16. Bandhujīvakavaggo16. 班度基瓦咖品

119 段 · CSCD 巴利原典

1. Bandhujīvakattheraapadānaṃ1. 班度基瓦咖长老譬喻

‘‘Candaṃva vimalaṃ suddhaṃ, vippasannamanāvilaṃ;

「犹如清净无垢的月亮，明净而不混浊；

Nandībhavaparikkhīṇaṃ, tiṇṇaṃ loke visattikaṃ.

已尽喜有，已渡世间的执着。

‘‘Nibbāpayantaṃ janataṃ, tiṇṇaṃ tārayataṃ varaṃ ;

「使众人寂灭，最胜的渡者；

Muniṃ vanamhi jhāyantaṃ , ekaggaṃ susamāhitaṃ.

牟尼在林中禅修，专一而善定。

‘‘Bandhujīvakapupphāni, lagetvā suttakenahaṃ;

「我以线串起班度基瓦咖花，

Buddhassa abhiropayiṃ, sikhino lokabandhuno.

供养佛陀，世间亲族的顶髻者。

‘‘Ekattiṃse ito kappe, yaṃ kammamakariṃ tadā;

「从此三十一劫以来，我当时所作的业；

Duggatiṃ nābhijānāmi, buddhapūjāyidaṃ phalaṃ.

我不知有恶趣，这是供养佛陀的果报。

‘‘Ito sattamake kappe, manujindo mahāyaso;

「从此七劫前,人中之尊,大名声者;

Samantacakkhu nāmāsi, cakkavattī mahabbalo.

名为萨曼答咖库,转轮王,大力者。

‘‘Paṭisambhidā catasso, vimokkhāpi ca aṭṭhime;

「四无碍解,以及八解脱;

Chaḷabhiññā sacchikatā, kataṃ buddhassa sāsanaṃ’’.

六神通已作证,已行佛陀之教。」

Itthaṃ sudaṃ āyasmā bandhujīvako thero imā gāthāyo abhāsitthāti.

如是,据说具寿般度基瓦咖长老说了这些偈颂。

Bandhujīvakattherassāpadānaṃ paṭhamaṃ. · 班度基瓦咖长老譬喻第一

2. Tambapupphiyattheraapadānaṃ2. 丹巴普皮亚长老譬喻

‘‘Parakammāyane yutto, aparādhaṃ akāsahaṃ;

「致力于他人之事,未作罪过;

Vanantaṃ abhidhāvissaṃ, bhayaverasamappito.

我将奔向森林,为恐惧与怨敌所逼迫。

‘‘Pupphitaṃ pādapaṃ disvā, piṇḍibandhaṃ sunimmitaṃ;

「见到开花之树,结成美好之果实;

Tambapupphaṃ gahetvāna, bodhiyaṃ okiriṃ ahaṃ.

我拿取铜色花后,在菩提树上撒下。

‘‘Sammajjitvāna taṃ bodhiṃ, pāṭaliṃ pādaputtamaṃ;

「扫净那菩提树,巴答离最上足树;

Pallaṅkaṃ ābhujitvāna, bodhimūle upāvisiṃ.

结跏趺坐后,我坐于菩提树根下。

‘‘Gatamaggaṃ gavesantā, āgacchuṃ mama santikaṃ;

「寻求已失道路者,来到我的近处;

Te ca disvānahaṃ tattha, āvajjiṃ bodhimuttamaṃ.

我在那里见到他们后,注意那最上菩提树。

‘‘Vanditvāna ahaṃ bodhiṃ, vippasannena cetasā;

「我以净信心,礼敬菩提树后;

Anekatāle papatiṃ, giridugge bhayānake.

在多处堕落,在山险可怖处。

‘‘Ekanavutito kappe, yaṃ pupphamabhiropayiṃ;

「从九十一劫以来,我供养那花;」

Duggatiṃ nābhijānāmi, bodhipūjāyidaṃ phalaṃ.

我不知有恶趣，此为菩提供养之果报。

‘‘Ito ca tatiye kappe, rājā susaññato ahaṃ ;

从此第三劫，我为善自制之王；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……（中略）……已作佛陀之教诫。

Itthaṃ sudaṃ āyasmā tambapupphiyo thero imā gāthāyo abhāsitthāti.

