
Dissanti lobhadhammesu, tasmā lobhaṃ na rocaye.
在贪法中可见,因此不应喜乐贪欲。
Snehasaṅgathitā ganthā, senti manomayā puthū;
由爱所结的结,由意所成的众多流,
Te bhusaṃ upatāpenti, tasmā snehaṃ na rocaye.
它们极大地烧恼,因此不应喜爱。
Etasmiṃ te sulapite, patirūpe subhāsite;
在这善说的、适当的、善说的(偈颂)中,
Varaṃ brāhmaṇa te dammi, yaṃ kiñci manasicchasi.
婆罗门!我给你恩赐,你心中想要什么就(给)什么。
Varañce me ado sakka, sabbabhūtānamissara;
萨咖!如果你给我恩赐,一切众生的主宰,
Araññe me viharato, niccaṃ ekavihārino;
当我住在林野,常独自而住时,
Ābādhā mā uppajjeyyuṃ, antarāyakarā bhusā.
愿诸病不生起,极多的障碍。
Etasmiṃ te sulapite, patirūpe subhāsite;
在这善说的、适当的、善说的(偈颂)中,
Varaṃ brāhmaṇa te dammi, yaṃ kiñci manasicchasi.
婆罗门,我给你恩赐,你心中想要什么就(给你什么)。
Varañce me ado sakka, sabbabhūtānamissara;
萨咖,如果你给我恩赐,一切众生的主宰啊;
Na mano vā sarīraṃ vā, maṃ-kate sakka kassaci;
无论意或身,萨咖,对任何人所作的我(的事);
Kadāci upahaññetha, etaṃ sakka varaṃ vareti.
任何时候都不会被侵害,萨咖,请选择这个恩赐。
Kaṇhajātakaṃ dutiyaṃ. · 咖纳本生第二
441. Catuposathiyajātakaṃ (3)
441. 四伍波萨他本生(3)
Yo kopaneyye na karoti kopaṃ, na kujjhati sappuriso kadāci;
对应该愤怒的不作愤怒,善人任何时候都不嗔恚;
Kuddhopi so nāvikaroti kopaṃ, taṃ ve naraṃ samaṇamāhu loke.
即使被激怒他也不表现愤怒,世间称那个人为沙门。
Ūnūdaro yo sahate jighacchaṃ, danto tapassī mitapānabhojano;
腹部不满的人忍受饥饿,调伏的苦行者,饮食适量;
Āhārahetu na karoti pāpaṃ, taṃ ve naraṃ samaṇamāhu loke.
为食之因不造恶,世间称彼人为沙门。
Khiḍḍaṃ ratiṃ vippajahitvāna sabbaṃ, na cālikaṃ bhāsasi kiñci loke;
舍断一切戏笑与喜乐,于世间不说任何虚妄语;
Vibhūsaṭṭhānā virato methunasmā, taṃ ve naraṃ samaṇamāhu loke.
远离装饰处与交媾,世间称彼人为沙门。
Pariggahaṃ lobhadhammañca sabbaṃ, yo ve pariññāya pariccajeti;
凡遍知后舍断一切执取与贪法者;
Dantaṃ ṭhitattaṃ amamaṃ nirāsaṃ, taṃ ve naraṃ samaṇamāhu loke.
调伏、住立、无我所、无欲,世间称彼人为沙门。
Pucchāma kattāramanomapaññaṃ , kathāsu no viggaho atthi jāto;
我们请问作者、无垢慧者,我们之间生起了诤论;
Chindajja kaṅkhaṃ vicikicchitāni, tadajja kaṅkhaṃ vitaremu sabbe.
请断除疑惑与犹豫,今日我们一切人将度脱疑惑。
Ye paṇḍitā atthadasā bhavanti, bhāsanti te yoniso tattha kāle;
凡智者见义者,他们于彼处适时如理而说;
Kathaṃ nu kathānaṃ abhāsitānaṃ, atthaṃ nayeyyuṃ kusalā janindā.
善巧的人主们如何能引出未说诸话的义理？
Kathaṃ have bhāsati nāgarājā, garuḷo pana venateyyo kimāha;
龙王究竟说什么？而金翅鸟韦那德亚又说什么？
Gandhabbarājā pana kiṃ vadesi, kathaṃ pana kurūnaṃ rājaseṭṭho.
乾达婆王又说什么？而库汝的王中最胜者又如何说？
Khantiṃ have bhāsati nāgarājā, appāhāraṃ garuḷo venateyyo;
龙王确实说忍辱，金翅鸟韦那德亚说少食；
Gandhabbarājā rativippahānaṃ, akiñcanaṃ kurūnaṃ rājaseṭṭho.
乾达婆王说舍离喜乐，库汝的王中最胜者说无所有。
Sabbāni etāni subhāsitāni, na hettha dubbhāsitamatthi kiñci;
这一切都是善说，此中没有任何恶说；
Yasmiñca etāni patiṭṭhitāni, arāva nābhyā susamohitāni;
这些法确立于何处，远离脐轮的善迷惑；
Catubbhi dhammehi samaṅgibhūtaṃ, taṃ ve naraṃ samaṇamāhu loke.
具足四法者，世间称彼人为沙门。
Tuvañhi seṭṭho tvamanuttarosi, tvaṃ dhammagū dhammavidū sumedho;
你确实是最胜者,你是无上者,你是知法者、了法者、善慧者;
Paññāya pañhaṃ samadhiggahetvā, acchecchi dhīro vicikicchitāni;
以慧善取问题后,智者你断除了疑惑;
Acchecchi kaṅkhaṃ vicikicchitāni, cundo yathā nāgadantaṃ kharena.
断除了犹豫与疑惑,正如纯陀以锉刀(磨)象牙。
Nīluppalābhaṃ vimalaṃ anagghaṃ, vatthaṃ idaṃ dhūmasamānavaṇṇaṃ;
这件如青莲花色、清净、无价、烟色的衣;
Pañhassa veyyākaraṇena tuṭṭho, dadāmi te dhammapūjāya dhīra.
因问题的解答而满足,智者,我以法供养给你。
Suvaṇṇamālaṃ satapattaphullitaṃ, sakesaraṃ ratnasahassamaṇḍitaṃ;
这金花鬘,百瓣盛开,具花蕊,以千宝石装饰;
Pañhassa veyyākaraṇena tuṭṭho, dadāmi te dhammapūjāya dhīra.
因问题的解答而满足,智者,我以法供养给你。
Maṇiṃ anagghaṃ ruciraṃ pabhassaraṃ, kaṇṭhāvasattaṃ maṇibhūsitaṃ me;
这无价、美丽、光辉的宝珠,系于颈上,以宝石装饰我的;
Pañhassa veyyākaraṇena tuṭṭho, dadāmi te dhammapūjāya dhīra.
