35. Ekapadumiyavaggo35. 诶咖巴杜米亚品

137 段 · CSCD 巴利原典

1. Ekapadumiyattheraapadānaṃ1. 诶咖巴杜米亚长老譬喻

‘‘Padumuttaro nāma jino, sabbadhammāna pāragū;

「名为巴度穆答拉的胜者,已到达一切法的彼岸;

Bhavābhave vibhāvento, tāresi janataṃ bahuṃ.

在有有中显示,度脱了众多的人群。

‘‘Haṃsarājā tadā homi, dijānaṃ pavaro ahaṃ;

「那时我是鹅王,我是鸟类中的最胜者;

Jātassaraṃ samogayha, kīḷāmi haṃsakīḷitaṃ.

获得宿住随念,我游戏鹅的游戏。

‘‘Padumuttaro lokavidū, āhutīnaṃ paṭiggaho;

「巴度穆答拉是世间解,是供养的受者;

Jātassarassa upari, āgacchi tāvade jino.

那位胜者来到宿住随念之上。

‘‘Disvānahaṃ devadevaṃ, sayambhuṃ lokanāyakaṃ;

「见到那位天中之天,自觉者、世间的导师;

Vaṇṭe chetvāna padumaṃ, satapattaṃ manoramaṃ.

我从茎切下莲花,百瓣的、悦意的。

‘‘Mukhatuṇḍena paggayha, pasanno lokanāyake ;

「以口鼻捧起,对世间导师充满净信;

Ukkhipitvāna gagaṇe , buddhaseṭṭhaṃ apūjayiṃ.

举向空中,我供养最胜佛。

‘‘Padumuttaro lokavidū, āhutīnaṃ paṭiggaho;

「世间解莲华上者,应受供养者;

Antalikkhe ṭhito satthā, akā me anumodanaṃ.

导师住于虚空中,对我作随喜。

‘‘‘Iminā ekapadumena, cetanāpaṇidhīhi ca;

「『以此一朵莲华,以及思与愿;

Kappānaṃ satasahassaṃ, vinipātaṃ na gacchasi’.

十万劫中,你将不堕恶趣』。

‘‘Idaṃ vatvāna sambuddho, jalajuttamanāmako;

「说此之后,正等正觉者,名为水生最上者;

Mama kammaṃ pakittetvā, agamā yena patthitaṃ.

赞叹我的业后,前往所期望之处。

‘‘Satasahassito kappe, yaṃ kammamakariṃ tadā;

「在十万劫前，我当时所作的业；

Duggatiṃ nābhijānāmi, buddhapūjāyidaṃ phalaṃ.

我不知有恶趣，这是供养佛的果报。

‘‘Paṭisambhidā catasso, vimokkhāpi ca aṭṭhime;

「四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，已作佛陀的教诫。」

Itthaṃ sudaṃ āyasmā ekapadumiyo thero imā gāthāyo abhāsitthāti.

如是，据说具寿一莲华长老说了这些偈颂。

Ekapadumiyattherassāpadānaṃ paṭhamaṃ. · 诶咖巴杜米亚长老譬喻第一

2. Tīṇuppalamāliyattheraapadānaṃ2. 提努巴喇马利亚长老譬喻

‘‘Candabhāgānadītīre , ahosiṃ vānaro tadā;

「在强达巴嘎河岸边，我当时是一只猴子；

Addasaṃ virajaṃ buddhaṃ, nisinnaṃ pabbatantare.

我见到离尘的佛陀，坐在山间。

‘‘Obhāsentaṃ disā sabbā, sālarājaṃva phullitaṃ;

「照耀一切方向，犹如盛开的娑罗王树；

Lakkhaṇabyañjanūpetaṃ, disvā attamano ahuṃ.

见到具足相好者，我心欢喜。

‘‘Udaggacitto sumano, pītiyā haṭṭhamānaso;

心意高扬、善意、以喜悦而欢喜之心；

Tīṇi uppalapupphāni, matthake abhiropayiṃ.

