17. Supāricariyavaggo17. 苏巴利差利亚品

114 段 · CSCD 巴利原典

1. Supāricariyattheraapadānaṃ1. 苏巴利差利亚长老譬喻

‘‘Padumo nāma nāmena, dvipadindo narāsabho;

「名为巴度摩者,两足之尊、人中之牛;

Pavanā abhinikkhamma, dhammaṃ deseti cakkhumā.

从巴瓦那出来,具眼者说法。

‘‘Yakkhānaṃ samayo āsi, avidūre mahesino;

「诸亚卡的时机已到,在大仙人不远处;

Yena kiccena sampattā, ajjhāpekkhiṃsu tāvade.

为了所应作之事而来到,他们即刻等待。

‘‘Buddhassa giramaññāya, amatassa ca desanaṃ;

「了知佛陀的言语,以及甘露的教说;

Pasannacitto sumano, apphoṭetvā upaṭṭhahiṃ.

以净信心、喜悦心,合掌而侍立。

‘‘Suciṇṇassa phalaṃ passa, upaṭṭhānassa satthuno;

「请看善行的果报,须跋导师;

Tiṃsakappasahassesu, duggatiṃ nupapajjahaṃ.

三万劫千数中,我不往生恶趣。」

‘‘Ūnatiṃse kappasate, samalaṅkatanāmako;

「在一百三十劫前,名为沙马喇咖答,

Sattaratanasampanno, cakkavattī mahabbalo.

具足七宝,大力转轮王。

‘‘Paṭisambhidā catasso, vimokkhāpi ca aṭṭhime;

「四无碍解,以及这八解脱,

Chaḷabhiññā sacchikatā, kataṃ buddhassa sāsanaṃ’’.

六神通已作证,已行世尊的教诫。」

Itthaṃ sudaṃ āyasmā supāricariyo thero imā gāthāyo abhāsitthāti.

如是,据说具寿苏巴利佳利亚长老说了这些偈颂。

Supāricariyattherassāpadānaṃ paṭhamaṃ. · 苏巴利差利亚长老譬喻第一

2. Kaṇaverapupphiyattheraapadānaṃ2. 咖那韦拉普皮亚长老譬喻

‘‘Siddhattho nāma bhagavā, lokajeṭṭho narāsabho;

「名为悉达多的世尊,世间最胜、人中牛王,

Purakkhato sāvakehi, nagaraṃ paṭipajjatha.

由诸弟子前导,进入城市。

‘‘Rañño antepure āsiṃ, gopako abhisammato;

「我曾在王宫内,被认可为守护者,

Pāsāde upaviṭṭhohaṃ, addasaṃ lokanāyakaṃ.

我坐在宫殿中,见到了世间的导师。

‘‘Kaṇaveraṃ gahetvāna, bhikkhusaṅghe samokiriṃ;

「取了咖那韦拉花,我撒向比库僧团;

Buddhassa visuṃ katvāna, tato bhiyyo samokiriṃ.

特别对佛陀撒了,然后更多地撒了。

‘‘Catunnavutito kappe, yaṃ pupphamabhipūjayiṃ ;

「自从九十四劫前,我供养了那些花;

Duggatiṃ nābhijānāmi, buddhapūjāyidaṃ phalaṃ.

我不知有恶趣,此是供佛之果报。

‘‘Sattāsītimhito kappe, caturāsuṃ mahiddhikā;

「自从八十七劫前,有四位大神通者;

Sattaratanasampannā, cakkavattī mahabbalā.

具足七宝,大力的转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作佛陀的教诫。」

Itthaṃ sudaṃ āyasmā kaṇaverapupphiyo thero imā gāthāyo abhāsitthāti.

如是,据说具寿咖那韦拉普披亚长老说了这些偈颂。

Kaṇaverapupphiyattherassāpadānaṃ dutiyaṃ. · 咖那韦拉普皮亚长老譬喻第二

3. Khajjakadāyakattheraapadānaṃ3. 卡迦咖达亚咖长老譬喻

‘‘Tissassa kho bhagavato, pubbe phalamadāsahaṃ;

「我曾供养果实给世尊帝沙;

Nāḷikerañca pādāsiṃ, khajjakaṃ abhisammataṃ.

