21. Mahānipāto21. 大集

153 段 · CSCD 巴利原典

1. Vaṅgīsattheragāthā1. 旺基萨长老偈

‘‘Nikkhantaṃ vata maṃ santaṃ, agārasmānagāriyaṃ;

「我已从家出家,成为无家者,

Vitakkā upadhāvanti, pagabbhā kaṇhato ime.

诸寻思却追逐我,这些来自黑暗的放肆者。

‘‘Uggaputtā mahissāsā, sikkhitā daḷhadhammino ;

「即使是乌伽族之子的大母水牛,受过训练、坚固法者,

Samantā parikireyyuṃ, sahassaṃ apalāyinaṃ.

从四周围绕我,千头不退却者。

‘‘Sacepi ettakā bhiyyo, āgamissanti itthiyo;

「即使比这更多的女人们来到,

Neva maṃ byādhayissanti , dhamme samhi patiṭṭhito.

她们也不能扰乱我,因为我已安住于法中。

‘‘Sakkhī hi me sutaṃ etaṃ, buddhassādiccabandhuno;

「确实我已从佛陀、太阳族亲属处听闻此法,

Nibbānagamanaṃ maggaṃ, tattha me nirato mano.

通往涅槃之道,我的心乐于彼处。」

‘‘Evaṃ ce maṃ viharantaṃ, pāpima upagacchasi;

「恶魔!若你在我如此住时前来;

Tathā maccu karissāmi, na me maggampi dakkhasi.

我也将如此对待死魔,你甚至连我的道路也看不到。

‘‘Aratiñca ratiñca pahāya, sabbaso gehasitañca vitakkaṃ;

舍断不喜与喜,完全舍断在家的寻;

Vanathaṃ na kareyya kuhiñci, nibbanatho avanatho sa bhikkhu.

比库不应在任何地方造作林,已无林、无林者,他是比库。

‘‘Yamidha pathaviñca vehāsaṃ, rūpagataṃ jagatogadhaṃ kiñci;

「凡此地与空,任何色所成,世间所摄者;

Parijīyati sabbamaniccaṃ, evaṃ samecca caranti mutattā.

一切无常都会衰败,智者了知此而行。

‘‘Upadhīsu janā gadhitāse, diṭṭhasute paṭighe ca mute ca;

「人们执着于诸依,于所见、所闻、所触及所思」

Ettha vinodaya chandamanejo, yo hettha na limpati muni tamāhu .

在此应除去欲与贪,他们称不执着于此者为牟尼。

‘‘Atha saṭṭhisitā savitakkā, puthujjanatāya adhammā niviṭṭhā;

「那时,六十位具寻者,凡夫性,住于非法;

Na ca vaggagatassa kuhiñci, no pana duṭṭhullagāhī sa bhikkhu.

对于已离群者无论何处,那位比库不执取粗重。

‘‘Dabbo cirarattasamāhito, akuhako nipako apihālu;

「答波长久以来得定,不欺诳、聪慧、不贪婪;

Santaṃ padaṃ ajjhagamā muni, paṭicca parinibbuto kaṅkhati kālaṃ.

牟尼证得寂静境,缘此般涅槃而等待时节。

‘‘Mānaṃ pajahassu gotama, mānapathañca jahassu asesaṃ;

「果德玛,你应舍断慢,应无余舍断慢之道;

Mānapathamhi sa mucchito, vippaṭisārīhuvā cirarattaṃ.

他迷醉于慢之道,长久以来成为追悔者。

‘‘Makkhena makkhitā pajā, mānahatā nirayaṃ papatanti;

「众生被覆障所覆,被慢所击而堕地狱;

Socanti janā cirarattaṃ, mānahatā nirayaṃ upapannā.

众生长久忧愁,被慢所击而生于地狱。」

‘‘Na hi socati bhikkhu kadāci, maggajino sammā paṭipanno;

「比库若正行道胜者，决不会悲伤；

Kittiñca sukhañcānubhoti, dhammadasoti tamāhu tathattaṃ.

他享受名声与快乐，他们称那如实者为见法者。

‘‘Tasmā akhilo idha padhānavā, nīvaraṇāni pahāya visuddho;

「因此，在此精进不动摇者，舍断诸盖而清净；

Mānañca pahāya asesaṃ, vijjāyantakaro samitāvī.

舍断一切慢，寂静者成为明行终结者。

‘‘Kāmarāgena ḍayhāmi, cittaṃ me pariḍayhati;

「我被欲贪所燃烧，我的心被烧焦；

Sādhu nibbāpanaṃ brūhi, anukampāya gotama.

