3. Subhūtivaggo3. 苏部帝品

396 段 · CSCD 巴利原典

1. Subhūtittheraapadānaṃ1. 苏部帝长老譬喻

‘‘Himavantassāvidūre , nisabho nāma pabbato;

「离喜马拉雅山不远,有一座名叫尼沙婆的山;

Assamo sukato mayhaṃ, paṇṇasālā sumāpitā.

我的住处善作,叶屋善建。

‘‘Kosiyo nāma nāmena, jaṭilo uggatāpano;

「名为果西亚,结发行者,修苦行者;

Ekākiyo adutiyo, vasāmi nisabhe tadā.

独一无伴,那时我住在尼沙婆。

‘‘Phalaṃ mūlañca paṇṇañca, na bhuñjāmi ahaṃ tadā;

「那时我不食果实、根与叶;

Pavattaṃva supātāhaṃ , upajīvāmi tāvade.

我仅以自然落下的食物维生。

‘‘Nāhaṃ kopemi ājīvaṃ, cajamānopi jīvitaṃ;

「我不为生计而恼怒,即使舍弃生命;

Ārādhemi sakaṃ cittaṃ, vivajjemi anesanaṃ.

我令自己的心满足,远离寻求。

‘‘Rāgūpasaṃhitaṃ cittaṃ, yadā uppajjate mama;

「当与贪相应的心在我心中生起时；

Sayaṃva paccavekkhāmi, ekaggo taṃ damemahaṃ.

我自己观察它，专一地调伏它。

‘‘‘Rajjase rajjanīye ca, dussanīye ca dussase;

「你对可染着之事染着，对可嗔恨之事嗔恨；

Muyhase mohanīye ca, nikkhamassu vanā tuvaṃ.

你对可痴迷之事痴迷，你应从林中出去。

‘‘‘Visuddhānaṃ ayaṃ vāso, nimmalānaṃ tapassinaṃ;

「这是清净者的住处，是无垢的修苦行者的住处；

Mā kho visuddhaṃ dūsesi, nikkhamassu vanā tuvaṃ.

你不要污染清净者，你应从林中出去。

‘‘‘Agāriko bhavitvāna, yadā puttaṃ , labhissasi;

「成为在家人之后，当你获得儿子时；

Ubhopi mā virādhesi, nikkhamassu vanā tuvaṃ.

你不要失去两者，你应从林中出去。」

‘‘‘Chavālātaṃ yathā kaṭṭhaṃ, na kvaci kiccakārakaṃ;

「如同尸薪之木,于任何处都无用处;

Neva gāme araññe vā, na hi taṃ kaṭṭhasammataṃ.

无论在村或在林,它不被认可为木柴。

‘‘‘Chavālātūpamo tvaṃsi, na gihī nāpi saññato;

「你如同尸薪,既非在家人也非自制者;

Ubhato muttako ajja, nikkhamassu vanā tuvaṃ.

今日两边皆失,你应从林中出去。

‘‘‘Siyā nu kho tava etaṃ, ko pajānāti te idaṃ;

「这对你可能如此,谁知道你这个;

Saddhādhuraṃ vahisi me, kosajjabahulāya ca.

你为我负信担,却多于懈怠。

‘‘‘Jigucchissanti taṃ viññū, asuciṃ nāgariko yathā;

「智者们将厌恶你,如城里人厌恶须跋;

Ākaḍḍhitvāna isayo, codayissanti taṃ sadā.

诸仙人拖拽你后,将常常驱逐你。

‘‘‘Taṃ viññū pavadissanti, samatikkantasāsanaṃ;

「诸智者将说你是越过教诫者；

Saṃvāsaṃ alabhanto hi, kathaṃ jīvihisi tuvaṃ.

不得共住，你将如何生活？

‘‘‘Tidhāpabhinnaṃ mātaṅgaṃ, kuñjaraṃ saṭṭhihāyanaṃ;

「三处破裂的象，六十岁的公象，

Balī nāgo upagantvā, yūthā nīharate gajaṃ.

有力的龙象前往，从象群带走大象。

‘‘‘Yūthā vinissaṭo santo, sukhaṃ sātaṃ na vindati;

「从象群离开的寂静者，不获得乐与喜悦；

Dukkhito vimano hoti, pajjhāyanto pavedhati.

他痛苦、意不悦，忧虑、战栗。

‘‘‘Tatheva jaṭilā tampi, nīharissanti dummatiṃ;

「如是，结发行者们也将驱逐那恶慧者；

Tehi tvaṃ nissaṭo santo, sukhaṃ sātaṃ na lacchasi.

被他们驱逐的你，将不得乐与喜悦。」

‘‘‘Divā vā yadi vā rattiṃ, sokasallasamappito;

「无论白天或夜晚，被忧箭所刺穿，

Ḍayhasi pariḷāhena, gajo yūthāva nissaṭo.

你被热恼所烧燃，如象离群而出走。

‘‘‘Jātarūpaṃ yathā kūṭaṃ, neva jhāyati katthaci;

「如同伪造的金子，无论何处都不发光；

Tathā sīlavihīno tvaṃ, na jhāyissasi katthaci.

如是你无戒而住，无论何处都不发光。

‘‘‘Agāraṃ vasamānopi, kathaṃ jīvihisi tuvaṃ;

「即使住在家中，你将如何生活？

Mattikaṃ pettikañcāpi, natthi te nihitaṃ dhanaṃ.

泥土和父亲的财产，你都没有积蓄的财富。

‘‘‘Sayaṃ kammaṃ karitvāna, gatte sedaṃ pamocayaṃ;

「自己作业之后，从身体流出汗水，

Evaṃ jīvihisi gehe, sādhu te taṃ na ruccati.

如此在家中生活，善哉！那对你不喜欢。」

‘‘‘Evāhaṃ tattha vāremi, saṃkilesagataṃ manaṃ;

「『我如此在那里制止染污状态的心;

Nānādhammakathaṃ katvā, pāpā cittaṃ nivārayiṃ’.

作了种种法谈之后,我阻止了恶心』。

‘‘Evaṃ me viharantassa, appamādavihārino;

「当我如此住,住于不放逸时;

Tiṃsavassasahassāni, vipine me atikkamuṃ.

三万年在森林中对我过去了。

‘‘Appamādarataṃ disvā, uttamatthaṃ gavesakaṃ;

「见到乐于不放逸者、寻求最上义者,

Padumuttarasambuddho, āgacchi mama santikaṃ.

巴度目答拉正自觉者来到我的面前。

‘‘Timbarūsakavaṇṇābho , appameyyo anūpamo;

「具有丁巴卢萨咖树色泽,无量的、无比的;

Rūpenāsadiso buddho, ākāse caṅkamī tadā.

色相无等的佛陀,当时在空中经行。

‘‘Suphullo sālarājāva, vijjūvabbhaghanantare;

「犹如盛开的娑罗树王,在闪电与雷云之间;

Ñāṇenāsadiso buddho, ākāse caṅkamī tadā.

