13. Sereyyavaggo13. 谢雷亚品

215 段 · CSCD 巴利原典

1. Sereyyakattheraapadānaṃ1. 谢雷亚咖长老譬喻

‘‘Ajjhāyako mantadharo, tiṇṇaṃ vedāna pāragū;

「诵习者、持咒者,三吠陀的到彼岸者;

Abbhokāse ṭhito santo, addasaṃ lokanāyakaṃ.

站立于露天处的寂静者,我见到了世间的导师。

‘‘Sīhaṃ yathā vanacaraṃ, byaggharājaṃva nittasaṃ;

「犹如林中行的狮子,如无畏的虎王;

Tidhāpabhinnamātaṅgaṃ, kuñjaraṃva mahesinaṃ.

如三处分裂的象王,如大牙的象。

‘‘Sereyyakaṃ gahetvāna, ākāse ukkhipiṃ ahaṃ;

「我取了些利耶咖花,在空中抛撒;

Buddhassa ānubhāvena, parivārenti sabbaso .

以佛陀的威力,它们完全围绕着。

‘‘Adhiṭṭhahi mahāvīro, sabbaññū lokanāyako;

「大雄、一切知者、世间导师,请决意吧;

Samantā pupphacchadanā, okiriṃsu narāsabhaṃ.

四方的花覆盖,散落在人中之牛。」

‘‘Tato sā pupphakañcukā, antovaṇṭā bahimukhā;

「从那花苞中,内卷外开;

Sattāhaṃ chadanaṃ katvā, tato antaradhāyatha.

作了七日的覆盖后,然后消失了。

‘‘Tañca acchariyaṃ disvā, abbhutaṃ lomahaṃsanaṃ;

「见到那稀有、未曾有、令人汗毛竖立之事;

Buddhe cittaṃ pasādesiṃ, sugate lokanāyake.

我对佛、善逝、世间导师生起了净信心。

‘‘Tena cittappasādena, sukkamūlena codito;

「以那净信心,以及善根的驱使;

Kappānaṃ satasahassaṃ, duggatiṃ nupapajjahaṃ.

十万劫中,我不往生恶趣。

‘‘Pannarasasahassamhi , kappānaṃ pañcavīsati;

「在一万五千劫前,有二十五位

Vītamalā samānā ca, cakkavattī mahabbalā.

离垢者,大力的转轮王。

‘‘Paṭisambhidā catasso, vimokkhāpi ca aṭṭhime;

「四无碍解，以及这八解脱；

Chaḷabhiññā sacchikatā, kataṃ buddhassa sāsanaṃ’’.

六神通已作证，佛陀的教诫已完成。」

Itthaṃ sudaṃ āyasmā sereyyako thero imā gāthāyo abhāsitthāti.

如是，据说具寿些勒亚咖长老说了这些偈颂。

Sereyyakattherassāpadānaṃ paṭhamaṃ. · 谢雷亚咖长老譬喻第一

2. Pupphathūpiyattheraapadānaṃ2. 花塔长老譬喻

‘‘Himavantassāvidūre , kukkuro nāma pabbato;

「离雪山不远，有座名为库咖罗的山；

Vemajjhe tassa vasati, brāhmaṇo mantapāragū.

在那中间住着，一位精通咒语的婆罗门。

‘‘Pañca sissasahassāni, parivārenti maṃ sadā;

「五千弟子，常常围绕着我；

Pubbuṭṭhāyī ca te āsuṃ, mantesu ca visāradā.

他们早起，且精通诸咒语。

‘‘Buddho loke samuppanno, taṃ vijānātha no bhavaṃ;

「佛陀已出现于世，你们应知道那位尊者；

Asītibyañjanānassa, bāttiṃsavaralakkhaṇā.

具足八十随好,三十二种殊胜相。

‘‘Byāmappabho jinavaro, ādiccova virocati;

「一寻光辉的胜利者,如太阳般照耀;

Sissānaṃ vacanaṃ sutvā, brāhmaṇo mantapāragū.

听闻弟子们的言语,通达咒术的婆罗门。

‘‘Assamā abhinikkhamma, disaṃ pucchati sissake ;

「从住处出来,向弟子们询问方向;

Yamhi dese mahāvīro, vasati lokanāyako.

