1. Ratanacaṅkamanakaṇḍaṃ1. 宝石经行篇

165 段 · CSCD 巴利原典

Namo tassa bhagavato arahato sammāsambuddhassa · 礼敬彼世尊、阿拉汉、正自觉者

Khuddakanikāye · 小部

Buddhavaṃsapāḷi · 佛史部

Brahmā ca lokādhipatī sahampatī , katañjalī anadhivaraṃ ayācatha;

梵天与世间之主、娑婆主，合掌请求无上者：

‘‘Santīdha sattāpparajakkhajātikā, desehi dhammaṃ anukampimaṃ pajaṃ’’.

「此处有诸眼尘少垢者，请为怜悯众生而说法。」

Sampannavijjācaraṇassa tādino, jutindharassantimadehadhārino;

对于那位具足明行、如如不动、持光明身、持寂静身者，

Tathāgatassappaṭipuggalassa, uppajji kāruññatā sabbasatte.

对于那位如来、无与伦比者，对一切众生生起了悲悯。

‘‘Na hete jānanti sadevamānusā, buddho ayaṃ kīdisako naruttamo;

「诸天与人不知道，此佛、此人中至上者是何等样的；

Iddhibalaṃ paññābalañca kīdisaṃ, buddhabalaṃ lokahitassa kīdisaṃ.

神通力与慧力是何等样的，佛力对世间利益是何等样的。」

‘‘Na hete jānanti sadevamānusā, buddho ayaṃ edisako naruttamo;

「诸天与人不知道，此佛、此人中至上者是这等样的；

Iddhibalaṃ paññābalañca edisaṃ, buddhabalaṃ lokahitassa edisaṃ.

神通力与慧力是这等样的，佛力对世间利益是这等样的。」

‘‘Handāhaṃ dassayissāmi, buddhabalamanuttaraṃ;

「来吧!我将显示无上的佛力;我将使经行道出现在天空中,以宝珠装饰。」

Caṅkamaṃ māpayissāmi, nabhe ratanamaṇḍitaṃ’’.

地居的大王天众、三十三天、夜摩天、兜率天、化乐天;

Bhummā mahārājikā tāvatiṃsā, yāmā ca devā tusitā ca nimmitā;

他化自在天以及梵天众,欢喜地发出广大的声音。

Paranimmitā yepi ca brahmakāyikā, ānanditā vipulamakaṃsu ghosaṃ.

大地与诸天被照亮,广大的世间界无遮蔽;

Obhāsitā ca pathavī sadevakā, puthū ca lokantarikā asaṃvutā;

浓厚的黑暗当时被破除,见到稀有的神变。

Tamo ca tibbo vihato tadā ahu, disvāna accherakaṃ pāṭihīraṃ.

诸天、乾达婆、人、罗刹,生起殊胜广大的光辉;

Sadevagandhabbamanussarakkhase, ābhā uḷārā vipulā ajāyatha;

在此世、他世、两世,下方、上方、横向,遍布。

Imasmiṃ loke parasmiñcobhayasmiṃ , adho ca uddhaṃ tiriyañca vitthataṃ.

在此世与他世,在两世,在下、在上、在横向广大处。

Sattuttamo anadhivaro vināyako, satthā ahū devamanussapūjito;

最胜者、无上者、调御者，导师受天人礼敬；

Mahānubhāvo satapuññalakkhaṇo, dassesi accherakaṃ pāṭihīraṃ.

大威力者、具百福相者，显示了稀有的神变。

So yācito devavarena cakkhumā, atthaṃ samekkhitvā tadā naruttamo;

彼具眼者被天中之尊请求，彼时人中至上者观察义利；

Caṅkamaṃ māpayi lokanāyako, suniṭṭhitaṃ sabbaratananimmitaṃ.