佛陀以智无与伦比,彼时在空中经行。

‘‘Sīharājā vasambhīto ,

「犹如无畏的狮子王,

Gajarājāva dappito .

犹如骄傲的象王。

Lāsito byaggharājāva, ākāse caṅkamī tadā.

犹如威严的虎王,彼时在空中经行。

‘‘Siṅgīnikkhasavaṇṇābho, khadiraṅgārasannibho;

「光辉如纯金之色,如同紫檀木炭;

Maṇi yathā jotiraso, ākāse caṅkamī tadā.

犹如宝珠发光明,彼时在空中经行。

‘‘Visuddhakelāsanibho , puṇṇamāyeva candimā;

「犹如清净的凯拉萨山,如同满月之月光;

Majjhanhikeva sūriyo, ākāse caṅkamī tadā.

正午时分,太阳在空中行走。

‘‘Disvā nabhe caṅkamantaṃ, evaṃ cintesahaṃ tadā;

「看见在空中行走者,我当时如此思惟:」

‘Devo nu kho ayaṃ satto, udāhu manujo ayaṃ.

「这是天人还是有情,或者这是人?」

‘‘‘Na me suto vā diṭṭho vā, mahiyā ediso naro;

「我未曾听闻或见过,大地上有这样的人;」

Api mantapadaṃ atthi, ayaṃ satthā bhavissati’.

「是否有咒语之力,这位将成为导师。」

‘‘Evāhaṃ cintayitvāna, sakaṃ cittaṃ pasādayiṃ;

「我如此思惟后,使自己的心净信;」

Nānāpupphañca gandhañca, sannipātesahaṃ tadā.

「我当时集合种种花与香。」

‘‘Pupphāsanaṃ paññapetvā, sādhucittaṃ manoramaṃ;

「铺设花座后,以善心、悦意之心;」

Narasārathinaṃ aggaṃ, idaṃ vacanamabraviṃ.

我对人调御师中之最上者,说了此语。

‘‘‘Idaṃ me āsanaṃ vīra, paññattaṃ tavanucchavaṃ;

「勇士,这是我为你准备的座位,是你苦行的荣耀;

Hāsayanto mamaṃ cittaṃ, nisīda kusumāsane’.

愿能令我心欢喜,请坐于花座上」。

‘‘Nisīdi tattha bhagavā, asambhītova kesarī;

世尊如无畏的狮子,坐于那里;

Sattarattindivaṃ buddho, pavare kusumāsane.

佛陀在殊胜的花座上,住了七日夜。

‘‘Namassamāno aṭṭhāsiṃ, sattarattindivaṃ ahaṃ;

我礼敬而站立,七日夜;

Vuṭṭhahitvā samādhimhā, satthā loke anuttaro;

世间无上的导师,从定起来后;

Mama kammaṃ pakittento, idaṃ vacanamabravi.

赞叹我的业,说了此语。

‘‘‘Bhāvehi buddhānussatiṃ, bhāvanānamanuttaraṃ;

「你应修习佛随念,诸修习中无上者;

Imaṃ satiṃ bhāvayitvā, pūrayissasi mānasaṃ.

修习此念已,你将充满心。

‘‘‘Tiṃsakappasahassāni, devaloke ramissasi;

「三万劫千数,你将在天界欢乐;

Asītikkhattuṃ devindo, devarajjaṃ karissasi;

八十次为天帝,你将作天王;

Sahassakkhattuṃ cakkavattī, rājā raṭṭhe bhavissasi.

千次为转轮王,你将成为国中之王。

‘‘‘Padesarajjaṃ vipulaṃ, gaṇanāto asaṅkhiyaṃ;

「广大的地方王国,从数量上无法计算;

Anubhossasi taṃ sabbaṃ, buddhānussatiyā phalaṃ.

你将享受那一切,佛随念之果报。

‘‘‘Bhavābhave saṃsaranto, mahābhogaṃ labhissasi;

「在有有中轮回,你将获得大财富;

Bhoge te ūnatā natthi, buddhānussatiyā phalaṃ.

你的财富无所缺少，这是忆念佛的果报。

‘‘‘Kappasatasahassamhi, okkākakulasambhavo;

「在十万劫时，生于沃咖咖族；

Gotamo nāma gottena, satthā loke bhavissati.

名为果德玛，以族姓，将成为世间的导师。

‘‘‘Asītikoṭiṃ chaḍḍetvā, dāse kammakare bahū;

「舍弃八千万，众多奴仆与工人；

Gotamassa bhagavato, sāsane pabbajissasi.

在果德玛世尊的教法中，你将出家。

‘‘‘Ārādhayitvā sambuddhaṃ, gotamaṃ sakyapuṅgavaṃ;

「成就正自觉者，果德玛释迦族之牛王；

Subhūti nāma nāmena, hessati satthu sāvako.

以须菩提之名，将成为导师的弟子。

‘‘‘Bhikkhusaṅghe nisīditvā, dakkhiṇeyyaguṇamhi taṃ;

「坐于比库僧团中，在应供养德中，

Tathāraṇavihāre ca, dvīsu agge ṭhapessati’.

「在如是住处,他将安立二人为上首。」

‘‘Idaṃ vatvāna sambuddho, jalajuttamanāmako;

「如是说已,正等正觉者,名为水生者;

Nabhaṃ abbhuggamī vīro, haṃsarājāva ambare.

「英雄升上天空,如鹅王在虚空中。

‘‘Sāsito lokanāthena, namassitvā tathāgataṃ;

「被世间怙主教诫后,礼敬如来;

Sadā bhāvemi mudito, buddhānussatimuttamaṃ.

「我常欢喜地修习,最上的佛随念。

‘‘Tena kammena sukatena, cetanāpaṇidhīhi ca;

「以那善作之业,以及思与愿;

Jahitvā mānusaṃ dehaṃ, tāvatiṃsaṃ agacchahaṃ.

「舍弃人身后,我前往三十三天。

‘‘Asītikkhattuṃ devindo, devarajjamakārayiṃ;

「八十次作天帝,我行使天王权。

Sahassakkhattuṃ rājā ca, cakkavattī ahosahaṃ.

我曾千次成为王，转轮王。

‘‘Padesarajjaṃ vipulaṃ, gaṇanāto asaṅkhiyaṃ;

广大的地方王权，从计算上无法计数；

Anubhomi susampattiṃ, buddhānussatiyā phalaṃ.

我享受圆满成就，这是随念佛的果报。

‘‘Bhavābhave saṃsaranto, mahābhogaṃ labhāmahaṃ;

在有有中轮回时，我获得大财富；

Bhoge me ūnatā natthi, buddhānussatiyā phalaṃ.

