DN 32 · 阿吒那胝经
第一诵品
275如是我闻：一时，世尊住在王舍城鹫峰山。那时，四大天王统率着大夜叉军、大乾闼婆军、大鸠槃荼军与大龙军，在四方设下守护、设下警戒、设下屏障后，于深夜时分，以殊胜光彩照亮整座鹫峰山，来到世尊所在之处。到达后，顶礼世尊，退坐一面。诸夜叉中，有些顶礼世尊后退坐一面；有些与世尊互相致意，亲切交谈并叙说令人铭记的话语后，退坐一面；有些向世尊合掌后退坐一面；有些通报姓名后退坐一面；有些则默然不语，退坐一面。
Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Atha kho cattāro mahārājā mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṃ rakkhaṃ ṭhapetvā catuddisaṃ gumbaṃ ṭhapetvā catuddisaṃ ovaraṇaṃ ṭhapetvā abhikkantāya rattiyā abhikkantavaṇṇā kevalakappaṃ gijjhakūṭaṃ pabbataṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Tepi kho yakkhā appekacce bhagavantaṃ abhivādetvā ekamantaṃ nisīdiṃsu, appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu, appekacce yena bhagavā tenañjaliṃ paṇāmetvā ekamantaṃ nisīdiṃsu, appekacce nāmagottaṃ sāvetvā ekamantaṃ nisīdiṃsu, appekacce tuṇhībhūtā ekamantaṃ nisīdiṃsu.
276退坐一面，毗沙门大王（多闻天王）对世尊这样说：
“尊者，确有高等的夜叉对世尊不信乐。
尊者，确有高等的夜叉对世尊信乐。
尊者，确有中等的夜叉对世尊不信乐。
尊者，确有中等的夜叉对世尊信乐。
尊者，确有低等的夜叉对世尊不信乐。
尊者，确有低等的夜叉对世尊信乐。
然而，尊者，大多数夜叉对世尊并不信乐。
那是什么缘故呢？尊者，世尊教导远离杀生，教导远离不与取，教导远离欲邪行，教导远离妄语，教导远离成为放逸之缘的谷酒、果酒与酒类。
可是，尊者，大多数夜叉不远离杀生，不远离不与取，不远离欲邪行，不远离妄语，不远离成为放逸之缘的谷酒、果酒与酒类。
对他们而言，这些是不可爱、不可意的。
尊者，确有世尊的弟子们亲近那些森林、林野、边地的住处，那些地方声响稀少、音声寂静、无人烟、远离人群、适合独处静修。
在那里，有高等的夜叉居住，他们对世尊的教法不信乐。
尊者，为了令他们生起信心，愿世尊受持阿吒那胝护卫，以作为比丘、比丘尼、近事男、近事女的守护、保护、不受伤害和安乐住。”
世尊默然应允。
Ekamantaṃ nisinno kho vessavaṇo mahārājā bhagavantaṃ etadavoca – ‘‘santi hi, bhante, uḷārā yakkhā bhagavato appasannā. Santi hi, bhante, uḷārā yakkhā bhagavato pasannā. Santi hi , bhante, majjhimā yakkhā bhagavato appasannā. Santi hi, bhante, majjhimā yakkhā bhagavato pasannā. Santi hi, bhante, nīcā yakkhā bhagavato appasannā. Santi hi, bhante, nīcā yakkhā bhagavato pasannā. Yebhuyyena kho pana, bhante, yakkhā appasannāyeva bhagavato. Taṃ kissa hetu? Bhagavā hi, bhante, pāṇātipātā veramaṇiyā dhammaṃ deseti, adinnādānā veramaṇiyā dhammaṃ deseti, kāmesumicchācārā veramaṇiyā dhammaṃ deseti, musāvādā veramaṇiyā dhammaṃ deseti, surāmerayamajjappamādaṭṭhānā veramaṇiyā dhammaṃ deseti. Yebhuyyena kho pana, bhante, yakkhā appaṭiviratāyeva pāṇātipātā, appaṭiviratā adinnādānā, appaṭiviratā kāmesumicchācārā, appaṭiviratā musāvādā, appaṭiviratā surāmerayamajjappamādaṭṭhānā . Tesaṃ taṃ hoti appiyaṃ amanāpaṃ. Santi hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni. Tattha santi uḷārā yakkhā nivāsino, ye imasmiṃ bhagavato pāvacane appasannā. Tesaṃ pasādāya uggaṇhātu, bhante, bhagavā āṭānāṭiyaṃ rakkhaṃ bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti. Adhivāsesi bhagavā tuṇhībhāvena.
5那时，毗沙门大天王了知世尊已默许，便在那个时刻诵出了这篇阿吒那胝护卫：
Atha kho vessavaṇo mahārājā bhagavato adhivāsanaṃ viditvā tāyaṃ velāyaṃ imaṃ āṭānāṭiyaṃ rakkhaṃ abhāsi –
277礼敬毗婆尸佛——具眼者、吉祥者！
‘‘Vipassissa ca namatthu, cakkhumantassa sirīmato.
7礼敬尸弃佛，悲悯一切众生者。
Sikhissapi ca namatthu, sabbabhūtānukampino.
8“礼敬毗舍婆佛，清净者、苦行精勤者。”
‘‘Vessabhussa ca namatthu, nhātakassa tapassino;
9礼敬拘留孙佛，魔军摧破者。
Namatthu kakusandhassa, mārasenāpamaddino.
10礼敬拘那含佛，梵行已立的婆罗门；
‘‘Koṇāgamanassa namatthu, brāhmaṇassa vusīmato;
11礼敬迦叶佛，于一切处得解脱者；
Kassapassa ca namatthu, vippamuttassa sabbadhi.
12“礼敬光辉者，吉祥的释迦子；”
‘‘Aṅgīrasassa namatthu, sakyaputtassa sirīmato;
13他宣说此法，能灭除一切苦。
Yo imaṃ dhammaṃ desesi , sabbadukkhāpanūdanaṃ.
14世间已证涅槃者，如实观见；
‘‘Ye cāpi nibbutā loke, yathābhūtaṃ vipassisuṃ;
15那些人不说谗谤之语，心量广大，无所畏怖。
Te janā apisuṇātha , mahantā vītasāradā.
16他们礼敬的那位乔达摩，利益诸天与人；
‘‘Hitaṃ devamanussānaṃ, yaṃ namassanti gotamaṃ;
17明行具足，伟大而无畏。
Vijjācaraṇasampannaṃ, mahantaṃ vītasāradaṃ.
278‘当太阳——阿底提之子、巨大的日轮——升起时，’
‘‘Yato uggacchati sūriyo , ādicco maṇḍalī mahā.
19当其升起时，夜亦灭去；
Yassa cuggacchamānassa, saṃvarīpi nirujjhati;
20谁的太阳升起，便称之为“白昼”；
Yassa cuggate sūriye, ‘divaso’ti pavuccati.
21那里有深湖，有流水之海；
‘‘Rahadopi tattha gambhīro, samuddo saritodako;
22如此，他们在那里了知：‘这是有众流汇入的海。’
Evaṃ taṃ tattha jānanti, ‘samuddo saritodako’.
23‘从这里，那是东方。’人们这样说明它；
‘‘Ito ‘sā purimā disā’, iti naṃ ācikkhatī jano;
24那个方向由一位赫赫有名的大王守护，
Yaṃ disaṃ abhipāleti, mahārājā yasassi so.
