AN 13 · 13. 一人品
第十三 一人品
170“诸比丘，有一人出现于世，是为众人的利益、为众人的安乐，出于对世间的悲悯，为天与人的利益、福祉与安乐而出现。哪一位？即如来、阿拉汉、正自觉者。诸比丘，正是此人出现于世，是为众人的利益、为众人的安乐，出于对世间的悲悯，为天与人的利益、福祉与安乐而出现。”
‘‘Ekapuggalo , bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ . Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussāna’’nti.
171“诸比丘，有一人的出现于世，极为难遇。是哪一位的出现？是如来、阿拉汉、正自觉者。诸比丘，正是此人的出现于世，极为难遇。”
‘‘Ekapuggalassa, bhikkhave, pātubhāvo dullabho lokasmiṃ. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa pātubhāvo dullabho lokasmi’’nti.
172“诸比丘，有一人出现于世，是作为一位不可思议之人而出现。哪一位？即如来、阿拉汉、正自觉者。诸比丘，正是此人出现于世，是作为一位不可思议之人而出现。”
‘‘Ekapuggalo, bhikkhave, loke uppajjamāno uppajjati acchariyamanusso. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati acchariyamanusso’’ti.
173“诸比丘，有一人的逝去，令众人深生悲痛。那是谁的逝去？如来、阿拉汉、正自觉者。诸比丘，正是此人的逝去，令众人深生悲痛。”
‘‘Ekapuggalassa, bhikkhave, kālakiriyā bahuno janassa anutappā hoti. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa kālakiriyā bahuno janassa anutappā hotī’’ti.
174“诸比丘，有一人出现于世间时，他是无第二者、无伴侣、无可比、无可等同、无可比拟、无可匹敌、无与伦比、无等之无等者，于两足众生中，他是最上者。哪一人？即是如来、阿拉汉、正自觉者。诸比丘，正是此人出现于世间时，他是无第二者、无伴侣、无可比、无可等同、无可比拟、无可匹敌、无与伦比、无等之无等者，于两足众生中，他是最上者。”
‘‘Ekapuggalo, bhikkhave, loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṃ aggo. Katamo ekapuggalo? Tathāgato arahaṃ sammāsambuddho. Ayaṃ kho, bhikkhave, ekapuggalo loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṃ aggo’’ti.
175-186“诸比丘，由一人出世，则有广大之眼出现，有广大之光出现，有广大之光明出现；有六种无上出现；有四无碍解得以亲证；种种界的通达得以成就；不同界的通达得以成就；明与解脱之果得以亲证；入流果得以亲证；一来果得以亲证；不来果得以亲证；阿拉汉果得以亲证。是由谁的出世？如来、阿拉汉、正自觉者。诸比丘，正是由此人出世，则有广大之眼出现，有广大之光出现，有广大之光明出现；有六种无上出现；有四无碍解得以亲证；种种界的通达得以成就；不同界的通达得以成就；明与解脱之果得以亲证；入流果得以亲证；一来果得以亲证；不来果得以亲证；阿拉汉果得以亲证。”
‘‘Ekapuggalassa , bhikkhave, pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṃ anuttariyānaṃ pātubhāvo hoti, catunnaṃ paṭisambhidānaṃ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hoti. Katamassa ekapuggalassa? Tathāgatassa arahato sammāsambuddhassa. Imassa kho, bhikkhave, ekapuggalassa pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṃ anuttariyānaṃ pātubhāvo hoti, catunnaṃ paṭisambhidānaṃ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hotī’’ti.
187“诸比丘，我不见有其他任何一人，能如舍利弗这般，正确地随转如来所转起的无上法轮。诸比丘，舍利弗正是如此正确地随转如来所转起的无上法轮。”
‘‘Nāhaṃ bhikkhave, aññaṃ ekapuggalampi samanupassāmi yo evaṃ tathāgatena anuttaraṃ dhammacakkaṃ pavattitaṃ sammadeva anuppavatteti yathayidaṃ, bhikkhave, sāriputto. Sāriputto, bhikkhave, tathāgatena anuttaraṃ dhammacakkaṃ pavattitaṃ sammadeva anuppavattetī’’ti.