我供养了椰子,那是公认的美味。

‘‘Buddhassa tamahaṃ datvā, tissassa tu mahesino;

「我将那供养给佛陀,给那位大仙帝沙;

Modāmahaṃ kāmakāmī, upapajjiṃ yamicchakaṃ .

我欢喜,欲求诸欲,我投生到所欲之处。

‘‘Dvenavute ito kappe, yaṃ dānamadadiṃ tadā;

「从此九十二劫以来,当我供养那供养时;

Duggatiṃ nābhijānāmi, phaladānassidaṃ phalaṃ.

我不知有恶趣,这是果施的果报。

‘‘Ito terasakappamhi, rājā indasamo ahu;

「从此十三劫之前,有一位如因陀罗的国王;

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā khajjakadāyako thero imā gāthāyo abhāsitthāti.

如是，据说具寿卡加咖达亚咖长老说了这些偈颂。

Khajjakadāyakattherassāpadānaṃ tatiyaṃ. · 卡迦咖达亚咖长老譬喻第三

4. Desapūjakattheraapadānaṃ4. 德萨布迦咖长老譬喻

‘‘Atthadassī tu bhagavā, lokajeṭṭho narāsabho;

「世尊是见义者，世间最胜、人中牛王；

Abbhuggantvāna vehāsaṃ, gacchate anilañjase.

升上虚空，行于无风之处。

‘‘Yamhi dese ṭhito satthā, abbhuggacchi mahāmuni;

「大牟尼导师站立于何处升上，

Tāhaṃ desaṃ apūjesiṃ, pasanno sehi pāṇibhi.

我以净信之手礼敬那个地方。

‘‘Aṭṭhārase kappasate, addasaṃ yaṃ mahāmuniṃ;

「我在十八百劫中，见到那位大牟尼；

Duggatiṃ nābhijānāmi, desapūjāyidaṃ phalaṃ.

我不知恶趣，此果报是供养国土。

‘‘Ekādase kappasate, gosujātasanāmako;

在十一劫前，名为果苏加答；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作世尊的教诫。

Itthaṃ sudaṃ āyasmā desapūjako thero imā gāthāyo abhāsitthāti.

如是，据说具寿德沙普加咖长老诵说了这些偈颂。

Desapūjakattherassāpadānaṃ catutthaṃ. · 德萨布迦咖长老譬喻第四

5. Kaṇikārachattiyattheraapadānaṃ5. 咖尼咖拉差提亚长老譬喻

‘‘Vessabhū nāma sambuddho, lokajeṭṭho narāsabho;

名为韦沙部的正自觉者，世间最胜、人中牛王；

Divāvihārāya muni, ogāhayi mahāvanaṃ.

牟尼为了日中住，进入大林。

‘‘Kaṇikāraṃ ocinitvā, chattaṃ katvānahaṃ tadā;

我当时摘取咖尼咖拉花，作成伞盖；

Pupphacchadanaṃ katvāna, buddhassa abhiropayiṃ.

作了花覆盖后,我供养佛陀。

‘‘Ekattiṃse ito kappe, yaṃ pupphamabhiropayiṃ;

从此三十一劫前,我供养了那花;

Duggatiṃ nābhijānāmi, buddhapūjāyidaṃ phalaṃ.

我不知有恶趣,这是供养佛陀之果报。

‘‘Ito vīsatikappamhi, soṇṇābhā aṭṭha khattiyā;

从此二十劫前,有八位金光刹帝利;

Sattaratanasampannā, cakkavattī mahabbalā.

具足七宝,大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……(中略)……已作世尊之教。

Itthaṃ sudaṃ āyasmā kaṇikārachattiyo thero imā gāthāyo abhāsitthāti.