25乾闼婆众之主，名为提多罗咤；
‘‘Gandhabbānaṃ adhipati , ‘dhataraṭṭho’ti nāmaso;
26他欣乐于歌舞，为乾闼婆众所拥戴。
Ramatī naccagītehi, gandhabbehi purakkhato.
27“我听说他有众多儿子，同一名字；”
‘‘Puttāpi tassa bahavo, ekanāmāti me sutaṃ;
28总共九十一位，都名为因陀罗，皆具大威力。
Asīti dasa eko ca, indanāmā mahabbalā.
29“他们遥见佛陀，那位日种佛陀，”
Te cāpi buddhaṃ disvāna, buddhaṃ ādiccabandhunaṃ;
30“便从远处礼敬这伟大、离畏的大丈夫。”
Dūratova namassanti, mahantaṃ vītasāradaṃ.
31“礼敬您，人中良骏！礼敬您，人中最上者！”
‘‘Namo te purisājañña, namo te purisuttama;
32“您善巧地观察我们，非人也礼敬您。”
Kusalena samekkhasi, amanussāpi taṃ vandanti;
33“我们常听闻此事，因此我们这样说：”
Sutaṃ netaṃ abhiṇhaso, tasmā evaṃ vademase.
34“礼敬胜者乔达摩！我们礼敬胜者乔达摩，”
‘‘‘Jinaṃ vandatha gotamaṃ, jinaṃ vandāma gotamaṃ;
35明行具足，我们礼敬乔达摩佛陀。'
Vijjācaraṇasampannaṃ, buddhaṃ vandāma gotamaṃ’.
279那些离间者与背后中伤者，据说会往生彼处，成为饿鬼。
‘‘Yena petā pavuccanti, pisuṇā piṭṭhimaṃsikā.
37杀生者、猎师、盗贼与欺诈之人。
Pāṇātipātino luddā , corā nekatikā janā.
38“那是南方”，人们这样称说；
‘‘Ito ‘sā dakkhiṇā disā’, iti naṃ ācikkhatī jano;
39那一方由声名显赫的大王所守护，
Yaṃ disaṃ abhipāleti, mahārājā yasassi so.
40鸠槃荼众之主，名为增长天王；
‘‘Kumbhaṇḍānaṃ adhipati, ‘virūḷho’ iti nāmaso;
41他以歌舞为乐，为鸠槃荼众所尊崇围绕；
Ramatī naccagītehi, kumbhaṇḍehi purakkhato.
42他也有众多儿子，我听说他们皆同一名；
‘‘Puttāpi tassa bahavo, ekanāmāti me sutaṃ;
43九十一，俱名因陀罗，具大威力。
Asīti dasa eko ca, indanāmā mahabbalā.
44他们见到了佛陀——太阳族亲的佛陀；
Te cāpi buddhaṃ disvāna, buddhaṃ ādiccabandhunaṃ;
45从远处便礼敬，那伟大的离怖畏者。
Dūratova namassanti, mahantaṃ vītasāradaṃ.
46礼敬您，人中的良骏！礼敬您，人中的至尊！
‘‘Namo te purisājañña, namo te purisuttama;
47您以善巧观照，非人亦礼敬您。
Kusalena samekkhasi, amanussāpi taṃ vandanti;
48我们常常被问及：“你们礼敬胜利者乔达摩吗？”因此我们这样说。
Sutaṃ netaṃ abhiṇhaso, tasmā evaṃ vademase.
49礼敬胜者乔达摩！我们礼敬胜者乔达摩；
‘‘‘Jinaṃ vandatha gotamaṃ, jinaṃ vandāma gotamaṃ;
50礼敬明行足，我们礼敬佛陀乔达摩。’
Vijjācaraṇasampannaṃ, buddhaṃ vandāma gotamaṃ’.
280‘太阳——阿提底之子，那大圆轮——落下去的地方，
‘‘Yattha coggacchati sūriyo, ādicco maṇḍalī mahā.
52当它沉落时，白昼也随之止息；
Yassa coggacchamānassa, divasopi nirujjhati;
53当太阳落下时，便称为『夜晚』。
Yassa coggate sūriye, ‘saṃvarī’ti pavuccati.
54彼处有深湖，大海纳众流；
‘‘Rahadopi tattha gambhīro, samuddo saritodako;
55他们这样了知那里：‘那是众河之水汇成的大海。’
Evaṃ taṃ tattha jānanti, ‘samuddo saritodako’.
56人们这样指说：‘从这里过去，那是西方。’
‘‘Ito ‘sā pacchimā disā’, iti naṃ ācikkhatī jano;
57那方由一位声名显赫的大王守护，
Yaṃ disaṃ abhipāleti, mahārājā yasassi so.
58诸龙之主，名叫广目天王；
‘‘Nāgānañca adhipati, ‘virūpakkho’ti nāmaso;
59他喜好歌舞，为龙众所尊崇。
Ramatī naccagītehi, nāgeheva purakkhato.
60他有许多儿子，且我听闻，他们皆同一名；
‘‘Puttāpi tassa bahavo, ekanāmāti me sutaṃ;
61九十一，皆名因陀罗，有大威德。
Asīti dasa eko ca, indanāmā mahabbalā.
62他们得见佛陀、太阳族亲的佛陀，
Te cāpi buddhaṃ disvāna, buddhaṃ ādiccabandhunaṃ;
63遥致礼敬，礼敬此心量广大、无所畏怖的圣者。
Dūratova namassanti, mahantaṃ vītasāradaṃ.
64礼敬您，人中俊杰！礼敬您，人中最上！
‘‘Namo te purisājañña, namo te purisuttama;
65您以善巧观照，非人亦来礼敬您；
Kusalena samekkhasi, amanussāpi taṃ vandanti;
66我们常被问及：‘你们礼敬胜者乔达摩吗？’因此我们这样说。
Sutaṃ netaṃ abhiṇhaso, tasmā evaṃ vademase.
67我们应当这样宣告：'你们礼敬胜者乔达摩，我们礼敬胜者乔达摩；
‘‘‘Jinaṃ vandatha gotamaṃ, jinaṃ vandāma gotamaṃ;
68明行具足，我们礼敬觉悟者乔达摩。'
Vijjācaraṇasampannaṃ, buddhaṃ vandāma gotamaṃ’.
281那里是悦意的北俱卢，有美丽的善见大须弥山。
‘‘Yena uttarakuruvho , mahāneru sudassano.
70生于那里的人们，无有我所，无所执取。
Manussā tattha jāyanti, amamā apariggahā.
71「他们既不播种，也不牵犁耕田；
‘‘Na te bījaṃ pavapanti, napi nīyanti naṅgalā;
72人们所食的稻米，不经耕耘，自然成熟。
Akaṭṭhapākimaṃ sāliṃ, paribhuñjanti mānusā.
73无糠无壳，清净纯粹，米粒芬芳；
‘‘Akaṇaṃ athusaṃ suddhaṃ, sugandhaṃ taṇḍulapphalaṃ;
74放入烤炉煮熟后，他们便享此食。
Tuṇḍikīre pacitvāna, tato bhuñjanti bhojanaṃ.
75整备母牛为独蹄坐骑后，随行于四方；
‘‘Gāviṃ ekakhuraṃ katvā, anuyanti disodisaṃ;
76整备牲畜为独蹄坐骑后，随行于四方。
Pasuṃ ekakhuraṃ katvā, anuyanti disodisaṃ.