我的财富无缺乏，这是随念佛的果报。

‘‘Satasahassito kappe, yaṃ kammamakariṃ tadā;

十万劫以来，我当时所作的业；

Duggatiṃ nābhijānāmi, buddhānussatiyā phalaṃ.

我不知有恶趣，这是随念佛的果报。

‘‘Paṭisambhidā catasso, vimokkhāpi ca aṭṭhime;

四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六通已作证，佛陀的教诫已完成。

Itthaṃ sudaṃ āyasmā subhūti thero imā gāthāyo abhāsitthāti.

如是，据说具寿苏菩提长老说了这些偈颂。

Subhūtittherassāpadānaṃ paṭhamaṃ. · 苏部帝长老譬喻第一

2. Upavānattheraapadānaṃ2. 伍巴瓦那长老譬喻

‘‘Padumuttaro nāma jino, sabbadhammāna pāragū;

名为巴度目答喇的胜者，一切法的到彼岸者；

Jalitvā aggikkhandhova, sambuddho parinibbuto.

如燃烧的火聚，正等正觉者般涅槃了。

‘‘Mahājanā samāgamma, pūjayitvā tathāgataṃ;

大众聚集，供养如来；

Citaṃ katvāna sukataṃ, sarīraṃ abhiropayuṃ.

造好火葬堆后，将遗体放上去。

‘‘Sarīrakiccaṃ katvāna, dhātuṃ tattha samānayuṃ;

完成遗体的事务后，在那里收集舍利；

Sadevamānusā sabbe, buddhathūpaṃ akaṃsu te.

所有天人，他们建造了佛塔。

‘‘Paṭhamā kañcanamayā, dutiyāsi maṇīmayā;

「第一层是金制的,第二层是宝石制的;

Tatiyā rūpiyamayā, catutthī phalikāmayā.

第三层是银制的,第四层是水晶制的。

‘‘Tathā pañcamiyā bhūmi , lohitaṅgamayā ahu;

「如是第五层的地,是红宝石制的;

Chaṭṭhā masāragallassa, sabbaratanamayūpari.

第六层是髓精华制的,上面是一切宝石制的。

‘‘Jaṅghā maṇimayā āsi, vedikā ratanamayā;

「腿是宝石制的,栏楯是宝石制的;

Sabbasoṇṇamayo thūpo, uddhaṃ yojanamuggato.

塔是全金制的,向上高达一由旬。

‘‘Devā tattha samāgantvā, ekato mantayuṃ tadā;

「诸天人在那里聚集,那时一起商议;

Mayampi thūpaṃ kassāma, lokanāthassa tādino.

我们也应礼敬塔,礼敬如是的世间导师。」

‘‘Dhātu āveṇikā natthi, sarīraṃ ekapiṇḍitaṃ;

「诸界并非各别,身体是一团聚;

Imamhi buddhathūpamhi, kassāma kañcukaṃ mayaṃ.

在此佛陀塔庙,我们耕耘外壳。

‘‘Devā sattahi ratnehi , aññaṃ vaḍḍhesu yojanaṃ;

「诸天以七宝,另增一由旬;

Thūpo dviyojanubbedho, timiraṃ byapahanti so.

塔高二由旬,它驱除黑暗。

‘‘Nāgā tattha samāgantvā, ekato mantayuṃ tadā;

「诸龙聚集于彼处,当时一起商议;

Manussā ceva devā ca, buddhathūpaṃ akaṃsu te.

人与天,他们建造佛陀塔。

‘‘Mā no pamattā assumha , appamattā sadevakā;

「我们不应放逸,与诸天一起不放逸;

Mayampi thūpaṃ kassāma, lokanāthassa tādino.

我们也耕耘塔庙,为彼如是世间怙主。

‘‘Indanīlaṃ mahānīlaṃ, atho jotirasaṃ maṇiṃ;

「因陀罗蓝宝石、大蓝宝石，以及发光的宝石；

Ekato sannipātetvā, buddhathūpaṃ achādayuṃ.

将它们集合在一起，覆盖了佛塔。

‘‘Sabbaṃ maṇimayaṃ āsi, tāvatā buddhacetiyaṃ;

「整个佛塔都是由宝石所成；

Tiyojanasamubbiddhaṃ , ālokakaraṇaṃ tadā.

高达三由旬，当时成为光明的制造者。

‘‘Garuḷā ca samāgantvā, ekato mantayuṃ tadā;

「金翅鸟们聚集在一起，当时共同商议；

Manussā devā nāgā ca, buddhathūpaṃ akaṃsu te.

人、天人、龙，他们建造了佛塔。

‘‘‘Mā no pamattā assumha, appamattā sadevakā;

「『我们不应放逸，与诸天一起不放逸；

Mayampi thūpaṃ kassāma, lokanāthassa tādino’.

我们也应为世间怙主、如彼者建造塔』。

‘‘Sabbaṃ maṇimayaṃ thūpaṃ, akaruṃ te ca kañcukaṃ ;

「他们将整座塔造成宝珠所成,也造了覆盖物;

Yojanaṃ tepi vaḍḍhesuṃ, āyataṃ buddhacetiyaṃ.

他们也增长了一由旬,佛塔变得广大。

‘‘Catuyojanamubbiddho, buddhathūpo virocati;

「佛塔高四由旬,光辉照耀;

Obhāseti disā sabbā, sataraṃsīva uggato.

照亮一切方向,如同升起的百光。

‘‘Kumbhaṇḍā ca samāgantvā, ekato mantayuṃ tadā;

「诸鸠槃荼聚集一处,当时商议;

Manussā ceva devā ca, nāgā ca garuḷā tathā.

人与天人,以及诸龙与金翅鸟。

Paccekaṃ buddhaseṭṭhassa, akaṃsu thūpamuttamaṃ.

各自为最胜佛,造了最上的塔。

‘‘‘Mā no pamattā assumha, appamattā sadevakā;

「『愿我们不要放逸,诸天人应不放逸;」

Mayampi thūpaṃ kassāma, lokanāthassa tādino;

「我们也将建造塔,为那位如此的世间导师;

Ratanehi chādessāma, āyataṃ buddhacetiyaṃ’.

我们将以宝物覆盖,那高大的佛陀纪念塔」。

‘‘Yojanaṃ tepi vaḍḍhesuṃ, āyataṃ buddhacetiyaṃ;

「他们也增建了一由旬,那高大的佛陀纪念塔;

Pañcayojanamubbiddho, thūpo obhāsate tadā.

高五由旬,那时塔放光明。

‘‘Yakkhā tattha samāgantvā, ekato mantayuṃ tadā;

「亚卡们聚集在那里,那时一起商议;

Manussā devā nāgā ca, garuḷā kumbhaaṇḍakā.

人、天人、龙,金翅鸟、鸠槃荼。

‘‘Paccekaṃ buddhaseṭṭhassa, akaṃsu thūpamuttamaṃ;

「各自为最胜佛,建造了最上的塔;

‘Mā no pamattā assumha, appamattā sadevakā.

