6. Chakkanipāto6. 六集

177 段 · CSCD 巴利原典

1. Uruveḷakassapattheragāthā1. 伍卢韦喇咖萨巴长老偈

‘‘Disvāna pāṭihīrāni, gotamassa yasassino;

「见到果德玛的神变，那位有名声者；

Na tāvāhaṃ paṇipatiṃ, issāmānena vañcito.

我不再因嫉妒而受欺骗，不再反对。

‘‘Mama saṅkappamaññāya, codesi narasārathi;

「人御者知道我的想法，激励我；

Tato me āsi saṃvego, abbhuto lomahaṃsano.

从那时起，我生起了悚惧，稀有的汗毛竖立。

‘‘Pubbe jaṭilabhūtassa, yā me siddhi parittikā;

「以前作为结发行者时，我所得的成就是微小的；

Tāhaṃ tadā nirākatvā , pabbajiṃ jinasāsane.

那时我舍弃了那些，在胜者的教法中出家。

‘‘Pubbe yaññena santuṭṭho, kāmadhātupurakkhato;

「以前满足于祭祀，以欲界为首要；

Pacchā rāgañca dosañca, mohañcāpi samūhaniṃ.

后来我根除了贪、嗔，以及痴。

‘‘Pubbenivāsaṃ jānāmi, dibbacakkhu visodhitaṃ;

「我知宿住，天眼已清净；

Iddhimā paracittaññū, dibbasotañca pāpuṇiṃ.

具神通、他心智，已得天耳。

‘‘Yassa catthāya pabbajito, agārasmānagāriyaṃ;

「为了那个目的而出家，从在家到无家；

So me attho anuppatto, sabbasaṃyojanakkhayo’’ti.

那个目的我已达到，一切结的灭尽。」

… Uruveḷakassapo thero…. · … 伍卢韦喇咖萨巴长老…

2. Tekicchakārittheragāthā2. 谢基差咖利长老偈

‘‘Atihitā vīhi, khalagatā sālī;

「稻谷已过时，米已在谷仓；

Na ca labhe piṇḍaṃ, kathamahaṃ kassaṃ.

我得不到食物，我如何耕作？

‘‘Buddhamappameyyaṃ anussara pasanno;

「以净信忆念无量的佛；

Pītiyā phuṭasarīro hohisi satatamudaggo.

以喜充满身体，你将常时意高扬。」

‘‘Dhammamappameyyaṃ anussara pasanno;

「具信随念无量之法；」

Pītiyā phuṭasarīro hohisi satatamudaggo.

「你将身触喜，常时欢喜。」

‘‘Saṅghamappameyyaṃ anussara pasanno;

「具信随念无量之僧团；」

Pītiyā phuṭasarīro hohisi satatamudaggo.

「你将身触喜，常时欢喜。」

‘‘Abbhokāse viharasi, sītā hemantikā imā ratyo;

「你住在露地，这些冬季之夜寒冷；」

Mā sītena pareto vihaññittho, pavisa tvaṃ vihāraṃ phusitaggaḷaṃ.

「莫为寒冷所恼，你应进入已关闩之精舍。」

‘‘Phusissaṃ catasso appamaññāyo, tāhi ca sukhito viharissaṃ;

「我将触四无量，以彼而住于乐；」

Nāhaṃ sītena vihaññissaṃ, aniñjito viharanto’’ti.

「我不为寒冷所恼，住于不动。」

… Tekicchakārī thero…. · … 谢基差咖利长老…

3. Mahānāgattheragāthā3. 玛哈那咖长老偈

‘‘Yassa sabrahmacārīsu, gāravo nūpalabbhati;

「对于梵行同伴们，不获得恭敬者，

Parihāyati saddhammā, maccho appodake yathā.

正法衰退，如鱼在少水中。

‘‘Yassa sabrahmacārīsu, gāravo nūpalabbhati;

「对于梵行同伴们，不获得恭敬者，

Na virūhati saddhamme, khette bījaṃva pūtikaṃ.

不增长于正法中，如腐坏的种子在田中。

‘‘Yassa sabrahmacārīsu, gāravo nūpalabbhati;

「对于梵行同伴们，不获得恭敬者，

Ārakā hoti nibbānā , dhammarājassa sāsane.

