MN 124 · 薄拘罗经
209如是我闻：一时，具寿拔古喇住在王舍城的竹林迦兰陀迦园。那时，具寿拔古喇在家时的旧友裸行者迦叶，来到他那里，彼此亲切问候，交谈了令人愉悦、值得忆念的话语，然后退坐一面。退坐一面的裸行者迦叶对具寿拔古喇这样说：
Evaṃ me sutaṃ – ekaṃ samayaṃ āyasmā bākulo rājagahe viharati veḷuvane kalandakanivāpe. Atha kho acelakassapo āyasmato bākulassa purāṇagihisahāyo yenāyasmā bākulo tenupasaṅkami; upasaṅkamitvā āyasmatā bākulena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho acelakassapo āyasmantaṃ bākulaṃ etadavoca –
2“朋友拔古喇，你出家多久了？”“朋友，我出家已经八十年了。”“那么，朋友拔古喇，在这八十年中，你行过几次淫欲法呢？”“朋友迦叶，你不应这样问我：‘朋友拔古喇，在这八十年中，你行过几次淫欲法？’朋友迦叶，你应当这样问我：‘朋友拔古喇，在这八十年中，你曾生起过几次欲想呢？’”
‘‘Kīvaciraṃ pabbajitosi, āvuso bākulā’’ti? ‘‘Asīti me, āvuso, vassāni pabbajitassā’’ti. ‘‘Imehi pana te, āvuso bākula, asītiyā vassehi katikkhattuṃ methuno dhammo paṭisevito’’ti? ‘‘Na kho maṃ, āvuso kassapa, evaṃ pucchitabbaṃ – ‘imehi pana te, āvuso bākula, asītiyā vassehi katikkhattuṃ methuno dhammo paṭisevito’ti. Evañca kho maṃ, āvuso kassapa, pucchitabbaṃ – ‘imehi pana te, āvuso bākula, asītiyā vassehi katikkhattuṃ kāmasaññā uppannapubbā’’’ti? ( )
210（具寿拔古喇说：）“朋友，我出家八十年来，不曾记得有欲想生起。” 我们便将“具寿拔古喇出家八十年来，不曾记得有欲想生起”这一事实，铭记为具寿拔古喇的稀有、未曾有之法。
‘‘Asīti me, āvuso , vassāni pabbajitassa nābhijānāmi kāmasaññaṃ uppannapubbaṃ. Yaṃpāyasmā bākulo asītiyā vassehi nābhijānāti kāmasaññaṃ uppannapubbaṃ idampi mayaṃ āyasmato bākulassa acchariyaṃ abbhutadhammaṃ dhārema.
4“朋友，我出家八十年来，不曾记得生起过嗔恨想……乃至害想。具寿拔古喇出家八十年间，不曾记得生起过害想——这是我们忆持具寿拔古喇的稀有、未曾有法。”
‘‘Asīti me, āvuso, vassāni pabbajitassa nābhijānāmi byāpādasaññaṃ…pe… vihiṃsāsaññaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāsaññaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.
5“朋友，我出家八十年来，不曾记得生起过欲寻。具寿拔古喇出家八十年间，不曾记得生起过欲寻——这是我们忆持具寿拔古喇的稀有、未曾有法。”
‘‘Asīti me, āvuso, vassāni pabbajitassa nābhijānāmi kāmavitakkaṃ uppannapubbaṃ. Yaṃpāyasmā bākulo asītiyā vassehi nābhijānāti kāmavitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.
6“朋友，我出家八十年来，不曾记得生起过嗔恨寻……乃至害寻。具寿拔古喇出家八十年间，不曾记得生起过害寻——这是我们忆持具寿拔古喇的稀有、未曾有法。”
‘‘Asīti me, āvuso, vassāni pabbajitassa nābhijānāmi byāpādavitakkaṃ…pe… vihiṃsāvitakkaṃ uppannapubbaṃ. Yaṃpāyasmā bākulo asītiyā vassehi nābhijānāti vihiṃsāvitakkaṃ uppannapubbaṃ, idampi mayaṃ āyasmato bākulassa acchariyaṃ abbhutadhammaṃ dhārema.
