16. Mahānipāto16. 大集

153 段 · CSCD 巴利原典

1. Sumedhātherīgāthā1. 苏美达长老尼偈

Mantāvatiyā nagare, rañño koñcassa aggamahesiyā;

在曼答瓦提城,拘迦王的王后;

Dhītā āsiṃ sumedhā, pasāditā sāsanakarehi.

我是女儿苏美妲,对教诫者有信心。

Sīlavatī cittakathā, bahussutā buddhasāsane vinītā;

持戒、善说、多闻、于佛教中受训;

Mātāpitaro upagamma, bhaṇati ‘‘ubhayo nisāmetha.

前往父母处,说道:'请二位谛听。

‘‘Nibbānābhiratāhaṃ, asassataṃ bhavagataṃ yadipi dibbaṃ;

'我乐于涅槃,有之所至无常,即使是天界;

Kimaṅgaṃ pana tucchā kāmā, appassādā bahuvighātā.

何况虚妄的诸欲,少味而多障碍。

‘‘Kāmā kaṭukā āsīvisūpamā, yesu mucchitā bālā;

'诸欲苦涩如毒蛇,愚者迷醉于其中;

Te dīgharattaṃ niraye, samappitā haññante dukkhitā .

他们长夜在地狱,被投入、被杀害、受苦。

‘‘Socanti pāpakammā, vinipāte pāpavaddhino sadā;

「造恶业者悲伤,恶增长者常在恶趣中;

Kāyena ca vācāya ca, manasā ca asaṃvutā bālā.

愚者以身、以语、以意不防护。

‘‘Bālā te duppaññā, acetanā dukkhasamudayoruddhā;

「愚者劣慧,无觉知,被苦集所缚;

Desante ajānantā, na bujjhare ariyasaccāni.

不了知所说示,不觉悟圣谛。

‘‘Saccāni amma buddhavaradesitāni, te bahutarā ajānantā ye;

「母亲啊!佛陀最胜者所说示的诸谛,那些不了知者众多;

Abhinandanti bhavagataṃ, pihenti devesu upapattiṃ.

他们欢喜有趣,渴望诸天中的再生。

‘‘Devesupi upapatti, asassatā bhavagate aniccamhi;

「即使在诸天中的再生,在有趣中也是无常的、非恒常的;

Na ca santasanti bālā, punappunaṃ jāyitabbassa.

然而愚者不恐惧,一再应被生的。

‘‘Cattāro vinipātā, duve ca gatiyo kathañci labbhanti;

「四恶趣,两种趣某种程度上可得;

Na ca vinipātagatānaṃ, pabbajjā atthi nirayesu.

但堕恶趣者,在地狱中没有出家。

‘‘Anujānātha maṃ ubhayo, pabbajituṃ dasabalassa pāvacane;

「请允许我两者,在十力者的教说中出家;

Appossukkā ghaṭissaṃ, jātimaraṇappahānāya.

少事务,我将努力,为了断除生死。

‘‘Kiṃ bhavagate abhinanditena, kāyakalinā asārena;

「对有趣的喜乐有何用,对身体的污垢、无实质者;

Bhavataṇhāya nirodhā, anujānātha pabbajissāmi.

由于有爱的灭尽,请允许我将出家。

‘‘Buddhānaṃ uppādo vivajjito, akkhaṇo khaṇo laddho;

「诸佛的出现难遇,非时已过时已得;

Sīlāni brahmacariyaṃ, yāvajīvaṃ na dūseyyaṃ’’.

诸戒与梵行,尽形寿我不应破坏」。

Evaṃ bhaṇati sumedhā, mātāpitaro ‘‘na tāva āhāraṃ;

苏美达如此说,对父母说:「我不吃食物;

Āharissaṃ gahaṭṭhā, maraṇavasaṃ gatāva hessāmi’’.