在法王的教法中，远离涅槃。

‘‘Yassa sabrahmacārīsu, gāravo upalabbhati;

「对于梵行同伴们，获得恭敬者，

Na vihāyati saddhammā, maccho bavhodake yathā.

不离正法，如鱼在多水中。

‘‘Yassa sabrahmacārīsu, gāravo upalabbhati;

「对于同梵行者中，获得恭敬者；」

So virūhati saddhamme, khette bījaṃva bhaddakaṃ.

「他在正法中增长，如田中的良种。」

‘‘Yassa sabrahmacārīsu, gāravo upalabbhati;

「对于同梵行者中，获得恭敬者；」

Santike hoti nibbānaṃ , dhammarājassa sāsane’’ti.

「在法王的教法中，涅槃就在近处。」

… Mahānāgo thero…. · 玛哈那咖长老

4. Kullattheragāthā4. 古喇长老偈

‘‘Kullo sivathikaṃ gantvā, addasa itthimujjhitaṃ;

「库喇前往冢间，看见被丢弃的女人；」

Apaviddhaṃ susānasmiṃ, khajjantiṃ kimihī phuṭaṃ.

「被抛弃在墓地，被虫蛆所啃食。」

‘‘Āturaṃ asuciṃ pūtiṃ, passa kulla samussayaṃ;

「库喇啊，看那病苦、须跋、腐臭的积聚；」

Uggharantaṃ paggharantaṃ, bālānaṃ abhinanditaṃ.

「流出、溢出，却被愚者所喜爱。」

‘‘Dhammādāsaṃ gahetvāna, ñāṇadassanapattiyā;

「执持法镜，为了获得智见，

Paccavekkhiṃ imaṃ kāyaṃ, tucchaṃ santarabāhiraṃ.

我观察此身，内外皆空。

‘‘Yathā idaṃ tathā etaṃ, yathā etaṃ tathā idaṃ;

「如此即如彼，如彼即如此；

Yathā adho tathā uddhaṃ, yathā uddhaṃ tathā adho.

如下即如上，如上即如下。

‘‘Yathā divā tathā rattiṃ, yathā rattiṃ tathā divā;

「如昼即如夜，如夜即如昼；

Yathā pure tathā pacchā, yathā pacchā tathā pure.

如前即如后，如后即如前。

‘‘Pañcaṅgikena turiyena, na ratī hoti tādisī;

「五支乐器所生之乐，不如

Yathā ekaggacittassa, sammā dhammaṃ vipassato’’ti.

心一境性者正观法之乐。」

… Kullo thero…. · 古喇长老

5. Mālukyaputtattheragāthā5. 马卢咖子长老偈

‘‘Manujassa pamattacārino, taṇhā vaḍḍhati māluvā viya;

「放逸行的人，渴爱增长如蔓藤；

So plavatī hurā huraṃ, phalamicchaṃva vanasmi vānaro.

他从这里跳到那里，如林中猿猴寻找果实。

‘‘Yaṃ esā sahate jammī, taṇhā loke visattikā;

「若此卑劣的渴爱，于世间执着者；

Sokā tassa pavaḍḍhanti, abhivaṭṭhaṃva bīraṇaṃ.

他的忧愁增长，如受雨水滋润的比拉那草。

‘‘Yo cetaṃ sahate jammiṃ, taṇhaṃ loke duraccayaṃ;

「若能调伏此卑劣的，于世间难以超越的渴爱；

Sokā tamhā papatanti, udabindūva pokkharā.

忧愁从他脱落，如水滴从莲叶。

‘‘Taṃ vo vadāmi bhaddaṃ vo, yāvantettha samāgatā;

「我对你们说此善事，凡在此集会的诸位；

Taṇhāya mūlaṃ khaṇatha, usīratthova bīraṇaṃ;

掘除渴爱之根，如为了乌西拉而掘比拉那草；

Mā vo naḷaṃva sotova, māro bhañji punappunaṃ.

莫让魔一次又一次地折断你们,如同水流折断芦苇。

‘‘Karotha buddhavacanaṃ, khaṇo vo mā upaccagā;

应作佛陀之语,莫让时机对你们空过;

Khaṇātītā hi socanti, nirayamhi samappitā.

时机已过者确实悲伤,被投入地狱中。

‘‘Pamādo rajo pamādo , pamādānupatito rajo;

放逸是尘垢,放逸,随从放逸的尘垢;

Appamādena vijjāya, abbahe sallamattano’’ti.