如是，据说具寿昙跋布披亚长老说了这些偈颂。

Tambapupphiyattherassāpadānaṃ dutiyaṃ. · 丹巴普皮亚长老譬喻第二

3. Vīthisammajjakattheraapadānaṃ3. 维提桑玛迦咖长老譬喻

‘‘Udentaṃ sataraṃsiṃva, pītaraṃsiṃva bhāṇumaṃ;

如升起之百光者，如黄光之日；

Pannarase yathā candaṃ, niyyantaṃ lokanāyakaṃ.

如十五之月，如出离之世间导师。

‘‘Aṭṭhasaṭṭhisahassāni, sabbe khīṇāsavā ahuṃ;

六万八千，一切皆为漏尽者；

Parivāriṃsu sambuddhaṃ, dvipadindaṃ narāsabhaṃ.

他们围绕着正自觉者，两足中的尊主，人中的牛王。

‘‘Sammajjitvāna taṃ vīthiṃ, niyyante lokanāyake;

「扫净了那条道路，当世间导师出去时；

Ussāpesiṃ dhajaṃ tattha, vippasannena cetasā.

我在那里竖立了幢，以清净的心。

‘‘Ekanavutito kappe, yaṃ dhajaṃ abhiropayiṃ;

「从九十一劫以来，我竖立了那幢；

Duggatiṃ nābhijānāmi, dhajadānassidaṃ phalaṃ.

我不知有恶趣，这是布施幢的果报。

‘‘Ito catutthake kappe, rājāhosiṃ mahabbalo;

「从此第四劫，我是大力的国王；

Sabbākārena sampanno, sudhajo iti vissuto.

一切方面具足，被称为善幢。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……（中略）……已作世尊的教诫。」

Itthaṃ sudaṃ āyasmā vīthisammajjako thero imā gāthāyo abhāsitthāti.

如是,据说具寿维提三玛伽咖长老说了这些偈颂。

Vīthisammajjakattherassāpadānaṃ tatiyaṃ. · 维提桑玛迦咖长老譬喻第三

4. Kakkārupupphapūjakattheraapadānaṃ4. 咖咖鲁普帕普迦咖长老譬喻

‘‘Devaputto ahaṃ santo, pūjayiṃ sikhināyakaṃ;

「我是天子,礼敬尸弃导师;

Kakkārupupphaṃ paggayha, buddhassa abhiropayiṃ.

手持咖咖鲁花,供养于佛陀。

‘‘Ekattiṃse ito kappe, yaṃ pupphamabhiropayiṃ;

「从此三十一劫前,我供养那花;

Duggatiṃ nābhijānāmi, buddhapūjāyidaṃ phalaṃ.

我不知有恶趣,此是供佛之果报。

‘‘Ito ca navame kappe, rājā sattuttamo ahuṃ;

「从此第九劫,我是名为沙土答摩的王;

Sattaratanasampanno, cakkavattī mahabbalo.

具足七宝,大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊的教诫。」

Itthaṃ sudaṃ āyasmā kakkārupupphapūjako thero imā gāthāyo abhāsitthāti.

如是,据说具寿咖咖卢巴花供养长老说了这些偈颂。

Kakkārupupphapūjakattherassāpadānaṃ catutthaṃ. · 咖咖鲁普帕普迦咖长老譬喻第四

5. Mandāravapupphapūjakattheraapadānaṃ5. 曼达拉瓦普帕普迦咖长老譬喻

‘‘Devaputto ahaṃ santo, pūjayiṃ sikhināyakaṃ;

「我是天子,供养了尸弃导师;

Mandāravena pupphena, buddhassa abhiropayiṃ.

以曼陀罗花,供养了佛陀。

‘‘Sattāhaṃ chadanaṃ āsi, dibbaṃ mālaṃ tathāgate;

「七日之间,天花鬘覆盖如来;

Sabbe janā samāgantvā, namassiṃsu tathāgataṃ.

一切人众聚集,礼敬如来。

‘‘Ekattiṃse ito kappe, yaṃ pupphamabhipūjayiṃ;

「从此三十一劫前,我供养了那花;

Duggatiṃ nābhijānāmi, buddhapūjāyidaṃ phalaṃ.

我不知有恶趣,这是供养佛陀之果报。

‘‘Ito ca dasame kappe, rājāhosiṃ jutindharo;

「从此第十劫,我是名为朱帝达拉的王;」

Sattaratanasampanno, cakkavattī mahabbalo.