我将在家中拿取,我将去到死亡的控制之下」。

Mātā dukkhitā rodati pitā ca, assā sabbaso samabhihato;

母亲痛苦地哭泣,父亲也是,他完全被击倒;

Ghaṭenti saññāpetuṃ, pāsādatale chamāpatitaṃ.

他们努力劝说,倒在宫殿楼台地上的她。

‘‘Uṭṭhehi puttaka kiṃ socitena, dinnāsi vāraṇavatimhi;

「起来吧,女儿,为何悲伤,你已被给予在瓦拉那瓦提;

Rājā anīkaratto , abhirūpo tassa tvaṃ dinnā.

国王阿尼咖拉答,相貌端正,你被给予他。

‘‘Aggamahesī bhavissasi, anikarattassa rājino bhariyā;

「你将成为首席王后,国王阿尼咖拉答的妻子;

Sīlāni brahmacariyaṃ, pabbajjā dukkarā puttaka.

戒、梵行、出家是难行的,女儿。

‘‘Rajje āṇādhanamissariyaṃ, bhogā sukhā daharikāsi;

「在王国中有命令、财富、权力,诸欲乐是快乐的,你还年轻;

Bhuñjāhi kāmabhoge, vāreyyaṃ hotu te putta’’.

享受诸欲乐吧,愿你有婚礼,儿子」。

Atha ne bhaṇati sumedhā, ‘‘mā edisikāni bhavagatamasāraṃ;

于是须美达对他们说:「不要这些已去的、无实质的东西;

Pabbajjā vā hohiti, maraṇaṃ vā me na ceva vāreyyaṃ.

或者出家,或者我死,但绝不会有婚礼。

‘‘Kimiva pūtikāyamasuciṃ, savanagandhaṃ bhayānakaṃ kuṇapaṃ;

「为何我要接近这腐烂的身体、须跋的、流出恶臭的、可怖的尸体;

Abhisaṃviseyyaṃ bhastaṃ, asakiṃ paggharitaṃ asucipuṇṇaṃ.

像风箱一样,不断流出的、充满须跋的。

‘‘Kimiva tāhaṃ jānantī, vikulakaṃ maṃsasoṇitupalittaṃ;

「为何我知道了,还要接近这充满虫的、涂满肉和血的;

Kimikulālayaṃ sakuṇabhattaṃ, kaḷevaraṃ kissa diyyati.

虫窟的住处、鸟的食物,这身躯给谁呢?」

‘‘Nibbuyhati susānaṃ, aciraṃ kāyo apetaviññāṇo;

「身体被搬到墓地,不久,身体离去了识;

Chuddho kaḷiṅgaraṃ viya, jigucchamānehi ñātīhi.

被厌恶的亲族们抛弃,如同一块破布。

‘‘Chuddhūna naṃ susāne, parabhattaṃ nhāyanti jigucchantā;

「在墓地抛弃它后,他们厌恶地沐浴,吃他人的食物;

Niyakā mātāpitaro, kiṃ pana sādhāraṇā janatā.

血亲的父母尚且如此,何况一般的人们。

‘‘Ajjhositā asāre, kaḷevare aṭṭhinhārusaṅghāte;

「执着于无实质的、骨筋聚合的身体;

Kheḷassuccārassava, paripuṇṇe pūtikāyamhi.

充满痰、唾液、尿液、粪便流出的腐臭身。

‘‘Yo naṃ vinibbhujitvā, abbhantaramassa bāhiraṃ kayirā ;

「若将它剖开,把内部翻到外面;

Gandhassa asahamānā, sakāpi mātā jiguccheyya.

无法忍受那气味,连自己的母亲也会厌恶。」

‘‘Khandhadhātuāyatanaṃ, saṅkhataṃ jātimūlakaṃ dukkhaṃ;

「蕴、界、处,有为、以生为根本的苦;

Yoniso anuvicinantī, vāreyyaṃ kissa iccheyyaṃ.