以不放逸、以明,拔除自己的箭。

… Mālukyaputto thero…. · ……马卢咖子长老……

6. Sappadāsattheragāthā6. 萨巴达萨长老偈

‘‘Paṇṇavīsativassāni , yato pabbajito ahaṃ;

自从我出家以来,已二十五年;

Accharāsaṅghātamattampi, cetosantimanajjhagaṃ.

连弹指顷的心寂静,我也未曾得到。

‘‘Aladdhā cittassekaggaṃ, kāmarāgena aṭṭito ;

未得心一境性,被欲贪所恼;

Bāhā paggayha kandanto, vihārā upanikkhamiṃ .

伸展双臂哭泣着，我从住处出来。

‘‘Satthaṃ vā āharissāmi, ko attho jīvitena me;

「我将取刀，活着对我有何用？

Kathaṃ hi sikkhaṃ paccakkhaṃ, kālaṃ kubbetha mādiso.

「像我这样公然舍弃学处的人，怎能作时？

‘‘Tadāhaṃ khuramādāya, mañcakamhi upāvisiṃ;

「当时我拿起剃刀，坐在床上；

Parinīto khuro āsi, dhamaniṃ chettumattano.

剃刀已被拿起，要切断自己的血管。

‘‘Tato me manasīkāro, yoniso udapajjatha;

「那时如理作意在我心中生起；

Ādīnavo pāturahu, nibbidā samatiṭṭhatha.

过患显现了，厌离确立了。

‘‘Tato cittaṃ vimucci me, passa dhammasudhammataṃ;

「那时我的心解脱了，看这法的善法性！

Tisso vijjā anuppattā, kataṃ buddhassa sāsana’’nti.

已证得三明,已完成佛陀的教诫。

… Sappadāso thero…. · 萨巴达萨长老

7.Kātiyānattheragāthā7. 咖帝亚那长老偈

‘‘Uṭṭhehi nisīda kātiyāna, mā niddābahulo ahu jāgarassu;

「起来!坐着吧,咖帝亚那!不要多睡眠,应当醒觉!

Mā taṃ alasaṃ pamattabandhu, kūṭeneva jinātu maccurājā.

不要懈怠,不要成为放逸的亲友,莫让死王以诡计征服你。

‘‘Seyyathāpi mahāsamuddavego, evaṃ jātijarātivattate taṃ;

犹如大海的波浪,生老如此超越你;

So karohi sudīpamattano tvaṃ, na hi tāṇaṃ tava vijjateva aññaṃ.

你应为自己造作善灯,因为你确实没有其他的依护。

‘‘Satthā hi vijesi maggametaṃ, saṅgā jātijarābhayā atītaṃ;

导师已征服此道,已超越生老怖畏的系缚;

Pubbāpararattamappamatto, anuyuñjassu daḷhaṃ karohi yogaṃ.

日夜不放逸,应当勤修,应当坚固地作瑜伽。

‘‘Purimāni pamuñca bandhanāni, saṅghāṭikhuramuṇḍabhikkhabhojī;

舍弃先前的诸系缚,着桑喀帝、剃发、行乞食;」

Mā khiḍḍāratiñca mā niddaṃ, anuyuñjittha jhāya kātiyāna.

咖帝亚那,莫耽于嬉戏之乐,莫耽于睡眠,应勤修禅那。

‘‘Jhāyāhi jināhi kātiyāna, yogakkhemapathesu kovidosi;

咖帝亚那,应以禅那征服,你精通于离轭安稳之道;

Pappuyya anuttaraṃ visuddhiṃ, parinibbāhisi vārināva joti.

达到无上清净后,你将般涅槃,如灯火熄灭。

‘‘Pajjotakaro parittaraṃso, vātena vinamyate latāva;

灯火之光微弱,如藤蔓被风吹动而摇曳;

Evampi tuvaṃ anādiyāno, māraṃ indasagotta niddhunāhi;

因陀沙果答族姓者,你亦如此不放逸,应击退魔罗;

So vedayitāsu vītarāgo, kālaṃ kaṅkha idheva sītibhūto’’ti.