大雄、世间导师,住在哪个地方。

‘‘Tāhaṃ disaṃ namassissaṃ, jinaṃ appaṭipuggalaṃ;

「我将向那个方向礼敬,无与伦比的胜利者;

Udaggacitto sumano, pūjesiṃ taṃ tathāgataṃ.

心意高扬、喜悦,我礼敬那位如来。

‘‘Etha sissā gamissāma, dakkhissāma tathāgataṃ;

「来吧,弟子们,我们将前往,将见到如来;

Vanditvā satthuno pāde, sossāma jinasāsanaṃ.

礼敬导师之足后，我们将听闻胜利者的教诫。

‘‘Ekāhaṃ abhinikkhamma, byādhiṃ paṭilabhiṃ ahaṃ;

「我独自一人出去后，我得了病；

Byādhinā pīḷito santo, sālaṃ vāsayituṃ gamiṃ.

被病所逼迫，我去住在厅堂。

‘‘Sabbe sisse samānetvā, apucchiṃ te tathāgataṃ;

「召集所有弟子后，我问他们关于如来；

Kīdisaṃ lokanāthassa, guṇaṃ paramabuddhino.

世间怙主、无上正觉者的功德是怎样的。

‘‘Te me puṭṭhā viyākaṃsu, yathā dassāvino tathā;

「他们被我问后，如实地分别论；

Sakkaccaṃ buddhaseṭṭhaṃ taṃ, desesuṃ mama sammukhā.

他们恭敬地在我面前讲说那最胜佛陀。

‘‘Tesāhaṃ vacanaṃ sutvā, sakaṃ cittaṃ pasādayiṃ;

「我听闻他们的话后，使自己的心清净；

Pupphehi thūpaṃ katvāna, tattha kālaṅkato ahaṃ.

以花作塔后,我于彼处命终。

‘‘Te me sarīraṃ jhāpetvā, agamuṃ buddhasantikaṃ;

他们火化我的身体后,前往佛陀处;

Añjaliṃ paggahetvāna, satthāramabhivādayuṃ.

合掌后,礼敬导师。

‘‘Pupphehi thūpaṃ katvāna, sugatassa mahesino;

以花作塔,供养善逝大仙;

Kappānaṃ satasahassaṃ, duggatiṃ nupapajjahaṃ.

十万劫中,我不往生恶趣。

‘‘Cattālīsasahassamhi , kappe soḷasa khattiyā;

四万四千劫中,有十六位刹帝利,

Nāmenaggisamā nāma, cakkavattī mahabbalā.

名为那给那沙马,是大力转轮王。

‘‘Vīsakappasahassamhi, rājāno cakkavattino;

二万劫中,诸转轮王;

Ghatāsanasanāmāva, aṭṭhattiṃsa mahīpatī.

名为嘎答萨那的三十八位大王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā pupphathūpiyo thero imā gāthāyo abhāsitthāti.

如是,据说具寿普帕图比亚长老说了这些偈颂。

Pupphathūpiyattherassāpadānaṃ dutiyaṃ. · 花塔长老譬喻第二

3. Pāyasadāyakattheraapadānaṃ3. 乳粥施者长老譬喻

‘‘Suvaṇṇavaṇṇo sambuddho, bāttiṃsavaralakkhaṇo;

「金色的正自觉者,具足三十二种殊胜相;

Pavanā abhinikkhanto, bhikkhusaṅghapurakkhato .

从巴瓦那出来,比库僧团在前导。

‘‘Mahaccā kaṃsapātiyā, vaḍḍhetvā pāyasaṃ ahaṃ;

「我用大铜钵,煮好乳粥;

Āhutiṃ yiṭṭhukāmo so, upanesiṃ baliṃ ahaṃ.

我欲作供养,我奉上供物。

‘‘Bhagavā tamhi samaye, lokajeṭṭho narāsabho;

「世尊在那时,世间之最胜、人中之牛王;

Caṅkamaṃ susamārūḷho, ambare anilāyane.

善登上经行处,在虚空、风的住所。

‘‘Tañca acchariyaṃ disvā, abbhutaṃ lomahaṃsanaṃ;

见到那稀有之事,未曾有、令人汗毛竖立;

Ṭhapayitvā kaṃsapātiṃ, vipassiṃ abhivādayiṃ.