『愿我们不要放逸,包括天人都不放逸。』

‘‘‘Mayampi thūpaṃ kassāma, lokanāthassa tādino;

「我们也将建造塔,为那位如此的世间怙主;

Phalikāhi chādessāma, āyataṃ buddhacetiyaṃ’.

我们将以石板覆盖,长的佛陀制底」。

‘‘Yojanaṃ tepi vaḍḍhesuṃ, āyataṃ buddhacetiyaṃ;

「他们也增建了一由旬,长的佛陀制底;

Cha yojanāni ubbiddho, thūpo obhāsate tadā.

塔高六由旬,那时光辉照耀。

‘‘Gandhabbā ca samāgantvā, ekato mantayuṃ tadā;

「诸乾达婆聚集后,那时一起商议;

‘Manujā devatā nāgā, garuḷā kumbhayakkhakā.

「人类、天人、龙,迦楼罗、紧那罗、亚卡。

‘‘‘Sabbekaṃsu buddhathūpaṃ, mayamettha akārakā;

「「所有人都建造了佛塔,我们在此无所作为;

Mayampi thūpaṃ kassāma, lokanāthassa tādino’.

我们也将建造塔,为那位如此的世间怙主」。

‘‘Vediyo satta katvāna, chattamāropayiṃsu te;

「他们建造了七层,并在上面安置了伞盖;

Sabbasoṇṇamayaṃ thūpaṃ, gandhabbā kārayuṃ tadā.

当时,乾达婆们建造了全金的塔。

‘‘Sattayojanamubbiddho, thūpo obhāsate tadā;

「当时,塔高七由旬,光辉照耀;

Rattindivā na ñāyanti, āloko hoti sabbadā.

日夜不分,光明恒常存在。

‘‘Abhibhonti na tassābhā, candasūrā satārakā;

「日月星辰的光辉,不能胜过它的光辉;

Samantā yojanasate, padīpopi na pajjali.

周围一百由旬内,油灯也不燃烧。

‘‘Tena kālena ye keci, thūpaṃ pūjenti mānusā;

「在那时,任何礼敬塔的人们,

Na te thūpamāruhanti, ambare ukkhipanti te.

他们不登上塔,而是在空中举起(供品)。」

‘‘Devehi ṭhapito yakkho, abhisammatanāmako;

「被天人们安置的亚卡，名为阿毗三摩答；

Dhajaṃ vā pupphadāmaṃ vā, abhiropeti uttari.

他将幢或花鬘，举起于上方。

‘‘Na te passanti taṃ yakkhaṃ, dāmaṃ passanti gacchato;

「他们看不见那亚卡，但看见花鬘在行走；

Evaṃ passitvā gacchantā, sabbe gacchanti suggatiṃ.

如此看见后行走的人，一切都去往善趣。

‘‘Viruddhā ye pāvacane, pasannā ye ca sāsane;

「对教说有敌意的人，以及对教诫有净信的人；

Pāṭiheraṃ daṭṭhukāmā, thūpaṃ pūjenti mānusā.

人们想要看见神变，礼敬塔。

‘‘Nagare haṃsavatiyā, ahosiṃ bhatako tadā;

「在汉沙瓦帝城，那时我是雇工；

Āmoditaṃ janaṃ disvā, evaṃ cintesahaṃ tadā.

看见欢喜的人群，那时我如此思惟。

‘‘‘Uḷāro bhagavā heso, yassa dhātudharedisaṃ;

「彼世尊是伟大的，其舍利如此被供奉；

Imā ca janatā tuṭṭhā, kāraṃ kubbaṃ na tappare .

这些人群感到满足，他们不停地做供养。

‘‘‘Ahampi kāraṃ kassāmi, lokanāthassa tādino;

「我也将做供养，对那位如是的世间怙主；

Tassa dhammesu dāyādo, bhavissāmi anāgate’.

在未来，我将成为他法的继承者。」

‘‘Sudhotaṃ rajakenāhaṃ, uttareyyapaṭaṃ mama;

「我用洗衣者洗净了我的上衣，

Veḷagge ālagetvāna, dhajaṃ ukkhipimambare.

将它挂在竹竿顶端，在空中竖起旗帜。

‘‘Abhisammatako gayha, ambarehāsi me dhajaṃ;

「被认可后，我的旗帜在空中飘扬；

Vāteritaṃ dhajaṃ disvā, bhiyyo hāsaṃ janesahaṃ.

看到被风吹动的旗帜，我与人群更加欢喜。」

‘‘Tattha cittaṃ pasādetvā, samaṇaṃ upasaṅkamiṃ;

「在那里使心净信后,我前往沙门处;

Taṃ bhikkhuṃ abhivādetvā, vipākaṃ pucchahaṃ dhaje.

礼敬那位比库后,我询问旗的果报。

‘‘So me kathesi ānanda, pītisañjananaṃ mama;

「阿难!他对我说了令我生起喜悦之事;

‘Tassa dhajassa vipākaṃ, anubhossasi sabbadā.

『你将恒常体验那旗的果报。

‘‘‘Hatthī assā rathā pattī, senā ca caturaṅginī;

「『象、马、车、步兵,以及四支军队;

Parivāressanti taṃ niccaṃ, dhajadānassidaṃ phalaṃ.

将恒常围绕你,这是布施旗的果报。

‘‘‘Saṭṭhitūriyasahassāni, bheriyo samalaṅkatā;

「『六万乐器,装饰的鼓;

Parivāressanti taṃ niccaṃ, dhajadānassidaṃ phalaṃ.

将恒常围绕你,这是布施旗的果报。』

‘‘‘Chaḷāsītisahassāni, nāriyo samalaṅkatā;

「八万六千位女子，装饰庄严，

Vicittavatthābharaṇā, āmuttamaṇikuṇḍalā.

穿着种种衣服装饰，佩戴珍珠耳环。

‘‘‘Aḷārapamhā hasulā, susaññā tanumajjhimā;

「她们纤细、柔软、善于训练、身体苗条，

Parivāressanti taṃ niccaṃ, dhajadānassidaṃ phalaṃ.

将永远围绕着你，这是布施幢的果报。

‘‘‘Tiṃsakappasahassāni, devaloke ramissasi;

「三万劫千年，你将在天界享乐；

Asītikkhattuṃ devindo, devarajjaṃ karissasi.

八十次成为天帝，你将统治天界。

‘‘‘Sahassakkhattuṃ rājā ca, cakkavattī bhavissasi;

「一千次成为国王，你将成为转轮王，

Padesarajjaṃ vipulaṃ, gaṇanāto asaṅkhiyaṃ.

统治广大的地方王国，数量无法计算。

‘‘‘Kappasatasahassamhi, okkākakulasambhavo;

「在十万劫时,果德玛将从欧咖咖族出生;

Gotamo nāma gottena, satthā loke bhavissati.