对诸受离贪者,应期待时节,于此处已清凉。

… Kātiyāno thero…. · 咖帝亚那长老

8. Migajālattheragāthā8. 弥嘎迦喇长老偈

‘‘Sudesito cakkhumatā, buddhenādiccabandhunā;

具眼者、太阳族亲、佛陀已善说,

Sabbasaṃyojanātīto, sabbavaṭṭavināsano.

已超越一切结,已破坏一切轮转。

‘‘Niyyāniko uttaraṇo, taṇhāmūlavisosano;

「导出的、超越的,渴爱之根的枯竭者;

Visamūlaṃ āghātanaṃ, chetvā pāpeti nibbutiṃ.

毒之根的破坏者,断除后导致寂静。

‘‘Aññāṇamūlabhedāya , kammayantavighāṭano;

「为了无明之根的破坏,业轮的破除者;

Viññāṇānaṃ pariggahe, ñāṇavajiranipātano.

在诸识的摄取中,智金刚的击落者。

‘‘Vedanānaṃ viññāpano, upādānappamocano;

「诸受的了知者,取的解脱者;

Bhavaṃ aṅgārakāsuṃva, ñāṇena anupassano .

以智随观有如炭火坑。

‘‘Mahāraso sugambhīro, jarāmaccunivāraṇo;

「大味的、极深的,老死的防止者;

Ariyo aṭṭhaṅgiko maggo, dukkhūpasamano sivo.

圣八支道,苦的止息者、吉祥的。」

‘‘Kammaṃ kammanti ñatvāna, vipākañca vipākato;

「已知业为业,果报为果报,

Paṭiccuppannadhammānaṃ, yathāvālokadassano;

对于缘生诸法,如实观见者;

Mahākhemaṅgamo santo, pariyosānabhaddako’’ti.

寂静者,到达大安稳,具足圆满吉祥。」

… Migajālo thero…. · 弥嘎迦喇长老

9. Purohitaputtajentattheragāthā9. 布罗希德子禅德长老偈

‘‘Jātimadena mattohaṃ, bhogaissariyena ca;

「我因生、因醉,因财富、因自在,

Saṇṭhānavaṇṇarūpena, madamatto acārihaṃ.

因容貌、因美色、因形相,醉而行。

‘‘Nāttano samakaṃ kañci, atirekaṃ ca maññisaṃ;

「我不认为有任何人与自己相等,或超越自己;

Atimānahato bālo, patthaddho ussitaddhajo.

愚者被过慢所击,傲慢、竖起高幢。

‘‘Mātaraṃ pitarañcāpi, aññepi garusammate;

「对母亲、对父亲,以及其他应尊敬者;

Na kañci abhivādesiṃ, mānatthaddho anādaro.

我不礼敬任何人，因慢而傲慢、无恭敬。

‘‘Disvā vināyakaṃ aggaṃ, sārathīnaṃ varuttamaṃ;

见到最上的调御者，御者中的最胜者；

Tapantamiva ādiccaṃ, bhikkhusaṅghapurakkhataṃ.

如太阳般炽热，为比库僧团所尊崇。

‘‘Mānaṃ madañca chaḍḍetvā, vippasannena cetasā;

舍断慢与醉，以净信之心；

Sirasā abhivādesiṃ, sabbasattānamuttamaṃ.

我以头礼敬，一切众生中的最上者。

‘‘Atimāno ca omāno, pahīnā susamūhatā;

过慢与卑慢，已舍断、善根除；

Asmimāno samucchinno, sabbe mānavidhā hatā’’ti.

我慢已断除，一切慢的种类已破。

… Jento purohitaputto thero…. · 禅德布罗希德子长老

10. Sumanattheragāthā10. 苏玛那长老偈

‘‘Yadā navo pabbajito, jātiyā sattavassiko;

当新出家者，年龄七岁时；

Iddhiyā abhibhotvāna, pannagindaṃ mahiddhikaṃ.

以神通力降伏了那大神通力的龙王。

‘‘Upajjhāyassa udakaṃ, anotattā mahāsarā;

「从阿耨达大湖为亲教师取水;

Āharāmi tato disvā, maṃ satthā etadabravi’’.

我从那里取来后,导师对我说此。」

‘‘Sāriputta imaṃ passa, āgacchantaṃ kumārakaṃ;

「沙利子,看这位前来的童子;

Udakakumbhamādāya, ajjhattaṃ susamāhitaṃ.