77以女人为运载后，随行于四方；
‘‘Itthiṃ vā vāhanaṃ katvā, anuyanti disodisaṃ;
78以男子为运载后，随行于四方。
Purisaṃ vāhanaṃ katvā, anuyanti disodisaṃ.
79以少女为运载后，随行于四方；
‘‘Kumāriṃ vāhanaṃ katvā, anuyanti disodisaṃ;
80以少年为运载后，随行于四方。
Kumāraṃ vāhanaṃ katvā, anuyanti disodisaṃ.
81他们登上乘具，。
‘‘Te yāne abhiruhitvā,
82周游一切方向
Sabbā disā anupariyāyanti ;
83那位国王的巡行
Pacārā tassa rājino.
84象乘、马乘、天乘，皆已备妥
‘‘Hatthiyānaṃ assayānaṃ, dibbaṃ yānaṃ upaṭṭhitaṃ;
85那位名声显赫的大王，拥有宫殿与轿舆，
Pāsādā sivikā ceva, mahārājassa yasassino.
86他还有诸城，
‘‘Tassa ca nagarā ahu,
87于空中善加建造；
Antalikkhe sumāpitā;
88阿吒那胝、库西那吒、巴拉库西那吒
Āṭānāṭā kusināṭā parakusināṭā,
89那吒日天子、巴拉库西吒那吒
Nāṭasuriyā parakusiṭanāṭā.
90“北方有迦尸瓦多”
‘‘Uttarena kasivanto ,
91以及北方的迦毗梵塔城，再往远处，还有座人群汇流之城；
Janoghamaparena ca;
92还有九十九城、安巴拉城与安巴拉瓦提城，
Navanavutiyo ambaraambaravatiyo,
93以及名为阿喇咖曼达的王都。
Āḷakamandā nāma rājadhānī.
94仁者，俱毗罗大王有座王都，名为维沙那；
‘‘Kuverassa kho pana, mārisa, mahārājassa visāṇā nāma rājadhānī;
95因此，俱毗罗大王被称作‘毗沙门’。
Tasmā kuvero mahārājā, ‘vessavaṇo’ti pavuccati.
96他们探寻着，照耀着：塔托喇、塔塔喇、塔托塔喇，
‘‘Paccesanto pakāsenti, tatolā tattalā tatotalā;
97欧加西、德加西、塔托加西，苏罗、拉加、阿利德多、内米。
Ojasi tejasi tatojasī, sūro rājā ariṭṭho nemi.
98那里还有一座名为达喇尼的湖，云雨从中降下；
‘‘Rahadopi tattha dharaṇī nāma, yato meghā pavassanti;
99雨水从那里散落。那里还有一座名为沙喇瓦提的会堂。
Vassā yato patāyanti, sabhāpi tattha sālavatī nāma.
100夜叉常游之处，树木终年结果；
‘‘Yattha yakkhā payirupāsanti, tattha niccaphalā rukkhā;
101种种鸟群来集，孔雀与鹭鸶交鸣；
Nānā dijagaṇā yutā, mayūrakoñcābhirudā;
102及杜鹃等，音声和婉。
Kokilādīhi vagguhi.
103那里有命命鸟的鸣叫，还有郭公鸟的啼唤；
‘‘Jīvañjīvakasaddettha, atho oṭṭhavacittakā;
104有鸡与鹌鹑，林间还有莲池悦意鸟。
Kukkuṭakā kuḷīrakā, vane pokkharasātakā.
105那里有鹦鹉与八哥的鸣声，还有丹达摩纳瓦鸟的啼叫；
‘‘Sukasāḷikasaddettha, daṇḍamāṇavakāni ca;
106俱毗罗的莲池，恒时美妙，常为庄严。
Sobhati sabbakālaṃ sā, kuveranaḷinī sadā.
107“那是北方”，人们这样指称；
‘‘Ito ‘sā uttarā disā’, iti naṃ ācikkhatī jano;
108那一方，由赫赫有名的大王所守护。
Yaṃ disaṃ abhipāleti, mahārājā yasassi so.
109夜叉之主，名为“俱毗罗”；
‘‘Yakkhānañca adhipati, ‘kuvero’ iti nāmaso;
110他乐于歌舞，为众夜叉所尊崇围绕。
Ramatī naccagītehi, yakkheheva purakkhato.
111他也有众多儿子，我听说他们共有同一个名字；
‘‘Puttāpi tassa bahavo, ekanāmāti me sutaṃ;
112九十一位，皆名因陀罗，具大威力。
Asīti dasa eko ca, indanāmā mahabbalā.
113他们见到佛陀，见到太阳族亲的佛陀；
‘‘Te cāpi buddhaṃ disvāna, buddhaṃ ādiccabandhunaṃ;
114远远地便向他礼敬，礼敬这伟大、离怖畏者。
Dūratova namassanti, mahantaṃ vītasāradaṃ.
115礼敬你，人中的骏马！礼敬你，人中无上者！
‘‘Namo te purisājañña, namo te purisuttama;
116你以善巧作观察，非人亦向你礼敬；
Kusalena samekkhasi, amanussāpi taṃ vandanti;
117此事我们常有所闻，因此我们如是说。
Sutaṃ netaṃ abhiṇhaso, tasmā evaṃ vademase.
118“你们当礼敬胜者乔达摩！我们礼敬胜者乔达摩！
‘‘‘Jinaṃ vandatha gotamaṃ, jinaṃ vandāma gotamaṃ;
119我们礼敬明行具足的佛陀乔达摩！”
Vijjācaraṇasampannaṃ, buddhaṃ vandāma gotama’’’nti.
120尊者，这便是阿吒那胝护卫，用以守护、保护比丘、比丘尼、近事男、近事女，令他们免于伤害，安隐而住。
‘‘Ayaṃ kho sā, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya.
282尊者，若有比丘、比丘尼、近事男或近事女，善巧受持、完整受持、完全通晓此阿吒那胝护卫，倘若任何非人——无论是夜叉、女夜叉、夜叉童子、夜叉童女、夜叉大臣、夜叉随从或夜叉使者，或是乾闼婆、女乾闼婆、乾闼婆童子、乾闼婆童女、乾闼婆大臣、乾闼婆随从或乾闼婆使者，或是鸠槃荼、女鸠槃荼、鸠槃荼童子、鸠槃荼童女、鸠槃荼大臣、鸠槃荼随从或鸠槃荼使者，或是龙、女龙、龙童子、龙童女、龙大臣、龙随从或龙使者——以恶心跟随行走中的此人，或立于站立者之旁，或坐于坐者之旁，或卧于卧者之旁，那么，尊者，此非人在村落或城镇中将得不到任何尊敬与恭敬。尊者，此非人在名为阿喇咖曼达的王都，将得不到土地，也得不到住处。尊者，此非人将不得参加夜叉之集会。再者，尊者，诸非人将不让他被迎娶，也不让她被出嫁。再者，尊者，诸非人将以充满攻击的言语辱骂他。再者，尊者，诸非人将把空钵倒扣于他头上。再者，尊者，诸非人将令他的头破裂为七分。
‘‘Yassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṃ āṭānāṭiyā rakkhā suggahitā bhavissati samattā pariyāputā . Taṃ ce amanusso yakkho vā yakkhinī vā yakkhapotako vā yakkhapotikā vā yakkhamahāmatto vā yakkhapārisajjo vā yakkhapacāro vā, gandhabbo vā gandhabbī vā gandhabbapotako vā gandhabbapotikā vā gandhabbamahāmatto vā gandhabbapārisajjo vā gandhabbapacāro vā, kumbhaṇḍo vā kumbhaṇḍī vā kumbhaṇḍapotako vā kumbhaṇḍapotikā vā kumbhaṇḍamahāmatto vā kumbhaṇḍapārisajjo vā kumbhaṇḍapacāro vā, nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Na me so, mārisa, amanusso labheyya gāmesu vā nigamesu vā sakkāraṃ vā garukāraṃ vā. Na me so, mārisa, amanusso labheyya āḷakamandāya nāma rājadhāniyā vatthuṃ vā vāsaṃ vā. Na me so, mārisa, amanusso labheyya yakkhānaṃ samitiṃ gantuṃ. Apissu naṃ, mārisa, amanussā anāvayhampi naṃ kareyyuṃ avivayhaṃ. Apissu naṃ, mārisa, amanussā attāhipi paripuṇṇāhi paribhāsāhi paribhāseyyuṃ. Apissu naṃ, mārisa, amanussā rittaṃpissa pattaṃ sīse nikkujjeyyuṃ. Apissu naṃ, mārisa, amanussā sattadhāpissa muddhaṃ phāleyyuṃ.