211朋友，我出家八十年，从不记得曾接受过在家人的施衣。对于具寿拔古喇八十年间不记得接受过在家人施衣这件事，我们也视此为具寿拔古喇的稀有、未曾有法。
‘‘Asīti me, āvuso, vassāni pabbajitassa nābhijānāmi gahapaticīvaraṃ sāditā. Yaṃpāyasmā bākulo asītiyā vassehi nābhijānāti gahapaticīvaraṃ sāditā, idampi mayaṃ āyasmato bākulassa acchariyaṃ abbhutadhammaṃ dhārema.
8朋友，我出家八十年，从不记得曾用刀裁剪衣服。对于具寿拔古喇八十年间不记得用刀裁剪衣服这件事，我们也视此为具寿拔古喇的稀有、未曾有法。
‘‘Asīti me, āvuso, vassāni pabbajitassa nābhijānāmi satthena cīvaraṃ chinditā. Yaṃpāyasmā bākulo asītiyā vassehi nābhijānāti satthena cīvaraṃ chinditā…pe… dhārema.
9朋友，我出家八十年，从不记得曾用针缝衣服；不记得曾用染料染衣；不记得在咖提那衣时缝衣；不记得为同梵行者打理衣事；不记得曾接受邀请；不记得曾生起这样的心念：‘啊，真希望有人来邀请我。’不记得曾在屋内坐；不记得曾在屋内用餐；不记得曾执取女人的种种相；不记得为女人说法，乃至仅四句偈；不记得去过比丘尼的住处；不记得为比丘尼说法；不记得为在学尼说法；不记得为沙弥尼说法；不记得为人剃度；不记得为人授具足戒；不记得为人作依止师；不记得接受沙弥服侍；不记得在浴室沐浴；不记得用沐浴粉沐浴；不记得为同梵行者做身体护理；不记得曾生病，哪怕只是挤出一滴乳的程度；不记得曾服药，哪怕只是一片诃子；不记得靠过靠背；不记得铺床睡卧。对于这些，我们也视此为稀有、未曾有法。
‘‘Asīti me, āvuso, vassāni pabbajitassa nābhijānāmi sūciyā cīvaraṃ sibbitā…pe… nābhijānāmi rajanena cīvaraṃ rajitā… nābhijānāmi kathine cīvaraṃ sibbitā… nābhijānāmi sabrahmacārīnaṃ cīvarakamme vicāritā … nābhijānāmi nimantanaṃ sāditā… nābhijānāmi evarūpaṃ cittaṃ uppannapubbaṃ – ‘aho vata maṃ koci nimanteyyā’ti… nābhijānāmi antaraghare nisīditā… nābhijānāmi antaraghare bhuñjitā… nābhijānāmi mātugāmassa anubyañjanaso nimittaṃ gahetā… nābhijānāmi mātugāmassa dhammaṃ desitā antamaso catuppadampi gāthaṃ… nābhijānāmi bhikkhunupassayaṃ upasaṅkamitā… nābhijānāmi bhikkhuniyā dhammaṃ desitā… nābhijānāmi sikkhamānāya dhammaṃ desitā… nābhijānāmi sāmaṇeriyā dhammaṃ desitā… nābhijānāmi pabbājetā… nābhijānāmi upasampādetā… nābhijānāmi nissayaṃ dātā… nābhijānāmi sāmaṇeraṃ upaṭṭhāpetā… nābhijānāmi jantāghare nhāyitā… nābhijānāmi cuṇṇena nhāyitā… nābhijānāmi sabrahmacārīgattaparikamme vicāritā … nābhijānāmi ābādhaṃ uppannapubbaṃ, antamaso gaddūhanamattampi… nābhijānāmi bhesajjaṃ upaharitā, antamaso haritakikhaṇḍampi… nābhijānāmi apassenakaṃ apassayitā… nābhijānāmi seyyaṃ kappetā. Yaṃpāyasmā…pe… dhārema.
