18. Malavaggo18. 垢秽品
18. Malavaggo18. 垢秽品
Paṇḍupalāsova dānisi, yamapurisāpi ca te upaṭṭhitā;
你现在犹如枯黄的落叶，阎魔的使者已站在你面前；
Uyyogamukhe ca tiṭṭhasi, pātheyyampi ca te na vijjati.
你正站在死亡的门口，而你旅途上没有资粮。
So karohi dīpamattano, khippaṃ vāyama paṇḍito bhava;
你应为自己建造洲岛，速速精勤努力，成为智者；
Niddhantamalo anaṅgaṇo, dibbaṃ ariyabhūmiṃ upehisi .
除去垢秽、无有染污，你将到达天上的圣地。
Upanītavayo ca dānisi, sampayātosi yamassa santike;
你的寿命已被带到终点，你现在已到阎魔的面前；
Vāso te natthi antarā, pātheyyampi ca te na vijjati.
途中没有你的住处，而你旅途上没有资粮。
So karohi dīpamattano, khippaṃ vāyama paṇḍito bhava;
你应为自己建造洲岛，速速精勤努力，成为智者；
Niddhantamalo anaṅgaṇo, na punaṃ jātijaraṃ upehisi.
除去垢秽、无有染污，你将不再经历生与老。
Anupubbena medhāvī, thokaṃ thokaṃ khaṇe khaṇe;
智者渐次地、少许少许地、刹那刹那地，
Kammāro rajatasseva, niddhame malamattano.
应去除自己的垢秽，犹如银匠去除银的杂质。
Ayasāva malaṃ samuṭṭhitaṃ , tatuṭṭhāya tameva khādati;
犹如铁所生之锈，生后即反蚀铁本身；
Evaṃ atidhonacārinaṃ, sāni kammāni nayanti duggatiṃ.
如此，过度放纵者，自己的业将他引向恶趣。
Asajjhāyamalā mantā, anuṭṭhānamalā gharā;
不诵读是咒语的垢秽，不勤勉是房屋的垢秽，
Malaṃ vaṇṇassa kosajjaṃ, pamādo rakkhato malaṃ.
懈怠是容色的垢秽，放逸是守护的垢秽。
Malitthiyā duccaritaṃ, maccheraṃ dadato malaṃ;
恶行是妇女的垢秽，悭吝是布施者的垢秽，
Malā ve pāpakā dhammā, asmiṃ loke paramhi ca.
恶法实为垢秽，今世来世皆然。
Tato malā malataraṃ, avijjā paramaṃ malaṃ;
垢秽中最大的垢秽是无明，此为最上的垢秽；
Etaṃ malaṃ pahantvāna, nimmalā hotha bhikkhavo.
比库们！断除此垢秽后，应成为无垢者。
Sujīvaṃ ahirikena, kākasūrena dhaṃsinā;
无惭、如乌鸦般厚颜、毁谤者、
Pakkhandinā pagabbhena, saṃkiliṭṭhena jīvitaṃ.
鲁莽、傲慢、染污者，其生活是容易的。
Hirīmatā ca dujjīvaṃ, niccaṃ sucigavesinā;
有惭耻者、常求清净者、
Alīnenāppagabbhena, suddhājīvena passatā.
不执着、不鲁莽、清净生活、有见者，其生活是困难的。
Yo pāṇamatipāteti, musāvādañca bhāsati;
杀生者、说妄语者，
Loke adinnamādiyati, paradārañca gacchati.
在世间取不与取者、与他人之妻通奸者，
Surāmerayapānañca, yo naro anuyuñjati;
沉溺于饮酒者，
Idhevameso lokasmiṃ, mūlaṃ khaṇati attano.
此人在今世即挖掘自己的根。
Evaṃ bho purisa jānāhi, pāpadhammā asaññatā;
如此，善人啊！应当了知：恶法者无自制；
Mā taṃ lobho adhammo ca, ciraṃ dukkhāya randhayuṃ.
不要让贪婪与非法长久折磨你于苦中。
Dadāti ve yathāsaddhaṃ, yathāpasādanaṃ jano;
人们随其信心与喜好而布施；
Tattha yo maṅku bhavati , paresaṃ pānabhojane;
若于他人获得的饮食而生不满，
Na so divā vā rattiṃ vā, samādhimadhigacchati.
他白天或夜晚都不能获得禅定。
Yassa cetaṃ samucchinnaṃ, mūlaghaccaṃ samūhataṃ;
若此不满已被断除、连根拔起、灭除，
Sa ve divā vā rattiṃ vā, samādhimadhigacchati.
他白天或夜晚都能获得禅定。
Natthi rāgasamo aggi, natthi dosasamo gaho;
无火等同于贪火，无执取等同于嗔，
Natthi mohasamaṃ jālaṃ, natthi taṇhāsamā nadī.
无网等同于痴网，无河等同于渴爱之河。
Sudassaṃ vajjamaññesaṃ, attano pana duddasaṃ;
他人的过失容易看见，自己的过失却难以看见；
Paresaṃ hi so vajjāni, opunāti yathā bhusaṃ;
他扬起他人的过失如同簸扬谷壳，
Attano pana chādeti, kaliṃva kitavā saṭho.
却隐藏自己的过失，如狡猾的赌徒隐藏骰子。
Paravajjānupassissa , niccaṃ ujjhānasaññino;
常观他人过失、好呵责者，
Āsavā tassa vaḍḍhanti, ārā so āsavakkhayā.
其漏增长，他远离漏尽。
Ākāseva padaṃ natthi, samaṇo natthi bāhire;
虚空中无有道迹，外道中无有沙门；
Papañcābhiratā pajā, nippapañcā tathāgatā.
众生乐于戏论，如来无有戏论。
Ākāseva padaṃ natthi, samaṇo natthi bāhire;
虚空中无有道迹，外道中无有沙门；
Saṅkhārā sassatā natthi, natthi buddhānamiñjitaṃ.
诸行非永恒，诸佛无有动摇。
Malavaggo aṭṭhārasamo niṭṭhito. · 垢秽品第十八完