世间导师令造经行处，善成就的、由一切宝所造的。

Iddhī ca ādesanānusāsanī, tipāṭihīre bhagavā vasī ahu;

神变、教诫、教导，世尊是三神变的自在者；

Caṅkamaṃ māpayi lokanāyako, suniṭṭhitaṃ sabbaratananimmitaṃ.

世间导师令造经行处，善成就的、由一切宝所造的。

Dasasahassīlokadhātuyā, sinerupabbatuttame;

在十千世界界，在须弥山王之顶；

Thambheva dassesi paṭipāṭiyā, caṅkame ratanāmaye.

如柱般依次显示，在宝所成的经行处。

Dasasahassī atikkamma, caṅkamaṃ māpayī jino;

胜者越过一万由旬,令造经行处;

Sabbasoṇṇamayā passe, caṅkame ratanāmaye.

在宝石所成的经行处,两侧全是金色。

Tulāsaṅghāṭānuvaggā , sovaṇṇaphalakatthatā;

依照天秤的横杆,铺设金板;

Vedikā sabbasovaṇṇā, dubhato passesu nimmitā.

栏楯全是金制,在两侧建造。

Maṇimuttāvālukākiṇṇā, nimmito ratanāmayo;

散布摩尼珠与珍珠砂,宝石所成;

Obhāseti disā sabbā, sataraṃsīva uggato.

照耀一切方向,如同升起的百光。

Tasmiṃ caṅkamane dhīro, dvattiṃsavaralakkhaṇo;

在那经行处,具三十二相的贤者;

Virocamāno sambuddho, caṅkame caṅkamī jino.

光辉灿烂的正觉者,胜者在经行处经行。

Dibbaṃ mandāravaṃ pupphaṃ, padumaṃ pārichattakaṃ;

天界的曼陀罗花、莲花、巴利恰答咖花;

Caṅkamane okiranti, sabbe devā samāgatā.

在经行处散落,所有天人聚集。

Passanti taṃ devasaṅghā, dasasahassī pamoditā;

天人众见到他,一万欢喜;

Namassamānā nipatanti, tuṭṭhahaṭṭhā pamoditā.

礼敬而俯伏,满足、欢喜、欣悦。

Tāvatiṃsā ca yāmā ca, tusitā cāpi devatā;

三十三天、夜摩天,以及兜率天人;

Nimmānaratino devā, ye devā vasavattino;

化乐天诸天,以及他化自在天;

Udaggacittā sumanā, passanti lokanāyakaṃ.

心意高扬、善意,见到世间导师。

Sadevagandhabbamanussarakkhasā, nāgā supaṇṇā atha vāpi kinnarā;

诸天、乾达婆、人、罗刹、龙、妙翅鸟,以及紧那罗;

Passanti taṃ lokahitānukampakaṃ, nabheva accuggatacandamaṇḍalaṃ.

他们见到那位怜悯世间利益者，犹如升起的满月轮。

Ābhassarā subhakiṇhā, vehapphalā akaniṭṭhā ca devatā;

光音天、遍净天、广果天及无烦天的天人们；

Susuddhasukkavatthavasanā, tiṭṭhanti pañjalīkatā.

穿着极清净洁白的衣服，合掌而立。

Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ;

他们撒下五色的花朵，混合着檀香粉的曼陀罗华；

Bhamenti celāni ca ambare tadā, ‘‘aho jino lokahitānukampako.

当时在空中挥动衣服，「啊！胜利者怜悯世间利益。

‘‘Tuvaṃ satthā ca ketū ca, dhajo yūpo ca pāṇinaṃ;

「你是有情的导师、旗帜、幢、柱；

Parāyano patiṭṭhā ca, dīpo ca dvipaduttamo .

是归依处、依止处，是两足中的最胜者、明灯。

‘‘Dasasahassīlokadhātuyā, devatāyo mahiddhikā;

「在十千世界界中，具大神通的天人们；

Parivāretvā namassanti, tuṭṭhahaṭṭhā pamoditā.