122“尊者，确有凶暴、粗野、残忍的非人，他们不遵从大王们，不遵从大王们的臣属，也不遵从大王们臣属的臣属。尊者，这些非人被称为大王们所不能制伏者。尊者，譬如在摩揭陀王的国土内，有大盗不遵从摩揭陀王，不遵从摩揭陀王的臣属，也不遵从摩揭陀王臣属的臣属。尊者，那些大盗便被称为摩揭陀王所不能制伏者。同样地，尊者，确有凶暴、粗野、残忍的非人，他们不遵从大王们，不遵从大王们的臣属，也不遵从大王们臣属的臣属。尊者，这些非人被称为大王们所不能制伏者。若有任何非人——无论是夜叉或女夜叉……或是乾闼婆或女乾闼婆……或是鸠槃荼或女鸠槃荼……或是龙或女龙、龙童子、龙童女、龙大臣、龙随从或龙使者——以恶心跟随行走的比丘、比丘尼、近事男或近事女，或立于站立者旁，或坐于坐者旁，或卧于卧者旁，便应向这些夜叉、大夜叉、将军、大将军们如此申诉、呼喊、叫喊：‘这夜叉正在捉取！这夜叉正在附身！这夜叉正在恼害！这夜叉正在扰害！这夜叉正在伤害！这夜叉正在损害！这夜叉不肯放开！’”
‘‘Santi hi, mārisa, amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Seyyathāpi, mārisa, rañño māgadhassa vijite mahācorā. Te neva rañño māgadhassa ādiyanti, na rañño māgadhassa purisakānaṃ ādiyanti, na rañño māgadhassa purisakānaṃ purisakānaṃ ādiyanti. Te kho te, mārisa, mahācorā rañño māgadhassa avaruddhā nāma vuccanti. Evameva kho, mārisa, santi amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Yo hi koci, mārisa, amanusso yakkho vā yakkhinī vā…pe… gandhabbo vā gandhabbī vā … kumbhaṇḍo vā kumbhaṇḍī vā… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
283应向哪些夜叉、大夜叉、将军、大将军们上诉呢？
‘‘Katamesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ?
124因陀罗、苏摩、伐楼那，婆罗德瓦遮、生主；
‘‘Indo somo varuṇo ca, bhāradvājo pajāpati;
125旃檀、咖玛瑟吒，金奴甘杜、尼甘杜；
Candano kāmaseṭṭho ca, kinnughaṇḍu nighaṇḍu ca.
126巴那多、欧巴曼娘，以及天神的车夫摩得利；
‘‘Panādo opamañño ca, devasūto ca mātali;
127“乾闼婆琴塔些诺、那喇王、佳内沙婆，”
Cittaseno ca gandhabbo, naḷo rājā janesabho .
128雪山神沙他其罗、富那迦、咖拉帝约、古喇，
‘‘Sātāgiro hemavato, puṇṇako karatiyo guḷo;
129西瓦卡、目佳林达、韦沙密多、瑜甘达罗。
Sivako mucalindo ca, vessāmitto yugandharo.
130果巴喇、苏巴罗陀，希利、内帝、曼地耶，
‘‘Gopālo supparodho ca , hiri netti ca mandiyo;
131般遮罗旃陀、阿拉瓦卡、巴朱那、苏摩那、苏穆卡，
Pañcālacaṇḍo āḷavako, pajjunno sumano sumukho;
132陀提穆卡、摩尼、摩尼婆罗、提伽，及尸利沙迦。
Dadhimukho maṇi māṇivaro dīgho, atho serīsako saha.
133对这些夜叉、大夜叉、将军、大将，应当这样谴责他、这样喊退他、这样喝退他：‘此夜叉捉人，此夜叉附体，此夜叉恼害，此夜叉侵害，此夜叉伤人，此夜叉害人，此夜叉不肯放人！’
‘‘Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
134“贤友，这便是阿吒那吒守护，是为了比丘、比丘尼、优婆塞、优婆夷的守护、保护、无害与安乐住。贤友，我等现在告辞了，我们事务繁多，该做的还很多。”“大王，既如此，您可随时动身。”
‘‘Ayaṃ kho sā, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Handa ca dāni mayaṃ, mārisa, gacchāma bahukiccā mayaṃ bahukaraṇīyā’’ti. ‘‘Yassadāni tumhe mahārājāno kālaṃ maññathā’’ti.
284那时，四大天王从座而起，顶礼世尊，右绕之后，即于该处隐没。那些夜叉也从座而起：一部分顶礼世尊，右绕之后，即于该处隐没；一部分与世尊互相问候，叙说欢喜、值得忆念的话语之后，即于该处隐没；一部分朝世尊的方向合掌致敬之后，即于该处隐没；一部分报上自己的名字和族姓之后，即于该处隐没；又有一部分默然不语，即于该处隐没。
Atha kho cattāro mahārājā uṭṭhāyāsanā bhagavantaṃ abhivādetvā padakkhiṇaṃ katvā tatthevantaradhāyiṃsu. Tepi kho yakkhā uṭṭhāyāsanā appekacce bhagavantaṃ abhivādetvā padakkhiṇaṃ katvā tatthevantaradhāyiṃsu. Appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā tatthevantaradhāyiṃsu . Appekacce yena bhagavā tenañjaliṃ paṇāmetvā tatthevantaradhāyiṃsu. Appekacce nāmagottaṃ sāvetvā tatthevantaradhāyiṃsu. Appekacce tuṇhībhūtā tatthevantaradhāyiṃsūti.
136第一诵品终。
Paṭhamabhāṇavāro niṭṭhito.