三朵青莲花，我供奉于头顶。

‘‘Pupphāni abhiropetvā, vipassissa mahesino;

供奉花朵于维巴西大仙之后；

Sagāravo bhavitvāna , pakkāmiṃ uttarāmukho.

恭敬之后，我向北方离去。

‘‘Gacchanto paṭikuṭiko, vippasannena cetasā;

回去时，以清净之心；

Selantare patitvāna , pāpuṇiṃ jīvitakkhayaṃ.

堕落于山崖之间，我达到了命终。

‘‘Tena kammena sukatena, cetanāpaṇidhīhi ca;

以那善作之业，以及意愿与誓愿；

Jahitvā mānusaṃ dehaṃ , tāvatiṃsamagacchahaṃ.

舍弃人身后，我前往三十三天。

‘‘Satānaṃ tīṇikkhattuñca, devarajjaṃ akārayiṃ;

三百次，我作天王；

Satānaṃ pañcakkhattuñca, cakkavattī ahosahaṃ.

五百次，我成为转轮王。

‘‘Ekanavutito kappe, yaṃ pupphamabhipūjayiṃ;

自九十一劫以来，我以花供养，

Duggatiṃ nābhijānāmi, buddhapūjāyidaṃ phalaṃ.

我不知有恶趣，此是供养佛之果报。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作世尊的教诫。

Itthaṃ sudaṃ āyasmā tīṇuppalamāliyo thero imā gāthāyo abhāsitthāti.

如是，据说具寿提努巴喇马利长老说了这些偈颂。

Tīṇuppalamāliyattherassāpadānaṃ dutiyaṃ. · 提努巴喇马利亚长老譬喻第二

3. Dhajadāyakattheraapadānaṃ3. 达迦达亚咖长老譬喻

‘‘Tisso nāma ahu satthā, lokajeṭṭho narāsabho;

有三位名为提沙的导师，世间最胜者、人中之牛；

Tayopadhikkhaye disvā, dhajaṃ āropitaṃ mayā.

见三有的灭尽后,我竖立了幢旗。

‘‘Tena kammena sukatena, cetanāpaṇidhīhi ca;

以那善作的业,以及意愿的志向,

Jahitvā mānusaṃ dehaṃ, tāvatiṃsamagacchahaṃ.

舍弃人身后,我前往三十三天。

‘‘Satānaṃ tīṇikkhattuñca, devarajjaṃ akārayiṃ;

我作了一百次三次的天王,

Satānaṃ pañcakkhattuñca, cakkavattī ahosahaṃ.

我作了一百次五次的转轮王。

‘‘Padesarajjaṃ vipulaṃ, gaṇanāto asaṅkhiyaṃ;

广大的地方王权,从计算上无法计数,

Anubhomi sakaṃ kammaṃ, pubbe sukatamattano.

我享受自己的业,以前自己所善作的。

‘‘Dvenavute ito kappe, yaṃ kammamakariṃ tadā;

从此九十二劫以来,我当时所作的那业,

Duggatiṃ nābhijānāmi, dhajadānassidaṃ phalaṃ.

我不知道恶趣，这是施旗之果报。

‘‘Icchamāno cahaṃ ajja, sakānanaṃ sapabbataṃ;

「今日我如此希望，连同森林与山岳的萨咖；

Khomadussena chādeyyaṃ, tadā mayhaṃ kate phalaṃ.

我将以麻布覆盖，那时对我所作之果报。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā dhajadāyako thero imā gāthāyo abhāsitthāti.

如是，据说具寿施旗长老说了这些偈颂。

Dhajadāyakattherassāpadānaṃ tatiyaṃ. · 达迦达亚咖长老譬喻第三

4. Tikiṅkaṇipūjakattheraapadānaṃ4. 提金咖尼普迦咖长老譬喻

‘‘Himavantassāvidūre, bhūtagaṇo nāma pabbato;

「离喜马拉雅山不远，有名为布他咖那的山；

Tatthaddasaṃ paṃsukūlaṃ, dumaggamhi vilaggitaṃ.

在那里我看见尘堆衣，挂在险路上。

‘‘Tīṇi kiṅkaṇipupphāni, ocinitvānahaṃ tadā;

「采了三朵金卡尼花后，我当时；

Haṭṭho haṭṭhena cittena, paṃsukūlaṃ apūjayiṃ.