围绕后礼敬，满足、欢喜、喜悦。

‘‘Devatā devakaññā ca, pasannā tuṭṭhamānasā;

「天人与天女，净信、满足心；

Pañcavaṇṇikapupphehi, pūjayanti narāsabhaṃ.

以五色之花，供养人中牛。

‘‘Passanti taṃ devasaṅghā, pasannā tuṭṭhamānasā;

「诸天众见彼，净信、满足心；

Pañcavaṇṇikapupphehi, pūjayanti narāsabhaṃ.

以五色之花，供养人中牛。

‘‘Aho acchariyaṃ loke, abbhutaṃ lomahaṃsanaṃ;

「啊！世间稀有，未曾有、令毛竖立；

Na medisaṃ bhūtapubbaṃ, accheraṃ lomahaṃsanaṃ’’.

从未有如此，奇妙、令毛竖立」。

Sakasakamhi bhavane, nisīditvāna devatā;

诸天人坐于，各自之住处；

Hasanti tā mahāhasitaṃ, disvānaccherakaṃ nabhe.

见到天空中的稀有之事，他们大笑、大笑。

Ākāsaṭṭhā ca bhūmaṭṭhā, tiṇapanthanivāsino;

住于空中的与住于地上的，住于草丛道路的；

Katañjalī namassanti, tuṭṭhahaṭṭhā pamoditā.

合掌礼敬，满足、欢喜、喜悦。

Yepi dīghāyukā nāgā, puññavanto mahiddhikā;

那些长寿的龙，具福德的、大神通的；

Pamoditā namassanti, pūjayanti naruttamaṃ.

喜悦地礼敬，供养人中至上者。

Saṅgītiyo pavattenti, ambare anilañjase;

他们在虚空中、在无风处举行合诵；

Cammanaddhāni vādenti, disvānaccherakaṃ nabhe.

见到天空中的稀有之事，他们击打皮鼓。

Saṅkhā ca paṇavā ceva, athopi ḍiṇḍimā bahū;

螺贝与小鼓，以及许多大鼓；

Antalikkhasmiṃ vajjanti, disvānaccherakaṃ nabhe.

他们在空中鸣响,见到天空中的奇迹。

Abbhuto vata no ajja, uppajji lomahaṃsano;

今天对我们来说确实稀有,生起了身毛竖立;

Dhuvamatthasiddhiṃ labhāma, khaṇo no paṭipādito.

我们必定获得义利的成就,时机已给予我们。

Buddhoti tesaṃ sutvāna, pīti uppajji tāvade;

听到他们说「佛陀」,立即生起了喜悦;

Buddho buddhoti kathayantā, tiṭṭhanti pañjalīkatā.

说着「佛陀、佛陀」,他们合掌而立。

Hiṅkārā sādhukārā ca , ukkuṭṭhi sampahaṃsanaṃ ;

呼声、善哉声、欢呼声、欢喜声;

Pajā ca vividhā gagane, vattenti pañjalīkatā.

天空中各种众生,合掌而转。

Gāyanti seḷenti ca vādayanti ca, bhujāni pothenti ca naccayanti ca;

他们歌唱、呼喊、演奏,拍打手臂、跳舞;

Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ.

他们撒下五色之花,混合着栴檀粉末的曼陀罗花。

‘‘Yathā tuyhaṃ mahāvīra, pādesu cakkalakkhaṇaṃ;

「正如你,大雄,足上有轮相之标记;

Dhajavajirapaṭākā, vaḍḍhamānaṅkusācitaṃ.

幢、金刚杵、旗帜,增长、象钩所成就。

‘‘Rūpe sīle samādhimhi, paññāya ca asādiso;

「于色、戒、定中,以及于慧,无可比拟;

Vimuttiyā asamasamo, dhammacakkappavattane.

于解脱无与伦比,于转法轮。

‘‘Dasanāgabalaṃ kāye, tuyhaṃ pākatikaṃ balaṃ;

「十那伽之力在身中,你的自然之力;

Iddhibalena asamo, dhammacakkappavattane.