放下铜钵,我礼敬维巴西。

‘‘Tuvaṃ devosi sabbaññū, sadeve sahamānuse;

你是天人、一切知者,与天人、人俱;

Anukampaṃ upādāya, paṭigaṇha mahāmuni.

出于悲愍,请接受,大牟尼。

‘‘Paṭiggahesi bhagavā, sabbaññū lokanāyako;

世尊接受了,一切知者、世间导师;

Mama saṅkappamaññāya, satthā loke mahāmuni .

知我的意向,世间的导师、大牟尼。

‘‘Ekanavutito kappe, yaṃ dānamadadiṃ tadā;

从九十一劫以来,我当时所施的那布施;

Duggatiṃ nābhijānāmi, pāyasassa idaṃ phalaṃ.

我不知有恶趣，这是乳粥的果报。

‘‘Ekatālīsito kappe, buddho nāmāsi khattiyo;

四十一劫前，有佛名为刹帝利；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作世尊的教诫。

Itthaṃ sudaṃ āyasmā pāyasadāyako thero imā gāthāyo abhāsitthāti.

如是，据说具寿乳粥施与者长老说了这些偈颂。

Pāyasadāyakattherassāpadānaṃ tatiyaṃ. · 乳粥施者长老譬喻第三

4. Gandhodakiyattheraapadānaṃ4. 香水长老譬喻

‘‘Nisajja pāsādavare, vipassiṃ addasaṃ jinaṃ;

坐于殊胜宫殿，我见到维巴西胜者；

Kakudhaṃ vilasantaṃva, sabbaññuṃ tamanāsakaṃ .

如顶髻辉耀，一切知者、无鼻者。

‘‘Pāsādassāvidūre ca, gacchati lokanāyako;

离宫殿不远处，世间导师行走；

Pabhā niddhāvate tassa, yathā ca sataraṃsino.

光辉从他散发出来，犹如百光者（太阳）。

‘‘Gandhodakañca paggayha, buddhaseṭṭhaṃ samokiriṃ;

「取了香水之后，我洒向最胜佛；

Tena cittappasādena, tattha kālaṅkato ahaṃ.

以那心净信，我在那里命终。

‘‘Ekanavutito kappe, yaṃ gandhodakamākiriṃ;

「自从我洒了香水，九十一劫以来，

Duggatiṃ nābhijānāmi, buddhapūjāyidaṃ phalaṃ.

我不知有恶趣，这是供养佛的果报。

‘‘Ekattiṃse ito kappe, sugandho nāma khattiyo;

「距今三十一劫前，有名为苏甘德的刹帝利，

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……（中略）……已作世尊的教诫。」

Itthaṃ sudaṃ āyasmā gandhodakiyo thero imā gāthāyo abhāsitthāti.

如是,据说具寿甘陀达吉亚长老说了这些偈颂。

Gandhodakiyattherassāpadānaṃ catutthaṃ. · 香水长老譬喻第四

5. Sammukhāthavikattheraapadānaṃ5. 现前赞叹长老譬喻

‘‘Jāyamāne vipassimhi, nimittaṃ byākariṃ ahaṃ;

「当维巴西出生时,我宣说了征相;

‘Nibbāpayiñca janataṃ, buddho loke bhavissati.

『将使众人般涅槃,佛陀将出现于世。』

‘‘‘Yasmiñca jāyamānasmiṃ, dasasahassi kampati;

「当他出生时,一万世界震动;

So dāni bhagavā satthā, dhammaṃ deseti cakkhumā.

他现在是世尊导师,具眼者正在说法。

‘‘‘Yasmiñca jāyamānasmiṃ, āloko vipulo ahu;

「当他出生时,广大的光明出现;

So dāni bhagavā satthā, dhammaṃ deseti cakkhumā.

他现在是世尊导师,具眼者正在说法。

‘‘‘Yasmiñca jāyamānasmiṃ, saritāyo na sandayuṃ ;

「当他出生时,诸河流不流动;」

So dāni bhagavā satthā, dhammaṃ deseti cakkhumā.

现在彼世尊导师、具眼者正在说法。

‘‘‘Yasmiñca jāyamānasmiṃ, avīcaggi na pajjali;

「当彼出生时,无间地狱之火不燃烧;

So dāni bhagavā satthā, dhammaṃ deseti cakkhumā.