如理地省察,我应防护什么?我应希求什么?

‘‘Divase divase tisatti, satāni navanavā pateyyuṃ kāyamhi;

「日复一日,三百又九十九支箭落在身上;

Vassasatampi ca ghāto, seyyo dukkhassa cevaṃ khayo.

即使百年的杀戮,若如此苦灭,则更好。

‘‘Ajjhupagacche ghātaṃ, yo viññāyevaṃ satthuno vacanaṃ;

「应接受杀戮,若如此了知导师的教言:

‘Dīgho tesaṃ saṃsāro, punappunaṃ haññamānānaṃ’.

『对于一再被杀者,他们的轮回是长久的。』

‘‘Devesu manussesu ca, tiracchānayoniyā asurakāye;

「在诸天、人间、畜生趣、阿修罗身、

Petesu ca nirayesu ca, aparimitā dissare ghātā.

饿鬼界及地狱中,可见无量的杀戮。」

‘‘Ghātā nirayesu bahū, vinipātagatassa pīḷiyamānassa ;

「在诸地狱中有许多杀戮，对堕落者、受折磨者；

Devesupi attāṇaṃ, nibbānasukhā paraṃ natthi.

即使在诸天中也无庇护，没有比涅槃乐更殊胜的。

‘‘Pattā te nibbānaṃ, ye yuttā dasabalassa pāvacane;

「他们已证得涅槃，那些致力于十力者的教说；

Appossukkā ghaṭenti, jātimaraṇappahānāya.

少事务者努力，为了舍断生死。

‘‘Ajjeva tātabhinikkhamissaṃ, bhogehi kiṃ asārehi;

「今天我就要出家，财富有何用，它们无实质；

Nibbinnā me kāmā, vantasamā tālavatthukatā’’.

我已厌离诸欲，如同呕吐物，如同棕榈树桩。」

Sā cevaṃ bhaṇati pitaramanīkaratto ca yassa sā dinnā;

当她如此说时，她的父亲和那位她被许配的不悦者；

Upayāsi vāraṇavate, vāreyyamupaṭṭhite kāle.

在瓦拉那瓦帝接近，当阻止的时机到来时。

Atha asitanicitamuduke, kese khaggena chindiya sumedhā;

于是,苏美达以剑割断已坐下、已堆积、柔软的头发;

Pāsādaṃ pidahitvā , paṭhamajjhānaṃ samāpajji.

关闭宫殿后,证入初禅那。

Sā ca tahiṃ samāpannā, anīkaratto ca āgato nagaraṃ;

当她在那里证入时,阿尼咖拉塔王来到城市;

Pāsāde ca sumedhā, aniccasaññaṃ subhāveti.

而苏美达在宫殿中,善修习无常想。

Sā ca manasi karoti, anīkaratto ca āruhī turitaṃ;

当她作意时,阿尼咖拉塔王急速登上;

Maṇikanakabhūsitaṅgo, katañjalī yācati sumedhaṃ.

身饰宝石与黄金,合掌请求苏美达。

‘‘Rajje āṇādhanamissariyaṃ, bhogā sukhā daharikāsi;

「王国、命令、财富、权势,诸享受是快乐的,你还年轻;

Bhuñjāhi kāmabhoge, kāmasukhā dullabhā loke.

享受诸欲乐吧,欲乐在世间难得。」

‘‘Nissaṭṭhaṃ te rajjaṃ, bhoge bhuñjassu dehi dānāni;

「王位已舍弃给你,享用财富,布施诸布施;

Mā dummanā ahosi, mātāpitaro te dukkhitā’’ .

莫忧愁,你的父母亲忧苦」。

Taṃ taṃ bhaṇati sumedhā, kāmehi anatthikā vigatamohā;

善慧对他如此说,对诸欲无所求,离痴;

‘‘Mā kāme abhinandi, kāmesvādīnavaṃ passa.