以神通力无可比拟,于转法轮。

‘‘Evaṃ sabbaguṇūpetaṃ, sabbaṅgasamupāgataṃ;

「如此具足一切德,具备一切支;」

Mahāmuniṃ kāruṇikaṃ, lokanāthaṃ namassatha.

礼敬大牟尼、具悲者、世间的保护者。

‘‘Abhivādanaṃ thomanañca, vandanañca pasaṃsanaṃ;

「敬礼与赞叹,礼拜与称赞;

Namassanañca pūjañca, sabbaṃ arahasī tuvaṃ.

礼敬与供养,一切你都应受。

‘‘Ye keci loke vandaneyyā, vandanaṃ arahanti ye;

「凡世间中应被礼敬者,凡应受礼敬者;

Sabbaseṭṭho mahāvīra, sadiso te na vijjati.

一切中最胜者、大雄,无有与你相等者。

‘‘Sāriputto mahāpañño, samādhijjhānakovido;

「沙利子具大慧,精通定与禅那;

Gijjhakūṭe ṭhitoyeva, passati lokanāyakaṃ.

站立于鹫峰,见到世间的导师。

‘‘Suphullaṃ sālarājaṃva, candaṃva gagane yathā;

「犹如盛开的沙罗王树,犹如天空中的月亮;

Majjhanhikeva sūriyaṃ, olokesi narāsabhaṃ.

在正午时分,他看见人中之牛、太阳。

‘‘Jalantaṃ dīparukkhaṃva, taruṇasūriyaṃva uggataṃ;

「犹如燃烧的灯树,犹如升起的年轻太阳;

Byāmappabhānurañjitaṃ, dhīraṃ passati lokanāyakaṃ.

以寻的光辉庄严,他看见贤者、世间导师。

‘‘Pañcannaṃ bhikkhusatānaṃ, katakiccāna tādinaṃ;

「五百位比库,已作所作者、如是者;

Khīṇāsavānaṃ vimalānaṃ, khaṇena sannipātayi.

漏尽者、清净者,在刹那间集合。

‘‘Lokappasādanaṃ nāma, pāṭihīraṃ nidassayi;

「名为『世间净信』的神变,他显示了;

Amhepi tattha gantvāna, vandissāma mayaṃ jinaṃ.

我们也前往那里,我们将礼敬胜利者。

‘‘Etha sabbe gamissāma, pucchissāma mayaṃ jinaṃ;

「来吧,我们全部都去,我们将询问胜利者;」

Kaṅkhaṃ vinodayissāma, passitvā lokanāyakaṃ’’.

我们将去除疑惑,见到世间的导师。

Sādhūti te paṭissutvā, nipakā saṃvutindriyā;

他们答应「善哉」后,善巧、诸根防护,

Pattacīvaramādāya, taramānā upāgamuṃ.

拿着钵与衣,急速前往。

Khīṇāsavehi vimalehi, dantehi uttame dame;

与诸漏尽者、清净者、调御者、最上调御者,

Sāriputto mahāpañño, iddhiyā upasaṅkami.

大慧的沙利子,以神通力前来。

Tehi bhikkhūhi parivuto, sāriputto mahāgaṇī;

被那些比库围绕,大众的沙利子,

Laḷanto devova gagane, iddhiyā upasaṅkami.

如天人在空中飞翔,以神通力前来。

Ukkāsitañca khipitaṃ , ajjhupekkhiya subbatā;

善戒者忍受了咳出与吐出,

Sagāravā sappatissā, sambuddhaṃ upasaṅkamuṃ.

他们恭敬、尊重地前往正等正觉者。

Upasaṅkamitvā passanti, sayambhuṃ lokanāyakaṃ;

前往后,他们见到自觉者、世间导师;

Nabhe accuggataṃ dhīraṃ, candaṃva gagane yathā.