现在彼世尊导师、具眼者正在说法。

‘‘‘Yasmiñca jāyamānasmiṃ, pakkhisaṅgho na saṃcari;

「当彼出生时,鸟群不飞行;

So dāni bhagavā satthā, dhammaṃ deseti cakkhumā.

现在彼世尊导师、具眼者正在说法。

‘‘‘Yasmiñca jāyamānasmiṃ, vātakkhandho na vāyati;

「当彼出生时,风团不吹动;

So dāni bhagavā satthā, dhammaṃ deseti cakkhumā.

现在彼世尊导师、具眼者正在说法。

‘‘‘Yasmiñca jāyamānasmiṃ, sabbaratanāni jotayuṃ ;

「当彼出生时,一切宝物发光;

So dāni bhagavā satthā, dhammaṃ deseti cakkhumā.

现在世尊是导师，具眼者说法。

‘‘‘Yasmiñca jāyamānasmiṃ, sattāsuṃ padavikkamā;

「当他出生时，众生有了足迹；

So dāni bhagavā satthā, dhammaṃ deseti cakkhumā.

现在世尊是导师，具眼者说法。

‘‘‘Jātamatto ca sambuddho, disā sabbā vilokayi;

「刚出生的正自觉者，观察一切方向；

Vācāsabhimudīresi, esā buddhāna dhammatā’.

发出狮子吼声，这是诸佛的法性」。

‘‘Saṃvejayitvā janataṃ, thavitvā lokanāyakaṃ;

「使众人生起悚动后，赞叹世间导师；

Sambuddhaṃ abhivādetvā, pakkāmiṃ pācināmukho.

礼敬正自觉者后，我向东方离去。

‘‘Ekanavutito kappe, yaṃ buddhamabhithomayiṃ;

「从九十一劫以来，我赞叹那位佛；

Duggatiṃ nābhijānāmi, thomanāya idaṃ phalaṃ.

我不知恶趣,这是赞叹的果报。

‘‘Ito navutikappamhi, sammukhāthavikavhayo;

从此九十劫之前,名为萨姆卡塔维咖;

Sattaratanasampanno, cakkavattī mahabbalo.

具足七宝,大力转轮王。

‘‘Pathavīdundubhi nāma , ekūnanavutimhito;

名为巴他维敦杜比,从此八十九劫之前;

Sattaratanasampanno, cakkavattī mahabbalo.

具足七宝,大力转轮王。

‘‘Aṭṭhāsītimhito kappe, obhāso nāma khattiyo;

从此八十八劫之前,名为欧巴萨的刹帝利;

Sattaratanasampanno, cakkavattī mahabbalo.

具足七宝,大力转轮王。

‘‘Sattāsītimhito kappe, saritacchedanavhayo;

从此八十七劫之前,名为萨利塔切达那;

Sattaratanasampanno, cakkavattī mahabbalo.

具足七宝,大力转轮王。

‘‘Agginibbāpano nāma, kappānaṃ chaḷasītiyā;

「名为灭火者,在六十劫中;

Sattaratanasampanno, cakkavattī mahabbalo.

具足七宝,大力转轮王。

‘‘Gatipacchedano nāma, kappānaṃ pañcasītiyā;

「名为断趣者,在五十劫中;

Sattaratanasampanno, cakkavattī mahabbalo.

具足七宝,大力转轮王。

‘‘Rājā vātasamo nāma, kappānaṃ cullasītiyā;

「名为风同王,在四十劫中;

Sattaratanasampanno, cakkavattī mahabbalo.

具足七宝,大力转轮王。

‘‘Ratanapajjalo nāma, kappānaṃ teasītiyā;

「名为宝炽者,在三十劫中;

Sattaratanasampanno, cakkavattī mahabbalo.

具足七宝，大力转轮王。

‘‘Padavikkamano nāma, kappānaṃ dveasītiyā;

「名为巴达维咖马那，在八十二劫；

Sattaratanasampanno, cakkavattī mahabbalo.

具足七宝，大力转轮王。

‘‘Rājā vilokano nāma, kappānaṃ ekasītiyā;

「名为维罗咖那王，在八十一劫；

Sattaratanasampanno, cakkavattī mahabbalo.