拿着水瓶,内心善安定。

‘‘Pāsādikena vattena, kalyāṇairiyāpatho;

「以可喜的行为,威仪善美;

Sāmaṇeronuruddhassa, iddhiyā ca visārado.

沙玛内拉阿奴卢塔,于神通有自信。

‘‘Ājānīyena ājañño, sādhunā sādhukārito;

「良马由良马,善者由善者所作;

Vinīto anuruddhena, katakiccena sikkhito.

被阿奴卢塔调御,被已作所作者教导。

‘‘So patvā paramaṃ santiṃ, sacchikatvā akuppataṃ;

「他已达到最上寂静,已现证不动,

Sāmaṇero sa sumano, mā maṃ jaññāti icchatī’’ti.

那位沙玛内拉苏玛那,希望我不要认出他」。

… Sumano thero…. · … 苏马那长老…

11. Nhātakamunittheragāthā11. 那德咖牟尼长老偈

‘‘Vātarogābhinīto tvaṃ, viharaṃ kānane vane;

「你被风病所逼迫,住在林野的森林中;

Paviddhagocare lūkhe, kathaṃ bhikkhu karissasi’’.

在粗劣的远离行处,比库你将如何做?」

‘‘Pītisukhena vipulena, pharitvāna samussayaṃ;

「以广大的喜乐,遍满身聚,

Lūkhampi abhisambhonto, viharissāmi kānane.

即使遭遇粗劣,我将住在森林中。

‘‘Bhāvento satta bojjhaṅge, indriyāni balāni ca;

「修习七觉支,诸根与诸力,」

Jhānasokhummasampanno , viharissaṃ anāsavo.

具足禅那之微妙，我将住于无漏。

‘‘Vippamuttaṃ kilesehi, suddhacittaṃ anāvilaṃ;

「从诸烦恼得解脱，清净之心无浊染；

Abhiṇhaṃ paccavekkhanto, viharissaṃ anāsavo.

常常省察，我将住于无漏。

‘‘Ajjhattañca bahiddhā ca, ye me vijjiṃsu āsavā;

「于内及于外，凡我所有之诸漏；

Sabbe asesā ucchinnā, na ca uppajjare puna.

一切无余已断除，不会再生起。

‘‘Pañcakkhandhā pariññātā, tiṭṭhanti chinnamūlakā;

「五蕴已遍知，它们住立根已断；

Dukkhakkhayo anuppatto, natthi dāni punabbhavo’’ti.

苦之灭尽已达到，现在不再有后有。」

… Nhātakamunitthero…. · 那德咖牟尼长老

12. Brahmadattattheragāthā12. 梵授长老偈

‘‘Akkodhassa kuto kodho, dantassa samajīvino;

「无嗔者何来嗔恨，调伏者共同生活；

Sammadaññā vimuttassa, upasantassa tādino.

对于以正智解脱者、寂静者、如如者

‘‘Tasseva tena pāpiyo, yo kuddhaṃ paṭikujjhati;

那对愤怒者还以愤怒的人,比他更恶劣;

Kuddhaṃ appaṭikujjhanto, saṅgāmaṃ jeti dujjayaṃ.

不对愤怒者还以愤怒的人,战胜了难以战胜的战斗。

‘‘Ubhinnamatthaṃ carati, attano ca parassa ca;

他行于两者的利益,自己的与他人的;

Paraṃ saṅkupitaṃ ñatvā, yo sato upasammati.

知道对方已被激怒,具念而平静下来的人。

‘‘Ubhinnaṃ tikicchantaṃ taṃ, attano ca parassa ca;

他治疗两者,自己的与他人的;

Janā maññanti bāloti, ye dhammassa akovidā.

那些不善巧于法的人们,认为他是愚者。

‘‘Uppajje te sace kodho, āvajja kakacūpamaṃ;

如果你生起愤怒,应作意锯子譬喻;

Uppajje ce rase taṇhā, puttamaṃsūpamaṃ sara.

若对味生起渴爱,应忆念如子肉之譬喻。

‘‘Sace dhāvati cittaṃ te, kāmesu ca bhavesu ca;

若你的心奔驰于诸欲与诸有,

Khippaṃ niggaṇha satiyā, kiṭṭhādaṃ viya duppasu’’nti;

应以念迅速制止它,如制止践踏谷物的恶牛。

… Brahmadatto thero…. · 梵授长老

13. Sirimaṇḍattheragāthā13. 西利曼德长老偈

‘‘Channamativassati , vivaṭaṃ nātivassati;

覆盖之物被大雨淋湿,未覆盖之物不被大雨淋湿;

Tasmā channaṃ vivaretha, evaṃ taṃ nātivassati.