如是,据说具寿咖尼咖拉恰帝亚长老说了这些偈颂。

Kaṇikārachattiyattherassāpadānaṃ pañcamaṃ. · 咖尼咖拉差提亚长老譬喻第五

6. Sappidāyakattheraapadānaṃ6. 萨毕达亚咖长老譬喻

‘‘Phusso nāmāsi bhagavā, āhutīnaṃ paṭiggaho;

名为普沙的世尊,是供养的受者;

Gacchate vīthiyaṃ vīro, nibbāpento mahājanaṃ.

英雄在街道上行走,使大众清凉。

‘‘Anupubbena bhagavā, āgacchi mama santikaṃ;

世尊渐次地,来到我的近处;

Tato taṃ pattaṃ paggayha, sappitelamadāsahaṃ.

然后我举起那钵,供养了酥油。

‘‘Dvenavute ito kappe, yaṃ sappimadadiṃ tadā;

从此九十二劫以来,当时我供养了酥油;

Duggatiṃ nābhijānāmi, sappidānassidaṃ phalaṃ.

我不知有恶趣,这是布施酥油之果报。

‘‘Chappaññāse ito kappe, eko āsi samodako;

从此五十六劫以来,有一位名叫沙摩达咖;

Sattaratanasampanno, cakkavattī mahabbalo.

具足七宝,大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……(中略)……已作佛陀的教诫。

Itthaṃ sudaṃ āyasmā sappidāyako thero imā gāthāyo abhāsitthāti.

具寿萨毕达亚咖长老确实说了这些偈颂。

Sappidāyakattherassāpadānaṃ chaṭṭhaṃ. · 萨毕达亚咖长老譬喻第六

7. Yūthikapupphiyattheraapadānaṃ7. 尤提咖布毕亚长老譬喻

‘‘Candabhāgānadītīre , anusotaṃ vajāmahaṃ;

在强德巴嘎河岸,我顺流而行;

Sayambhuṃ addasaṃ tattha, sālarājaṃva phullitaṃ.

我在那里见到自生者,犹如盛开的娑罗王树。

‘‘Pupphaṃ yūthikamādāya, upagacchiṃ mahāmuniṃ;

「拿着茉莉花,我前往大牟尼;

Pasannacitto sumano, buddhassa abhiropayiṃ.

以清净心、喜悦意,我向佛陀供养。

‘‘Catunnavutito kappe, yaṃ pupphamabhiropayiṃ;

「九十四劫前,我供养了花;

Duggatiṃ nābhijānāmi, buddhapūjāyidaṃ phalaṃ.

我不知恶趣,此乃供养佛之果。

‘‘Sattasaṭṭhimhito kappe, eko sāmuddharo ahu;

在六十七劫之前,有一位名叫萨穆达罗的人;

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā yūthikapupphiyo thero imā gāthāyo abhāsitthāti.

如是，据说具寿玉提咖花长老说了这些偈颂。

Yūthikapupphiyattherassāpadānaṃ sattamaṃ. · 尤提咖布毕亚长老譬喻第七

8. Dussadāyakattheraapadānaṃ8. 杜萨达亚咖长老譬喻

‘‘Tivarāyaṃ pure ramme, rājaputtosahaṃ tadā;

「往昔在悦意的提瓦拉，我那时是王子；

Paṇṇākāraṃ labhitvāna, upasantassadāsahaṃ.

得到叶伞后，我成为寂静者的侍者。

‘‘Adhivāsesi bhagavā, vatthaṃ hatthena āmasi;

「世尊接受了，以手触摸衣；

Siddhattho adhivāsetvā, vehāsaṃ nabhamuggami.

悉达多接受后，升上虚空天界。

‘‘Buddhassa gacchamānassa, dussā dhāvanti pacchato;

「当佛陀行走时，衣布在后面飘动；

Tattha cittaṃ pasādesiṃ, buddho no aggapuggalo.

在那里我使心净信:『佛陀是我们的最上人。』

‘‘Catunnavutito kappe, yaṃ dussamadadiṃ tadā;

从九十四劫前,我于彼时布施衣;

Duggatiṃ nābhijānāmi, dussadānassidaṃ phalaṃ.

