20. Maggavaggo20. 道品
20. Maggavaggo20. 道品
Maggānaṭṭhaṅgiko seṭṭho, saccānaṃ caturo padā;
八支道最胜，四谛最胜，
Virāgo seṭṭho dhammānaṃ, dvipadānañca cakkhumā.
离欲最胜法，具眼者最胜于二足者。
Eseva maggo natthañño, dassanassa visuddhiyā;
此乃唯一之道，别无他道，能使见清净；
Etañhi tumhe paṭipajjatha, mārassetaṃ pamohanaṃ.
你们应当实践此道，此乃使魔罗迷惑之道。
Etañhi tumhe paṭipannā, dukkhassantaṃ karissatha;
你们实践此道，将终止苦；
Akkhāto vo mayā maggo, aññāya sallakantanaṃ .
了知拔除箭之道后，此道已被我宣说。
Tumhehi kiccamātappaṃ, akkhātāro tathāgatā;
你们应当自己精勤努力，如来只是宣说者；
Paṭipannā pamokkhanti, jhāyino mārabandhanā.
实践此道的禅修者，将解脱魔罗的束缚。
‘‘Sabbe saṅkhārā aniccā’’ti, yadā paññāya passati;
「一切行无常」，当以智慧如此观照时，
Atha nibbindati dukkhe, esa maggo visuddhiyā.
则厌离于苦，此乃清净之道。
‘‘Sabbe saṅkhārā dukkhā’’ti, yadā paññāya passati;
「一切行是苦」，当以智慧如此观照时，
Atha nibbindati dukkhe, esa maggo visuddhiyā.
则厌离于苦，此乃清净之道。
‘‘Sabbe dhammā anattā’’ti, yadā paññāya passati;
「一切法无我」，当以智慧如此观照时，
Atha nibbindati dukkhe, esa maggo visuddhiyā.
则厌离于苦，此乃清净之道。
Uṭṭhānakālamhi anuṭṭhahāno, yuvā balī ālasiyaṃ upeto;
应当奋起时不奋起，年轻力壮却充满懈怠，
Saṃsannasaṅkappamano kusīto, paññāya maggaṃ alaso na vindati.
意志消沉、懒惰者，以智慧不能发现道路。
Vācānurakkhī manasā susaṃvuto, kāyena ca nākusalaṃ kayirā ;
守护语言、善摄其意，
Ete tayo kammapathe visodhaye, ārādhaye maggamisippaveditaṃ.
不以身造不善业。应清净此三业道，获得仙人所宣说的道路。
Yogā ve jāyatī bhūri, ayogā bhūrisaṅkhayo;
修习生起智慧，不修习智慧衰退；
Etaṃ dvedhāpathaṃ ñatvā, bhavāya vibhavāya ca;
了知此增减二道后，
Tathāttānaṃ niveseyya, yathā bhūri pavaḍḍhati.
应使自己安住于智慧增长之处。
Vanaṃ chindatha mā rukkhaṃ, vanato jāyate bhayaṃ;
砍伐欲林而非砍伐树木，从欲林生起恐惧；
Chetvā vanañca vanathañca, nibbanā hotha bhikkhavo.
比库们！砍伐欲林与欲林丛，应成为无林者。
Yāva hi vanatho na chijjati, aṇumattopi narassa nārisu;
只要男人对女人的微细欲林未被砍断，
Paṭibaddhamanova tāva so, vaccho khīrapakova mātari.
其心便被系缚，犹如吮乳的犊牛依附于母牛。
Ucchinda sinehamattano kumudaṃ sāradikaṃva ;
应当切断对自己的贪爱，犹如以手摘除秋天的莲花；
Santimaggameva brūhaya, nibbānaṃ sugatena desitaṃ.
应修习寂静之道——善逝所教导的涅槃。
Idha vassaṃ vasissāmi, idha hemantagimhisu;
「我将于此处度过雨季，于此处度过冬季与夏季。」
Iti bālo vicinteti, antarāyaṃ na bujjhati.
愚者如此打算，却不觉知其中的危险。
Taṃ puttapasusammattaṃ, byāsattamanasaṃ naraṃ;
沉迷于儿子与牲畜、心被系缚的人，
Suttaṃ gāmaṃ mahoghova, maccu ādāya gacchati.
死亡将他带走，犹如洪水冲走沉睡的村庄。
Na santi puttā tāṇāya, na pitā nāpi bandhavā;
儿子不能作为庇护，父亲不能，亲族也不能；
Antakenādhipannassa, natthi ñātīsu tāṇatā.
被死神制服者，亲族中无有庇护。
Etamatthavasaṃ ñatvā, paṇḍito sīlasaṃvuto;
了知此义后，具戒自制的智者，
Nibbānagamanaṃ maggaṃ, khippameva visodhaye.
应迅速清净通往涅槃之道。
Maggavaggo vīsatimo niṭṭhito. · 道品第二十完