以果德玛为姓,将成为世间的导师。

‘‘‘Devalokā cavitvāna, sukkamūlena codito;

「从天界死没后,受净业的驱使;

Puññakammena saṃyutto, brahmabandhu bhavissasi.

与福业相应,你将成为梵天之亲。

‘‘‘Asītikoṭiṃ chaḍḍetvā, dāse kammakare bahū;

「舍弃八千万,众多的奴仆与工人;

Gotamassa bhagavato, sāsane pabbajissasi.

你将在世尊果德玛的教法中出家。

‘‘‘Ārādhayitvā sambuddhaṃ, gotamaṃ sakyapuṅgavaṃ;

「使正等正觉者、释迦族之牛王果德玛欢喜后;

Upavānoti nāmena, hessasi satthu sāvako’.

你将以乌巴瓦那之名,成为导师的弟子」。

‘‘Satasahasse kataṃ kammaṃ, phalaṃ dassesi me idha;

「在十万劫所作的业,在此处对我显示果报;

Sumutto saravegova kilese jhāpayī mama.

善解脱者如箭之速,烧尽了我的诸烦恼。

‘‘Cakkavattissa santassa, catudīpissarassa me;

「我是寂静的转轮王,四洲之主;

Tiyojanāni samantā, ussīsanti dhajā sadā.

周围三由旬,幢旗常高竖。

‘‘Satasahassito kappe, yaṃ kammamakariṃ tadā;

「从十万劫以来,我当时所作的业;

Duggatiṃ nābhijānāmi, dhajadānassidaṃ phalaṃ.

我不知有恶趣,这是布施幢旗的果报。

‘‘Paṭisambhidā catasso, vimokkhāpi ca aṭṭhime;

「四无碍解,以及这八解脱;

Chaḷabhiññā sacchikatā, kataṃ buddhassa sāsanaṃ’’.

六神通已作证,已作世尊的教诫。」

Itthaṃ sudaṃ āyasmā upavāno thero imā gāthāyo abhāsitthāti.

具寿优波瓦那长老如是说了这些偈颂。

Upavānattherassāpadānaṃ dutiyaṃ. · 伍巴瓦那长老譬喻第二

3. Tisaraṇagamaniyattheraapadānaṃ3. 三归依长老譬喻

‘‘Nagare candavatiyā , mātuupaṭṭhāko ahuṃ;

「在旃陀瓦帝城,我是母亲的须跋者;

Andhā mātā pitā mayhaṃ, te posemi ahaṃ tadā.

我的母亲和父亲都是盲人,那时我扶养他们。

‘‘Rahogato nisīditvā, evaṃ cintesahaṃ tadā;

「独自坐在隐密处,那时我如此思惟;

Posento mātāpitaro, pabbajjaṃ na labhāmahaṃ.

扶养父母,我不能得到出家。

‘‘Mahandhakārapihitā , tividhaggīhi ḍayhare;

「被大黑暗所覆盖,被三种火所燃烧;

Etādise bhave jāte, natthi koci vināyako.

生在这样的有中,没有任何引导者。

‘‘Buddho loke samuppanno, dippati dāni sāsanaṃ;

「佛陀出现于世间,现在教法正显耀;

Sakkā uddharituṃ attā, puññakāmena jantunā.

自己能被提升,由希求功德的有情。

‘‘Uggayha tīṇi saraṇe, paripuṇṇāni gopayiṃ;

「执取三归依,我守护圆满;

Tena kammena sukatena, paṭimokkhāmi duggatiṃ.

以那善作之业,我将避免恶趣。

‘‘Nisabho nāma samaṇo, buddhassa aggasāvako;

「名为尼沙波的沙门,是佛陀的上首弟子;

Tamahaṃ upagantvāna, saraṇagamanaṃ gahiṃ.

我前往亲近他,受持归依。

‘‘Vassasatasahassāni, āyu vijjati tāvade;

「十万年的寿命,存在于那时;

Tāvatā saraṇagamanaṃ, paripuṇṇaṃ agopayiṃ.

在那期间我守护,圆满的归依。

‘‘Carime vattamānamhi, saraṇaṃ taṃ anussariṃ;

「在最后一生中,我忆念那归依;」

Tena kammena sukatena, tāvatiṃsaṃ agacchahaṃ.

以那善作之业,我去到三十三天。

‘‘Devalokagato santo, puññakammasamāhito;

「去到天界,安住于福业,

Yaṃ desaṃ upapajjāmi , aṭṭha hetū labhāmahaṃ.

无论我生到何处,我获得八种因。

‘‘Disāsu pūjito homi, tikkhapañño bhavāmahaṃ;

「我在诸方受尊敬,我成为利慧者;

Sabbe devānuvattanti, amitabhogaṃ labhāmahaṃ.

一切天人随从我,我获得无量财富。

‘‘Suvaṇṇavaṇṇo sabbattha, paṭikanto bhavāmahaṃ;

「我在一切处成为金色、可喜者;

Mittānaṃ acalo homi, yaso abbhuggato mamaṃ.

我对朋友们不动摇,我的名声高扬。

‘‘Asītikkhattu devindo, devarajjamakārayiṃ;

「八十次作天帝,行天王之职;

Dibbasukhaṃ anubhaviṃ, accharāhi purakkhato.

我体验天界之乐,被天女们围绕。

‘‘Pañcasattatikkhattuñca , cakkavattī ahosahaṃ;

五百七十三次,我成为转轮王;

Padesarajjaṃ vipulaṃ, gaṇanāto asaṅkhiyaṃ.

地方王权广大,数量无法计算。

‘‘Pacchime bhave sampatte, puññakammasamāhito;

到达最后有时,善业已积聚;

Pure sāvatthiyaṃ jāto, mahāsāle suaḍḍhake.

我生于沙瓦提城,富裕繁荣的大家族中。

‘‘Nagarā nikkhamitvāna, dārakehi purakkhato;

从城中出来,被孩童们围绕;

Hasakhiḍḍasamaṅgīhaṃ , saṅghārāmaṃ upāgamiṃ.

带着欢笑嬉戏,我前往僧园。

‘‘Tatthaddasāsiṃ samaṇaṃ, vippamuttaṃ nirūpadhiṃ;

在那里我见到沙门,已解脱、无依。

So me dhammamadesesi, saraṇañca adāsi me.

他为我教导了法,并给予我归依。

‘‘Sohaṃ sutvāna saraṇaṃ, saraṇaṃ me anussariṃ;

我听闻归依之后,忆念我的归依;

Ekāsane nisīditvā, arahattamapāpuṇiṃ.

坐于一座,我证得了阿拉汉果。

‘‘Jātiyā sattame vasse, arahattamapāpuṇiṃ;

在第七岁时,我证得了阿拉汉果;

Upasampādayi buddho, guṇamaññāya cakkhumā.