「贤者,因问题的解答而满意,我以法供养给你。」
Gavaṃ sahassaṃ usabhañca nāgaṃ, ājaññayutte ca rathe dasa ime;
「一千头母牛和一头龙象,以及十辆套着良马的车;」
Pañhassa veyyākaraṇena tuṭṭho, dadāmi te gāmavarāni soḷasa.
「因问题的解答而满意,我给你十六个殊胜的村庄。」
Sāriputto tadā nāgo, supaṇṇo pana kolito;
「当时沙利子是龙,而果利答是金翅鸟;」
Gandhabbarājā anuruddho, rājā ānanda paṇḍito;
「阿奴卢塔是乾达婆王,阿难是智者王;」
Vidhuro bodhisatto ca, evaṃ dhāretha jātakanti.
「维度拉是菩萨,应如此持此本生。」
Catuposathiyajātakaṃ tatiyaṃ. · 咖都波萨提亚本生第三
442. Saṅkhajātakaṃ (4)
442. 桑卡本生(4)
Bahussuto sutadhammosi saṅkha, diṭṭhā tayā samaṇabrāhmaṇā ca;
「桑卡,你多闻、闻持法,你已见过沙门婆罗门;」
Athakkhaṇe dassayase vilāpaṃ, añño nu ko te paṭimantako mayā.
「你在不适当的时候显示悲泣，难道有其他人是我的对手吗？」
Subbhū subhā suppaṭimukkakambu, paggayha sovaṇṇamayāya pātiyā;
「善美、善妙、善解脱的甘布，举起金制的钵；」
‘‘Bhuñjassu bhattaṃ’’ iti maṃ vadeti, saddhāvittā , tamahaṃ noti brūmi.
「『请享用食物』如此对我说，以信为财富，我对他说『不』。」
Etādisaṃ brāhmaṇa disvāna yakkhaṃ, puccheyya poso sukhamāsisāno ;
「婆罗门啊，见到这样的亚卡，希求安乐的人应该询问；」
Uṭṭhehi naṃ pañjalikābhipuccha, devī nusi tvaṃ uda mānusī nu.
「起来吧，合掌恭敬地问他：『你是天女呢，还是人女呢？』」
Yaṃ tvaṃ sukhenābhisamekkhase maṃ, bhuñjassu bhattaṃ iti maṃ vadesi;
「你以安乐观察我，对我说『请享用食物』；」
Pucchāmi taṃ nāri mahānubhāve, devī nusi tvaṃ uda mānusī nu.
「我问你，大威力的女子，你是天女呢，还是人女呢？」
Devī ahaṃ saṅkha mahānubhāvā, idhāgatā sāgaravārimajjhe;
「我是天女，商喀，大威力者，来到此处海水之中；」
Anukampikā no ca paduṭṭhacittā, taveva atthāya idhāgatāsmi.
我们对你怀有悲悯而非恶意之心，我来此只是为了你的利益。
Idhannapānaṃ sayanāsanañca, yānāni nānāvividhāni saṅkha;
这里的饮食、卧坐具，以及各种不同的车乘、螺贝；
Sabbassa tyāhaṃ paṭipādayāmi, yaṃ kiñci tuyhaṃ manasābhipatthitaṃ.
凡是你心中所希求的一切，我都将供给你。
Yaṃ kiñci yiṭṭhañca hutañca mayhaṃ, sabbassa no issarā tvaṃ sugatte;
凡我所祭祀、所供养的一切，善逝啊，你都是它们的主人；
Susoṇi subbhamu suvilaggamajjhe , kissa me kammassa ayaṃ vipāko.
索那啊，美好、极美好、极相应，这是我何种业的果报？
Ghamme pathe brāhmaṇa ekabhikkhuṃ, ugghaṭṭapādaṃ tasitaṃ kilantaṃ;
婆罗门啊，在炎热的路上，你供给一位比库鞋履，他赤足、口渴、疲惫；
Paṭipādayī saṅkha upāhanāni , sā dakkhiṇā kāmaduhā tavajja.
那布施的鞋履，今日成为你的如意牛。
Sā hotu nāvā phalakūpapannā, anavassutā erakavātayuttā;
愿那船具足木板，不漏水，配备有伊拉咖草之帆；
Aññassa yānassa na hettha bhūmi, ajjeva maṃ moḷiniṃ pāpayassu.
「此处没有其他车乘的地方,请今天就让我渡过这泥泞之地。」
Sā tattha vittā sumanā patītā, nāvaṃ sucittaṃ abhinimminitvā;
她在那里欢喜、满意、信赖,化作一艘善造之船;
Ādāya saṅkhaṃ purisena saddhiṃ, upānayī nagaraṃ sādhurammanti.
与那男子一起取了螺贝,将他带到了城市,这是善妙的欢喜。
Saṅkhajātakaṃ catutthaṃ. · 桑卡本生第四
443. Cūḷabodhijātakaṃ (5)
443. 小菩提本生经(5)
Yo te imaṃ visālakkhiṃ, piyaṃ samhitabhāsiniṃ ;
「若愚者带走你这位广眼、可爱、善言的女子而去,婆罗门,你将会做什么?」
Ādāya balā gaccheyya, kiṃ nu kayirāsi brāhmaṇa.
「若他生起,他不会从我这里逃脱,他活着不会从我这里逃脱;
Uppajje me na mucceyya, na me mucceyya jīvato;
犹如大雨之尘埃,我将迅速地阻止他。」
Rajaṃva vipulā vuṭṭhi, khippameva nivāraye .
如大雨(洗去)尘垢,应迅速地遮止。
Yaṃ nu pubbe vikatthittho , balamhiva apassito;
你先前夸耀的力量，现在却看不见了；
Svajja tuṇhikato dāni, saṅghāṭiṃ sibbamacchasi.
今天你沉默不语，正在缝补桑喀帝。
Uppajji me na muccittha, na me muccittha jīvato;
我生起了不放你，活着不放你；
Rajaṃva vipulā vuṭṭhi, khippameva nivārayiṃ.
如大雨抑制尘埃，我迅速地抑制了。
Kiṃ te uppajji no mucci, kiṃ te na mucci jīvato;
什么对你生起了不放，什么活着不放你；
Rajaṃva vipulā vuṭṭhi, katamaṃ tvaṃ nivārayi.
如大雨抑制尘埃，你抑制了什么。
Yamhi jāte na passati, ajāte sādhu passati;
对已生的不见，对未生的善见；
So me uppajji no mucci, kodho dummedhagocaro.
那对我生起了不放，嗔恚是愚者的行境。
Yena jātena nandanti, amittā dukkhamesino;
由于生起此法,敌人寻求痛苦而欢喜;
So me uppajji no mucci, kodho dummedhagocaro.
此嗔恨生起于我而不解脱,是愚痴者的行境。
Yasmiñca jāyamānamhi, sadatthaṃ nāvabujjhati;
当此法生起时,不了知自己的利益;
So me uppajji no mucci, kodho dummedhagocaro.
