18. Cattālīsanipāto18. 四十集

86 段 · CSCD 巴利原典

1. Mahākassapattheragāthā1. 大咖萨巴长老偈

‘‘Na gaṇena purakkhato care, vimano hoti samādhi dullabho;

「不应以众为前导而行,意不满足则定难得;

Nānājanasaṅgaho dukho, iti disvāna gaṇaṃ na rocaye.

与种种人聚集是苦,见此之后不应喜众。

‘‘Na kulāni upabbaje muni, vimano hoti samādhi dullabho;

「牟尼不应亲近诸家,意不满足则定难得;

So ussukko rasānugiddho, atthaṃ riñcati yo sukhāvaho.

彼热衷者贪着诸味,舍弃带来安乐之义。

‘‘Paṅkoti hi naṃ avedayuṃ, yāyaṃ vandanapūjanā kulesu;

「他们确实告知彼为泥沼,即此于诸家中的礼敬供养;

Sukhumaṃ salla durubbahaṃ, sakkāro kāpurisena dujjaho.

微细之刺难以拔除,恶人难以舍弃恭敬。

‘‘Senāsanamhā oruyha, nagaraṃ piṇḍāya pāvisiṃ;

「从住所出来,我为了托钵进入城市;

Bhuñjantaṃ purisaṃ kuṭṭhiṃ, sakkaccaṃ taṃ upaṭṭhahiṃ.

我恭敬地须跋那位正在进食的麻风病人。

‘‘So me pakkena hatthena, ālopaṃ upanāmayi;

「他以残缺的手，递给我一团食物；

Ālopaṃ pakkhipantassa, aṅguli cettha chijjatha.

当递食团时，手指在那里被切断。

‘‘Kuṭṭamūlañca nissāya, ālopaṃ taṃ abhuñjisaṃ;

「依靠麻风病根，我食用了那食团；

Bhuñjamāne vā bhutte vā, jegucchaṃ me na vijjati.

无论在食用时或食用后，我都没有厌恶。

‘‘Uttiṭṭhapiṇḍo āhāro, pūtimuttañca osadhaṃ;

「站立所得的团食是食物，腐尿是药物；

Senāsanaṃ rukkhamūlaṃ, paṃsukūlañca cīvaraṃ;

树下是住所，尘堆衣是衣服；

Yassete abhisambhutvā , sa ve cātuddiso naro.

凡具足这些者，他确实是四方之人。

‘‘Yattha eke vihaññanti, āruhantā siluccayaṃ;

「在那里，有些人攀登石堆时感到痛苦；

Tassa buddhassa dāyādo, sampajāno patissato;

彼佛陀的继承者,正知、忆念;

Iddhibalenupatthaddho , kassapo abhirūhati.

以神通力支持,咖沙巴登上。

‘‘Piṇḍapātapaṭikkanto , selamāruyha kassapo;

「从托钵乞食返回,咖沙巴登上岩石;

Jhāyati anupādāno, pahīnabhayabheravo.

无取着地禅修,已舍弃恐惧与怖畏。

‘‘Piṇḍapātapaṭikkanto, selamāruyha kassapo;

「从托钵乞食返回,咖沙巴登上岩石;

Jhāyati anupādāno, ḍayhamānesu nibbuto.

无取着地禅修,于燃烧中已涅槃。

‘‘Piṇḍapātapaṭikkanto, selamāruyha kassapo;

「从托钵乞食返回,咖沙巴登上岩石;

Jhāyati anupādāno, katakicco anāsavo.

无取着地禅修,已作所作、无诸漏。

‘‘Karerimālāvitatā , bhūmibhāgā manoramā;

「覆盖着咖雷利花鬘,地面部分令人愉悦;

Kuñjarābhirudā rammā, te selā ramayanti maṃ.

为象群所登临,可爱的,那些岩石使我欢喜。

‘‘Nīlabbhavaṇṇā rucirā, vārisītā sucindharā;

「青宝石色,美丽的,为水所冷却,持有美好的溪流;

Indagopakasañchannā, te selā ramayanti maṃ.