我不知有恶趣,此是布施衣之果。

‘‘Sattasaṭṭhimhito kappe, cakkavattī tadā ahu;

从六十七劫前,彼时有转轮王;

Parisuddhoti nāmena, manujindo mahabbalo.

名为巴利苏德哈,人中之主大威力。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……乃至……已作世尊之教。

Itthaṃ sudaṃ āyasmā dussadāyako thero imā gāthāyo abhāsitthāti.

如是,据说具寿度萨达亚咖长老诵说了这些偈颂。

Dussadāyakattherassāpadānaṃ aṭṭhamaṃ. · 杜萨达亚咖长老譬喻第八

9. Samādapakattheraapadānaṃ9. 萨玛达巴咖长老譬喻

‘‘Nagare bandhumatiyā, mahāpūgagaṇo ahu;

在班度马帝城,有大众之群;

Tesāhaṃ pavaro āsiṃ, mama baddhacarā ca te.

我是他们的首领,他们是我的随从。

‘‘Sabbe te sannipātetvā, puññakamme samādayiṃ;

我召集他们全部,从事福业;

Māḷaṃ kassāma saṅghassa, puññakkhettaṃ anuttaraṃ.

我们为僧团建造堂舍,无上的福田。

‘‘Sādhūti te paṭissutvā, mama chandavasānugā;

他们答应「善哉」,随顺我的意愿;

Niṭṭhāpetvā ca taṃ māḷaṃ, vipassissa adamhase.

完成那堂舍后,我们供养给维巴西。

‘‘Ekanavutito kappe, yaṃ māḷamadadiṃ tadā;

自从九十一劫前,我供养那堂舍以来;

Duggatiṃ nābhijānāmi, māḷadānassidaṃ phalaṃ.

我不知有恶趣,这是布施堂舍的果报。

‘‘Ekūnasattatikappe ,

七十九劫前,

Eko āsi janādhipo.

他是唯一的人主。

Ādeyyo nāma nāmena, cakkavattī mahabbalo.

名为阿迭亚,转轮王,大力者。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā samādapako thero imā gāthāyo abhāsitthāti.

如是,据说具寿沙马达巴咖长老说了这些偈颂。

Samādapakattherassāpadānaṃ navamaṃ. · 萨玛达巴咖长老譬喻第九

10. Pañcaṅguliyattheraapadānaṃ10. 般遮昂古利亚长老譬喻

‘‘Tisso nāmāsi bhagavā, lokajeṭṭho narāsabho;

「世尊名为帝沙,世间最胜者,人中之牛王;

Pavisati gandhakuṭiṃ, vihārakusalo muni.

牟尼善巧于精舍,进入香室。

‘‘Sugandhamālamādāya, agamāsiṃ jinantikaṃ;

「我拿着香花鬘,前往胜利者之处;

Apasaddo ca sambuddhe, pañcaṅgulimadāsahaṃ.

在正觉者面前无声,我供养五指之花。」

‘‘Dvenavute ito kappe, yaṃ gandhamabhiropayiṃ;

「从此九十二劫前，我供养了香

Duggatiṃ nābhijānāmi, pañcaṅgulissidaṃ phalaṃ.

我不知有恶趣，这是五指的果报。

‘‘Dvesattatimhito kappe, rājā āsiṃ sayampabho;

「从此七十二劫前，我是自在王

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊的教诫。」

Itthaṃ sudaṃ āyasmā pañcaṅguliyo thero imā gāthāyo abhāsitthāti;

如是，据说具寿五指长老说了这些偈颂

Pañcaṅguliyattherassāpadānaṃ dasamaṃ. · 般遮昂古利亚长老譬喻第十

Supāricariyavaggo sattarasamo. · 苏巴利遮利亚品第十七

Tassuddānaṃ –

其摄颂——

Supāricari kaṇaverī, khajjako desapūjako;

善行者、甘蔗、食者、供养国

Kaṇikāro sappidado, yūthiko dussadāyako;

咖尼咖拉树施与熟酥,郁地咖树施与衣服;

Māḷo ca pañcaṅguliko, catupaññāsa gāthakāti.

玛喇树有五指粗,有五十四偈。