见到那位贤者升至空中,犹如天空中的月亮。

Jalantaṃ dīparukkhaṃva, vijjuṃva gagane yathā;

犹如燃烧的灯树,犹如天空中的闪电;

Majjhanhikeva sūriyaṃ, passanti lokanāyakaṃ.

犹如正午的太阳,他们见到世间导师。

Pañcabhikkhusatā sabbe, passanti lokanāyakaṃ;

五百位比库全部见到世间导师;

Rahadamiva vippasannaṃ, suphullaṃ padumaṃ yathā.

犹如清澈的湖泊,犹如盛开的莲花。

Añjaliṃ paggahetvāna, tuṭṭhahaṭṭhā pamoditā;

合掌后,满足、欢喜、愉悦;

Namassamānā nipatanti, satthuno cakkalakkhaṇe.

礼敬者们俯伏于导师的轮相足。

Sāriputto mahāpañño, koraṇḍasamasādiso;

沙利子具大慧,如同珊瑚树;

Samādhijjhānakusalo, vandate lokanāyakaṃ.

善巧于定与禅那,礼敬世间导师。

Gajjitā kālameghova, nīluppalasamasādiso;

如时节云之雷鸣,如同青莲花;

Iddhibalena asamo, moggallāno mahiddhiko.

神通力无与伦比,摩嘎剌那具大神通。

Mahākassapopi ca thero, uttattakanakasannibho;

大咖沙巴长老,犹如纯金之色;

Dhutaguṇe agganikkhitto, thomito satthuvaṇṇito.

于头陀功德被置于第一,被导师称赞、赞叹。

Dibbacakkhūnaṃ yo aggo, anuruddho mahāgaṇī;

天眼第一者,阿奴卢塔大德;

Ñātiseṭṭho bhagavato, avidūreva tiṭṭhati.

世尊的亲族中最胜者,站立在不远处。

Āpattianāpattiyā , satekicchāya kovido;

于犯与不犯,以及有疑之事精通;

Vinaye agganikkhitto, upāli satthuvaṇṇito.

于律中被置于最上,受到导师赞叹的伍巴离。

Sukhumanipuṇatthapaṭividdho, kathikānaṃ pavaro gaṇī;

通达微细深奥之义,说法者中最胜的群首;

Isi mantāniyā putto, puṇṇo nāmāti vissuto.

仙人曼答尼的儿子,名为富那而闻名。

Etesaṃ cittamaññāya, opammakusalo muni;

了知他们的心,善于譬喻的牟尼;

Kaṅkhacchedo mahāvīro, kathesi attano guṇaṃ.

断疑的大雄,宣说自己的功德。

‘‘Cattāro te asaṅkheyyā, koṭi yesaṃ na nāyati;

「那四个无数劫,其劫数无法计算;」

Sattakāyo ca ākāso, cakkavāḷā canantakā;

七身与虚空,轮围世界与无边,

Buddhañāṇaṃ appameyyaṃ, na sakkā ete vijānituṃ.

佛智不可量,彼等不能了知。

‘‘Kimetaṃ acchariyaṃ loke, yaṃ me iddhivikubbanaṃ;

「世间此何稀有事,即我之神变显现;

Aññe bahū acchariyā, abbhutā lomahaṃsanā.

其他众多稀有事,未曾有令毛竖立。

‘‘Yadāhaṃ tusite kāye, santusito nāmahaṃ tadā;

「当我在兜率天身,彼时我名为善足;

Dasasahassī samāgamma, yācanti pañjalī mamaṃ.

万众聚集而前来,合掌向我恳请言:

‘‘‘Kālo kho te mahāvīra, uppajja mātukucchiyaṃ;

『大雄汝之时已至,当生于母胎之中;

Sadevakaṃ tārayanto, bujjhassu amataṃ padaṃ’.

救度含天之世间,觉悟不死之境地』。

‘‘Tusitā kāyā cavitvāna, yadā okkami kucchiyaṃ;

「从兜率天身死没后,当入于母胎时;

Dasasahassīlokadhātu, kampittha dharaṇī tadā.