为因达果巴咖虫所覆盖,那些岩石使我欢喜。

‘‘Nīlabbhakūṭasadisā, kūṭāgāravarūpamā;

「如同青宝石峰,形如重阁;

Vāraṇābhirudā rammā, te selā ramayanti maṃ.

为象群所登临,可爱的,那些岩石使我欢喜。

‘‘Abhivuṭṭhā rammatalā, nagā isibhi sevitā;

「被雨所淋,可爱的平地,为仙人们所亲近的山岳;

Abbhunnaditā sikhīhi, te selā ramayanti maṃ.

为孔雀所鸣叫,那些岩石使我欢喜。

‘‘Alaṃ jhāyitukāmassa, pahitattassa me sato;

「对于欲禅那者,对于我这精勤、具念者,足够了;

Alaṃ me atthakāmassa , pahitattassa bhikkhuno.

对于我这欲义利者,对于精勤的比库,足够了。

‘‘Alaṃ me phāsukāmassa, pahitattassa bhikkhuno;

「对于我这欲安乐者,对于精勤的比库,足够了;

Alaṃ me yogakāmassa, pahitattassa tādino.

对于我这欲瑜伽者,对于精勤的如是者,足够了。

‘‘Umāpupphena samānā, gaganāvabbhachāditā;

「如同亚麻花一般,被天空的云所覆盖;

Nānādijagaṇākiṇṇā , te selā ramayanti maṃ.

充满种种鸟群,那些岩石使我欢喜。

‘‘Anākiṇṇā gahaṭṭhehi, migasaṅghanisevitā;

「不被在家众所扰乱,为兽群所亲近;

Nānādijagaṇākiṇṇā, te selā ramayanti maṃ.

充满种种鸟群,那些岩石使我欢喜。」

‘‘Acchodikā puthusilā, gonaṅgulamigāyutā;

「清澈的水、广阔的岩石,有野牛、羚羊、鹿;

Ambusevālasañchannā, te selā ramayanti maṃ.

覆盖着苔藓与藻类,那些岩石使我欢喜。

‘‘Na pañcaṅgikena turiyena, rati me hoti tādisī;

「五支乐器的音乐,不能给我那样的喜悦;

Yathā ekaggacittassa, sammā dhammaṃ vipassato.

如同心一境性者,正确地观法。

‘‘Kammaṃ bahukaṃ na kāraye, parivajjeyya janaṃ na uyyame;

「不应做许多业,应避开人群,不应努力;

Ussukko so rasānugiddho, atthaṃ riñcati yo sukhāvaho.

热衷于贪求诸味者,舍弃了带来安乐的利益。

‘‘Kammaṃ bahukaṃ na kāraye, parivajjeyya anattaneyyametaṃ;

「不应做许多业,应避开这非自己所需之事;

Kicchati kāyo kilamati, dukkhito so samathaṃ na vindati.

身体疲惫、劳累,痛苦者不能获得寂止。」

‘‘Oṭṭhappahatamattena, attānampi na passati;

「仅被唇所击打，连自己也看不见；

Patthaddhagīvo carati, ahaṃ seyyoti maññati.

伸着颈项而行，认为『我是最胜者』。

‘‘Aseyyo seyyasamānaṃ, bālo maññati attānaṃ;

「非最胜者认为自己是最胜者，愚者认为自己；

Na taṃ viññū pasaṃsanti, patthaddhamānasaṃ naraṃ.

智者不赞叹那伸着颈项、心高慢的人。

‘‘Yo ca seyyohamasmīti, nāhaṃ seyyoti vā pana;

「无论『我是最胜者』，或『我非最胜者』；

Hīno taṃsadiso vāti, vidhāsu na vikampati.

『我是卑劣者或相等者』，在诸分别论中不动摇。

‘‘Paññavantaṃ tathā tādiṃ, sīlesu susamāhitaṃ;

「具慧者如此如如，善安住于诸戒；

Cetosamathamanuttaṃ, tañce viññū pasaṃsare.