10朋友，我出家八十年来，不记得曾在村边住处入雨安居。具寿拔古喇八十年间不记得在村边住处入雨安居这件事，我们也视作具寿拔古喇的稀有、未曾有法。
‘‘Asīti me, āvuso, vassāni pabbajitassa nābhijānāmi gāmantasenāsane vassaṃ upagantā . Yaṃpāyasmā bākulo asītiyā vassehi nābhijānāti gāmantasenāsane vassaṃ upagantā, idampi mayaṃ āyasmato bākulassa acchariyaṃ abbhutadhammaṃ dhārema.
11朋友，我作为尚有烦恼者，仅七日受用信施；至第八日，究竟智便生起。具寿拔古喇作为尚有烦恼者，仅七日受用信施，第八日究竟智生起这件事，我们也视作具寿拔古喇的稀有、未曾有法。
‘‘Sattāhameva kho ahaṃ, āvuso, saraṇo raṭṭhapiṇḍaṃ bhuñjiṃ; atha aṭṭhamiyaṃ aññā udapādi. Yaṃpāyasmā bākulo sattāhameva saraṇo raṭṭhapiṇḍaṃ bhuñji; atha aṭṭhamiyaṃ aññā udapādi idampi mayaṃ āyasmato bākulassa acchariyaṃ abbhutadhammaṃ dhārema.
212“拔古喇尊者，愿我能在这样的法与律中出家，愿我得受具足戒。”
于是，裸行者迦叶便在这样的法与律中获得了出家，也获得了具足戒。
具寿迦叶受具足戒不久，便独居远离，不放逸，精勤、热忱，意志坚定而住。
不久，他就在现法中，以胜智亲自证悟、具足而安住于无上的梵行究竟——也就是善男子们正确地从家出家、趋向无家所追求的目标。
他彻知：“生已尽，梵行已立，应作已作，不受后有。”
具寿迦叶便成为了一位阿拉汉。
‘‘Labheyyāhaṃ, āvuso bākula, imasmiṃ dhammavinaye pabbajjaṃ, labheyyaṃ upasampada’’nti. Alattha kho acelakassapo imasmiṃ dhammavinaye pabbajjaṃ, alattha upasampadaṃ. Acirūpasampanno panāyasmā kassapo eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti abbhaññāsi. Aññataro kho panāyasmā kassapo arahataṃ ahosi.
13过了一段时间，具寿拔古喇持着钥匙，从一间住处走到另一间住处，这样说道：“诸具寿，请来，诸具寿，请来！今日我将入般涅槃。” “具寿拔古喇持着钥匙，从一间住处走到另一间住处，说‘诸具寿，请来，诸具寿，请来！今日我将入般涅槃’──此事我们也忆持为具寿拔古喇的稀有、未曾有法。”
Atha kho āyasmā bākulo aparena samayena avāpuraṇaṃ ādāya vihārena vihāraṃ upasaṅkamitvā evamāha – ‘‘abhikkamathāyasmanto, abhikkamathāyasmanto. Ajja me parinibbānaṃ bhavissatī’’ti. ‘‘Yaṃpāyasmā bākulo avāpuraṇaṃ ādāya vihārena vihāraṃ upasaṅkamitvā evamāha – ‘abhikkamathāyasmanto, abhikkamathāyasmanto; ajja me parinibbānaṃ bhavissatī’ti, idampi mayaṃ āyasmato bākulassa acchariyaṃ abbhutadhammaṃ dhārema’’.
14具寿拔古喇于比丘僧团中央安坐，即入般涅槃。“具寿拔古喇于比丘僧团中央安坐而入般涅槃”──此事我们也忆持为具寿拔古喇的稀有、未曾有法。
Āyasmā bākulo majjhe bhikkhusaṅghassa nisinnakova parinibbāyi. ‘‘Yaṃpāyasmā bākulo majjhe bhikkhusaṅghassa nisinnakova parinibbāyi, idampi mayaṃ āyasmato bākulassa acchariyaṃ abbhutadhammaṃ dhāremā’’ti.
15拔古喇经第四终
Bākulasuttaṃ niṭṭhitaṃ catutthaṃ.