具眼的佛陀知晓功德,给予我达上。

‘‘Aparimeyye ito kappe, saraṇāni agacchahaṃ;

从此无量劫以来,我前往诸归依处;

Tato me sukataṃ kammaṃ, phalaṃ dassesi me idha.

从那时起我所作的善业,在此处向我展示果报。

‘‘Sugopitaṃ me saraṇaṃ, mānasaṃ suppaṇīhitaṃ;

我的归依善加守护,心善加安立;

Anubhotvā yasaṃ sabbaṃ, pattomhi acalaṃ padaṃ.

体验了一切名声后,我已证得不动之地。

‘‘Yesaṃ sotāvadhānatthi, suṇotha mama bhāsato;

「诸位若有耳倾听,请听我所说;

Ahaṃ vo kathayissāmi, sāmaṃ diṭṭhaṃ padaṃ mama.

我将为你们宣说,我自己所见之地。

‘‘‘Buddho loke samuppanno, vattate jinasāsanaṃ;

「『佛陀出现于世,胜者之教转起;

Amatā vāditā bherī, sokasallavinodanā.

甘露之鼓已击响,能除忧箭。

‘‘‘Yathāsakena thāmena, puññakkhette anuttare;

「『以各自之力量,于无上福田中;

Adhikāraṃ kareyyātha, passayissatha nibbutiṃ.

应作承事,你们将见寂静。

‘‘‘Paggayha tīṇi saraṇe, pañcasīlāni gopiya;

「『殷勤归依三宝,守护五戒;

Buddhe cittaṃ pasādetvā, dukkhassantaṃ karissatha.

净信佛陀之心后,你们将作苦的终结。

‘‘‘Sammā dhammaṃ bhāvetvāna , sīlāni parigopiya;

正确地修习法,护持诸戒,

Aciraṃ arahattaṃ vo, sabbepi pāpuṇissatha.

不久你们全部都将证得阿拉汉果。

‘‘‘Tevijjo iddhipattomhi, cetopariyakovido;

我具三明、得神通,善巧他心智,

Sāvako te mahāvīra, saraṇo vandati satthuno’.

大雄者,你的弟子沙喇那礼敬导师。

‘‘Aparimeyye ito kappe, saraṇaṃ buddhassa gacchahaṃ;

从此无量劫以来,我归依佛陀,

Duggatiṃ nābhijānāmi, saraṇaṃ gamane phalaṃ.

我不知有恶趣,这是归依的果报。

‘‘Paṭisambhidā catasso, vimokkhāpi ca aṭṭhime;

四无碍解,以及这八解脱,

Chaḷabhiññā sacchikatā, kataṃ buddhassa sāsanaṃ’’.

六神通已作证，佛陀的教诫已完成。

Itthaṃ sudaṃ āyasmā tisaraṇagamaniyo thero imā gāthāyo abhāsitthāti.

如是，据说具寿帝沙喇那嘎马尼约长老说了这些偈颂。

Tisaraṇagamaniyattherassāpadānaṃ tatiyaṃ. · 三归依长老譬喻第三

4. Pañcasīlasamādāniyattheraapadānaṃ4. 五戒受持长老譬喻

‘‘Nagare candavatiyā, bhatako āsahaṃ tadā;

在禅达瓦帝城，我当时是雇工；

Parakammāyane yutto, pabbajjaṃ na labhāmahaṃ.

从事他人的工作，我不能获得出家。

‘‘Mahandhakārapihitā , tividhaggīhi ḍayhare;

被大黑暗所覆盖，被三种火所燃烧；

Kena nu kho upāyena, visaṃyutto bhave ahaṃ.

以何方便，我能从毒中解脱？

‘‘Deyyadhammo ca me natthi, varāko bhatako ahaṃ;

我没有可施之法，我是低劣的雇工；

Yaṃnūnāhaṃ pañcasīlaṃ, rakkheyyaṃ paripūrayaṃ.

我何不守护五戒，使之圆满？

‘‘Anomadassissa munino, nisabho nāma sāvako;

「阿诺玛达西牟尼，有名为尼沙婆的弟子；

Tamahaṃ upasaṅkamma, pañcasikkhāpadaggahiṃ.

我前往亲近他，受持了五学处。

‘‘Vassasatasahassāni, āyu vijjati tāvade;

「寿命有十万年，那么长的时间；

Tāvatā pañcasīlāni, paripuṇṇāni gopayiṃ.

在那期间我守护了圆满的五戒。

‘‘Maccukāle ca sampatte, devā assāsayanti maṃ;

「当死时到来时，诸天安慰我；

‘Ratho sahassayutto te, mārisāyaṃ upaṭṭhito’.

『有千辆马车为你准备，尊者，已经侍立。』

‘‘Vattante carime citte, mama sīlaṃ anussariṃ;

「当最后的心转起时，我忆念我的戒；

Tena kammena sukatena, tāvatiṃsaṃ agacchahaṃ.

以那善作的业，我去到了三十三天。」

‘‘Tiṃsakkhattuñca devindo, devarajjamakārayiṃ;

「三十次我作了天帝,行使天王之权;

Dibbasukhaṃ anubhaviṃ, accharāhi purakkhato.

我享受天界之乐,被天女们围绕着。

‘‘Pañcasattatikkhattuñca, cakkavattī ahosahaṃ;

「五百七十次我是转轮王;

Padesarajjaṃ vipulaṃ, gaṇanāto asaṅkhiyaṃ.

地方王权广大,从数量上无法计算。

‘‘Devalokā cavitvāna, sukkamūlena codito;

「从天界死没后,被善根所驱使;

Pure vesāliyaṃ jāto, mahāsāle suaḍḍhake.

我生于韦萨离城,在富裕繁荣的大富之家。

‘‘Vassūpanāyike kāle, dippante jinasāsane;

「在雨安居的时节,胜者的教法兴盛时;

Mātā ca me pitā ceva, pañcasikkhāpadaggahuṃ.

我的母亲和父亲,受持了五学处。

‘‘Saha sutvānahaṃ sīlaṃ, mama sīlaṃ anussariṃ;

「听闻戒后，我忆念我的戒；

Ekāsane nisīditvā, arahattamapāpuṇiṃ.

坐于一座，我证得阿拉汉果。

‘‘Jātiyā pañcavassena, arahattamapāpuṇiṃ;

「生来五岁时，我证得阿拉汉果；

Upasampādayi buddho, guṇamaññāya cakkhumā.

具眼者佛陀知我的功德，令我近圆具足。

‘‘Paripuṇṇāni gopetvā, pañcasikkhāpadānahaṃ;

「我守护圆满五学处；

Aparimeyye ito kappe, vinipātaṃ na gacchahaṃ.

从此无量劫，我不去恶趣。

‘‘Svāhaṃ yasamanubhaviṃ, tesaṃ sīlāna vāhasā;

「我今体验荣耀，因那些戒的力量；

Kappakoṭimpi kittento, kittaye ekadesakaṃ.