此嗔恨生起于我而不解脱,是愚痴者的行境。
Yenābhibhūto kusalaṃ jahāti, parakkare vipulañcāpi atthaṃ;
被此法征服时,舍弃善法,以及广大的利益与努力;
Sa bhīmaseno balavā pamaddī, kodho mahārāja na me amuccatha.
大王,此强力的、有力的、压迫者的可怕军队——嗔恨,未从我解脱。
Kaṭṭhasmiṃ matthamānasmiṃ , pāvako nāma jāyati;
在被摩擦的木头中,名为火的生起;
Tameva kaṭṭhaṃ ḍahati, yasmā so jāyate gini.
那火烧毁那木头本身,火从那木头生起。
Evaṃ mandassa posassa, bālassa avijānato;
如此愚钝之人，愚痴无知者；
Sārambhā jāyate kodho, sopi teneva ḍayhati.
因激怒而生嗔恨，他也因此而燃烧。
Aggīva tiṇakaṭṭhasmiṃ, kodho yassa pavaḍḍhati;
如火在草木中，嗔恨在其中增长；
Nihīyati tassa yaso, kāḷapakkheva candimā.
他的名声衰退，如黑分之月。
Anedho dhūmaketūva, kodho yassūpasammati;
如无烟之烟云，嗔恨在其中平息；
Āpūrati tassa yaso, sukkapakkheva candimāti.
他的名声充满，如白分之月。
Cūḷabodhijātakaṃ pañcamaṃ. · 朱腊菩提本生第五
444. Kaṇhadīpāyanajātakaṃ (6)
444. 刊哈地巴亚那本生（6）
Sattāhamevāhaṃ pasannacitto, puññatthiko ācariṃ brahmacariyaṃ;
我以净信心，为求福德，七日修习梵行于导师处；
Athāparaṃ yaṃ caritaṃ mamedaṃ , vassāni paññāsa samādhikāni;
再者,我的这个行为,已经五十多年了;
Akāmako vāpi ahaṃ carāmi, etena saccena suvatthi hotu;
我无论是否乐意都如此行,以此真实语,愿有安乐;
Hataṃ visaṃ jīvatu yaññadatto.
愿毒被破,愿雅若达多活命。
Yasmā dānaṃ nābhinandiṃ kadāci, disvānahaṃ atithiṃ vāsakāle;
因为我从未不欢喜布施,在适当时候见到客人时;
Na cāpi me appiyataṃ aveduṃ, bahussutā samaṇabrāhmaṇā ca.
多闻的沙门、婆罗门们也不曾知道我有不喜之事。
Akāmako vāpi ahaṃ dadāmi, etena saccena suvatthi hotu;
我无论是否乐意都布施,以此真实语,愿有安乐;
Hataṃ visaṃ jīvatu yaññadatto.
愿毒被破,愿雅若达多活命。
Āsīviso tāta pahūtatejo, yo taṃ adaṃsī sacarā udicca;
孩子啊,那是具大威力的毒蛇,它咬了你的同伴乌地咖;
Tasmiñca me appiyatāya ajja, pitari ca te natthi koci viseso;
在今日对我不喜爱之事上,你的父亲也没有任何差别;
Etena saccena suvatthi hotu, hataṃ visaṃ jīvatu yaññadatto.
以此真实,愿有安乐,愿毒被破,愿牺牲者活命。
Santā dantāyeva paribbajanti, aññatra kaṇhā natthākāmarūpā ;
寂静调伏者游方,除了黑者,没有欲色;
Dīpāyana kissa jigucchamāno, akāmako carasi brahmacariyaṃ.
提巴亚那,厌恶什么,你无欲地行梵行?
Saddhāya nikkhamma punaṃ nivatto, so eḷamūgova bālo vatāyaṃ;
以信出家后又还俗,这愚者确实如聋哑者;
Etassa vādassa jigucchamāno, akāmako carāmi brahmacariyaṃ;
厌恶此说,我无欲地行梵行;
Viññuppasatthañca satañca ṭhānaṃ , evampahaṃ puññakaro bhavāmi.
智者所赞叹的善人之处,如此我成为作福者。
Samaṇe tuvaṃ brāhmaṇe addhike ca, santappayāsi annapānena bhikkhaṃ;
你以食物和饮料供养沙门、婆罗门、旅客和乞者;
Opānabhūtaṃva gharaṃ tava yidaṃ, annena pānena upetarūpaṃ;
你的这个家确实像是开放的，备有食物与饮料；
Atha kissa vādassa jigucchamāno, akāmako dānamimaṃ dadāsi.
那么，你厌恶什么说法，不情愿地给予这布施？
Pitaro ca me āsuṃ pitāmahā ca, saddhā ahuṃ dānapatī vadaññū;
我的父亲们和祖父们，都是有信的、布施的施主、慷慨的；
Taṃ kullavattaṃ anuvattamāno, māhaṃ kule antimagandhano ahuṃ;
遵循那家族的传统，我不要成为家族中最后的污点；
Etassa vādassa jigucchamāno, akāmako dānamimaṃ dadāmi.
厌恶这个说法，我不情愿地给予这布施。
Dahariṃ kumāriṃ asamatthapaññaṃ, yaṃ tānayiṃ ñātikulā sugatte;
当那位年轻的少女，智慧未成熟，从亲族家嫁给善逝时；
Na cāpi me appiyataṃ avedi, aññatra kāmā paricārayantā ;
她也不知道我的不喜欢，除了欲之外，她须跋着；
Atha kena vaṇṇena mayā te bhoti, saṃvāsadhammo ahu evarūpo.
那么，以什么方式我对你，贤女，共住之法是这样的。
Ārā dūre nayidha kadāci atthi, paramparā nāma kule imasmiṃ;
在此家族中,从未有过远离之事,也没有所谓的传承;
Taṃ kullavattaṃ anuvattamānā, māhaṃ kule antimagandhinī ahuṃ;
遵循那家族的习俗,我不应成为家族中最后的恶臭者;
Etassa vādassa jigucchamānā, akāmikā paddhacarāmhi tuyhaṃ.
厌恶这种说法,我不情愿地成为你的妻子。
Maṇḍabya bhāsiṃ yamabhāsaneyyaṃ , taṃ khamyataṃ puttakahetu majja;
曼荼婆,我说了应该说的话,为了儿子的缘故,请原谅我;
Puttapemā na idha paratthi kiñci, so no ayaṃ jīvati yaññadattoti.
对儿子的爱,在此世没有其他可比,他就是我们的雅娜达答,他还活着。
Kaṇhadīpāyanajātakaṃ chaṭṭhaṃ. · 咖纳地巴亚那本生第六
445. Nigrodhajātakaṃ (7)
445. 尼拘律树本生(7)
Na vāhametaṃ jānāmi, ko vāyaṃ kassa vāti vā ;
我不知道这个,谁是谁的,或者是什么;
Yathā sākho cari evaṃ, nigrodha kinti maññasi.