具足七宝，大力转轮王。

‘‘Girasāroti nāmena, kappesītimhi khattiyo;

「名为吉拉沙拉，在八十劫时的刹帝利；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊的教诫。」

Itthaṃ sudaṃ āyasmā sammukhāthaviko thero imā gāthāyo abhāsitthāti.

如是,具寿三目塔维咖长老说了这些偈颂。

Sammukhāthavikattherassāpadānaṃ pañcamaṃ. · 现前赞叹长老譬喻第五

6. Kusumāsaniyattheraapadānaṃ6. 花座长老譬喻

‘‘Nagare dhaññavatiyā, ahosiṃ brāhmaṇo tadā;

「在谷城中,我当时是婆罗门;

Lakkhaṇe itihāse ca, sanighaṇḍusakeṭubhe.

「精通相、传说、词汇、词源及吉凶征兆。

‘‘Padako veyyākaraṇo, nimittakovido ahaṃ;

「我是通晓词句、语法、相的专家;

Mante ca sisse vācesiṃ, tiṇṇaṃ vedāna pāragū.

「我教授真言及弟子,是三吠陀的通达者。

‘‘Pañca uppalahatthāni, piṭṭhiyaṃ ṭhapitāni me;

「五朵莲花握在手中,被我放置在背后;

Āhutiṃ yiṭṭhukāmohaṃ, pitumātusamāgame.

「我欲供养祭祀,在父母聚会时。

‘‘Tadā vipassī bhagavā, bhikkhusaṅghapurakkhato;

「当时维巴西世尊,以比库僧团为前导;

Obhāsento disā sabbā, āgacchati narāsabho.

照耀一切方,人中牛前来。

‘‘Āsanaṃ paññapetvāna, nimantetvā mahāmuniṃ;

敷设座位后,邀请大牟尼;

Santharitvāna taṃ pupphaṃ, abhinesiṃ sakaṃ gharaṃ.

铺设那些花,我引至自家。

‘‘Yaṃ me atthi sake gehe, āmisaṃ paccupaṭṭhitaṃ;

凡我自家中,所备之食物;

Tāhaṃ buddhassa pādāsiṃ, pasanno sehi pāṇibhi.

我以那些手,恭敬施佛足。

‘‘Bhuttāviṃ kālamaññāya, pupphahatthamadāsahaṃ;

知时已食毕,我施手中花;

Anumoditvāna sabbaññū, pakkāmi uttarāmukho.

一切智随喜,向北方而去。

‘‘Ekanavutito kappe, yaṃ pupphamadadiṃ tadā;

九十一劫前,我施那些花;

Duggatiṃ nābhijānāmi, pupphadānassidaṃ phalaṃ.

我不知恶趣，此是施花之果报。

‘‘Anantaraṃ ito kappe, rājāhuṃ varadassano;

从此劫之后，我成为具妙相之王；

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作世尊之教诫。

Itthaṃ sudaṃ āyasmā kusumāsaniyo thero imā gāthāyo abhāsitthāti.

如是，据说具寿库苏马萨尼亚长老说了这些偈颂。

Kusumāsaniyattherassāpadānaṃ chaṭṭhaṃ. · 花座长老譬喻第六

7. Phaladāyakattheraapadānaṃ7. 果施者长老譬喻

‘‘Ajjhāyako mantadharo, tiṇṇaṃ vedāna pāragū;

诵习者、持咒者，通达三吠陀之彼岸；

Himavantassāvidūre, vasāmi assame ahaṃ.

我住在离喜马拉雅山不远的隐居处。

‘‘Aggihuttañca me atthi, puṇḍarīkaphalāni ca;

我有火供，以及白莲花果；

Puṭake nikkhipitvāna, dumagge laggitaṃ mayā.

「将(我)放入袋中后,我被挂在树顶上。

‘‘Padumuttaro lokavidū, āhutīnaṃ paṭiggaho;

「世间解巴度摩答喇,诸供养的受者;

Mamuddharitukāmo so, bhikkhanto mamupāgami.

「他欲救拔我,行乞时来到我处。

‘‘Pasannacitto sumano, phalaṃ buddhassadāsahaṃ;

「以净信心、喜悦心,我给与佛陀果实;

Vittisañjanano mayhaṃ, diṭṭhadhammasukhāvaho.