「莫喜乐于诸欲,应见诸欲中的过患。

‘‘Cātuddīpo rājā mandhātā, āsi kāmabhogina maggo;

「四洲之王曼陀多,是欲乐享受者的榜样;

Atitto kālaṅkato, na cassa paripūritā icchā.

不满足而命终,他的欲望未得满足。

‘‘Satta ratanāni vasseyya, vuṭṭhimā dasadisā samantena;

「即使从四面八方,从十方周遍降下七宝雨;

Na catthi titti kāmānaṃ, atittāva maranti narā.

诸欲无满足,人们不满足而死」。

‘‘Asisūnūpamā kāmā, kāmā sappasiropamā;

「诸欲如刀剑,诸欲如蛇头;

Ukkopamā anudahanti, aṭṭhikaṅkala sannibhā.

如火炬燃烧,如骸骨堆积。

‘‘Aniccā addhuvā kāmā, bahudukkhā mahāvisā;

「诸欲无常不坚固,多苦大毒;

Ayoguḷova santatto, aghamūlā dukhapphalā.

如烧热铁丸,祸根苦果。

‘‘Rukkhapphalūpamā kāmā, maṃsapesūpamā dukhā;

「诸欲如树果,苦如肉块;

Supinopamā vañcaniyā, kāmā yācitakūpamā.

如梦欺诳,诸欲如借物。

‘‘Sattisūlūpamā kāmā, rogo gaṇḍo aghaṃ nighaṃ;

「诸欲如矛枪,病疮祸害;

Aṅgārakāsusadisā, aghamūlaṃ bhayaṃ vadho.

如炭火坑,祸根恐怖杀戮。

‘‘Evaṃ bahudukkhā kāmā, akkhātā antarāyikā;

「如是诸欲多苦,已被说为障碍;

Gacchatha na me bhagavate, vissāso atthi attano.

你们去吧,我对世尊没有信心,我对自己有信心。

‘‘Kiṃ mama paro karissati, attano sīsamhi ḍayhamānamhi;

「当自己的头正在燃烧时,他人能为我做什么?

Anubandhe jarāmaraṇe, tassa ghātāya ghaṭitabbaṃ’’.

在老死的追逐中,应当努力杀灭它」。

Dvāraṃ apāpuritvānahaṃ , mātāpitaro anīkarattañca;

我到达门口,看见父母坐在地上,

Disvāna chamaṃ nisinne, rodante idamavocaṃ.

正在哭泣,我对他们说了这些话。

‘‘Dīgho bālānaṃ saṃsāro, punappunañca rodataṃ;

「愚者的轮回是长久的,一次又一次地哭泣;

Anamatagge pitu maraṇe, bhātu vadhe attano ca vadhe.

在无始以来,父亲的死亡、兄弟的杀害、自己的杀害。

‘‘Assu thaññaṃ rudhiraṃ, saṃsāraṃ anamataggato saratha;

「忆念从无始的轮回以来，泪水、乳汁、血液；

Sattānaṃ saṃsarataṃ, sarāhi aṭṭhīnañca sannicayaṃ.

忆念诸有情轮回时，骨骸的堆积。

‘‘Sara caturodadhī , upanīte assuthaññarudhiramhi;

「忆念四大海洋，被泪水、乳汁、血液所充满；

Sara ekakappamaṭṭhīnaṃ, sañcayaṃ vipulena samaṃ.

忆念一劫骨骸的堆积，与毗富罗山相等。

‘‘Anamatagge saṃsarato, mahiṃ jambudīpamupanītaṃ;

「从无始轮回以来，大地阎浮提被充满；

Kolaṭṭhimattaguḷikā, mātā mātusveva nappahonti.

枣核大小的丸粒，母亲的母亲们尚且不足。

‘‘Tiṇakaṭṭhasākhāpalāsaṃ , upanītaṃ anamataggato sara;

「忆念从无始以来，草、木、枝、叶被充满；

Caturaṅgulikā ghaṭikā, pitupitusveva nappahonti.