以欢喜的心欢喜地，我供养了尘堆衣。

‘‘Ekattiṃse ito kappe, yaṃ kammamakariṃ tadā;

从此三十一劫以前，我造作了那个业；

Duggatiṃ nābhijānāmi, tiṇṇaṃ pupphānidaṃ phalaṃ.

我不知有恶趣，这是三朵花的果报。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……（中略）……已作世尊的教诫。

Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.

如是，据说具寿提金咖尼普迦咖长老说了这些偈颂。

Tikiṅkaṇipūjakattherassāpadānaṃ catutthaṃ. · 提金咖尼普迦咖长老譬喻第四

5. Naḷāgārikattheraapadānaṃ5. 纳喇嘎利咖长老譬喻

‘‘Himavantassāvidūre , hārito nāma pabbato;

在喜马拉雅山不远处，有名为哈利答的山；

Sayambhū nārado nāma, rukkhamūle vasī tadā.

自生的名为那拉达，当时住在树下。

‘‘Naḷāgāraṃ karitvāna, tiṇena chādayiṃ ahaṃ;

造作了芦苇屋后，我以草覆盖它；

Caṅkamaṃ sodhayitvāna, sayambhussa adāsahaṃ.

清扫了经行处后,我供养了自觉者。

‘‘Catuddasasu kappesu, devaloke ramiṃ ahaṃ;

在十四劫中,我在天界享乐;

Catusattatikkhattuñca, devarajjaṃ akārayiṃ.

七十四次,我作了天王。

‘‘Catusattati kkhattuñca , cakkavattī ahosahaṃ;

七十四次,我成为转轮王;

Padesarajjaṃ vipulaṃ, gaṇanāto asaṅkhiyaṃ.

地方王权广大,从数量上无法计算。

‘‘Ubbiddhaṃ bhavanaṃ mayhaṃ, indalaṭṭhīva uggataṃ;

我的住所高耸,如因陀罗柱般竖立;

Sahassathambhaṃ atulaṃ, vimānaṃ sapabhassaraṃ.

千柱无比的宫殿,自身光明。

‘‘Dve sampattī anubhotvā, sukkamūlena codito;

享受了两种成就,由善根所驱使;

Gotamassa bhagavato, sāsane pabbajiṃ ahaṃ.

我于果德玛世尊的教法中出家。

‘‘Padhānapahitattomhi , upasanto nirūpadhi;

我精进努力,寂静无依,

Nāgova bandhanaṃ chetvā, viharāmi anāsavo.

如龙象断缚,我无漏而住。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作佛陀的教诫。

Itthaṃ sudaṃ āyasmā naḷāgāriko thero imā gāthāyo abhāsitthāti.

如是,据说具寿那喇嘎利咖长老说了这些偈颂。

Naḷāgārikattherassāpadānaṃ pañcamaṃ. · 纳喇嘎利咖长老譬喻第五

6. Campakapupphiyattheraapadānaṃ6. 占巴咖花长老譬喻

‘‘Himavantassāvidūre, jāpalo nāma pabbato;

离喜马拉雅山不远,有座名为贾巴喇的山,

Buddho sudassano nāma, vihāsi pabbatantare.

名为善见的佛陀,住在山间。

‘‘Pupphaṃ hemavantaṃ gayha, gacchaṃ vehāyasenahaṃ;

我手持金色花,从空中而去,

Addasaṃ virajaṃ buddhaṃ, oghatiṇṇamanāsavaṃ.

我见到了离尘的佛陀，已渡瀑流、无诸漏。

‘‘Satta campakapupphāni, sīse katvānahaṃ tadā;

当时我将七朵瞻波迦花，放在头上；

Buddhassa abhiropesiṃ, sayambhussa mahesino.

我供养了佛陀，自觉者、大仙人。

‘‘Ekattiṃse ito kappe, yaṃ pupphamabhiropayiṃ;

从此三十一劫以来，我供养了那些花；

Duggatiṃ nābhijānāmi, buddhapūjāyidaṃ phalaṃ.