第二诵品。
285那夜过后，世尊对诸比丘说：“诸比丘，昨夜，四大天王率领着庞大的夜叉军、庞大的乾闼婆军、庞大的鸠槃荼军、庞大的龙军，于四方设下守护、安立哨岗、布下屏障。深夜时分，他们以殊胜的容色遍照整座灵鹫山，来到我的所在处。来后，向我顶礼，坐在一旁。诸比丘，那些夜叉，有的向我顶礼后坐在一旁；有的与我相互问候，共叙令人欢喜、值得忆念的交谈后，坐在一旁；有的朝我合掌致敬后，坐在一旁；有的报上自己的名字和族姓后，坐在一旁；有的则默然静坐在一旁。”
Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ cattāro mahārājā mahatiyā ca yakkhasenāya mahatiyā ca gandhabbasenāya mahatiyā ca kumbhaṇḍasenāya mahatiyā ca nāgasenāya catuddisaṃ rakkhaṃ ṭhapetvā catuddisaṃ gumbaṃ ṭhapetvā catuddisaṃ ovaraṇaṃ ṭhapetvā abhikkantāya rattiyā abhikkantavaṇṇā kevalakappaṃ gijjhakūṭaṃ pabbataṃ obhāsetvā yenāhaṃ tenupasaṅkamiṃsu; upasaṅkamitvā maṃ abhivādetvā ekamantaṃ nisīdiṃsu. Tepi kho, bhikkhave, yakkhā appekacce maṃ abhivādetvā ekamantaṃ nisīdiṃsu. Appekacce mayā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yenāhaṃ tenañjaliṃ paṇāmetvā ekamantaṃ nisīdiṃsu. Appekacce nāmagottaṃ sāvetvā ekamantaṃ nisīdiṃsu. Appekacce tuṇhībhūtā ekamantaṃ nisīdiṃsu.
286“诸比丘，坐在一旁的毗沙门大王这样对我说：‘尊者，有些高等夜叉对世尊不信仰……（中略）……尊者，有些低等夜叉对世尊信仰。然而，尊者，绝大多数夜叉并不信仰世尊。这是什么缘故呢？尊者，因为世尊教导远离杀生之法，也教导远离那作为放逸处的谷酒、果酒、酒类之法。可是，尊者，绝大多数夜叉并未远离杀生，也并未远离那作为放逸处的谷酒、果酒、酒类。对他们而言，这些法是令人不喜、不悦的。尊者，世尊的弟子们常亲近森林、林野、边远之地的住所，那些地方寂静无喧、远离人群，适合独处静修。就在那些地方，住着一些对世尊教法不信仰的高等夜叉。尊者，为了让他们生起信仰，恳请世尊受持此阿吒那胝护卫，以守护、保护比丘、比丘尼、近事男、近事女，令不受伤害，安稳生活。’诸比丘，我当时默然应允。诸比丘，毗沙门大王知道我应允后，就在那时诵出了这阿吒那胝护卫：
‘‘Ekamantaṃ nisinno kho, bhikkhave, vessavaṇo mahārājā maṃ etadavoca – ‘santi hi, bhante, uḷārā yakkhā bhagavato appasannā…pe… santi hi , bhante nīcā yakkhā bhagavato pasannā. Yebhuyyena kho pana, bhante, yakkhā appasannāyeva bhagavato. Taṃ kissa hetu? Bhagavā hi, bhante, pāṇātipātā veramaṇiyā dhammaṃ deseti… surāmerayamajjappamādaṭṭhānā veramaṇiyā dhammaṃ deseti. Yebhuyyena kho pana, bhante, yakkhā appaṭiviratāyeva pāṇātipātā… appaṭiviratā surāmerayamajjappamādaṭṭhānā. Tesaṃ taṃ hoti appiyaṃ amanāpaṃ. Santi hi, bhante, bhagavato sāvakā araññavanapatthāni pantāni senāsanāni paṭisevanti appasaddāni appanigghosāni vijanavātāni manussarāhasseyyakāni paṭisallānasāruppāni. Tattha santi uḷārā yakkhā nivāsino, ye imasmiṃ bhagavato pāvacane appasannā, tesaṃ pasādāya uggaṇhātu, bhante, bhagavā āṭānāṭiyaṃ rakkhaṃ bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’ti. Adhivāsesiṃ kho ahaṃ, bhikkhave, tuṇhībhāvena. Atha kho, bhikkhave, vessavaṇo mahārājā me adhivāsanaṃ viditvā tāyaṃ velāyaṃ imaṃ āṭānāṭiyaṃ rakkhaṃ abhāsi –
287礼敬毗婆尸佛，具眼者、吉祥者。
‘Vipassissa ca namatthu, cakkhumantassa sirīmato.
141礼敬尸弃佛，悲悯一切众生者。
Sikhissapi ca namatthu, sabbabhūtānukampino.
142礼敬毗舍婆佛，净浴的苦行者；
‘Vessabhussa ca namatthu, nhātakassa tapassino;
143礼敬拘留孙佛，摧破魔军者。
Namatthu kakusandhassa, mārasenāpamaddino.
144礼敬拘那含佛，成就梵行的婆罗门；
‘Koṇāgamanassa namatthu, brāhmaṇassa vusīmato;
145礼敬迦叶佛，于一切处得解脱者。
Kassapassa ca namatthu, vippamuttassa sabbadhi.
146“礼敬光辉者，具祥瑞的释迦子；”
‘Aṅgīrasassa namatthu, sakyaputtassa sirīmato;
147他宣说此法，能除遣一切苦。
Yo imaṃ dhammaṃ desesi, sabbadukkhāpanūdanaṃ.
148那些在世间证得涅槃的人，皆依如实之见而观照；
‘Ye cāpi nibbutā loke, yathābhūtaṃ vipassisuṃ;
149这些人不行两舌，他们是伟大者，已离执着与怖畏。
Te janā apisuṇātha, mahantā vītasāradā.
150为诸天与人的利益，他们礼敬乔达摩世尊；
‘Hitaṃ devamanussānaṃ, yaṃ namassanti gotamaṃ;
151明行具足，伟大、远离怖畏者。
Vijjācaraṇasampannaṃ, mahantaṃ vītasāradaṃ.
288当那太阳——巨大的日轮——升起之时，
‘Yato uggacchati sūriyo, ādicco maṇḍalī mahā.
153当它升起时，黑夜便隐没无踪；
Yassa cuggacchamānassa, saṃvarīpi nirujjhati;
154当太阳升高时，便称之为“白昼”。
Yassa cuggate sūriye, ‘‘divaso’’ti pavuccati.
155那里有深邃的湖泊，还有大海与江河之水；
‘Rahadopi tattha gambhīro, samuddo saritodako;
156在那里，他们如此了知：“大海与江河之水”。
Evaṃ taṃ tattha jānanti, ‘‘samuddo saritodako’’.
157“那是东方”，人们这样告知他。
‘Ito ‘‘sā purimā disā’’, iti naṃ ācikkhatī jano;
158守护彼方者，乃是声名远扬的大王。
Yaṃ disaṃ abhipāleti, mahārājā yasassi so.
159乾闼婆之主，名为“提多罗咤”（持国天王）；
‘Gandhabbānaṃ adhipati, ‘‘dhataraṭṭho’’ti nāmaso;
160他以歌舞为乐，乾闼婆众前后围绕。
Ramatī naccagītehi, gandhabbehi purakkhato.
161“我听说他有众多儿子，名字都相同；
‘Puttāpi tassa bahavo, ekanāmāti me sutaṃ;
162共九十一子，皆名因陀罗，具大威力。”
Asīti dasa eko ca, indanāmā mahabbalā.
163他们见到佛陀——太阳族的佛陀；
‘Te cāpi buddhaṃ disvāna, buddhaṃ ādiccabandhunaṃ;
164远远地，便向那位伟大、离畏者恭敬合掌。
Dūratova namassanti, mahantaṃ vītasāradaṃ.