十千世界界,大地于彼时震动。

‘‘Yadāhaṃ mātukucchito, sampajānova nikkhamiṃ;

「当我从母胎,以正知出生时;

Sādhukāraṃ pavattenti, dasasahassī pakampatha.

发出善哉声,十千世界震动。

‘‘Okkantiṃ me samo natthi, jātito abhinikkhame;

「我入胎时无与等者,从出生时;

Sambodhiyaṃ ahaṃ seṭṭho, dhammacakkappavattane.

我于正觉时最胜,于转法轮时。

‘‘Aho acchariyaṃ loke, buddhānaṃ guṇamahantatā;

「啊!世间稀有,诸佛功德之广大;

Dasasahassīlokadhātu, chappakāraṃ pakampatha;

十千世界界,以六种方式震动;」

Obhāso ca mahā āsi, accheraṃ lomahaṃsanaṃ’’.

有大光明，稀有、令人毛骨悚然。

Bhagavā tamhi samaye, lokajeṭṭho narāsabho;

世尊于彼时，世间最胜、人中之牛；

Sadevakaṃ dassayanto, iddhiyā caṅkamī jino.

胜利者以神变力行走，向包括天人的世间显示。

Caṅkame caṅkamantova, kathesi lokanāyako;

世间导师在行走处行走时说法；

Antarā na nivatteti, catuhatthe caṅkame yathā.

在四肘的行走处，中间不折返。

Sāriputto mahāpañño, samādhijjhānakovido;

沙利子大慧者，精通定与禅那；

Paññāya pāramippatto, pucchati lokanāyakaṃ.

已达慧之彼岸，请问世间导师。

‘‘Kīdiso te mahāvīra, abhinīhāro naruttama;

「大雄，人中至上者，你的胜解是怎样的；

Kamhi kāle tayā dhīra, patthitā bodhimuttamā.

智者,你在何时发愿最上菩提?

‘‘Dānaṃ sīlañca nekkhammaṃ, paññāvīriyañca kīdisaṃ;

布施、持戒、出离,慧与精进如何?

Khantisaccamadhiṭṭhānaṃ, mettupekkhā ca kīdisā.

忍辱、真实、决意,慈与舍如何?

‘‘Dasa pāramī tayā dhīra, kīdisī lokanāyaka;

智者,世间导师,你的十波罗蜜如何?

Kathaṃ upapāramī puṇṇā, paramatthapāramī kathaṃ’’.

如何圆满近波罗蜜,如何圆满最上义波罗蜜?

Tassa puṭṭho viyākāsi, karavīkamadhuragiro;

被问及此,他以咖喇维咖鸟般甜美的声音分别论,

Nibbāpayanto hadayaṃ, hāsayanto sadevakaṃ.

令心清凉,令诸天欢喜。

Atītabuddhānaṃ jinānaṃ desitaṃ, nikīlitaṃ buddhaparamparāgataṃ;

过去诸佛、诸胜者所教导的,从佛陀传承而来的,

Pubbenivāsānugatāya buddhiyā, pakāsayī lokahitaṃ sadevake.

以随顺宿住的智慧，他向包括天人的世间显示利益。

‘‘Pītipāmojjajananaṃ, sokasallavinodanaṃ;

「能生喜与悦，能除忧之箭；

Sabbasampattipaṭilābhaṃ, cittīkatvā suṇātha me.

能获得一切成就，作意后请听我说。

‘‘Madanimmadanaṃ sokanudaṃ, saṃsāraparimocanaṃ;

「能降伏骄慢、能驱除忧愁、能解脱轮回；

Sabbadukkhakkhayaṃ maggaṃ, sakkaccaṃ paṭipajjathā’’ti.

应恭敬地行于能灭尽一切苦的道。」

Ratanacaṅkamanakaṇḍo niṭṭhito. · 宝石经行篇完