果德玛，请出于悲悯，善说熄灭之法。

‘‘Saññāya vipariyesā, cittaṃ te pariḍayhati;

「由于想的颠倒，你的心被烧焦；

Nimittaṃ parivajjehi, subhaṃ rāgūpasaṃhitaṃ ( ) .

应避免与贪相应的净美之相。

‘‘Asubhāya cittaṃ bhāvehi, ekaggaṃ susamāhitaṃ;

「应修习须跋之心,令其专一、善等持;」

Sati kāyagatā tyatthu, nibbidābahulo bhava.

「应有身至念,应成为多厌离者。」

‘‘Animittañca bhāvehi, mānānusayamujjaha;

「应修习无相,应断除慢随眠;」

Tato mānābhisamayā, upasanto carissasi.

「由此,以现观慢,你将寂静而行。」

‘‘Tameva vācaṃ bhāseyya, yāyattānaṃ na tāpaye;

「应只说那样的语言,以此不恼害自己;」

Pare ca na vihiṃseyya, sā ve vācā subhāsitā.

「也不伤害他人,那确实是善说之语。」

‘‘Piyavācameva bhāseyya, yā vācā paṭinanditā;

「应只说可爱之语,那被欢喜接受的语言;」

Yaṃ anādāya pāpāni, paresaṃ bhāsate piyaṃ.

「不取诸恶,对他人说可爱之语。」

‘‘Saccaṃ ve amatā vācā, esa dhammo sanantano;

「真实确是不死之语,这是永恒之法;

Sacce atthe ca dhamme ca, āhu santo patiṭṭhitā.

善人们确实安住于真实、利益与法。

‘‘Yaṃ buddho bhāsati vācaṃ, khemaṃ nibbānapattiyā;

「佛陀所说之语,为了安稳地证得涅槃;

Dukkhassantakiriyāya, sā ve vācānamuttamā.

为了作苦之灭尽,那确是诸语中最上者。

‘‘Gambhīrapañño medhāvī, maggāmaggassa kovido;

「具深慧之智者,精通道与非道;

Sāriputto mahāpañño, dhammaṃ deseti bhikkhunaṃ.

大慧者沙利子,为诸比库说法。

‘‘Saṅkhittenapi deseti, vitthārenapi bhāsati;

「他以总说而说,也以详说而说;

Sālikāyiva nigghoso, paṭibhānaṃ udiyyati .

如沙利咖鸟之鸣声,辩才涌现。」

‘‘Tassa taṃ desayantassa, suṇanti madhuraṃ giraṃ;

「当他说法时,他们听闻甜美的言语;

Sarena rajanīyena, savanīyena vaggunā;

以悦耳的、值得听闻的、善巧的声音;

Udaggacittā muditā, sotaṃ odhenti bhikkhavo.

诸比库心意高扬、喜悦,倾耳而听。

‘‘Ajja pannarase visuddhiyā, bhikkhū pañcasatā samāgatā;

「今日十五日清净日,五百位比库聚集;

Saṃyojanabandhanacchidā, anīghā khīṇapunabbhavā isī.

已断结缚之缚,无恼,已尽再生的仙人。

‘‘Cakkavattī yathā rājā, amaccaparivārito;

「犹如转轮王,为大臣们所围绕;

Samantā anupariyeti, sāgarantaṃ mahiṃ imaṃ.

遍行于四周,直至大海边缘的大地。

‘‘Evaṃ vijitasaṅgāmaṃ, satthavāhaṃ anuttaraṃ;

「如是已胜战斗的、无上的商主;

Sāvakā payirupāsanti, tevijjā maccuhāyino.

诸弟子亲近〔他〕,〔他们是〕三明者、死魔的征服者。

‘‘Sabbe bhagavato puttā, palāpettha na vijjati;

「一切世尊之子,此中无有虚伪;

Taṇhāsallassa hantāraṃ, vande ādiccabandhunaṃ.

我礼敬渴爱之箭的破坏者、太阳族之亲。

‘‘Parosahassaṃ bhikkhūnaṃ, sugataṃ payirupāsati;

「超过一千位比库,亲近善逝;

Desentaṃ virajaṃ dhammaṃ, nibbānaṃ akutobhayaṃ.

〔他〕正在教导离尘之法、无畏之涅槃。

‘‘Suṇanti dhammaṃ vimalaṃ, sammāsambuddhadesitaṃ;

「他们听闻清净之法,正等正觉者所教导的;

Sobhati vata sambuddho, bhikkhusaṅghapurakkhato.