尼拘律树啊,你认为如何,正如树枝这样行走。
Tato galavinītena, purisā nīhariṃsu maṃ;
然后,人们用绳子从颈部将我拖出;
Datvā mukhapahārāni, sākhassa vacanaṃkarā.
打了我的脸,遵照沙奇的命令。
Etādisaṃ dummatinā, akataññuna dubbhinā;
像这样,由愚痴、忘恩负义、邪恶的沙奇,
Kataṃ anariyaṃ sākhena, sakhinā te janādhipa.
对朋友做了非圣的行为,人主啊。
Na vāhametaṃ jānāmi, napi me koci saṃsati;
我不知道这件事,也没有人告诉我;
Yaṃ me tvaṃ samma akkhāsi, sākhena kāraṇaṃ kataṃ.
你正确地告诉我的,沙奇所做的原因。
Sakhīnaṃ sājīvakaro, mama sākhassa cūbhayaṃ;
朋友们的共同生活者,我和沙奇两者的;
Tvaṃ nosissariyaṃ dātā, manussesu mahantataṃ;
你是给予主权者,在人们中最伟大的;
Tayāmā labbhitā iddhī, ettha me natthi saṃsayo.
依那(布施)可获得神通,对此我无疑惑。
Yathāpi bījamaggimhi, ḍayhati na virūhati;
犹如种子在火中,被烧而不生长;
Evaṃ kataṃ asappurise, nassati na virūhati.
如是对非善士所作,消失而不增长。
Kataññumhi ca posamhi, sīlavante ariyavuttine;
但对知恩的养育者,具戒的圣行者;
Sukhette viya bījāni, kataṃ tamhi na nassati.
如种子在良田中,对彼所作不消失。
Imaṃ jammaṃ nekatikaṃ, asappurisacintakaṃ;
这个多次思量的,非善士的思虑;
Hanantu sākhaṃ sattīhi, nāssa icchāmi jīvitaṃ.
让他们用刀砍树枝,我不希望他活命。
Khamatassa mahārāja, pāṇā na paṭiānayā ;
大王,请宽恕,不要取他的命;
Khama deva asappurisassa, nāssa icchāmahaṃ vadhaṃ.
天人啊!请宽恕非善士,我不希望他被杀。
Nigrodhameva seveyya, na sākhamupasaṃvase;
应当依止尼拘律树,不应住于树枝;
Nigrodhasmiṃ mataṃ seyyo, yañce sākhasmi jīvitanti.
死于尼拘律树下更好,胜过活在树枝上。
Nigrodhajātakaṃ sattamaṃ. · 尼哥罗达本生第七
446. Takkalajātakaṃ (8)
446. 搭咖喇本生(8)
Na takkalā santi na āluvāni , na biḷāliyo na kaḷambāni tāta;
亲爱的!没有搭咖喇,没有阿卢瓦,没有猫,没有咖喇巴;
Eko araññamhi susānamajjhe, kimatthiko tāta khaṇāsi kāsuṃ.
独自在林中、墓地之中,亲爱的!你为何目的挖掘坑穴?
Pitāmaho tāta sudubbalo te, anekabyādhīhi dukhena phuṭṭho;
亲爱的!你的祖父极其衰弱,被众多疾病、痛苦所触;
Tamajjahaṃ nikhaṇissāmi sobbhe, na hissa taṃ jīvitaṃ rocayāmi.
今天我将把他埋在坑中,我不喜欢他的生命。
Saṅkappametaṃ paṭiladdha pāpakaṃ, accāhitaṃ kamma karosi luddaṃ;
你已获得此恶的意图，你正在做不利的、残忍的业；
Mayāpi tāta paṭilacchase tuvaṃ, etādisaṃ kamma jarūpanīto;
亲爱的，你也将从我这里获得，这样的业已被带到老年；
Taṃ kullavattaṃ anuvattamāno, ahampi taṃ nikhaṇissāmi sobbhe.
遵循那家族的习俗，我也将把你埋在坑里。
Pharusāhi vācāhi pakubbamāno, āsajja maṃ tvaṃ vadase kumāra;
以粗恶语对待，你冒犯我而说，年轻人；
Putto mamaṃ orasako samāno, ahitānukampī mama tvaṃsi putta.
作为我的亲生儿子，你对我不利而怜悯，我的儿子。
Na tāhaṃ tāta ahitānukampī, hitānukampī te ahampi tāta;
亲爱的，我不是对你不利而怜悯，亲爱的，我是对你有利而怜悯；
Pāpañca taṃ kamma pakubbamānaṃ, arahāmi no vārayituṃ tato.
你正在做那恶业，我应该从那里阻止你。
Yo mātaraṃ vā pitaraṃ saviṭṭha , adūsake hiṃsati pāpadhammo;
凡是恶法者，对无过失的母亲或父亲施加伤害；
Kāyassa bhedā abhisamparāyaṃ, asaṃsayaṃ so nirayaṃ upeti .
身坏命终之后，他无疑地前往地狱。
Yo mātaraṃ vā pitaraṃ saviṭṭha, annena pānena upaṭṭhahāti;
凡以食物与饮料须跋母亲或父亲者，
Kāyassa bhedā abhisamparāyaṃ, asaṃsayaṃ so sugatiṃ upeti.
身坏命终之后，他无疑地前往善趣。
Na me tvaṃ putta ahitānukampī, hitānukampī me tvaṃsi putta;
儿子啊！你对我不是怜悯利益者，儿子啊！你是怜悯利益者；
Ahañca taṃ mātarā vuccamāno, etādisaṃ kamma karomi luddaṃ.
而我被称为母亲，却造作如此残酷的业。
Yā te sā bhariyā anariyarūpā, mātā mamesā sakiyā janetti;
你那位妻子是非圣者之相，这位是我的母亲，是释迦族的生母；
Niddhāpaye tañca sakā agārā, aññampi te sā dukhamāvaheyya.
应将她从自己的家中驱逐出去，她也会给你带来其他的痛苦。
Yā te sā bhariyā anariyarūpā, mātā mamesā sakiyā janetti;
你那位妻子是非圣者之相，这位是我的母亲，是释迦族的生母；
Dantā kareṇūva vasūpanītā, sā pāpadhammā punarāvajātūti.
如已驯服的象王带来财富，她是恶法者，不再回来。
Takkalajātakaṃ aṭṭhamaṃ. · 答咖喇本生第八
447. Mahādhammapālajātakaṃ (9)
447. 大法护本生（9）
Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
你的戒行是什么？你的梵行又是什么？这是善行何者的果报？婆罗门，请告诉我这个意义，为何你们年轻时不死？
Akkhāhi me brāhmaṇa etamatthaṃ, kasmā nu tumhaṃ daharā na miyyare .
婆罗门，请告诉我这个意义，为何你们年轻时不死？
Dhammaṃ carāma na musā bhaṇāma, pāpāni kammāni parivajjayāma ;
我们行法，不说妄语，避免诸恶业；
Anariyaṃ parivajjemu sabbaṃ, tasmā hi amhaṃ daharā na miyyare.