165“礼敬您，人中之龙！礼敬您，人中至上者！”
‘Namo te purisājañña, namo te purisuttama;
166你以善观察，非人亦礼敬你；
Kusalena samekkhasi, amanussāpi taṃ vandanti;
167这不是常常听闻之事吗？因此我们这样说。
Sutaṃ netaṃ abhiṇhaso, tassā evaṃ vademase.
168礼敬胜者乔达摩吧！我们礼敬胜者乔达摩。
‘‘Jinaṃ vandatha gotamaṃ, jinaṃ vandāma gotamaṃ;
169明行具足，我等礼敬佛陀乔达摩。
Vijjācaraṇasampannaṃ, buddhaṃ vandāma gotamaṃ’’.
289那些被称作饿鬼的，是两舌者、背后中伤者，
‘Yena petā pavuccanti, pisuṇā piṭṭhimaṃsikā.
171杀生者、残忍者、盗贼、诡诈之徒。
Pāṇātipātino luddā, corā nekatikā janā.
172那里便是南方，人们是这样指示的。
‘Ito ‘‘sā dakkhiṇā disā’’, iti naṃ ācikkhatī jano;
173他守护哪一方，那位极具威名的大王便因此而得名。
Yaṃ disaṃ abhipāleti, mahārājā yasassi so.
174他是鸠槃荼众的主宰，名为增长天王。
‘Kumbhaṇḍānaṃ adhipati, ‘‘virūḷho’’ iti nāmaso;
175他耽乐于歌舞之乐，为鸠槃荼众所簇拥。
Ramatī naccagītehi, kumbhaṇḍehi purakkhato.
176他也有众多儿子，我听闻他们同名；
‘Puttāpi tassa bahavo, ekanāmāti me sutaṃ;
177九十一位，俱名因陀罗，具大威力。
Asīti dasa eko ca, indanāmā mahabbalā.
178他们见到佛陀——太阳族的佛陀；
‘Te cāpi buddhaṃ disvāna, buddhaṃ ādiccabandhunaṃ;
179从远处便向他礼敬，礼敬这伟大的离怖畏者。
Dūratova namassanti, mahantaṃ vītasāradaṃ.
180“礼敬您，人中的上者！礼敬您，人中的至上者！”
‘Namo te purisājañña, namo te purisuttama;
181你以善观察，非人亦礼敬你；
Kusalena samekkhasi, amanussāpi taṃ vandanti;
182此乃常闻，故我等如是说。
Sutaṃ netaṃ abhiṇhaso, tasmā evaṃ vademase.
183礼敬胜者乔达摩！我们礼敬胜者乔达摩。
‘‘Jinaṃ vandatha gotamaṃ, jinaṃ vandāma gotamaṃ;
184“我们礼敬明行具足的佛陀乔达摩。”
Vijjācaraṇasampannaṃ, buddhaṃ vandāma gotamaṃ’’.
290“大圆轮的太阳，在那里落下。”
‘Yattha coggacchati sūriyo, ādicco maṇḍalī mahā.
186“当它落下时，白昼亦随之消失。”
Yassa coggacchamānassa, divasopi nirujjhati;
187太阳落山时，便称为“黑夜”。
Yassa coggate sūriye, ‘‘saṃvarī’’ti pavuccati.
188那里亦有深湖、海洋与河流之水；
‘Rahadopi tattha gambhīro, samuddo saritodako;
189他们在那里如此了知：大海即是河流之水。
Evaṃ taṃ tattha jānanti, samuddo saritodako.
190此处即是西，人们这样告知它。
‘Ito ‘‘sā pacchimā disā’’, iti naṃ ācikkhatī jano;
191守护那一方者，正是那位声名显赫的大王。
Yaṃ disaṃ abhipāleti, mahārājā yasassi so.
192龙众之主宰，名为广目天王。
‘Nāgānañca adhipati, ‘‘virūpakkho’’ti nāmaso;
193他以歌舞为乐，为龙众所簇拥。
Ramatī naccagītehi, nāgeheva purakkhato.
194他也有许多儿子，我听说他们皆为同名；
‘Puttāpi tassa bahavo, ekanāmāti me sutaṃ;
195九十一子，皆名因陀罗，具大威力。
Asīti dasa eko ca, indanāmā mahabbalā.
196他们见到佛陀——太阳族亲的佛陀后，
‘Te cāpi buddhaṃ disvāna, buddhaṃ ādiccabandhunaṃ;
197从远处便礼敬，那伟大的离畏者。
Dūratova namassanti, mahantaṃ vītasāradaṃ.
198“礼敬您，人中之胜者，礼敬您，人中之上者；
‘Namo te purisājañña, namo te purisuttama;
199您以善巧观察，非人亦来礼敬您；
Kusalena samekkhasi, amanussāpi taṃ vandanti;
200此事我们时常听闻，因此我们这样说；
Sutaṃ netaṃ abhiṇhaso, tasmā evaṃ vademase.
201礼敬胜者乔达摩，我们礼敬胜者乔达摩；
‘‘Jinaṃ vandatha gotamaṃ, jinaṃ vandāma gotamaṃ;
202明行具足，我们礼敬乔达摩佛陀。
Vijjācaraṇasampannaṃ, buddhaṃ vandāma gotamaṃ’’.
291那里有北俱卢洲，和无比美妙的大须弥山。
‘Yena uttarakuruvho, mahāneru sudassano.
204人们生于那里，无我所，无执取。
Manussā tattha jāyanti, amamā apariggahā.
205他们不播种子，也不驱犁耕田；
‘Na te bījaṃ pavapanti, nāpi nīyanti naṅgalā;
206人们享用自然成熟、不耕不耘的稻米。
Akaṭṭhapākimaṃ sāliṃ, paribhuñjanti mānusā.
207那米粒无糠无壳、清净、芳香，
‘Akaṇaṃ athusaṃ suddhaṃ, sugandhaṃ taṇḍulapphalaṃ;
208于石锅中烹煮已，便受用饮食。
Tuṇḍikīre pacitvāna, tato bhuñjanti bhojanaṃ.
209整备母牛为独蹄坐骑后，随行于四方；
‘Gāviṃ ekakhuraṃ katvā, anuyanti disodisaṃ;
210整备牲畜为独蹄坐骑后，随行于四方。
Pasuṃ ekakhuraṃ katvā, anuyanti disodisaṃ.
211以女人为运载后，随行于四方；
‘Itthiṃ vā vāhanaṃ katvā, anuyanti disodisaṃ;
212以男子为运载后，随行于四方。
Purisaṃ vāhanaṃ katvā, anuyanti disodisaṃ.
213以少女为运载后，随行于四方；
‘Kumāriṃ vāhanaṃ katvā, anuyanti disodisaṃ;
214以少年为运载后，随行于四方。
Kumāraṃ vāhanaṃ katvā, anuyanti disodisaṃ.
215他们登上那些乘具，
‘Te yāne abhiruhitvā,
216遍行一切方所；
Sabbā disā anupariyāyanti;
217那位国王的侍从们。
Pacārā tassa rājino.
218象车、马车，
‘Hatthiyānaṃ assayānaṃ,
219天车已备妥；
Dibbaṃ yānaṃ upaṭṭhitaṃ;
220宫殿与轿舆，
Pāsādā sivikā ceva,
221名望显赫的大王所有。
Mahārājassa yasassino.