正觉者确实辉耀,以比库僧团为前导。

‘‘‘Nāganāmo’si bhagavā, isīnaṃ isisattamo;

「『龙名』是世尊,诸仙人中最胜之仙;

Mahāmeghova hutvāna, sāvake abhivassasi.

成为大云后，你向诸弟子降雨。

‘‘Divā vihārā nikkhamma, satthudassanakamyatā;

「从日间住处出来，渴望见导师；

Sāvako te mahāvīra, pāde vandati vaṅgiso.

大雄，你的弟子旺基沙礼敬你的足。

‘‘Ummaggapathaṃ mārassa, abhibhuyya carati pabhijja khīlāni;

「征服并破坏魔的道路与桩柱后而行；

Taṃ passatha bandhapamuñcakaraṃ, asitaṃva bhāgaso pavibhajja.

看那解缚者，如同分配食物一般。

‘‘Oghassa hi nitaraṇatthaṃ, anekavihitaṃ maggaṃ akkhāsi;

「确实为了渡越瀑流，他说示了种种道；

Tasmiñca amate akkhāte, dhammadasā ṭhitā asaṃhīrā.

在那所说示的不死法中，法眼者住立不动摇。

‘‘Pajjotakaro ativijjha , sabbaṭhitīnaṃ atikkamamaddasa ;

「作光明者，洞察后，见到一切住处的超越；

Ñatvā ca sacchikatvā ca, aggaṃ so desayi dasaddhānaṃ.

知晓并现证后,他教导了十力者中的最上者。

‘‘Evaṃ sudesite dhamme, ko pamādo vijānataṃ dhammaṃ;

「法如此善说,对于了知法者,何有放逸?

Tasmā hi tassa bhagavato sāsane, appamatto sadā namassamanusikkhe.

「因此,在彼世尊的教法中,应常不放逸地礼敬、随学。

‘‘Buddhānubuddho yo thero, koṇḍañño tibbanikkamo;

「随佛觉悟的长老,精进猛烈的贡德雅,

Lābhī sukhavihārānaṃ, vivekānaṃ abhiṇhaso.

「获得乐住,常常独居。

‘‘Yaṃ sāvakena pattabbaṃ, satthu sāsanakārinā;

「凡弟子应得者,奉行导师教诫者,

Sabbassa taṃ anuppattaṃ, appamattassa sikkhato.

「一切彼已达到,不放逸地学习者。

‘‘Mahānubhāvo tevijjo, cetopariyakovido;

「大威力、三明者,善巧他心智者,

Koṇḍañño buddhadāyādo, pāde vandati satthuno.

果德玛之继承者贡德若,礼敬导师之足。

‘‘Nagassa passe āsīnaṃ, muniṃ dukkhassa pāraguṃ;

「坐于山侧,牟尼已度苦;

Sāvakā payirupāsanti, tevijjā maccuhāyino.

诸弟子亲近须跋,三明者,魔死之破坏者。

‘‘Cetasā anupariyeti, moggallāno mahiddhiko;

「大神通者摩嘎喇那,以心遍察;

Cittaṃ nesaṃ samanvesaṃ , vippamuttaṃ nirūpadhiṃ.

探察他们之心,已解脱,无依。

‘‘Evaṃ sabbaṅgasampannaṃ, muniṃ dukkhassa pāraguṃ;

「如是具足一切支,牟尼已度苦;

Anekākārasampannaṃ, payirupāsanti gotamaṃ.

具足种种相,亲近须跋果德玛。

‘‘Cando yathā vigatavalāhake nabhe, virocati vītamalova bhāṇumā;

「犹如月亮于无云之空,光明者离垢而照耀;

Evampi aṅgīrasa tvaṃ mahāmuni, atirocasi yasasā sabbalokaṃ.

如此,盎其拉沙,你这位大牟尼,以名声超越一切世间。

‘‘Kāveyyamattā vicarimha pubbe, gāmā gāmaṃ purā puraṃ;

「我们以前游行于诗歌,从村到村,从城到城;

Athaddasāma sambuddhaṃ, sabbadhammāna pāraguṃ.

然后我们见到了正自觉者,一切法的彼岸者。

‘‘So me dhammamadesesi, muni dukkhassa pāragū;

「那位牟尼、苦的彼岸者为我说法;

Dhammaṃ sutvā pasīdimha, saddhā no udapajjatha.

听闻法后我们净信,我们的信生起了。

‘‘Tassāhaṃ vacanaṃ sutvā, khandhe āyatanāni ca;

「听闻他的言语后,了知诸蕴、诸处,

Dhātuyo ca viditvāna, pabbajiṃ anagāriyaṃ.