我不知有恶趣，这是供养佛陀的果报。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作佛陀的教诫。

Itthaṃ sudaṃ āyasmā campakapupphiyo thero imā gāthāyo abhāsitthāti.

如是，据说具寿瞻波迦花长老说了这些偈颂。

Campakapupphiyattherassāpadānaṃ chaṭṭhaṃ. · 占巴咖花长老譬喻第六

7. Padumapūjakattheraapadānaṃ7. 巴度玛供养者长老譬喻

‘‘Himavantassāvidūre , romaso nāma pabbato;

在喜马拉雅山不远处，有一座名叫罗马沙的山；

Buddhopi sambhavo nāma, abbhokāse vasī tadā.

彼时,佛陀出现于世,名为桑巴瓦,住于露地。

‘‘Bhavanā nikkhamitvāna, padumaṃ dhārayiṃ ahaṃ;

「我从住处出来,持莲花。

Ekāhaṃ dhārayitvāna, puna bhavanupāgamiṃ.

持一日后,我再回到住处。

‘‘Ekanavutito kappe, yaṃ pupphamabhiropayiṃ;

「从九十一劫前,我供养那花,

Duggatiṃ nābhijānāmi, buddhapūjāyidaṃ phalaṃ.

我不知有恶趣,这是供佛之果。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……(中略)……已作世尊之教。」

Itthaṃ sudaṃ āyasmā padumapūjako thero imā gāthāyo abhāsitthāti.

如是,据说具寿巴度马普迦咖长老说了这些偈颂。

Padumapūjakattherassāpadānaṃ sattamaṃ. · 巴度玛供养者长老譬喻第七

Terasamaṃ bhāṇavāraṃ. · 第十三诵品

8. Tiṇamuṭṭhidāyakattheraapadānaṃ8. 提那木提施者长老譬喻

‘‘Himavantassāvidūre, lambako nāma pabbato;

「离喜马拉雅山不远,有名为兰巴咖之山;

Upatisso nāma sambuddho, abbhokāsamhi caṅkami.

名为伍巴提沙的正自觉者,在露地经行。

‘‘Migaluddo tadā āsiṃ, araññe kānane ahaṃ;

「我当时是猎鹿者,在林野森林中;

Disvāna taṃ devadevaṃ, sayambhuṃ aparājitaṃ.

见到那位天中天,自生者、无能胜者。

‘‘Vippasannena cittena, tadā tassa mahesino;

「以净信心,对那位大仙;

Nisīdanatthaṃ buddhassa, tiṇamuṭṭhimadāsahaṃ.

为了佛陀坐处,我供养了一把草。

‘‘Datvāna devadevassa, bhiyyo cittaṃ pasādayiṃ;

「供养天中天后,我更加净信心;

Sambuddhaṃ abhivādetvā, pakkāmiṃ uttarāmukho.

礼敬正自觉者后,我向北方离去。

‘‘Aciraṃ gatamattaṃ maṃ, migarājā apothayi ;

「我刚离去不久,鹿王就杀了我;」

Sīhena pothito santo, tattha kālaṅkato ahaṃ.

被狮子击打后,我在那里命终。

‘‘Āsanne me kataṃ kammaṃ, buddhaseṭṭhe anāsave;

「我对佛陀至上者、无漏者,在临近时造作了业;

Sumutto saravegova, devalokaṃ agañchahaṃ.

如箭从弓脱出般善解脱,我去到了天界。

‘‘Yūpo tattha subho āsi, puññakammābhinimmito;

「在那里有美好的柱子,由福业所化成;

Sahassakaṇḍo satabheṇḍu, dhajālu haritāmayo.

有千节、百幡,有旗帜,以翠绿宝石所成。

‘‘Pabhā niddhāvate tassa, sataraṃsīva uggato;

「光明从它流出,如升起的百光芒;

Ākiṇṇo devakaññāhi, āmodiṃ kāmakāmahaṃ.