即使赞叹亿劫，也只能赞叹一部分。

‘‘Pañcasīlāni gopetvā, tayo hetū labhāmahaṃ;

「守护五戒,我获得三种因;

Dīghāyuko mahābhogo, tikkhapañño bhavāmahaṃ.

我成为长寿者、大富者、利慧者。

‘‘Saṃkittento ca sabbesaṃ, abhimattañca porisaṃ;

「赞叹一切,以及人中最胜者;

Bhavābhave saṃsaritvā, ete ṭhāne labhāmahaṃ.

在有有中轮回后,我在这些处获得。

‘‘Aparimeyyasīlesu, vattantā jinasāvakā;

「行于无量戒中的胜者声闻们;

Bhavesu yadi rajjeyyuṃ, vipāko kīdiso bhave.

若在诸有中统治,果报会是怎样的有。

‘‘Suciṇṇaṃ me pañcasīlaṃ, bhatakena tapassinā ;

「我的五戒已善行,由受雇的苦行者;

Tena sīlenahaṃ ajja, mocayiṃ sabbabandhanā.

以那戒,我今日从一切束缚中解脱。」

‘‘Aparimeyye ito kappe, pañcasīlāni gopayiṃ;

「从此无量劫以前，我守护五戒；

Duggatiṃ nābhijānāmi, pañcasīlānidaṃ phalaṃ.

我不知有恶趣，这是五戒之果报。

‘‘Paṭisambhidā catasso, vimokkhāpi ca aṭṭhime;

「四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，已作佛陀之教诫。」

Itthaṃ sudaṃ āyasmā pañcasīlasamādāniyo thero imā gāthāyo abhāsitthāti.

如是，据说具寿五戒受持长老说了这些偈颂。

Pañcasīlasamādāniyattherassāpadānaṃ catutthaṃ. · 五戒受持长老譬喻第四

5. Annasaṃsāvakattheraapadānaṃ5. 食物调味长老譬喻

‘‘Suvaṇṇavaṇṇaṃ sambuddhaṃ, gacchantaṃ antarāpaṇe;

「金色的正自觉者，行走于市场之间；

Kañcanagghiyasaṃkāsaṃ, bāttiṃsavaralakkhaṇaṃ.

如同纯金所成，具三十二种殊胜之相。

‘‘Siddhatthaṃ lokapajjotaṃ, appameyyaṃ anopamaṃ;

「悉达多，世间之光明，无量的、无比的；

Alatthaṃ paramaṃ pītiṃ, disvā dantaṃ jutindharaṃ.

见到持光者已调伏,我获得了最上的喜悦。

‘‘Sambuddhaṃ abhināmetvā, bhojayiṃ taṃ mahāmuniṃ;

向正等正觉者礼敬后,我供养了那位大牟尼;

Mahākāruṇiko loke , anumodi mamaṃ tadā.

世间的大悲者,那时随喜了我。

‘‘Tasmiṃ mahākāruṇike, paramassāsakārake;

对那位大悲者、最上的安慰者,

Buddhe cittaṃ pasādetvā, kappaṃ saggamhi modahaṃ.

对佛净信了心后,我在天界欢喜了一劫。

‘‘Catunnavutito kappe, yaṃ dānamadadiṃ tadā;

从九十四劫前,我施与了那布施,

Duggatiṃ nābhijānāmi, bhikkhādānassidaṃ phalaṃ.

我不知有恶趣,这是施食的果报。

‘‘Paṭisambhidā catasso, vimokkhāpi ca aṭṭhime;

四无碍解,以及这八解脱;

Chaḷabhiññā sacchikatā, kataṃ buddhassa sāsanaṃ’’.

六神通已作证，佛陀的教诫已完成。

Itthaṃ sudaṃ āyasmā annasaṃsāvako thero imā gāthāyo abhāsitthāti.

如是，据说具寿安那桑沙瓦咖长老说了这些偈颂。

Annasaṃsāvakattherassāpadānaṃ pañcamaṃ. · 食物调味长老譬喻第五

6. Dhūpadāyakattheraapadānaṃ6. 香施与长老譬喻

‘‘Siddhatthassa bhagavato, lokajeṭṭhassa tādino;

对于悉达他世尊，世间最胜者、如是者；

Kuṭidhūpaṃ mayā dinnaṃ, vippasannena cetasā.

我以净信之心，供养了小屋之香。

Yaṃ yaṃ yonupapajjāmi, devattaṃ atha mānusaṃ;

无论我生于何处，天界或人间；

Sabbesampi piyo homi, dhūpadānassidaṃ phalaṃ.

我为一切所爱，这是供香之果报。

‘‘Catunnavutito kappe, yaṃ dhūpamadadiṃ tadā ;

自从九十四劫前，我供养了那香；

Duggatiṃ nābhijānāmi, dhūpadānassidaṃ phalaṃ.

我不知有恶趣，这是供香之果报。

‘‘Paṭisambhidā catasso, vimokkhāpi ca aṭṭhime;

「四无碍解,以及这八解脱;

Chaḷabhiññā sacchikatā, kataṃ buddhassa sāsanaṃ’’.

六神通已作证,佛陀的教诫已完成。」

Itthaṃ sudaṃ āyasmā dhūpadāyako thero imā gāthāyo abhāsitthāti.

如是,据说具寿杜巴达亚咖长老说了这些偈颂。

Dhūpadāyakattherassāpadānaṃ chaṭṭhaṃ. · 香施与长老譬喻第六

7. Pulinapūjakattheraapadānaṃ7. 沙洲供养长老譬喻

‘‘Vipassissa bhagavato, bodhiyā pādaputtame;

「在毗婆尸世尊的菩提树足下,

Purāṇapulinaṃ hitvā , suddhapulinamākiriṃ.

舍弃旧的河岸,我清扫了清净的河岸。

‘‘Ekanavutito kappe, yaṃ pulinamadāsahaṃ;

「从那次施与河岸以来,经过九十一劫;

Duggatiṃ nābhijānāmi, pulinadānassidaṃ phalaṃ.

我不知有恶趣,这是施与河岸的果报。

‘‘Tiṃsatime ito kappe, rājā āsiṃ janādhibhū;

「从此往前三十劫,我是国王,人中之主;

Mahāpulinanāmena, cakkavattī mahabbalo.

名为摩诃普利那，转轮王，大力者。

‘‘Paṭisambhidā catasso, vimokkhāpi ca aṭṭhime;

「四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，已行佛陀的教诫」。

Itthaṃ sudaṃ āyasmā pulinapūjako thero imā gāthāyo abhāsitthāti.

