1. Yamakavaggo1. 双品
Namo tassa bhagavato arahato sammāsambuddhassa · 礼敬彼世尊、阿拉汉、正自觉者
Khuddakanikāye · 小部
Dhammapadapāḷi · 法句部
1. Yamakavaggo1. 双品
Manopubbaṅgamā dhammā, manoseṭṭhā manomayā;
诸法以意为前导，以意为主，由意所造；
Manasā ce paduṭṭhena, bhāsati vā karoti vā;
若人以污染的意说话或行动，
Tato naṃ dukkhamanveti, cakkaṃva vahato padaṃ.
苦便跟随着他，犹如车轮跟随拉车者的脚。
Manopubbaṅgamā dhammā, manoseṭṭhā manomayā;
诸法以意为前导，以意为主，由意所造；
Manasā ce pasannena, bhāsati vā karoti vā;
若人以清净的意说话或行动，
Tato naṃ sukhamanveti, chāyāva anapāyinī .
乐便跟随着他，犹如影子不离其身。
Akkocchi maṃ avadhi maṃ, ajini maṃ ahāsi me;
「他辱骂我、打我、击败我、掠夺我。」
Ye ca taṃ upanayhanti, veraṃ tesaṃ na sammati.
怀有此怨恨者，怨恨不能止息。
Akkocchi maṃ avadhi maṃ, ajini maṃ ahāsi me;
「他辱骂我、打我、击败我、掠夺我。」
Ye ca taṃ nupanayhanti, veraṃ tesūpasammati.
不怀此怨恨者，怨恨自然止息。
Na hi verena verāni, sammantīdha kudācanaṃ;
在此世间，怨恨从不因怨恨而止息，
Averena ca sammanti, esa dhammo sanantano.
唯有无怨才能止息怨恨，此乃永恒之法。
Pare ca na vijānanti, mayamettha yamāmase;
他人不了解，我们将因此毁灭；
Ye ca tattha vijānanti, tato sammanti medhagā.
若有人了解此理，争论便会止息。
Subhānupassiṃ viharantaṃ, indriyesu asaṃvutaṃ;
安住于观净美者，诸根不收摄，
Bhojanamhi cāmattaññuṃ, kusītaṃ hīnavīriyaṃ;
饮食不知量，懈怠少精进，
Taṃ ve pasahati māro, vāto rukkhaṃva dubbalaṃ.
魔罗必降伏他，犹如风吹弱树。
Asubhānupassiṃ viharantaṃ, indriyesu susaṃvutaṃ;
安住于观须跋者，诸根善收摄，
Bhojanamhi ca mattaññuṃ, saddhaṃ āraddhavīriyaṃ;
饮食知节量，具信勤精进，
Taṃ ve nappasahati māro, vāto selaṃva pabbataṃ.
魔罗不能降伏他，犹如风吹不动磐石山。
Anikkasāvo kāsāvaṃ, yo vatthaṃ paridahissati;
虽不离染而欲穿袈裟者，
Apeto damasaccena, na so kāsāvamarahati.
缺乏调伏与真实，他不配穿袈裟。
Yo ca vantakasāvassa, sīlesu susamāhito;
已除尽烦恼染污，善持戒律者，
Upeto damasaccena, sa ve kāsāvamarahati.
具足调伏与真实，彼实堪穿袈裟。
Asāre sāramatino, sāre cāsāradassino;
以非实为实，以实为非实，
Te sāraṃ nādhigacchanti, micchāsaṅkappagocarā.
心存邪思惟者，终不能证得实义。
Sārañca sārato ñatvā, asārañca asārato;
知实为实，知非实为非实，
Te sāraṃ adhigacchanti, sammāsaṅkappagocarā.
心存正思惟者，能证得实义。
Yathā agāraṃ ducchannaṃ, vuṭṭhī samativijjhati;
犹如盖得不好的屋，雨水便会渗入；
Evaṃ abhāvitaṃ cittaṃ, rāgo samativijjhati.
如此未修习的心，贪欲便会渗入。
Yathā agāraṃ suchannaṃ, vuṭṭhī na samativijjhati;
犹如盖得好的屋，雨水不能渗入；
Evaṃ subhāvitaṃ cittaṃ, rāgo na samativijjhati.
如此善修习的心，贪欲不能渗入。
Idha socati pecca socati, pāpakārī ubhayattha socati;
作恶者今世悲忧，来世亦悲忧，两处皆悲忧；
So socati so vihaññati, disvā kammakiliṭṭhamattano.
他悲忧，他苦恼，见到自己污秽的业。
Idha modati pecca modati, katapuñño ubhayattha modati;
行善者今世欢喜，来世亦欢喜，两处皆欢喜；
So modati so pamodati, disvā kammavisuddhimattano.
他欢喜，他极喜，见到自己清净的业。
Idha tappati pecca tappati, pāpakārī ubhayattha tappati;
作恶者今世受苦，来世亦受苦，两处皆受苦；
‘‘Pāpaṃ me kata’’nti tappati, bhiyyo tappati duggatiṃ gato.
想到「我造了恶」而受苦，堕入恶趣更加受苦。
Idha nandati pecca nandati, katapuñño ubhayattha nandati;
行善者今世喜悦，来世亦喜悦，两处皆喜悦；
‘‘Puññaṃ me kata’’nti nandati, bhiyyo nandati suggatiṃ gato.
想到「我造了善」而喜悦，往生善趣更加喜悦。
Bahumpi ce saṃhita bhāsamāno, na takkaro hoti naro pamatto;
虽然诵读许多经典，放逸之人若不实行，
Gopova gāvo gaṇayaṃ paresaṃ, na bhāgavā sāmaññassa hoti.
犹如牧牛者计算他人的牛，不得沙门果分。
Appampi ce saṃhita bhāsamāno, dhammassa hoti anudhammacārī;
虽然诵读少许经典，若能依法如法行持，
Rāgañca dosañca pahāya mohaṃ, sammappajāno suvimuttacitto;
断除贪、嗔、痴，正智善解脱心，
Anupādiyāno idha vā huraṃ vā, sa bhāgavā sāmaññassa hoti.
不执着此世与他世，彼得沙门果分。
Yamakavaggo paṭhamo niṭṭhito. · 双品第一完