以及诸界后,我出家为无家者。

‘‘Bahūnaṃ vata atthāya, uppajjanti tathāgatā;

「确实为了众多的利益,诸如来出现;

Itthīnaṃ purisānañca, ye te sāsanakārakā.

对于那些女人和男人们，他们是教法的奉行者。

‘‘Tesaṃ kho vata atthāya, bodhimajjhagamā muni;

「牟尼确实为了他们的利益，证得了菩提；

Bhikkhūnaṃ bhikkhunīnañca, ye nirāmagataddasā.

对于那些比库和比库尼们，他们已见到无欲。

‘‘Sudesitā cakkhumatā, buddhenādiccabandhunā;

「具眼者、佛陀、太阳族亲，出于对众生的悲悯，

Cattāri ariyasaccāni, anukampāya pāṇinaṃ.

善说了四圣谛。

‘‘Dukkhaṃ dukkhasamuppādaṃ, dukkhassa ca atikkamaṃ;

「苦、苦之集、苦之超越，

Ariyaṃ caṭṭhaṅgikaṃ maggaṃ, dukkhūpasamagāminaṃ.

以及导向苦寂灭的八支圣道。

‘‘Evamete tathā vuttā, diṭṭhā me te yathā tathā;

「这些如此被说，我如实地见到了它们；

Sadattho me anuppatto, kataṃ buddhassa sāsanaṃ.

我已达成自己的利益,已完成佛陀的教诫。

‘‘Svāgataṃ vata me āsi, mama buddhassa santike;

我到佛陀面前,确实是善来;

Suvibhattesu dhammesu, yaṃ seṭṭhaṃ tadupāgamiṃ.

在分别论的诸法中,我已达到最胜者。

‘‘Abhiññāpāramippatto, sotadhātu visodhitā;

我已达到神通的彼岸,耳界已清净;

Tevijjo iddhipattomhi, cetopariyakovido.

我具三明、得神通,善巧于心差别智。

‘‘Pucchāmi satthāramanomapaññaṃ, diṭṭheva dhamme yo vicikicchānaṃ chettā;

我问无上慧的导师,于现法中断除疑惑者;

Aggāḷave kālamakāsi bhikkhu, ñāto yasassī abhinibbutatto.

在阿嘎喇瓦,那位比库已命终,有名望、有名声,已证涅槃。

‘‘Nigrodhakappo iti tassa nāmaṃ, tayā kataṃ bhagavā brāhmaṇassa;

尼俱律陀咖波是他的名字,世尊为那位婆罗门所作;

So taṃ namassaṃ acari mutyapekho, āraddhavīriyo daḷhadhammadassī.

他怀着死亡的期待礼敬他，精进勇猛，坚固法见者。

‘‘Taṃ sāvakaṃ sakka mayampi sabbe, aññātumicchāma samantacakkhu;

「萨咖啊！我们所有人也都想了知那位弟子，那位具一切眼者；

Samavaṭṭhitā no savanāya sotā , tuvaṃ no satthā tvamanuttarosi’’.

我们的耳已准备好聆听，你是我们的导师，你是无上者。」

Chinda no vicikicchaṃ brūhi metaṃ, parinibbutaṃ vedaya bhūripañña;

「请为我们断除疑惑，请告诉我这个，请以广慧了知般涅槃者；

Majjheva no bhāsa samantacakkhu, sakkova devāna sahassanetto.

请在我们中间说，具一切眼者，如同萨咖是诸天的千眼者。」

‘‘Ye keci ganthā idha mohamaggā, aññāṇapakkhā vicikicchaṭhānā;

「凡此处任何结缚、痴道、无智之类、疑惑之处；

Tathāgataṃ patvā na te bhavanti, cakkhuñhi etaṃ paramaṃ narānaṃ.

到达如来后，它们不存在，因为这是人们的最上眼。

‘‘No ce hi jātu puriso kilese, vāto yathā abbhaghanaṃ vihāne;

「如果人确实不能像风吹散云团那样驱散诸烦恼；

Tamovassa nivuto sabbaloko, jotimantopi na pabhāseyyuṃ .

整个世间被黑暗所覆盖，即使有光明者也不能照耀。

‘‘Dhīrā ca pajjotakarā bhavanti, taṃ taṃ ahaṃ vīra tatheva maññe;

「智者们成为点灯者，我认为你也是如此，勇士！

Vipassinaṃ jānamupāgamimha, parisāsu no āvikarohi kappaṃ.