「对我而言,它是生计的产生者,带来现法乐。

‘‘Suvaṇṇavaṇṇo sambuddho, āhutīnaṃ paṭiggaho;

「金色的正自觉者,诸供养的受者;

Antalikkhe ṭhito satthā, imaṃ gāthaṃ abhāsatha.

「导师站立在空中,说此偈:

‘‘‘Iminā phaladānena, cetanāpaṇidhīhi ca;

「『以此布施果实,以及意愿与志愿;」

Kappānaṃ satasahassaṃ, duggatiṃ nupapajjasi’.

十万劫中，不堕恶趣。

‘‘Teneva sukkamūlena, anubhotvāna sampadā;

以那善根，享受成就；

Pattomhi acalaṃ ṭhānaṃ, hitvā jayaparājayaṃ.

我已证得不动之处，舍离胜败。

‘‘Ito sattasate kappe, rājā āsiṃ sumaṅgalo;

从此七百劫前，我是须曼嘎喇王；

Sattaratanasampanno cakkavattī mahabbalo.

具足七宝的转轮王，大威力者。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……（中略）……已作世尊的教诫。

Itthaṃ sudaṃ āyasmā phaladāyako thero imā gāthāyo abhāsitthāti.

如是，据说具寿帕喇达亚咖长老说了这些偈颂。

Phaladāyakattherassāpadānaṃ sattamaṃ. · 果施者长老譬喻第七

8. Ñāṇasaññikattheraapadānaṃ8. 智想长老譬喻

‘‘Pabbate himavantamhi, vasāmi pabbatantare;

在喜马拉雅山，我住在山间；

Pulinaṃ sobhanaṃ disvā, buddhaseṭṭhaṃ anussariṃ.

见到美丽的沙洲,我忆念最胜佛。

‘‘Ñāṇe upanidhā natthi, saṅkhāraṃ natthi satthuno;

「导师的智没有依靠,没有行;

Sabbadhammaṃ abhiññāya, ñāṇena adhimuccati.

遍知一切法后,以智胜解。

‘‘Namo te purisājañña, namo te purisuttama;

「礼敬您,人中之龙!礼敬您,至上人!

Ñāṇena te samo natthi, yāvatā ñāṇamuttamaṃ.

在最上智的范围内,无人与您的智相等。

‘‘Ñāṇe cittaṃ pasādetvā, kappaṃ saggamhi modahaṃ;

「以智净信心后,我在天界欢喜一劫;

Avasesesu kappesu, kusalaṃ caritaṃ mayā.

在其余诸劫中,我行善业。

‘‘Ekanavutito kappe, yaṃ saññamalabhiṃ tadā;

「从九十一劫前,我当时获得那个想;」

Duggatiṃ nābhijānāmi, ñāṇasaññāyidaṃ phalaṃ.

我不知恶趣,此是智想之果。

‘‘Ito sattatikappamhi , eko pulinapupphiyo;

从此七十劫以前,我是一位河滩花者;

Sattaratanasampanno, cakkavattī mahabbalo.

具足七宝,大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作世尊之教。

Itthaṃ sudaṃ āyasmā ñāṇasaññiko thero imā gāthāyo abhāsitthāti.

如是,据说具寿智想长老诵说了这些偈颂。

Ñāṇasaññikattherassāpadānaṃ aṭṭhamaṃ. · 智想长老譬喻第八

9. Gaṇṭhipupphiyattheraapadānaṃ9. 结花长老譬喻

‘‘Suvaṇṇavaṇṇo sambuddho, vipassī dakkhiṇāraho;

金色的正自觉者,维巴西,应受供养;

Purakkhato sāvakehi, ārāmā abhinikkhami.

由诸弟子前导,从园林出来。

‘‘Disvānahaṃ buddhaseṭṭhaṃ, sabbaññuṃ tamanāsakaṃ;

见到彼佛中至尊,一切知者、无漏者;

Pasannacitto sumano, gaṇṭhipupphaṃ apūjayiṃ.

以净信心、喜悦心,我供养了甘提花。

‘‘Tena cittappasādena, dvipadindassa tādino;

以那心的净信,对于两足尊、如是者;

Haṭṭho haṭṭhena cittena, puna vandiṃ tathāgataṃ.