心寂止无上，若智者赞叹彼。」

‘‘Yassa sabrahmacārīsu, gāravo nūpalabbhati;

「对同梵行者，不得恭敬者；

Ārakā hoti saddhammā, nabhato puthavī yathā.

远离正法，如天与地。

‘‘Yesañca hiri ottappaṃ, sadā sammā upaṭṭhitaṃ;

「那些惭与愧，常正现起者；

Virūḷhabrahmacariyā te, tesaṃ khīṇā punabbhavā.

梵行已增长，彼等尽再有。

‘‘Uddhato capalo bhikkhu, paṃsukūlena pāruto;

「掉举轻躁比库，以尘堆衣覆身；

Kapīva sīhacammena, na so tenupasobhati.

如猿披狮皮，不以彼庄严。

‘‘Anuddhato acapalo, nipako saṃvutindriyo;

「不掉举不轻躁，贤明诸根防护者；

Sobhati paṃsukūlena, sīhova girigabbhare.

以尘堆衣庄严，如狮子在山洞。」

‘‘Ete sambahulā devā, iddhimanto yasassino;

「这些众多天人,具神通、有名声;

Dasadevasahassāni, sabbe te brahmakāyikā.

十千天人,他们全都是梵天身。

‘‘Dhammasenāpatiṃ vīraṃ, mahājhāyiṃ samāhitaṃ;

「法军之将、勇者、大禅修者、得定者;

Sāriputtaṃ namassantā, tiṭṭhanti pañjalīkatā.

他们合掌而立,礼敬沙利子。

‘‘‘Namo te purisājañña, namo te purisuttama;

「『礼敬您,人中良驹!礼敬您,人中至上者!

Yassa te nābhijānāma, yampi nissāya jhāyati .

我们不知您依何而禅修。

‘‘‘Accheraṃ vata buddhānaṃ, gambhīro gocaro sako;

「『诸佛的境界实在稀有、甚深、自有;

Ye mayaṃ nābhijānāma, vālavedhisamāgatā’.

我们不知已达毫毛之端者。』

‘‘Taṃ tathā devakāyehi, pūjitaṃ pūjanārahaṃ;

「彼值得礼敬者，为诸天众所礼敬；

Sāriputtaṃ tadā disvā, kappinassa sitaṃ ahu.

咖宾那见到沙利子时，生起了笑容。

‘‘Yāvatā buddhakhettamhi, ṭhapayitvā mahāmuniṃ;

「在佛陀领域中，除了大牟尼；

Dhutaguṇe visiṭṭhohaṃ, sadiso me na vijjati.

我在头陀功德上最殊胜，找不到与我相等者。

‘‘Pariciṇṇo mayā satthā, kataṃ buddhassa sāsanaṃ;

「我已亲近导师，已行佛陀之教；

Ohito garuko bhāro, natthi dāni punabbhavo.

已放下重担，现在不再有后有。

‘‘Na cīvare na sayane, bhojane nupalimpati;

「他不染着于衣、卧具、饮食；

Gotamo anappameyyo, muḷālapupphaṃ vimalaṃva;

果德玛不可测量，如同清净的茉莉花；

Ambunā nekkhammaninno, tibhavābhinissaṭo.

以水为出离的倾向者，舍离三有。

‘‘Satipaṭṭhānagīvo so, saddhāhattho mahāmuni;

「彼大牟尼以须跋为命，以信为手；

Paññāsīso mahāñāṇī, sadā carati nibbuto’’ti.

以慧为头，具大智，常寂静而行。」

… Mahākassapo thero…. · … 大咖萨巴长老 …

Cattālīsanipāto niṭṭhito. · 四十集完

Tatruddānaṃ –

此摄颂——

Cattālīsanipātamhi, mahākassapasavhayo;

四十集中，大咖沙巴之名；

Ekova thero gāthāyo, cattāsīla duvepi cāti.

一位长老，偈颂八十四，或者二。