我们避免一切非圣者之行，因此我们年轻时不死。
Suṇoma dhammaṃ asataṃ satañca, na cāpi dhammaṃ asataṃ rocayāma;
我们听闻善人与非善人之法，但我们不喜欢非善人之法；
Hitvā asante na jahāma sante, tasmā hi amhaṃ daharā na miyyare.
舍弃非善者，不舍弃善者，因此我们年轻时不死。
Pubbeva dānā sumanā bhavāma, dadampi ve attamanā bhavāma;
在布施之前我们就欢喜，布施时我们也心满意足，
Datvāpi ve nānutappāma pacchā, tasmā hi amhaṃ daharā na miyyare.
布施之后我们也不后悔，因此我们年轻时不会死。
Samaṇe mayaṃ brāhmaṇe addhike ca, vanibbake yācanake dalidde;
对沙门、婆罗门、旅行者、乞食者、贫穷者，
Annena pānena abhitappayāma, tasmā hi amhaṃ daharā na miyyare.
我们以食物、饮料使他们满足，因此我们年轻时不会死。
Mayañca bhariyaṃ nātikkamāma, amhe ca bhariyā nātikkamanti;
我们不越过妻子，妻子们也不越过我们，
Aññatra tāhi brahmacariyaṃ carāma, tasmā hi amhaṃ daharā na miyyare.
除了她们之外我们行梵行，因此我们年轻时不会死。
Pāṇātipātā viramāma sabbe, loke adinnaṃ parivajjayāma;
我们全都远离杀生，避免世间的不与取，
Amajjapā nopi musā bhaṇāma, tasmā hi amhaṃ daharā na miyyare.
不饮酒也不说妄语，因此我们年轻时不会死。
Etāsu ve jāyare suttamāsu, medhāvino honti pahūtapaññā;
于这些生于善家者中，智者们具有广大的慧；
Bahussutā vedaguno ca honti, tasmā hi amhaṃ daharā na miyyare.
他们多闻、具吠陀德，因此我们的幼者不会死。
Mātā pitā ca bhaginī bhātaro ca, puttā ca dārā ca mayañca sabbe;
母亲、父亲、姊妹、兄弟，以及儿子、妻子和我们全体；
Dhammaṃ carāma paralokahetu, tasmā hi amhaṃ daharā na miyyare.
为了来世之故而行法，因此我们的幼者不会死。
Dāsā ca dāsyo anujīvino ca, paricārakā kammakarā ca sabbe;
男仆、女仆、依附者，以及侍者、工作者全体；
Dhammaṃ caranti paralokahetu, tasmā hi amhaṃ daharā na miyyare.
为了来世之故而行法，因此我们的幼者不会死。
Dhammo have rakkhati dhammacāriṃ, dhammo suciṇṇo sukhamāvahāti;
法确实保护行法者，善行之法带来安乐；
Esānisaṃso dhamme suciṇṇe, na duggatiṃ gacchati dhammacārī.
这是善行法的利益，行法者不会去恶趣。
Dhammo have rakkhati dhammacāriṃ, chattaṃ mahantaṃ viya vassakāle;
法确实保护行法者，如同雨季时的大伞；
Dhammena gutto mama dhammapālo, aññassa aṭṭhīni sukhī kumāroti.
以法守护的我的法护者，愿你骨骼健全，快乐，孩子。
Mahādhammapālajātakaṃ navamaṃ. · 玛哈达摩巴喇本生第九
448. Kukkuṭajātakaṃ (10)
448. 鸡本生（10）
Nāsmase katapāpamhi, nāsmase alikavādine;
我们不赞叹作恶者，我们不赞叹说谎者；
Nāsmase attatthapaññamhi, atisantepi nāsmase.
我们不赞叹只知自利者，即使极为平静者我们也不赞叹。
Bhavanti heke purisā, gopipāsikajātikā ;
有些人确实存在，他们生性如牛饮者；
Ghasanti maññe mittāni, vācāya na ca kammunā.
我想他们吞食朋友，以言语而非以行为。
Sukkhañjalipaggahitā, vācāya paliguṇṭhitā;
双手合掌干枯，以言语缠绕；
Manussapheggū nāsīde, yasmiṃ natthi kataññutā.
不应坐于人群之泡沫中,于彼处无感恩之心。
Na hi aññaññacittānaṃ, itthīnaṃ purisāna vā;
确实,对于心意相异者,无论是女人或男人;
Nānāvikatvā saṃsaggaṃ, tādisampi ca nāsmase .
变化多端地交往,我们也不是那样的。
Anariyakammamokkantaṃ , athetaṃ sabbaghātinaṃ;
已陷入非圣之业,那是一切杀害者的;
Nisitaṃva paṭicchannaṃ, tādisampi ca nāsmase.
如隐藏的利刃,我们也不是那样的。
Mittarūpenidhekacce, sākhalyena acetasā;
某些人以友善之相,以无心的狡诈;
Vividhehi upāyanti, tādisampi ca nāsmase.
以种种方便接近,我们也不是那样的。
Āmisaṃ vā dhanaṃ vāpi, yattha passati tādiso;
或是利养或是财富,那样的人在何处见到;
Dubbhiṃ karoti dummedho, tañca hantvāna gacchati.
愚痴者造作恶业,杀害那(恶业)之后而去。
Mittarūpena bahavo, channā sevanti sattavo;
许多以友相示现者,隐藏而须跋敌人;
Jahe kāpurise hete, kukkuṭo viya senakaṃ.
应舍弃这些恶人,如公鸡(舍弃)芥子。
Yo ca uppatitaṃ atthaṃ, na khippamanubujjhati;
凡对已生起之利益,不能迅速理解者;
Amittavasamanveti, pacchā ca anutappati.
他落入敌人之控制,之后又追悔。
Yo ca uppatitaṃ atthaṃ, khippameva nibodhati;
凡对已生起之利益,能迅速理解者;
Muccate sattusambādhā, kukkuṭo viya senakā;
他从敌人之束缚中解脱,如公鸡(脱离)芥子;
Taṃ tādisaṃ kūṭamivoḍḍitaṃ vane, adhammikaṃ niccavidhaṃsakārinaṃ;
那样的如林中被举起的尖桩,非法的、常作破坏者;
Ārā vivajjeyya naro vicakkhaṇo, senaṃ yathā kukkuṭo vaṃsakānaneti.
有智慧的人应当远离箭，如同鸡远离竹林。
Kukkuṭajātakaṃ dasamaṃ. · 咖咖德本生第十
449. Maṭṭhakuṇḍalījātakaṃ (11)
449. 马塔库达利本生（11）
Alaṅkato maṭṭhakuṇḍalī , māladhārī haricandanussado;
装饰着马塔库达利，戴着花鬘，涂着黄旃檀；
Bāhā paggayha kandasi, vanamajjhe kiṃ dukkhito tuvaṃ.