欢喜以欢喜心,我再次礼敬如来。

‘‘Ekanavutito kappe, yaṃ pupphamabhiropayiṃ;

自从我供养那花以来,经过九十一劫;

Duggatiṃ nābhijānāmi, buddhapūjāyidaṃ phalaṃ.

我不知有恶趣,这是供养佛之果报。

‘‘Ekatālīsito kappe, caraṇo nāma khattiyo;

四十一劫之前,有一位名叫咖拉那的刹帝利;

Sattaratanasampanno, cakkavattī mahabbalo.

具足七宝,是大力的转轮王。

‘‘Paṭisambhidā catasso…pe… kataṃ buddhassa sāsanaṃ’’.

四无碍解……已作佛陀的教诫。

Itthaṃ sudaṃ āyasmā gaṇṭhipupphiyo thero imā gāthāyo abhāsitthāti.

据说具寿甘提布毕亚长老说了这些偈颂。

Gaṇṭhipupphiyattherassāpadānaṃ navamaṃ. · 结花长老譬喻第九

10. Padumapūjakattheraapadānaṃ10. 莲花供养长老譬喻

‘‘Himavantassāvidūre , gotamo nāma pabbato;

「在喜马拉雅山不远处,有一座名为果德玛的山;

Nānārukkhehi sañchanno, mahābhūtagaṇālayo.

被各种树木覆盖,是大神众的住处。

‘‘Vemajjhamhi ca tassāsi, assamo abhinimmito;

「在那山的中央,有一座精舍被建造;

Purakkhato sasissehi, vasāmi assame ahaṃ.

被弟子们围绕着,我住在那精舍中。

‘‘Āyantu me sissagaṇā, padumaṃ āharantu me;

「我的弟子众来吧,为我带来莲花;

Buddhapūjaṃ karissāmi, dvipadindassa tādino.

我将作佛陀供养,供养那位两足尊、如是者。

‘‘Evanti te paṭissutvā, padumaṃ āhariṃsu me;

「他们答应『是的』之后,为我带来了莲花;」

Tathā nimittaṃ katvāhaṃ, buddhassa abhiropayiṃ.

如此作了供养,我供养了佛陀。

‘‘Sisse tadā samānetvā, sādhukaṃ anusāsahaṃ;

当时召集了弟子们,我善加教诫:

Mā kho tumhe pamajjittha, appamādo sukhāvaho.

你们不要放逸,不放逸带来安乐。

‘‘Evaṃ samanusāsitvā, te sisse vacanakkhame;

如此教诫了那些听从教言的弟子们;

Appamādaguṇe yutto, tadā kālaṅkato ahaṃ.

我具足不放逸之德,当时命终了。

‘‘Ekanavutito kappe, yaṃ pupphamabhiropayiṃ;

自从九十一劫前,我供养了那些花;

Duggatiṃ nābhijānāmi, buddhapūjāyidaṃ phalaṃ.

我不知有恶趣,这是供养佛陀的果报。

‘‘Ekapaññāsakappamhi, rājā āsiṃ jaluttamo;

在五十一劫前,我是名为嘉卢答摩的国王;

Sattaratanasampanno, cakkavattī mahabbalo.

具足七宝，大力转轮王。

‘‘Paṭisambhidā catasso…pe… kataṃ buddhassa sāsanaṃ’’.

「四无碍解……乃至……已作世尊之教。」

Itthaṃ sudaṃ āyasmā padumapūjako thero imā gāthāyo abhāsitthāti;

如是，据说具寿巴杜马普迦咖长老说了这些偈颂。

Padumapūjakattherassāpadānaṃ dasamaṃ. · 莲花供养长老譬喻第十

Sereyyavaggo terasamo. · 谢雷亚品第十三

Tassuddānaṃ –

其摄颂——

Sereyyako pupphathūpi, pāyaso gandhathomako;

些勒亚咖、花堆、巴亚沙、香供养者；

Āsani phalasaññī ca, gaṇṭhipadumapupphiyo;

阿萨尼、果想者、以及甘提巴杜马花供养者；

Pañcuttarasatā gāthā, gaṇitā atthadassibhi.

一百五十偈颂，由见义者所计算。