如是，确实，具寿普利那普迦咖长老说了这些偈颂。

Pulinapūjakattherassāpadānaṃ sattamaṃ. · 沙洲供养长老譬喻第七

8. Uttiyattheraapadānaṃ8. 伍提亚长老譬喻

‘‘Candabhāgānadītīre, susumāro ahaṃ tadā;

「在旃陀跋伽河岸边，我当时是一只鳄鱼；

Sagocarappasutohaṃ , nadītitthaṃ agacchahaṃ.

我从自己的境域出来，前往河岸。

‘‘Siddhattho tamhi samaye, sayambhū aggapuggalo;

「悉达多在那时，自成者，最上之人；

Nadiṃ taritukāmo so, nadītitthaṃ upāgami.

他想要渡河，来到河岸。

‘‘Upāgate ca sambuddhe, ahampi tatthupāgamiṃ;

「当正等正觉者到来时,我也前往那里;

Upagantvāna sambuddhaṃ, imaṃ vācaṃ udīrayiṃ.

前往正等正觉者之后,我说出了这些话。

‘‘‘Abhirūha mahāvīra, tāressāmi ahaṃ tuvaṃ;

『大雄啊,请登上(船),我将渡你过去;

Pettikaṃ visayaṃ mayhaṃ, anukampa mahāmuni’.

大牟尼啊,请怜悯我父亲的领地』。

‘‘Mama uggajjanaṃ sutvā, abhirūhi mahāmuni;

「听到我的恳请后,大牟尼登上了(船);

Haṭṭho haṭṭhena cittena, tāresiṃ lokanāyakaṃ.

我以欢喜的心欢喜地渡世间导师过去。

‘‘Nadiyā pārime tīre, siddhattho lokanāyako;

「在河的彼岸,世间导师悉达多;

Assāsesi mamaṃ tattha, amataṃ pāpuṇissasi.

在那里安慰我说:『你将证得不死』。

‘‘Tamhā kāyā cavitvāna, devalokaṃ āgacchahaṃ;

「从那个身死没之后,我来到了天界;

Dibbasukhaṃ anubhaviṃ, accharāhi purakkhato.

我体验天界之乐,被天女们围绕。

‘‘Sattakkhattuñca devindo, devarajjamakāsahaṃ;

「我七次成为天帝,做了天王;

Tīṇikkhattuṃ cakkavattī, mahiyā issaro ahuṃ.

我三次成为转轮王,成为大地之主。

‘‘Vivekamanuyuttohaṃ , nipako ca susaṃvuto;

「我专注于远离,谨慎且善护持;

Dhāremi antimaṃ dehaṃ, sammāsambuddhasāsane.

我持有最后之身,在正等正觉者的教法中。

‘‘Catunnavutito kappe, tāresiṃ yaṃ narāsabhaṃ;

「从九十四劫以来,我渡过了那位人中之牛;

Duggatiṃ nābhijānāmi, taraṇāya idaṃ phalaṃ.

我不知有恶趣,这是渡过的果报。

‘‘Paṭisambhidā catasso, vimokkhāpi ca aṭṭhime;

「四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，佛陀的教诫已完成。」

Itthaṃ sudaṃ āyasmā uttiyo thero imā gāthāyo abhāsitthāti.

如是，据说具寿伍帝亚长老说了这些偈颂。

Uttiyattherassāpadānaṃ aṭṭhamaṃ. · 伍提亚长老譬喻第八

9. Ekañjalikattheraapadānaṃ9. 额坎迦利咖长老譬喻

‘‘Suvaṇṇavaṇṇaṃ sambuddhaṃ, gacchantaṃ antarāpaṇe;

「金色的正自觉者，行走于市场之间；

Vipassiṃ satthavāhaggaṃ, naravaraṃ vināyakaṃ.

维巴西，商队之首，人中至上者，调御者。

‘‘Adantadamanaṃ tādiṃ, mahāvādiṃ mahāmatiṃ;

「调伏未调者，如是者，大说者，大智者；

Disvā pasanno sumano, ekañjalimakāsahaṃ.

见已信乐、心喜，我作合掌。

‘‘Ekanavutito kappe, yamañjaliṃ kariṃ tadā;

「从那时我作合掌以来，已经九十一劫；

Duggatiṃ nābhijānāmi, añjalissa idaṃ phalaṃ.

我不知恶趣，这是合掌的果报。

‘‘Paṭisambhidā catasso, vimokkhāpi ca aṭṭhime;

四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，已行佛陀的教诫。

Itthaṃ sudaṃ āyasmā ekañjaliko thero imā gāthāyo abhāsitthāti.

如是，据说具寿额甘加利咖长老说了这些偈颂。

Ekañjalikattherassāpadānaṃ navamaṃ. · 额坎迦利咖长老譬喻第九

10. Khomadāyakattheraapadānaṃ10. 施麻布长老譬喻

‘‘Nagare bandhumatiyā, ahosiṃ vāṇijo tadā;

在班度马帝城，那时我是商人；

Teneva dāraṃ posemi, ropemi bījasampadaṃ.

以此我养活妻子，种植种子的财富。

‘‘Rathiyaṃ paṭipannassa, vipassissa mahesino;

对于在街道上行走的，维巴西大仙；

Ekaṃ khomaṃ mayā dinnaṃ, kusalatthāya satthuno.

我供养了一块麻布，为了大师的善利。

‘‘Ekanavutito kappe, yaṃ khomamadadiṃ tadā;

「九十一劫前,我于彼时布施麻布;

Duggatiṃ nābhijānāmi, khomadānassidaṃ phalaṃ.

我不知有恶趣,此为布施麻布之果报。

‘‘Sattarase ito kappe, eko sindhavasandhano;

「从此往前十七劫,有一位信度河联结者;

Sattaratanasampanno, catudīpamhi issaro.

具足七宝,为四洲之主。

‘‘Paṭisambhidā catasso, vimokkhāpi ca aṭṭhime;

「四无碍解,以及八解脱;

Chaḷabhiññā sacchikatā, kataṃ buddhassa sāsanaṃ’’.

六神通已作证,已作世尊之教。」

Itthaṃ sudaṃ āyasmā khomadāyako thero imā gāthāyo abhāsitthāti.

如是,据说具寿麻布施与者长老诵说了这些偈颂。

Khomadāyakattherassāpadānaṃ dasamaṃ. · 施麻布长老譬喻第十

Tassuddānaṃ –

其摄颂——

Susūti upavāno ca, saraṇo sīlagāhako;

苏苏帝、伍巴瓦那、沙拉那、持戒者;

Annasaṃsāvako khomadāyī ca, daseva tatiye gaṇe;

食物赞叹者、布施粗布者,在第三群中确实有十位;

Añjalī khomadāyī ca, daseva tatiye gaṇe;

安伽利、布施粗布者,在第三群中确实有十位;

Pañcālīsītisataṃ vuttā, gāthāyo sabbapiṇḍitā.

已说四十五百偈颂,一切皆为智者所说。

Subhūtivaggo tatiyo. · 须菩提品第三

Catutthabhāṇavāraṃ. · 第四诵品