举起双臂而哭泣，你在林中为何如此痛苦？
Sovaṇṇamayo pabhassaro, uppanno rathapañjaro mama;
我的金制的、光辉的车架已生起；
Tassa cakkayugaṃ na vindāmi, tena dukkhena jahāmi jīvitaṃ.
我找不到它的一对轮子，因此痛苦而舍弃生命。
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
金制的、宝石制的，铁制的或银制的；
Pāvada rathaṃ karissāmi te , cakkayugaṃ paṭipādayāmi taṃ.
我将为你造车，我将给你那一对轮子。
So māṇavo tassa pāvadi, candimasūriyā ubhayettha bhātaro ;
那位学童向他说:「月亮和太阳,两者都是我的兄弟;
Sovaṇṇamayo ratho mama, tena cakkayugena sobhati.
我有金色的车,以那对轮子庄严。」
Bālo kho tvaṃsi māṇava, yo tvaṃ patthayase apatthiyaṃ;
「学童啊,你真是愚痴,你祈求不应祈求之事;
Maññāmi tuvaṃ marissasi, na hi tvaṃ lacchasi candasūriye.
我认为你将死去,你确实得不到月亮和太阳。」
Gamanāgamanampi dissati, vaṇṇadhātu ubhayettha vīthiyo;
「来去也可见,色界两者都是道路;
Peto pana neva dissati, ko nu kho kandataṃ bālyataro.
但饿鬼却不可见,谁比坎达塔更愚痴呢?」
Saccaṃ kho vadesi māṇava, ahameva kandataṃ bālyataro;
「学童啊,你说的是真实,我确实比坎达塔更愚痴;
Candaṃ viya dārako rudaṃ, petaṃ kālakatābhipatthaye.
如同小孩哭泣着月亮,我祈求已死去的饿鬼。」
Ādittaṃ vata maṃ santaṃ, ghatasittaṃva pāvakaṃ;
我确实燃烧着，如同被火焰烧着的酥油，
Vārinā viya osiñcaṃ, sabbaṃ nibbāpaye daraṃ.
如同用水浇灌，我熄灭了一切恐惧。
Abbahī vata me sallaṃ, yamāsi hadayassitaṃ ;
我确实拔除了箭，那支扎在心中的箭；
Yo me sokaparetassa, puttasokaṃ apānudi.
它驱除了我这个被忧愁所困者的子忧。
Sohaṃ abbūḷhasallosmi, vītasoko anāvilo;
我已拔除箭，离忧、无浊；
Na socāmi na rodāmi, tava sutvāna māṇavāti.
听了你的话后，学童，我不忧愁、不哭泣。
Maṭṭhakuṇḍalījātakaṃ ekādasamaṃ. · 玛踏昆达利本生第十一
450. Bilārakosiyajātakaṃ (12)
450. 比喇拉果西亚本生(12)
Apacantāpi dicchanti, santo laddhāna bhojanaṃ;
即使在烹煮时也看得见，善人们得到食物；
Kimeva tvaṃ pacamāno, yaṃ na dajjā na taṃ samaṃ.
你烹煮什么,却不布施,那不平等。
Maccherā ca pamādā ca, evaṃ dānaṃ na diyyati;
由于悭吝与放逸,如此不行布施;
Puññaṃ ākaṅkhamānena, deyyaṃ hoti vijānatā.
希求功德者,应以了知而布施。
Yasseva bhīto na dadāti maccharī, tadevādadato bhayaṃ;
悭吝者因恐惧而不布施之事,正是不施者的恐惧;
Jighacchā ca pipāsā ca, yassa bhāyati maccharī;
饥与渴,悭吝者所恐惧的,
Tameva bālaṃ phusati, asmiṃ loke paramhi ca.
正是那些触恼愚者,于此世与他世。
Tasmā vineyya maccheraṃ, dajjā dānaṃ malābhibhū;
因此,调伏悭吝,克服垢染者应行布施;
Puññāni paralokasmiṃ, patiṭṭhā honti pāṇinaṃ.
诸功德于他世,是有情众生的依处。
Duddadaṃ dadamānānaṃ, dukkaraṃ kamma kubbataṃ;
难施者能施,难行者行业;
Asanto nānukubbanti, sataṃ dhammo durannayo.
非善者不行,善者之法难随行。
Tasmā satañca asataṃ , nānā hoti ito gati;
因此善者与非善者,从此处往趣各异;
Asanto nirayaṃ yanti, santo saggaparāyanā.
非善者去地狱,善者以天界为归依处。
Appasmeke pavecchanti, bahuneke na dicchare;
少数人以少施,多数人不施多;
Appasmā dakkhiṇā dinnā, sahassena samaṃ mitā.
以少施之布施,等同千倍来衡量。
Dhammaṃ care yopi samuñchakaṃ care, dārañca posaṃ dadamappakasmiṃ ;
行法者即使行拾穗者之行,以少施养妻子;
Sataṃ sahassānaṃ sahassayāginaṃ, kalampi nāgghanti tathāvidhassa te.
百千施千供者,不及如是行者之十六分之一。
Kenesa yañño vipulo mahagghato , samena dinnassa na agghameti;
以何祭祀广大而价值高，不值平等所施之价；
Kathaṃ sataṃ sahassānaṃ sahassayāginaṃ, kalampi nāgghanti tathāvidhassa te.
如何百千之千祭者，不值如此之人的一分。
Dadanti heke visame niviṭṭhā, chetvā vadhitvā atha socayitvā;
有些人住于不平等而施，砍伐、杀害、然后使人悲泣；
Sā dakkhiṇā assumukhā sadaṇḍā, samena dinnassa na agghameti;
那布施带着泪脸、有杖罚，不值平等所施之价；
Evaṃ sataṃ sahassānaṃ sahassayāginaṃ, kalampi nāgghanti tathāvidhassa teti.
如此百千之千祭者，不值如此之人的一分。
Bilārakosiyajātakaṃ dvādasamaṃ. · 比喇拉国西亚本生第十二
451. Cakkavākajātakaṃ (13)
451. 赤鸭本生（13）
Vaṇṇavā abhirūposi, ghano sañjātarohito;
你有美色、容貌端正，浓密、羽毛已长成；
Cakkavāka surūposi, vippasannamukhindriyo.
赤鸭啊，你形貌美好，面容诸根清净。
Pāṭhīnaṃ pāvusaṃ macchaṃ, balajaṃ muñjarohitaṃ;
坐在恒河岸边，你如此享用食物——帕提那鱼、巴乌沙鱼、马吃鱼、巴喇佳鱼、蒙佳罗希答鱼。
Gaṅgāya tīre nisinno , evaṃ bhuñjasi bhojanaṃ.
坐在恒河岸边，你如此享用食物。
Na vāhametaṃ bhuñjāmi, jaṅgalānodakāni vā;
我不享用那些，也不享用森林的和水中的；
Aññatra sevālapaṇakā, etaṃ me samma bhojanaṃ.