222他拥有诸多城邑，
‘Tassa ca nagarā ahu,
223善立于虚空；
Antalikkhe sumāpitā;
224阿吒那吒天子、库西那吒天子、帕拉库西那吒天子，
Āṭānāṭā kusināṭā parakusināṭā,
225那吒苏利耶天子、帕拉库西他那吒天子。
Nāṭasuriyā parakusiṭanāṭā.
226北方为迦尸瓦多，
‘Uttarena kasivanto,
227西方为佳诺嘎玛；
Janoghamaparena ca;
228北方为迦尸瓦多，
‘Uttarena kasivanto,
229佳诺嘎玛位于西方；
Janoghamaparena ca;
230那瓦那瓦提与安巴拉安巴拉瓦提，
Navanavutiyo ambaraambaravatiyo,
231名为阿喇咖曼达的王都。
Āḷakamandā nāma rājadhānī.
232尊者，俱毗罗大王的王都名为维沙那；
‘Kuverassa kho pana, mārisa, mahārājassa visāṇā nāma rājadhānī;
233因此，俱毗罗大王被称为‘毗沙门’。
Tasmā kuvero mahārājā, ‘‘vessavaṇo’’ti pavuccati.
234巴切散多、巴咖散帝、答多喇、答答喇、答多答喇；
‘Paccesanto pakāsenti, tatolā tattalā tatotalā;
235欧加西、德加西、答多加西、苏喇、阿利德多王、内米。
Ojasi tejasi tatojasī, sūro rājā ariṭṭho nemi.
236那里还有一个名为达喇尼的湖，云从那里降雨；
‘Rahadopi tattha dharaṇī nāma, yato meghā pavassanti;
237雨从那里降下，那里还有一座名为沙喇瓦帝的大厅。
Vassā yato patāyanti, sabhāpi tattha sālavatī nāma.
238“夜叉亲近之处，树木常年结果；”
‘Yattha yakkhā payirupāsanti, tattha niccaphalā rukkhā;
239种种鸟群相聚，孔雀、鹭鸶相鸣；
Nānā dijagaṇā yutā, mayūrakoñcābhirudā;
240以及杜鹃等鸟，啭声悦耳。
Kokilādīhi vagguhi.
241那里传来命命鸟的鸣声，还有鹈鹕；
‘Jīvañjīvakasaddettha, atho oṭṭhavacittakā;
242雄鸡与鹌鹑，以及林中的白鹭。
Kukkuṭakā kuḷīrakā, vane pokkharasātakā.
243那里传来鹦鹉、八哥的鸣叫，还有棕头鸦雀；
‘Sukasāḷika saddettha, daṇḍamāṇavakāni ca;
244俱毗罗的莲池，恒时美丽。
Sobhati sabbakālaṃ sā, kuveranaḷinī sadā.
245“那边是北方”，人们这样指示；
‘Ito ‘‘sā uttarā disā’’, iti naṃ ācikkhatī jano;
246那位名声显赫的大王，守护着那方。
Yaṃ disaṃ abhipāleti, mahārājā yasassi so.
247诸夜叉的统领，名为‘俱毗罗’；
‘Yakkhānañca adhipati, ‘‘kuvero’’ iti nāmaso;
248他耽乐于歌舞，由诸夜叉簇拥着；
Ramatī naccagītehi, yakkheheva purakkhato.
249他也有众多儿子，我听闻他们皆同一名；
‘Puttāpi tassa bahavo, ekanāmāti me sutaṃ;
250有九十一尊，同名为因陀罗，具大威力。
Asīti dasa eko ca, indanāmā mahabbalā.
251他们见到佛陀，见到日亲之佛陀；
‘Te cāpi buddhaṃ disvāna, buddhaṃ ādiccabandhunaṃ;
252从远处便礼敬，礼敬大无畏者。
Dūratova namassanti, mahantaṃ vītasāradaṃ.
253“礼敬您，人中上者！礼敬您，人中至上者！”
‘Namo te purisājañña, namo te purisuttama;
254您以善巧观察，非人亦向您礼敬；
Kusalena samekkhasi, amanussāpi taṃ vandanti;
255我们常闻此事，因此如是说：
Sutaṃ netaṃ abhiṇhaso, tasmā evaṃ vademase.
256“礼敬胜者乔达摩！我等礼敬胜者乔达摩；
‘‘Jinaṃ vandatha gotamaṃ, jinaṃ vandāma gotamaṃ;
257明行具足，我们礼敬佛陀乔达摩。」
Vijjācaraṇasampannaṃ, buddhaṃ vandāma gotama’’nti.
292尊者，这是阿吒那胝护卫，为守护、保护比丘、比丘尼、近事男、近事女，令其不受伤害、安乐而住。尊者，若有比丘、比丘尼、近事男或近事女，善持此阿吒那胝护卫，完全受持，遍学通达；其时若有无形非人——夜叉或女夜叉……乃至……乾闼婆或女乾闼婆……乃至……鸠槃荼或女鸠槃荼……乃至……龙或女龙、龙子或龙女、龙大臣或龙眷属、龙侍从——心怀恶意，于行走时跟随行走之比丘、比丘尼、近事男或近事女，于站立时靠近站立者，于坐时靠近坐者，于卧时靠近卧者，则尊者，彼非人于村邑或城镇中，将不得恭敬、不得尊重。尊者，彼非人于我所居之阿喇咖曼达王都，将不得土地、不得住处。尊者，彼非人将不得参与夜叉之集会。尊者，且诸非人将不许彼迎娶，不许彼婚嫁。尊者，且诸非人将以充足而周遍之呵责，痛加呵责于彼。尊者，且诸非人将倒扣空钵于其头上。尊者，且诸非人将令其头颅破裂为七分。尊者，确实有凶暴、粗野、暴戾的诸非人，他们既不服从于大王，亦不服从于大王之辅臣，亦不服从于辅臣之随从。尊者，此类非人被称为大王的叛逆者。尊者，犹如摩揭陀王境内有大盗，他们既不服从摩揭陀王，亦不服从于王之臣属，亦不服从于臣属之随从。尊者，此类大盗被称为摩揭陀王的叛逆者。正等如是，尊者，有凶暴、粗野、暴戾的诸非人，他们既不服从于大王，亦不服从于大王之辅臣，亦不服从于辅臣之随从。尊者，此类非人被称为大王的叛逆者。尊者，任何非人——夜叉或女夜叉……乃至……乾闼婆或女乾闼婆……乃至……鸠槃荼或女鸠槃荼……乃至……龙或女龙……乃至——若怀恶意，于行走时接近行走之比丘、比丘尼、近事男或近事女，于站立时靠近站立者，于坐时靠近坐者，于卧时靠近卧者，应向他们夜叉、大夜叉、将军、大将军申诉、呼喊、高声而唤：‘此夜叉捉取，此夜叉附身，此夜叉恼害，此夜叉扰害，此夜叉伤害，此夜叉损害，此夜叉不令解脱。’
‘Ayaṃ kho sā, mārisa , āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Yassa kassaci, mārisa, bhikkhussa vā bhikkhuniyā vā upāsakassa vā upāsikāya vā ayaṃ āṭānāṭiyā rakkhā suggahitā bhavissati samattā pariyāputā taṃ ce amanusso yakkho vā yakkhinī vā…pe… gandhabbo vā gandhabbī vā…pe… kumbhaṇḍo vā kumbhaṇḍī vā…pe… nāgo vā nāgī vā nāgapotako vā nāgapotikā vā nāgamahāmatto vā nāgapārisajjo vā nāgapacāro vā, paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā anugaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Na me so, mārisa, amanusso labheyya gāmesu vā nigamesu vā sakkāraṃ vā garukāraṃ vā. Na me so, mārisa, amanusso labheyya āḷakamandāya nāma rājadhāniyā vatthuṃ vā vāsaṃ vā. Na me so, mārisa, amanusso labheyya yakkhānaṃ samitiṃ gantuṃ. Apissu