四指长的小棍，父亲的父亲们尚且不足。」

‘‘Sara kāṇakacchapaṃ pubbasamudde, aparato ca yugachiddaṃ;

「忆念东海的独眼龟，以及从另一边来的轭木孔；

Siraṃ tassa ca paṭimukkaṃ, manussalābhamhi opammaṃ.

忆念它的头恰好穿过，这是获得人身的譬喻。

‘‘Sara rūpaṃ pheṇapiṇḍopamassa, kāyakalino asārassa;

「忆念色如泡沫团，身体是污秽无实质的；

Khandhe passa anicce, sarāhi niraye bahuvighāte.

见诸蕴是无常的，忆念地狱中的众多苦害。

‘‘Sara kaṭasiṃ vaḍḍhente, punappunaṃ tāsu tāsu jātīsu;

「忆念在一次次的诸生中，增长的木桩；

Sara kumbhīlabhayāni ca, sarāhi cattāri saccāni.

忆念鳄鱼的危险，忆念四圣谛。

‘‘Amatamhi vijjamāne, kiṃ tava pañcakaṭukena pītena;

「当不死存在时，你为何饮用五种苦味？

Sabbā hi kāmaratiyo, kaṭukatarā pañcakaṭukena.

因为一切欲乐，比五种苦味更苦。」

‘‘Amatamhi vijjamāne, kiṃ tava kāmehi ye pariḷāhā ;

「当不死存在时,为何你要那些燃烧的诸欲?

Sabbā hi kāmaratiyo, jalitā kuthitā kampitā santāpitā.

因为一切欲乐都是燃烧的、腐烂的、动摇的、热恼的。

‘‘Asapattamhi samāne, kiṃ tava kāmehi ye bahusapattā;

「当无敌存在时,为何你要那些多敌的诸欲?

Rājaggicoraudakappiyehi, sādhāraṇā kāmā bahusapattā.

诸欲为王火、盗贼、水、不爱者所共有,是多敌的。

‘‘Mokkhamhi vijjamāne, kiṃ tava kāmehi yesu vadhabandho;

「当解脱存在时,为何你要那些有杀缚的诸欲?

Kāmesu hi asakāmā, vadhabandhadukhāni anubhonti.

因为在诸欲中不欲求者,体验杀缚之苦。

‘‘Ādīpitā tiṇukkā, gaṇhantaṃ dahanti neva muñcantaṃ;

「燃烧的草炬,烧执取者而不烧放舍者;

Ukkopamā hi kāmā, dahanti ye te na muñcanti.

因为诸欲如草炬,烧那些不放舍者。」

‘‘Mā appakassa hetu, kāmasukhassa vipulaṃ jahī sukhaṃ;

「勿因少许之因,舍弃广大的欲乐之乐;

Mā puthulomova baḷisaṃ, gilitvā pacchā vihaññasi.

勿如毛多之羊吞下鱼钩,后来受苦恼。

‘‘Kāmaṃ kāmesu damassu, tāva sunakhova saṅkhalābaddho;

「你应调伏诸欲中的欲,如被锁链缚住的狗;

Kāhinti khu taṃ kāmā, chātā sunakhaṃva caṇḍālā.

诸欲确实会损害你,如旃陀罗之狗损害饥饿的狗。

‘‘Aparimitañca dukkhaṃ, bahūni ca cittadomanassāni;

「无量的苦,以及众多心的忧恼;

Anubhohisi kāmayutto, paṭinissaja addhuve kāme.

你将体验,系缚于欲者,应舍弃不坚固的诸欲。

‘‘Ajaramhi vijjamāne, kiṃ tava kāmehi yesu jarā;

「当存在不老时,你为何要诸欲,在诸欲中有老;

Maraṇabyādhigahitā , sabbā sabbattha jātiyo.