具足七宝,大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā mandāravapupphapūjako thero imā gāthāyo abhāsitthāti.

如是,据说具寿曼达拉瓦花供养长老说了这些偈颂。

Mandāravapupphapūjakattherassāpadānaṃ pañcamaṃ. · 曼达拉瓦普帕普迦咖长老譬喻第五

6. Kadambapupphiyattheraapadānaṃ6. 咖丹巴普皮亚长老譬喻

‘‘Himavantassāvidūre , kukkuṭo nāma pabbato;

「离雪山不远,有名为鸡山;

Tamhi pabbatapādamhi, satta buddhā vasanti te.

在那山麓,七佛住于彼处。

‘‘Kadambaṃ pupphitaṃ disvā, dīparājaṃva uggataṃ;

「见迦昙婆花盛开,如灯王升起;

Ubho hatthehi paggayha, satta buddhe samokiriṃ.

以双手捧起,散供七佛。

‘‘Catunnavutito kappe, yaṃ pupphamabhiropayiṃ;

「自九十四劫前,我供养那些花;

Duggatiṃ nābhijānāmi, buddhapūjāyidaṃ phalaṃ.

我不知有恶趣，此是礼敬佛之果。

‘‘Dvenavute ito kappe, sattāsuṃ pupphanāmakā;

从此九十二劫前，有七位名为花者；

Sattaratanasampannā, cakkavattī mahabbalā.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作佛陀之教诫。

Itthaṃ sudaṃ āyasmā kadambapupphiyo thero imā gāthāyo abhāsitthāti;

如是，据说具寿咖丹巴花长老说此等偈颂。

Kadambapupphiyattherassāpadānaṃ chaṭṭhaṃ. · 咖丹巴普皮亚长老譬喻第六

7. Tiṇasūlakattheraapadānaṃ7. 提那苏喇咖长老譬喻

‘‘Himavantassāvidūre , bhūtagaṇo nāma pabbato;

离雪山不远，有名为众生聚之山；

Vasateko jino tattha, sayambhū lokanissaṭo.

一位胜者住在那里，自生者，世间之依怙。

‘‘Tiṇasūlaṃ gahetvāna, buddhassa abhiropayiṃ;

我拿取草尖，供养于佛；

Ekūnasatasahassaṃ, kappaṃ na vinipātiko.

九万九千劫，不堕恶趣。

‘‘Ito ekādase kappe, ekosiṃ dharaṇīruho;

从此十一劫前，我是一位地主；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作佛陀的教诫。

Itthaṃ sudaṃ āyasmā tiṇasūlako thero imā gāthāyo abhāsitthāti.

如是，据说具寿提那苏喇咖长老诵说了这些偈颂。

Tiṇasūlakattherassāpadānaṃ sattamaṃ. · 提那苏喇咖长老譬喻第七

8. Nāgapupphiyattheraapadānaṃ8. 那嘎普皮亚长老譬喻

‘‘Suvaccho nāma nāmena, brāhmaṇo mantapāragū;

名为苏瓦洽的婆罗门，通达咒术；

Purakkhato sasissehi, vasate pabbatantare.

与弟子们一起，住在山间。

‘‘Padumuttaro nāma jino, āhutīnaṃ paṭiggaho;

名为巴度穆答喇的胜者，受供养者；

Mamuddharitukāmo so, āgacchi mama santikaṃ.

他想要救拔我，来到我的面前。

‘‘Vehāsamhi caṅkamati, dhūpāyati jalate tathā;

「他在空中经行，冒烟，如此燃烧；

Hāsaṃ mamaṃ viditvāna, pakkāmi pācināmukho.

知道我的笑后，他向东方离去。

‘‘Tañca acchariyaṃ disvā, abbhutaṃ lomahaṃsanaṃ;

「见到那不可思议的、未曾有的、令人毛骨悚然的事后，

Nāgapupphaṃ gahetvāna, gatamaggamhi okiriṃ.

我拿取龙树花，在已去的路上散布。

‘‘Satasahassito kappe, yaṃ pupphaṃ okiriṃ ahaṃ;

「从散布那花的百千劫以来，

Tena cittappasādena, duggatiṃ nupapajjahaṃ.