naṃ, mārisa, amanussā anāvayhampi naṃ kareyyuṃ avivayhaṃ. Apissu naṃ, mārisa, amanussā attāhi paripuṇṇāhi paribhāsāhi paribhāseyyuṃ. Apissu naṃ, mārisa, amanussā rittaṃpissa pattaṃ sīse nikkujjeyyuṃ. Apissu naṃ, mārisa, amanussā sattadhāpissa muddhaṃ phāleyyuṃ. Santi hi, mārisa, amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Seyyathāpi, mārisa, rañño māgadhassa vijite mahācorā. Te neva rañño māgadhassa ādiyanti, na rañño māgadhassa purisakānaṃ ādiyanti, na rañño māgadhassa purisakānaṃ purisakānaṃ ādiyanti. Te kho te, mārisa, mahācorā rañño māgadhassa avaruddhā nāma vuccanti. Evameva kho, mārisa, santi amanussā caṇḍā ruddhā rabhasā, te neva mahārājānaṃ ādiyanti, na mahārājānaṃ purisakānaṃ ādiyanti, na mahārājānaṃ purisakānaṃ purisakānaṃ ādiyanti. Te kho te, mārisa, amanussā mahārājānaṃ avaruddhā nāma vuccanti. Yo hi koci, mārisa, amanusso yakkho vā yakkhinī vā…pe… gandhabbo vā gandhabbī vā…pe… kumbhaṇḍo vā kumbhaṇḍī vā…pe… nāgo vā nāgī vā…pe… paduṭṭhacitto bhikkhuṃ vā bhikkhuniṃ vā upāsakaṃ vā upāsikaṃ vā gacchantaṃ vā upagaccheyya, ṭhitaṃ vā upatiṭṭheyya, nisinnaṃ vā upanisīdeyya, nipannaṃ vā upanipajjeyya. Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’ti.
293「哪些夜叉、大夜叉、将军、大将军？」
‘Katamesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ?
260因陀罗、苏摩、瓦鲁那，婆罗堕阇、巴迦巴帝，
‘Indo somo varuṇo ca, bhāradvājo pajāpati;
261旃檀那、咖马些德，金奴甘杜、尼甘杜，
Candano kāmaseṭṭho ca, kinnughaṇḍu nighaṇḍu ca.
262巴那多、欧巴曼若，天苏多与摩得利，
‘Panādo opamañño ca, devasūto ca mātali;
263乾闼婆吉达瑟那、那罗王、迦内沙婆。
Cittaseno ca gandhabbo, naḷo rājā janesabho.
264萨陀耆利、亥瓦摩多、富那迦、迦罗提由、古罗；
‘Sātāgiro hevamato, puṇṇako karatiyo guḷo;
265湿婆伽、穆迦林陀、维沙密多、尤甘陀罗。
Sivako mucalindo ca, vessāmitto yugandharo.
266果巴喇、苏巴罗多、希利、内帝、曼地由。
‘Gopālo supparodho ca, hiri netti ca mandiyo;
267班佳喇佳达、阿拉瓦咖、巴朱诺、苏马诺、苏木科。
Pañcālacaṇḍo āḷavako, pajjunno sumano sumukho;
268达地木科、马尼、马尼瓦罗、地喀，及利萨咖。
Dadhimukho maṇi māṇivaro dīgho, atho serīsako saha.
269“应当对这些夜叉、大夜叉、将军、大将军们宣告、呼喝、呐喊：‘这个夜叉在捉人，这个夜叉在附身，这个夜叉在恼害，这个夜叉在侵逼，这个夜叉在伤害，这个夜叉在损害，这个夜叉不肯放开。’尊者，这阿吒那胝护卫是为了比丘、比丘尼、近事男、近事女的守护、保护、不遭伤害、安乐住。尊者，现在我们要告辞了，我们事务繁多，应作的事也很多。”大王们，若你们觉得是时候了，就请随意吧。”
‘Imesaṃ yakkhānaṃ mahāyakkhānaṃ senāpatīnaṃ mahāsenāpatīnaṃ ujjhāpetabbaṃ vikkanditabbaṃ viravitabbaṃ – ‘‘ayaṃ yakkho gaṇhāti, ayaṃ yakkho āvisati, ayaṃ yakkho heṭheti, ayaṃ yakkho viheṭheti, ayaṃ yakkho hiṃsati, ayaṃ yakkho vihiṃsati, ayaṃ yakkho na muñcatī’’ti. Ayaṃ kho, mārisa, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāya. Handa ca dāni mayaṃ, mārisa, gacchāma, bahukiccā mayaṃ bahukaraṇīyā’’’ti. ‘‘‘Yassa dāni tumhe mahārājāno kālaṃ maññathā’’’ti.
294那时，比丘们，四大天王从座起身，向我顶礼、右绕之后，便在那里消失不见了。比丘们，那些夜叉也从座起身，其中一部分向我顶礼、右绕之后，便在那里消失不见了；一部分与我互相问候，叙说了温和、友善的话语之后，便在那里消失不见了；一部分向我合掌礼敬之后，便在那里消失不见了；一部分报上自己的名字与族姓之后，便在那里消失不见了；还有一部分默然无语，便在那里消失不见了。
‘‘Atha kho, bhikkhave, cattāro mahārājā uṭṭhāyāsanā maṃ abhivādetvā padakkhiṇaṃ katvā tatthevantaradhāyiṃsu. Tepi kho, bhikkhave, yakkhā uṭṭhāyāsanā appekacce maṃ abhivādetvā padakkhiṇaṃ katvā tatthevantaradhāyiṃsu. Appekacce mayā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā tatthevantaradhāyiṃsu. Appekacce yenāhaṃ tenañjaliṃ paṇāmetvā tatthevantaradhāyiṃsu. Appekacce nāmagottaṃ sāvetvā tatthevantaradhāyiṃsu. Appekacce tuṇhībhūtā tatthevantaradhāyiṃsu.
295“诸比丘，学习这阿吒那胝护卫吧！诸比丘，掌握这阿吒那胝护卫吧！诸比丘，受持这阿吒那胝护卫吧！诸比丘，这阿吒那胝护卫能带来利益，是为了比丘、比丘尼、近事男、近事女的守护、保护、不遭侵害、安乐住。”世尊这样说。那些比丘对世尊的教导心满意足，随喜赞叹。
‘‘Uggaṇhātha , bhikkhave, āṭānāṭiyaṃ rakkhaṃ. Pariyāpuṇātha, bhikkhave, āṭānāṭiyaṃ rakkhaṃ. Dhāretha, bhikkhave, āṭānāṭiyaṃ rakkhaṃ. Atthasaṃhitā , bhikkhave, āṭānāṭiyā rakkhā bhikkhūnaṃ bhikkhunīnaṃ upāsakānaṃ upāsikānaṃ guttiyā rakkhāya avihiṃsāya phāsuvihārāyā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
272阿吒那胝经 第九终
Āṭānāṭiyasuttaṃ niṭṭhitaṃ navamaṃ.