被死与病所执取,一切生类在一切处。

‘‘Idamajaramidamamaraṃ , idamajarāmaraṃ padamasokaṃ;

「此是不老、此是不死,此是不老死之足处、无忧;

Asapattamasambādhaṃ, akhalitamabhayaṃ nirupatāpaṃ.

无敌无逼迫,无过失无怖畏无恼害。

‘‘Adhigatamidaṃ bahūhi, amataṃ ajjāpi ca labhanīyamidaṃ;

「此不死已为众多人所证得,即使今日此亦可得;

Yo yoniso payuñjati, na ca sakkā aghaṭamānena’’.

凡如理行者,非不努力者所能得」。

Evaṃ bhaṇati sumedhā, saṅkhāragate ratiṃ alabhamānā;

如是苏美达说,于诸行中不得喜乐;

Anunentī anikarattaṃ, kese ca chamaṃ khipi sumedhā.

劝说阿尼咖拉答,苏美达剪下头发投于地上。

Uṭṭhāya anikaratto, pañjaliko yācitassā pitaraṃ so;

阿尼咖拉答起立,合掌向其父请求;

‘‘Vissajjetha sumedhaṃ, pabbajituṃ vimokkhasaccadassā’’.

「请允许苏美达出家,以见解脱真谛」。

Vissajjitā mātāpitūhi, pabbaji sokabhayabhītā;

被父母允许后，因畏惧忧愁与恐惧而出家；

Cha abhiññā sacchikatā, aggaphalaṃ sikkhamānāya.

证得六神通，学习时获得最上果。

Acchariyamabbhutaṃ taṃ, nibbānaṃ āsi rājakaññāya;

那是稀有、未曾有的，王女获得了涅槃；

Pubbenivāsacaritaṃ, yathā byākari pacchime kāle.

前世所行之事，她在最后时如此说明。

‘‘Bhagavati koṇāgamane, saṅghārāmamhi navanivesamhi;

「在世尊果德玛那时，在僧园的新住处；

Sakhiyo tisso janiyo, vihāradānaṃ adāsimha.

我们三位女友，布施了精舍。

‘‘Dasakkhattuṃ satakkhattuṃ, dasasatakkhattuṃ satāni ca satakkhattuṃ;

「十次、百次、千次、以及百千次；

Devesu uppajjimha, ko pana vādo manussesu.

我们生于诸天，更何况说在人间。

‘‘Devesu mahiddhikā ahumha, mānusakamhi ko pana vādo;

「我们在诸天中具大神通，在人间又何须说呢？

Sattaratanassa mahesī, itthiratanaṃ ahaṃ āsiṃ.

七宝大王的王后，我是宝女。

‘‘So hetu so pabhavo, taṃ mūlaṃ sāva sāsane khantī;

那是因，那是缘起，那根本即是在教法中的忍；

Taṃ paṭhamasamodhānaṃ, taṃ dhammaratāya nibbānaṃ’’.

那是第一调伏，那是法喜的涅槃。」

Evaṃ karonti ye saddahanti, vacanaṃ anomapaññassa;

如此行的那些人信受无上慧者的言教；

Nibbindanti bhavagate, nibbinditvā virajjantīti.

他们厌离诸有趣，厌离后而离染。

Itthaṃ sudaṃ sumedhā therī gāthāyo abhāsitthāti.

如是，据说苏美达长老尼说了这些偈颂。

Mahānipāto niṭṭhito. · 大集完

Samattā therīgāthāyo. · 长老尼偈完成

Gāthāsatāni cattāri, asīti puna cuddasa ;

四百偈颂，再加八十又十四；

Theriyekuttarasatā , sabbā tā āsavakkhayāti.

长老尼一百一十一位,她们全都是诸漏已尽者。

Therīgāthāpāḷi niṭṭhitā. · 长老尼偈部完