充满天女们,我随欲享受欲乐。

‘‘Devalokā cavitvāna, sukkamūlena codito;

「从天界死没后,被善根所驱使;

Āgantvāna manussattaṃ, pattomhi āsavakkhayaṃ.

来到人界后，我已证得诸漏尽。

‘‘Catunnavutito kappe, nisīdanamadāsahaṃ;

从九十四劫以来，我曾布施座位；

Duggatiṃ nābhijānāmi, tiṇamuṭṭhiyidaṃ phalaṃ.

我不知有恶趣，此乃施草束之果报。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……乃至……已作世尊之教诫。

Itthaṃ sudaṃ āyasmā tiṇamuṭṭhidāyako thero imā gāthāyo abhāsitthāti.

如是，据说具寿提那目提达亚咖长老诵说了这些偈颂。

Tiṇamuṭṭhidāyakattherassāpadānaṃ aṭṭhamaṃ. · 提那木提施者长老譬喻第八

9. Tindukaphaladāyakattheraapadānaṃ9. 丁杜咖果施者长老譬喻

‘‘Kaṇikāraṃva jotantaṃ, nisinnaṃ pabbatantare;

如迦尼咖拉花般辉耀，坐于山间；

Addasaṃ virajaṃ buddhaṃ, oghatiṇṇamanāsavaṃ.

我见到离尘的佛陀，已渡瀑流、无诸漏。

‘‘Tindukaṃ saphalaṃ disvā, bhinditvāna sakosakaṃ ;

见到结满果实的提度咖树，连同果壳一起摘下；

Pasannacitto sumano, sayambhussa madāsahaṃ .

以净信心、喜悦心，我供养自觉者果实。

‘‘Ekanavutito kappe, yaṃ phalamadadiṃ tadā;

自从我供养果实以来，已经过了九十一劫；

Duggatiṃ nābhijānāmi, phaladānassidaṃ phalaṃ.

我不知有恶趣，这是供养果实的果报。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……（中略）……已作世尊的教诫。

Itthaṃ sudaṃ āyasmā tindukaphaladāyako thero imā gāthāyo abhāsitthāti.

如是，据说具寿丁杜咖果施者长老说了这些偈颂。

Tindukaphaladāyakattherassāpadānaṃ navamaṃ. · 丁杜咖果施者长老譬喻第九

10. Ekañjaliyattheraapadānaṃ10. 一合掌者长老譬喻

‘‘Romaso nāma sambuddho, nadīkūle vasī tadā;

名为罗马沙的正等正觉者，当时住在河岸边；

Addasaṃ virajaṃ buddhaṃ, pītaraṃsiṃva bhāṇumaṃ.

我见到离尘的佛陀，如同黄色光芒的太阳。

‘‘Ukkāmukhapahaṭṭhaṃva , khadiraṅgārasannibhaṃ;

如同火炬口所击打的，如同阿吒咖罗炭一般；

Osadhiṃva virocantaṃ, ekañjalimakāsahaṃ.

如药草般照耀，我合掌礼敬。

‘‘Catunnavutito kappe, yaṃ añjalimakāsahaṃ;

从九十四劫前，我合掌礼敬；

Duggatiṃ nābhijānāmi, añjaliyā idaṃ phalaṃ.

我不知有恶趣，这是合掌之果。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……乃至……已作世尊之教。

Itthaṃ sudaṃ āyasmā ekañjaliyo thero imā gāthāyo abhāsitthāti.

如是，据说具寿额甘加离长老诵说了这些偈颂。

Ekañjaliyattherassāpadānaṃ dasamaṃ. · 一合掌者长老譬喻第十

Ekapadumiyavaggo pañcatiṃsatimo. · 一莲花者品第三十五

Tassuddānaṃ –

其摄颂——

Padumī uppalamālī, dhajo kiṅkaṇikaṃ naḷaṃ ;

巴度米、优波喇玛利、旗、铃、芦苇；

Campako padumo muṭṭhi, tindukekañjalī tathā;

占巴咖、巴度摩、拳、亭度咖、额甘加离如是；

Cha ca saṭṭhi ca gāthāyo, gaṇitāyo vibhāvibhi.

六十六偈颂，由智者计算。