以那心的净信，我不往生恶趣。

‘‘Ekattiṃse kappasate , rājā āsi mahāraho;

「在三十一劫前，有一位大王名为马哈拉哈；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作佛陀的教诫。」

Itthaṃ sudaṃ āyasmā nāgapupphiyo thero imā gāthāyo abhāsitthāti.

如是，据说具寿那咖普披亚长老说了这些偈颂。

Nāgapupphiyattherassāpadānaṃ aṭṭhamaṃ. · 那嘎普皮亚长老譬喻第八

9. Punnāgapupphiyattheraapadānaṃ9. 本那嘎普皮亚长老譬喻

‘‘Kānanaṃ vanamogayha, vasāmi luddako ahaṃ;

「进入森林丛林，我住为猎人；

Punnāgaṃ pupphitaṃ disvā, buddhaseṭṭhaṃ anussariṃ.

见到普那咖树开花，我忆念最胜佛。

‘‘Taṃ pupphaṃ ocinitvāna, sugandhaṃ gandhitaṃ subhaṃ;

「采摘那些花，芳香、有香、美好；

Thūpaṃ karitvā puline, buddhassa abhiropayiṃ.

在沙滩上造塔，我供养佛陀。

‘‘Dvenavute ito kappe, yaṃ pupphamabhipūjayiṃ;

「从此九十二劫前，我供养那些花；

Duggatiṃ nābhijānāmi, buddhapūjāyidaṃ phalaṃ.

我不知有恶趣，此是礼敬佛之果。

‘‘Ekamhi navute kappe, eko āsiṃ tamonudo;

于九十一劫中，我是唯一的除暗者；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……[中略]……已作佛陀之教诫。

Itthaṃ sudaṃ āyasmā punnāgapupphiyo thero imā gāthāyo abhāsitthāti.

如是，据说具寿奔那咖花长老说了这些偈颂。

Punnāgapupphiyattherassāpadānaṃ navamaṃ. · 本那嘎普皮亚长老譬喻第九

10. Kumudadāyakattheraapadānaṃ10. 咕木达达亚咖长老譬喻

‘‘Himavantassāvidūre, mahājātassaro ahu;

离喜马拉雅山不远，有大生湖；

Padumuppalasañchanno, puṇḍarīkasamotthaṭo.

覆盖着莲花与睡莲，充满着白莲。

‘‘Kukuttho nāma nāmena, tatthāsiṃ sakuṇo tadā;

名为库咖他，我当时是那里的鸟；

Sīlavā buddhisampanno, puññāpuññesu kovido.

具戒、具慧,于福与非福善巧。

‘‘Padumuttaro lokavidū, āhutīnaṃ paṭiggaho;

「莲华上者知世间者,诸供养之受者;

Jātassarassāvidūre, sañcarittha mahāmuni.

大牟尼忆念生处不远,游行诸方。

‘‘Jalajaṃ kumudaṃ chetvā, upanesiṃ mahesino;

「切断水生睡莲,我奉献给大仙;

Mama saṅkappamaññāya, paṭiggahi mahāmuni.

知我之意愿,大牟尼受取。

‘‘Tañca dānaṃ daditvāna, sukkamūlena codito;

「布施彼供养后,由善根所驱使;

Kappānaṃ satasahassaṃ, duggatiṃ nupapajjahaṃ.

十万劫中,我不往生恶趣。

‘‘Soḷaseto kappasate, āsuṃ varuṇanāmakā;

「从此十六百劫前,有诸名为瓦卢那者;

Aṭṭha ete janādhipā, cakkavattī mahabbalā.

这八位人主,转轮王,大力者。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā kumudadāyako thero imā gāthāyo abhāsitthāti.

如是,据说具寿库木达达亚咖长老说了这些偈颂。

Kumudadāyakattherassāpadānaṃ dasamaṃ. · 咕木达达亚咖长老譬喻第十

Bandhujīvakavaggo soḷasamo. · 班度基瓦咖品第十六

Tassuddānaṃ –

其摄颂——

Bandhujīvo tambapupphī, vīthikakkārupupphiyo;

班度基瓦、丹巴花、韦提咖咖鲁花;

Mandāravo kadambī ca, sūlako nāgapupphiyo;

曼达拉瓦与咖丹比、苏喇咖、那咖花;

Punnāgo komudī gāthā, chappaññāsa pakittitāti.

本那咖、库木地偈颂,五十六已宣说。