「我们来到了维巴西觉者处，请在众会中为我们显示劫。

‘‘Khippaṃ giraṃ eraya vaggu vagguṃ, haṃsova paggayha saṇikaṃ nikūja;

「请迅速发出快速的声音，如天鹅般扬起，缓缓地鸣叫；

Bindussarena suvikappitena, sabbeva te ujjugatā suṇoma.

「以清晰分别论的音声，我们都将正直地听闻你的教导。

‘‘Pahīnajātimaraṇaṃ asesaṃ, niggayha dhonaṃ vadessāmi dhammaṃ;

「我将说无余地断除生死的法，说清净的法；

Na kāmakāro hi puthujjanānaṃ, saṅkheyyakāro ca tathāgatānaṃ.

「因为这不是凡夫的欲求所能做到的，而是如来们的思量所能做到的。

‘‘Sampannaveyyākaraṇaṃ tavedaṃ, samujjupaññassa samuggahītaṃ;

「这是你完善的分别论，是正直慧者所善把握的；

Ayamañjali pacchimo suppaṇāmito, mā mohayī jānamanomapañña.

这最后的合掌已善礼敬，请勿迷惑知意慧者。

‘‘Paroparaṃ ariyadhammaṃ viditvā, mā mohayī jānamanomavīriya;

已知最上的圣法，请勿迷惑知意精进者；

Vāriṃ yathā ghammani ghammatatto, vācābhikaṅkhāmi sutaṃ pavassa.

如同在热季渴求水，我以语言渴求听闻法雨。

‘‘Yadatthikaṃ brahmacariyaṃ acarī, kappāyano kaccissataṃ amoghaṃ;

咖帕亚那所行的梵行是为了什么目的？它是否成就而不空？

Nibbāyi so ādu saupādiseso , yathā vimutto ahu taṃ suṇoma.

他是否涅槃？或者还有余依？我们想听闻他如何解脱。

‘‘‘Acchecchi taṇhaṃ idha nāmarūpe,

「他已断除对此名色的渴爱，

(Iti bhagavā) kaṇhassa sotaṃ dīgharattānusayitaṃ;

（世尊如是说）已断除长夜随眠的魔的瀑流；

Atāri jātiṃ maraṇaṃ asesaṃ’, iccabravi bhagavā pañcaseṭṭho.

他已超越生与死，无有剩余。」五位最上者中的世尊如是说。

‘‘Esa sutvā pasīdāmi, vaco te isisattama;

「听闻此语我信受,你的言语,仙人中最上者;

Amoghaṃ kira me puṭṭhaṃ, na maṃ vañcesi brāhmaṇo.

我所问的确实不空,婆罗门没有欺骗我。

‘‘Yathā vādī tathā kārī, ahu buddhassa sāvako;

「如其所说如其所行,佛陀的弟子确实如此;

Acchecchi maccuno jālaṃ, tataṃ māyāvino daḷhaṃ.

他已切断死魔之网,那魔术师所张的坚固之网。

‘‘Addasa bhagavā ādiṃ, upādānassa kappiyo;

「世尊咖毕约已见取的根源;

Accagā vata kappāno, maccudheyyaṃ suduttaraṃ.

咖巴那确实已超越了极难超越的死魔境域。

‘‘Taṃ devadevaṃ vandāmi, puttaṃ te dvipaduttama;

「我礼敬那天中之天,你的儿子,两足中最上者;

Anujātaṃ mahāvīraṃ, nāgaṃ nāgassa orasa’’nti.

随顺而生的大雄,龙之子的龙。」

Itthaṃ sudaṃ āyasmā vaṅgīso thero gāthāyo · 如是具寿旺基萨长老偈

Abhāsitthāti.

已说。

Mahānipāto niṭṭhito. · 大集完

Tatruddānaṃ –

此摄颂——

Sattatimhi nipātamhi, vaṅgīso paṭibhāṇavā;

在第七集中,旺义沙是辩才者;

Ekova thero natthañño, gāthāyo ekasattatīti.

唯一位长老,无其他,偈颂七十一。

Niṭṭhitā theragāthāyo. · 长老偈完

Tatruddānaṃ –

此摄颂——

Sahassaṃ honti tā gāthā, tīṇi saṭṭhisatāni ca;

彼等偈颂有一千,三百六十;

Therā ca dve satā saṭṭhi, cattāro ca pakāsitā.

长老们有二百六十,四位已宣说。

Sīhanādaṃ naditvāna, buddhaputtā anāsavā;

作狮子吼后,诸佛子无漏者;

Khemantaṃ pāpuṇitvāna, aggikhandhāva nibbutāti.

达到安稳后，如火聚般寂灭。

Theragāthāpāḷi niṭṭhitā. · 长老偈部完