除了水藻和嫩芽，朋友，这是我的食物。
Na vāhametaṃ saddahāmi, cakkavākassa bhojanaṃ;
我不相信那是赤鸭的食物；
Ahampi samma bhuñjāmi, gāme loṇiyateliyaṃ.
朋友，我也享用村中的盐和油。
Manussesu kataṃ bhattaṃ, suciṃ maṃsūpasecanaṃ;
人们所做的饭食，清净的、浇上肉汁的；
Na ca me tādiso vaṇṇo, cakkavāka yathā tuvaṃ.
但我没有像你那样的色泽，赤鸭啊。
Sampassaṃ attani veraṃ, hiṃsayaṃ mānusiṃ pajaṃ;
见到自己的怨敌，伤害人类众生；
Utrasto ghasasī bhīto, tena vaṇṇo tavediso.
你惊恐地吞食，恐惧，因此你的容色如此。
Sabbalokaviruddhosi, dhaṅka pāpena kammunā;
你与一切世间为敌，丹卡，以恶业；
Laddho piṇḍo na pīṇeti, tena vaṇṇo tavediso.
所得的食团不能满足，因此你的容色如此。
Ahampi samma bhuñjāmi, ahiṃsaṃ sabbapāṇinaṃ;
我也正确地食用，不伤害一切生类；
Appossukko nirāsaṅkī, asoko akutobhayo.
少事、无畏惧、无愁、无所畏。
So karassu ānubhāvaṃ, vītivattassu sīliyaṃ;
你应当显示威力，应当超越束缚；
Ahiṃsāya cara loke, piyo hohisi maṃmiva.
以不伤害而行于世间，你将如我一般可爱。
Yo na hanti na ghāteti, na jināti na jāpaye;
他不杀害、不令杀害,不战胜、不令战胜;
Mettaṃso sabbabhūtesu, veraṃ tassa na kenacīti.
对一切众生具慈爱,对任何人都无怨恨。
Cakkavākajātakaṃ terasamaṃ. · 咖咖瓦咖本生第十三
452. Bhūripaññajātakaṃ (14)
452. 广慧本生(14)
Saccaṃ kira tvaṃ api bhūripañña, yā tādisī sīri dhitī matī ca;
确实你也是广慧者,具有如此的吉祥、坚定与智慧;
Na tāyatebhāvavasūpanitaṃ, yo yavakaṃ bhuñjasi appasūpaṃ.
你不依赖那些带来存在之物,你食用少汤的大麦粥。
Sukhaṃ dukkhena paripācayanto, kālā kālaṃ vicinaṃ chandachanno;
以苦来成熟乐,时时寻求,为欲所覆;
Atthassa dvārāni avāpuranto, tenāhaṃ tussāmi yavodanena.
打开利益之门,因此我满足于大麦饭。
Kālañca ñatvā abhijīhanāya, mantehi atthaṃ paripācayitvā;
知时而以舌品尝,以思虑成熟利益;
Vijambhissaṃ sīhavijambhitāni, tāyiddhiyā dakkhasi maṃ punāpi.
我将打呵欠如狮子呵欠，以那神变力你将再次见到我。
Sukhīpi heke na karonti pāpaṃ, avaṇṇasaṃsaggabhayā puneke;
有些人虽然快乐也不作恶，又有些人因害怕恶名相应；
Pahū samāno vipulatthacintī, kiṃkāraṇā me na karosi dukkhaṃ.
有能力者思虑广大利益，以何因缘你不对我作苦？
Na paṇḍitā attasukhassa hetu, pāpāni kammāni samācaranti;
智者们不会为了自己的快乐之因，而行作诸恶业；
Dukkhena phuṭṭhā khalitāpi santā, chandā ca dosā na jahanti dhammaṃ.
被苦所触的寂静者虽然失足，也不舍弃欲与嗔的法。
Yena kenaci vaṇṇena, mudunā dāruṇena vā;
以任何方式，无论是柔和的或粗暴的；
Uddhare dīnamattānaṃ, pacchā dhammaṃ samācare.
应救拔卑劣的自己，之后行持法。
Yassa rukkhassa chāyāya, nisīdeyya sayeyya vā;
无论在何树的荫下，坐或卧；
Na tassa sākhaṃ bhañjeyya, mittadubbho hi pāpako.
不应折断他的树枝，对朋友恶劣者确实是恶的。
Yassāpi dhammaṃ puriso vijaññā, ye cassa kaṅkhaṃ vinayanti santo;
无论何人了知法，以及那些寂静者为他除去疑惑；
Taṃ hissa dīpañca parāyanañca, na tena mettiṃ jarayetha pañño.
他确实是他的岛屿与归依处，智者不应对他生起轻慢。
Alaso gihī kāmabhogī na sādhu, asaññato pabbajito na sādhu;
懒惰的在家人、欲乐享受者不善，无自制的出家者不善；
Rājā na sādhu anisammakārī, yo paṇḍito kodhano taṃ na sādhu.
国王不善若不审慎行事，智者若易怒者不善。
Nisamma khattiyo kayirā, nānisamma disampati;
刹帝利应审慎而行，不审慎则失败；
Nisammakārino rāja, yaso kitti ca vaḍḍhatīti.
审慎行事的国王，名声与荣誉增长。
Bhūripaññajātakaṃ cuddasamaṃ. · 普利般若本生第十四
453. Mahāmaṅgalajātakaṃ (15)
453. 大吉祥本生(15)
Kiṃsu naro jappamadhiccakāle, kaṃ vā vijjaṃ katamaṃ vā sutānaṃ;
在紧要关头,人应念诵什么?或者什么明咒?或者所闻中的哪一种?
So macco asmiñca paramhi loke, kathaṃ karo sotthānena gutto.
那死者在此世与彼世,如何行而得安稳守护?
Yassa devā pitaro ca sabbe, sarīsapā sabbabhūtāni cāpi;
凡对诸天、祖先以及一切爬虫类、一切众生,
Mettāya niccaṃ apacitāni honti, bhūtesu ve sotthānaṃ tadāhu.
以慈心常常恭敬者,他们说那是对众生的安稳。
Yo sabbalokassa nivātavutti, itthīpumānaṃ sahadārakānaṃ;
凡对一切世间行无害行者,对男女及其子女,
Khantā duruttānamappaṭikūlavādī, adhivāsanaṃ sotthānaṃ tadāhu.
忍耐恶言、说不违逆语者,他们说忍受是安稳。
Yo nāvajānāti sahāyamitte , sippena kulyāhi dhanena jaccā;
凡不轻蔑同伴朋友,不以技艺、家族、财富、出身,
Rucipañño atthakāle matīmā , sahāyesu ve sotthānaṃ tadāhu.