因此应揭开覆盖之物,如此它就不被大雨淋湿。

‘‘Maccunābbhahato loko, jarāya parivārito;

世间被死魔所击,被老所围绕;

Taṇhāsallena otiṇṇo, icchādhūpāyito sadā.

被渴爱之箭所刺穿,常被欲望之烟所熏。

‘‘Maccunābbhahato loko, parikkhitto jarāya ca;

世间被死魔所击,被老所围困;

Haññati niccamattāṇo, pattadaṇḍova takkaro.

不断地被击打，如同被杖击打的木匠。

‘‘Āgacchantaggikhandhāva, maccu byādhi jarā tayo;

「如同火聚逼近，死、病、老三者；

Paccuggantuṃ balaṃ natthi, javo natthi palāyituṃ.

没有力量去迎战，没有速度可逃离。

‘‘Amoghaṃ divasaṃ kayirā, appena bahukena vā;

「应使日子不空过，无论少或多；

Yaṃ yaṃ vijahate rattiṃ, tadūnaṃ tassa jīvitaṃ.

夜晚舍弃什么，生命就减少那些。

‘‘Carato tiṭṭhato vāpi, āsīnasayanassa vā;

「无论行走或站立，或坐或卧；

Upeti carimā ratti, na te kālo pamajjitu’’nti.

最后之夜将到来，那不是放逸的时候」。

… Sirimaṇḍo thero…. · 西利曼德长老

14. Sabbakāmittheragāthā14. 萨巴咖弥长老偈

‘‘Dvipādakoyaṃ asuci, duggandho parihīrati ;

「这两足者须跋，恶臭且衰败；

Nānākuṇapaparipūro, vissavanto tato tato.

充满种种须跋,从这里那里流出。

‘‘Migaṃ nilīnaṃ kūṭena, baḷiseneva ambujaṃ;

「如以陷阱(捕)隐藏的鹿,以鱼钩(钓)莲花;

Vānaraṃ viya lepena, bādhayanti puthujjanaṃ.

如以胶(捕)猴子,它们折磨凡夫。

‘‘Rūpā saddā rasā gandhā, phoṭṭhabbā ca manoramā;

「色、声、味、香,以及可意的触;

Pañca kāmaguṇā ete, itthirūpasmi dissare.

这五种欲功德,在女人色中显现。

‘‘Ye etā upasevanti, rattacittā puthujjanā;

「那些亲近它们的,染着心的凡夫们;

Vaḍḍhenti kaṭasiṃ ghoraṃ, ācinanti punabbhavaṃ.

增长可怕的深坑,积集再生。

‘‘Yo cetā parivajjeti, sappasseva padā siro;

「凡避开它们者,如(避)蛇头以足;

Somaṃ visattikaṃ loke, sato samativattati.

具念者超越了世间的这种执着。

‘‘Kāmesvādīnavaṃ disvā, nekkhammaṃ daṭṭhu khemato;

「见到诸欲的过患，视出离为安稳；

Nissaṭo sabbakāmehi, patto me āsavakkhayo’’ti.

已离一切诸欲，我已达到诸漏尽。」

… Sabbakāmitthero…. · 萨巴咖弥长老

Chakkanipāto niṭṭhito. · 六集完

Tatruddānaṃ –

此处摄颂——

Uruveḷakassapo ca, thero tekicchakāri ca;

伍卢韦喇咖沙巴与长老帝基恰咖哩；

Mahānāgo ca kullo ca, mālukyo sappadāsako.

大龙与库喇，马卢克亚与沙巴达萨咖。

Kātiyāno migajālo, jento sumanasavhayo;

咖帝亚那、弥嘎加喇，禅陀、苏玛那萨瓦亚；

Nhātamuni brahmadatto, sirimaṇḍo sabbakāmī ca;

那他牟尼、梵授，西哩曼荼与萨巴咖弥。

Gāthāyo caturāsīti, therā cettha catuddasāti.

偈颂八十四，长老们于此十四位。