有智慧、在需要时有见识者,他们说那是对同伴的安稳。
Mittāni ve yassa bhavanti santo, saṃvissatthā avisaṃvādakassa;
凡是谁拥有善良的朋友们，对不欺诳者有信赖；
Na mittadubbhī saṃvibhāgī dhanena, mittesu ve sotthānaṃ tadāhu.
不疑友者，以财物分享，他们说在朋友中确实有安稳处。
Yassa bhariyā tulyavayā samaggā, anubbatā dhammakāmā pajātā ;
凡是谁的妻子年龄相当、和合，随顺、喜法、善生；
Koliniyā sīlavatī patibbatā, dāresu ve sotthānaṃ tadāhu.
如鸟之妻，具戒、贞顺，他们说在妻子中确实有安稳处。
Yassa rājā bhūtapati yasassī, jānāti soceyyaṃ parakkamañca;
凡是谁的国王，众生之主，有名声，知道纯洁与精进；
Advejjhatā suhadayaṃ mamanti, rājūsu ve sotthānaṃ tadāhu.
无嗔恚、善心，他们爱护，他们说在国王中确实有安稳处。
Annañca pānañca dadāti saddho, mālañca gandhañca vilepanañca;
有信者布施食物与饮料，花鬘、香与涂料；
Pasannacitto anumodamāno, saggesu ve sotthānaṃ tadāhu.
以净信心随喜，他们说在诸天中确实有安稳处。
Yamariyadhammena punanti vuddhā, ārādhitā samacariyāya santo;
诸长老以圣法净化,寂静者以正行而满足;
Bahussutā isayo sīlavanto, arahantamajjhe sotthānaṃ tadāhu.
多闻的仙人们,具戒者,他们说阿拉汉中间是安稳处。
Etāni kho sotthānāni loke, viññuppasatthāni sukhudrayāni ;
这些是世间的安稳处,为智者所赞叹,能生起安乐;
Tānīdha sevetha naro sapañño, na hi maṅgale kiñcanamatthi saccanti.
有慧者应在此亲近它们,因为在吉祥中确实没有任何真实。
Mahāmaṅgalajātakaṃ pannarasamaṃ. · 玛哈曼嘎喇本生第十五
454. Ghaṭapaṇḍitajātakaṃ (16)
454. 瓦塔贤者本生(16)
Uṭṭhehi kaṇha kiṃ sesi, ko attho supanena te;
起来吧,咖纳!你为何睡?睡眠对你有何用?
Yopi tuyhaṃ sako bhātā, hadayaṃ cakkhu ca dakkhiṇaṃ;
即使是你自己的兄弟,心脏、眼睛和右边;
Tassa vātā balīyanti, ghaṭo jappati kesava.
他的风变得强烈,瓦塔在呻吟,给沙瓦。
Tassa taṃ vacanaṃ sutvā, rohiṇeyyassa kesavo;
听到他的话语后,罗希内亚的凯沙瓦;
Taramānarūpo vuṭṭhāsi, bhātusokena aṭṭito.
以急速之相起身,被兄弟之悲所恼。
Kiṃ nu ummattarūpova, kevalaṃ dvārakaṃ imaṃ;
为何如疯狂之相,仅仅对这德瓦拉咖;
Saso sasoti lapasi, ko nu te sasamāhari.
你说「兔子、兔子」,谁给你带来了兔子。
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
金制的、宝石制的,铁制的或银制的;
Saṅkhasilāpavāḷamayaṃ, kārayissāmi te sasaṃ.
螺贝石珊瑚制的,我将为你造兔子。
Santi aññepi sasakā, araññe vanagocarā;
也有其他的兔子,在森林中游行于林野;
Tepi te ānayissāmi, kīdisaṃ sasamicchasi.
那些我也将为你带来,你想要什么样的兔子。
Na cāhamete icchāmi, ye sasā pathavissitā ;
我不想要这些,那些依地而住的兔子;
Candato sasamicchāmi, taṃ me ohara kesava.
我想要月中之兔,给我取下它吧,给沙瓦!
So nūna madhuraṃ ñāti, jīvitaṃ vijahissasi;
那么你必定知道甘甜的,你将舍弃生命;
Apatthiyaṃ yo patthayasi, candato sasamicchasi.
你欲求不可得之物,你想要月中之兔。
Evaṃ ce kaṇha jānāsi, yadaññamanusāsasi;
假如你如此知道,黑者啊,你教导他人什么;
Kasmā pure mataṃ puttaṃ, ajjāpi manusocasi.
为何你至今仍悲伤,先前死去的儿子。
Yaṃ na labbhā manussena, amanussena vā puna ;
人或非人,都无法得到的;
Jāto me mā marī putto, kuto labbhā alabbhiyaṃ.
「愿我已生之子莫死」,如何能得不可得之物。
Na mantā mūlabhesajjā, osadhehi dhanena vā;
黑者啊,不是以咒语、根本药草、药物或财富,
Sakkā ānayituṃ kaṇha, yaṃ petamanusocasi.
能够带回你所哀悼的已逝者。
Yassa etādisā assu, amaccā purisapaṇḍitā;
若有如此这般的大臣、智者,
Yathā nijjhāpaye ajja, ghaṭo purisapaṇḍito.
如今日智者伽他所教导的。
Ādittaṃ vata maṃ santaṃ, ghatasittaṃva pāvakaṃ;
他确实浇灭了我燃烧的、如被火焰烧灼的瓶子般的,
Vārinā viya osiñcaṃ, sabbaṃ nibbāpaye daraṃ.
如以水浇灌般,完全熄灭了一切怖畏。
Abbahī vata me sallaṃ, yamāsi hadayassitaṃ;
他确实拔除了我的箭,那支扎在心中的,
Yo me sokaparetassa, puttasokaṃ apānudi.
他驱除了我这被忧所困者的儿子之忧。
Sohaṃ abbūḷhasallosmi, vītasoko anāvilo;
我已拔除箭,无忧而清净;
Na socāmi na rodāmi, tava sutvāna māṇava .
学童,听闻你(的话)后,我不悲伤,不哭泣。
Evaṃ karonti sappaññā, ye honti anukampakā;
有慧者,那些具有悲悯者,如此行;
Nivattayanti sokamhā, ghaṭo jeṭṭhaṃva bhātaranti.
他们从悲伤中转回,如长兄(转回)瓦罐。
Ghaṭapaṇḍitajātakaṃ soḷasamaṃ. · 嘎德般地德本生第十六
Dasakanipātaṃ niṭṭhitaṃ. · 十集完
Tassuddānaṃ –
其摄颂──
Daḷha kaṇha dhanañjaya saṅkhavaro, raja sattaha kassa ca takkalinā;
坚固、黑、财护、螺声,王、七日、咖沙与答咖离那;
Dhammaṃ kukkuṭa kuṇḍali bhojanadā, cakkavāka subhūrisa sotthi ghaṭoti.
法、公鸡、昆荼离、施食,轮鹅、善人、吉祥、瓦罐。